إعـــــــلان

**BiShOw** · 04-13-2006, 01:08 PM

قلبوش اللي تتكلم عنهم هذول اصحاب نفوس مريضه اللي شقه و مادري شنو اما الخدم اللي عندنا بالبيت و حق اليهال و هالسوالف هذول قاعدين ياخذون اجر على شغلهم يعني مثل ما انت تروح الدوام اهمه عندهم دوام و بعدين قاعدين يزيدونهم بونص و قبل ما تسافر يودونها تشتري اغراض و مادري شنو حق اهلها و و لو الخادمه مو راضيه تقدر تقول حق راعي او راعية البيت يردونها و ييبون غيرها في حال كانوا محتاجين الخادمه و بالوقت الحالي طلعت عندنا البنود اللي يتم التوقيع عليها بالسفاره او شغله جذي عشان الخدم لا ينظلمون و شخصيا ما اعتبرها تجارة رقيق لانها قاعده ترجع حق اهلها و احنا ما نجبرها انها تغير ديانتها او شي جذي و حتى لو تخلصنا من الخدم كل ام عامله راح تحتاج بيبي ستر عشان يقعد ويه اليهال الصبح خاصه اللي بعدهم ما راحوا حضانه او روضه ^_^

**المتكتك** · 04-13-2006, 01:39 PM

مشكورة بيشو على المرور
وانا عارف هالشي انا اتكلم عن اللي قاعد يصير بمكتب الخدم

واي شخص يبي خدامة حق متعته الشخصية للاسف يروح لبعض مكاتب الخدم ويحصل اللي يبيه
وشكرا واحنا نبي حل للمشكلة هذي

وشكرا لمرورج

**كتكووته^^مكتكته** · 04-13-2006, 07:00 PM

اخي المتكتك

بدايه اشكرلك هذا النقاش الجريء

عزيزي

الخدم لا حول لو ولا قوة

وان كنت بداخلي اكره هذه الفئه الضعيفه وارفض وجودهم

لكن للضروره احكام

طبعا نحن من جعل منهم ضروره

بالسابق كانت الحياه شاقه

لا كهربا ولا اعمال ولا ابسط وسائل التنقل

ومع ذلك كان كل فرد يعتمد على نفسه

اليوم

كهربا ووسائل مواصلات والكترونيا وكل شي متوفر
ونعجز عن خدمه انفسنا ونلجأ للخدم

طبعا مضارهم اكثر من فائدتهم

فهم يزرعون في ابنائنا قيم دخيله على مجتمعنا

عوضا عن الامراض التي يجلبونها لنا من ديارهم المشهوره بالامراض المعديه

لن اخرج كثيرا عن صلب الموضوع

تحدثت عن استعبادهم بديارنا

وانا اوافقك الراي بأن هالامر موجود

رسولنا الحبيب قال
اعطو الاجير اجره قبل ان يجف عرقه

وكان يعني اعمالهم المنزليه وخدمتهم الشريفه لنا

ليس الخدمات المنافيه للدين والقيم

فقد انتهى زمن الجواري والسادات

متى استعبدتم الناس وقد ولدتهم امهاتهم احرار

وان كان الامر يحدث في بعض مكاتب الخدم
فهو يحدث من النفوس الضعيفه وسببه البشر ليست القوانين ولا الحكومات

وتأكد ان الحكومه تحارب الفساد وتنبذه

فكل يوم نسمع مداهمات لاوكار دعاره يديرها العماله الاسيويه

المتعه الحرام لن تجلب لصاحبها الا غضب الله وسخطه
ناهيك عن الامراض التي لا شفاءلها

وكل يحاسب بعمله

خيرا بخير

وشرا بشر

**عاشقــ تويتي ـة** · 04-14-2006, 02:14 PM

السلام عليكم

::

:

.+. المتكتك .+.

:

::

موضوع شوي أحسه مفبرك أقوولك ليش ؟؟
.......

بدون ان تظهر أدلة مؤكدة، يستحيل عليّ ان أصدق بوجود

اتجار بالبشر، لأنه اذا غاب الوازع الأخلاقي، فإن المصلحة من

الاستعباد صارت منتفية في زمن الاتجار بالخدم المسموح به نظاما،

أعني استقدام العمالة الرخيصة جدا. ورخص العمالة وحده يجعلني

استبعد تماما رواية الاتجار غير المشروع، إلا ربما في حالات فردية

شاذة. فمن الذي سيشتري العمالة، في حين ان استئجار اليد العاملة من

الرخص إلى هذه درجة ...

.......

وهذا رأييي

(( ولاختلاف بالراي لا يفسد للود قضية ))

**كــويــت** · 04-14-2006, 05:10 PM

الـ///ـلام عليكم ورحمت الله وبركاته

أخوي انا والله راايي من راااي كتكوته

وان شاء الله ماتزعل من ردي ..........

والله لا يحرمنا من يديدك

تسلم حبيبي :)

**المتكتك** · 04-16-2006, 02:15 PM

يعطيج العافية كتكوتة على المرور

ولازم يكون فيه رقابة على مكاتب الخدم

وصالات البلياردو اللي انتشرت بطريقة فظيعة بالكويت من غير متابعة ولا رقابة عليها

**المتكتك** · 04-16-2006, 02:19 PM

اختي عاشقة

انتي مافهمتي شنو اعني بموضوعي

انا اعني تجارة الرقيق

وهي تجارة الدعارة

فهمتي شنو قصدي

انا موضد مكاتب الخدم

ولا ضد التجارة اللي يقومون فيها

انا ضد اللي قاعد يصير ببعض مكاتب الخدم

اللي قاعدين يبيعون اجساد الخادمات للمتعة الحرام

فهمتي شنو قصدي

وانا مو مفبرك القصة ولا شي

وابسط دليل صالات البلياردو اللي انتشرت بالكويت

وغالبية العمالة اللي فيها من الاسيويات

والبلاوي اللي قاعدة تصير هناك من عمليات بيع وشراء لاجساد تلك الاسيويات

وشكرا لمرورج

**المتكتك** · 04-16-2006, 02:20 PM

حياك الله
والزعل ممنوع
طال عمرك
وشكرا لمرورك

إعـــــــلان

تجارة الرقيق بالكويت !!!!!!!!!!!!!!!!!!

تجارة الرقيق بالكويت !!!!!!!!!!!!!!!!!!

تعليق

تعليق

تعليق

تعليق

تعليق

تعليق

تعليق

تعليق