يا فرحتي,, امي تبي تتزوج

[كتكووته^^مكتكته]

مساكم الله بالخير

اخواني اعضاء منتدى كويـــــــ777ـت الكرام




العنوان غريب شوي

بس امر مشروع


الله يديم الود انشاءالله يارب

ولكن افرض حصل فراق,, وفاة احد الوالدين لا قدر الله

ومثلكم عارف احتياج المرأه للرجل واحتياج الرجل للمراه

والزواج نصف الدين ويقي الانسان من محرمات كثيره فهو غض للنظر من الحرام وحصن للفرج من الشهوات,,



هل ممكن ان تقف عائقا امام رغبه احد والديك بالزواج من اخر / ى

ما هي رده فعلك وانت بهالعمر عندما تفاجأ بأن لاحد والديك الرغبه بالارتباط ؟


الموضوع شرعا حلال

ولكن في مجتمعنا كثير من الامور التي نرفض حتى ان نفكر فيها او نتصورها

امي تتزوج؟؟ مستحيل

عرس ابوي باجر؟؟

ماصدق,,

ليش لا وشنو المانع؟؟




لاتنسون





النقاش هدفنا

[الكل بالكل]

كتكوته يا بنت اختي الغاليه


انا بصراحه ارفض هالفكره من حيث المبدأ

ولكنها مثل ماذكرتي شرعا حلال


الاسباب بسيطه

وقد تكون مشتركه بيني وبين اي شخص
ارفض وجود رجل مكان ابي
او امراه مكان امي

قد تكون انانيه الفرد

التي تحب الامتلاك

وتريد الشي له وحده ولا تريد ان يشاركه به احد


انا شخصيا وبعد هالعمر

لو يخطب احد مجرد خطبه
يخطب امي يمكن اين او استخف
واعتبر هالامر جريمه تستحق العقاب
رغم انه دخل من الباب وخطب


مادري اظن هذا تفكير الاغلبيه اليوم

وطبعا ماراح اوافق وراح اكون اول المعارضين

قد تعتبرينه جنون او انانيه

ولكني ارفض دخول غريب بيتنا وان اصبح زوج امي او زوجه ابي

[فيرووووس بنـ؟ـات]

تحيااااااااااااااااااااتي كتكوته

يسلمو على الموضوع ويعطيج العافيه

انا بالنسبه لي موافق مع الطرفين << لان بالاخير هذا شرع الله..وماراح اكون عائق لاي شخص منهم لانهم ربوني ولانهم يعرفون مصلحتهم خاصه للوالد

فبكون معاه فاي فرصه للزواج .. ان كان يبي يتزوج على امي او بعد طلاقهما او بعد وفاه الوالده << لاقدر الله << بس المهم بيتزوج منو؟؟

وهل هي تناسبه ولا لا .. شنو اسباب الزواج يعني بحاول اكون القريب البعيد وبحاول استكشف هالعايله .. اما من ناحيه الوالدة << فهذا هم حقها

بس بتكون لي معاها كلمه << لو لي اخوان بحاول اتفهم شنو الوضع اللي بيكونون عليه بعد هالزواج .. وبتعرف وبتقرب لهذا الرجل اللي يناسبنا عن طريق امي << ياقردي انا

وانشالله اللي كاتبه ربنا بيصير ان وافقت ام رفضت

تشكرااااااااااااات

[كــويــت]

هااي شبااب

والله ياكتكوته رااح احتار حييل شنو اسوي

يعني رااح ارووح مستشفى النفسي عشان امي وابوي

والله يعين الي رااح يصيرله هذا الموقف الي اي شئ

ومشكووره على الموضوع

والله لا يحرمنا من يديدج

جــــــــأأأأأو

[msn]

بصراحه ما اوافق لا على زواج الوالده ولا على الوالد



واكثر شي زواج الوالد لان زواج الوالده شي اشبه من المستحيل في مجتمعنا طبعا الكبار مو الصغار


وزواج الوالد هذا راح اكون حاجز بينه وبين الزواج لان في مسائل كثيره تدور فيه


ورث وغيره وغيره لازم تكون لها حدود ،،


وشاكرلكم

[كتكووته^^مكتكته]

الكل بالكل


واضح انج رافضه هالفكره

رغم انها شرع الله وحلال وحق من حقوق الوالدين بحال لا قدر الله وفاه احدهما او انفصال كلاهما

ولكن

هل هذا الرفض من حقنا عليهم او القبول احد حقوقهم علينا

انا اشوف الامر بسيط

تقدير رغبتهم

حتى ان كان يصعب علينا تقبل الامر

[كتكووته^^مكتكته]

فيروس


تطرقت لنقطه مهمه جدا

وهي مدى توافق وتكافؤ الزوج او الزوجه اللذان على وشك ان يصبحا مكان احد الوالدين

على فرض انهم غير متناسبين

لا تكافؤ فكري او ثقافي
لا تقارب بالاعمار

العروس داشه على طمع

او المعرس اصغر من الوالده بوايد


هل تستطيع ان ترفض؟؟

[كتكووته^^مكتكته]

كويت


بدايه اشكرلك حضورك


الموضوع مو محتاج دخولك المستشفى

واضح انك مو متقبل حتى الفكره

رغم انها من احد حقوق الوالدين وشرع الله سبحانه وتعالى

لاسيما اذا كانت الام شابه وتخشى الفتنه

او كان الاولاد صغار والاب يحتاج من يساعده بتربيتهم


على اي حال
اقدر وجهة نظرك واعتز فيها

[الجوووري]

مشكوره اختي كتكوته على الموضوع الجاد ولي يحير بس بصراااااااااااحه انا ما ارضى اي احد ياخذ مني اعز اثنين بحياتي الا المووووووووووت الله لا يقوله؟؟؟؟؟

[كتكووته^^مكتكته]

Msn


الرفض او القبول مو حل للموضوع

المهم التناقش وابداء اسباب الرفض او اسباب القبول

تطرقت لموضوع الارث

وهالامر محلول بالشرع والقرأن الكريم
نصيب الزوجه
ونصيب الذكر
ونصيب الاناث


مافي نقاش او ++ مكاسر ++


على اي حال


واضح انك رافض للفكره

شاكرتلك طلتك

[بـو حبيب]

اختي الفاضلة

كتكوتة مكتكتة

طبعا ولا احد من العيال يرضى بالهشي

وانا عن نفسي ما ارضا بتاتا

بس يمكن بامر واحد اذا كان عمر الوالدة بال 30 او 40 اي راضين

بس اذا ب 50 او 55 طبعا ما نرضى واحنا عيالها وموجودين ونحطها بعيونا

اما بالنسبة للوالد هم اعارض وبشده لان من المستحيل اي وحده تاخذ مكان الوالده

بشكل عام ارفض وبشده اي زواج من الاثنين

دمتي بود

[كتكووته^^مكتكته]

بنت عروس الخليج


الشر بره وبعيد


شاكرتلج حضورج ورايج


لكن اذا عزم احد الوالدين على هالامر

مااظن ان في احد يقدر يمنعهم

[كتكووته^^مكتكته]

بو حبيب


فعلا
اذا كانت الام شابه


مو من حق احد ان يمنعها من الزوج

الاب ايضا

ولكن ماتظن انهم ورغم وجودكم
بعد هالعمر يبون شريك خاص؟؟


لا سيما ان معظم الابناء راح يتزوجون ويتركونهم

[بـو حبيب]

بو حبيب


فعلا
اذا كانت الام شابه


مو من حق احد ان يمنعها من الزوج

الاب ايضا

ولكن ماتظن انهم ورغم وجودكم
بعد هالعمر يبون شريك خاص؟؟


لا سيما ان معظم الابناء راح يتزوجون ويتركونهم

صحيح كلامج

انهم يبون شريك خاص هذا شي طبيعي عند الانسان

وعلى طاري العيال اللي يتزوجون ويتركونهم بالنسبة لي ما عتقد لان اخواني 3 متزوجين ومو مقصرين مع الوالده شايلنها على راسهم وحاطينها بعيونهم وكذلك الوالد

بس شوفي قد يكون الزوج اللي بتاخذه شري وما يهتم لنا هذا اهني يسبب مشاكل اما اذا العكس فاهلا وسهلا

وكذلك بالنسبة للاب ان كانت الزوجة شرية وما تهتم لنا وكله صراخ طبعا ما نرضى اما العكس فهالا وسهلا

طبعا كلامي هذا للام الشابة


اما الام اللي بعمر 55 او 50 ما نرضى واحنا عيالها ونقوم بالواجب

دمتي بود

[كتكووته^^مكتكته]

بو حبيب

الله يديم الود

ويديمكم ذخر لاهلكم وسند بوقت الكبر يارب


واضح رفضك


وهذا رايك


اعتز بمرورك الثاني ويشرفني حضورك

لا خلا ولا عدم