هل تتزوج ارمله اخوك.. هل تتزوجين ارمل اختك؟؟

[كتكووته^^مكتكته]

مرحبا








اخواني اعضاء المنتدى الكرام

اليوم طرى على بالي موضوع يمكن غريب شوي


الزواج سنه الحياه

وكلنا نعرف احتياج المراه للرجل مثل احتياج الرجل للمرأه

احيانا تكون الظروف اقوى من هالاحتياج


لا سمح الله في حال وفاه احد الزوجين وقد ترك ابناءا صغارا


عزيزي العضو,,

هل تتزوج ارمله اخوك وتلم عيال اخوك بدال لايربيهم غريب ؟؟




عزيزتي العضوة ,,


ان تقدم لك زوج شقيقتك بعد وفاتها لا سمح الله هل تقبلين به احسن مايتزوج غريبه تعذب ابناء شقيقتك وتكون زوجه الاب القاسيه؟؟



انا لو شنو يصير مااسويها


رغم ان الاولين كانو يسوونها,, وبعضهم مجرد ماتطلع مرت اخوه من العده يتزوجها على طول
وطبعا هالزواج مما لاشك فيه لا هو مخالف للشريعه ولا العادات والتقاليد
ولكن قد ترفضه النفس بحكم ان صعبه احل مكان اختي واحتراما لروحها




بانتظار ردودكم بس اهم شي لاتنسون












|؛¤ّ,¸¸,ّ¤؛|النقاش هدفنا|؛¤ّ,¸¸,ّ¤؛|

[عاشقــ تويتي ـة]

السـلآم عليــكم


::

:

هلا والله كتكيتو

:

::

والله ما أدري من وين تطلع لج هالمواضيع

القـــوووية ...ماشالله عليج بعد لا تحووشج عين

تعااالي أبخــرج عن العيــن :)

عودن أداهر

::

:


وهذه العاده موجوده فى بعض البلاد وفى بعض العائلات أو القبائل

وهذا الموضوع تتحكم فيه بعض العوامل مثل أبناء المتوفى والميراث وما شابه ذلك

لذلك يحدث أن يتزوج الأخ من زوجة أخيه المتوفى أو تتزوج الأخت من زوج أختها المتوفاه

وليس فى ذلك غضاضه أو خطأ طالما الطرفان يوافقان على ذلك


أردت أن أدلى بدلوى فى هذا الموضوع

:

::


وطبعـــا حيل قرار صعب يعني إذا إنتي متي بعد عمرٍ طويل :p ترضين اني آخذ ريلج

شووفــي يعني الإسلام حلل هالشــيء

بس طبعــا ضميري ما يسمحلي أســوي هالحركــة

بس بستأذن منه إني آربي عيال أختي ,, وعــاد كيفه إذا كان يبي يتزوج يتزوج

بس أهم شي عيال أختي يكونون تحت رعيــايتنا

::

:

وعــســآج ع القــوووة كتاكيتوو

حيااتي .. انتي .. وربي .. متميزة


:)

[كتكووته^^مكتكته]

عاشقه


اشوه طمنتيني

مو تاخذين زوجي

اطلعلج من القبر

:)


عزيزتي نرجع للجد


فعلا موقف صعب

يعني لو تقدملي زوجج بعد عمر طويل :؛

اكيد بسوي نفسج

لان فعلا صعبه علي


والتميز يالغلا بحضورج وتشكرين عالاطراء الحلو

[HoNeY RoSe]

موضوع حده خطير .. احنى الحين عندنا في اهلنا مشكله جدي


بس انه لو ماتت اختي سملة عليها ... ما اخذ ريلها ..

ااذ عنده عيال ناخذهم احنى اربيهم .. واذا رفض اعطائنا الجهال .. يبيهم بشرط اول مايتزوج ايون لنا ..


واذا انه مت بعد مابخلي اختي تتزوج ريلي..

بطلع لها بكل مكان بخليي ضميرها يأنبها .. معنى اهي مستخيل تسويها


مشكوره كتكوته ع المواضيع الي تحفرين الارض وطلعيهم

[كــويــت]

مشكوور يالغلا على الموضوع الروعه الي أكثر من رائع

اااااااااااا مادري شقولج .... انا نونو ماعرف عن الزواج شئ

وووو وسامحيني اذا ردي ماعجبج بس هاذي الحقيقه ماعرف شئ عن الزواج

على العموم مشكوور على الموضوع

تسلم أيدج :)

[AWRAD]

الله يعطيج العافيه كتكوتي على هالمواضيع

وانا دايما اذا قعدت بيني وبين نفسي .. افكر بأمور غريبه .. وهالسؤال اللي سألتيه كان يطري على بالي وما اجاوب عليه .. بس الحين لقيت له اجابه
-----------


ان تقدم لك زوج شقيقتك بعد وفاتها لا سمح الله هل تقبلين به احسن مايتزوج غريبه تعذب ابناء شقيقتك وتكون زوجه الاب القاسيه؟؟


الله يطول بعمر اختي انشالله .. بس هالشي مستحيل اقبل فيه .. احتراما لاختي وعيالها
لكني طبعا راح اعتني بعيالها الى اقصى الحدود .. واعتبرهم مثل عيالي وما راح ارضى عليهم

[ŋαŋ]

ان تقدم لك زوج شقيقتك بعد وفاتها لا سمح الله هل تقبلين به احسن مايتزوج غريبه تعذب ابناء شقيقتك وتكون زوجه الاب القاسيه؟؟

لا ما رآح أوافق على الزواج منه يعني أكرام لأختي و روحها
بس مثل ما قالت تويتيــه أطلب منه أني أربي العيال
ويكونون تحت رعايتي على الأقل لما يكبرون و يعرفون كل شيء بهالدنيا
والله يخلي لخواتي ولا يحرمني منهم ولا ينحرمون مني يارب
وكل وحده تفرح بالثانيه



:+: حبيبة الكل :+:

مشكوره غلاي ع الموضوع الحلووؤ

ربي يعطيــج العافيه

لا تحرمينا يديدج ..××

[سعودي رايق]

كتكوته مكتكته

..

انتي صاحبة مواضيع مثيرة نرفع لها القبعة احتراماً

.

الحقيقة انا احترم واقدر من يفعل هذا لانه من باب التكافل الاجتماعي

اما انا لو صارت ممكن اسويها

... مشكورة ياسكرة على طرحك وامتعينا زيادة ترى النفس مشتاقة

[السندريلا]

طبعا مما لا شك فيه ان الشرع حلل هالشي


ولكن في خوات يرضون وفي لا


اما عن نفسي لو بنحط بهالموقف


بعد عمر طويل لج ولعويشق

ما راح اتجرا واسويها لان مستحيل يجمعني بيت فيه شخص كان على علاقه باختي احتراما لكم
ولكن مثل ما قالت اختي عاشقه ان بس استاذن منه ان اربي عيال اختي عشان ما يطيحون بيد وحده تظلمهم


كل الشكر لج كتكوتي ع الموضوع

[كتكووته^^مكتكته]

امرأه


مشاعر جميله تكنيها لاختك

الله يطول بعمرها انشاءالله

تسلمين عالحضور

[كتكووته^^مكتكته]

كويت

تمنيت منك مشاركه فعاله

لكن دامك ماتعرف شي عن الزواج

عذرك معك


منور

[كتكووته^^مكتكته]

ورودتي

الله لايب ذاك اليوم غلاتي

والله يديم اختج ذخر لعيالها ولكم

ويطول بعمرها

منورتني

[كتكووته^^مكتكته]

عيون حبيبة الكل

ريومتي

تسلمين غلاتي عالحضور


والله يديمج ويديم اختج ويطول بعمرها يارب

[كتكووته^^مكتكته]

رايق


يا هلا فيك اخوي


تمنيت اسمع هالاجابه

ولو لو اني بمكانك مابسويها

بس هي فعلا تدل على حفظ وتحقيق الامان لابناء الاخ

الله يطول بعمر اخوك

[كتكووته^^مكتكته]

جوري

اي مو تاخذين زوجي

:)


تسلمين يالغلا عالحضور

والله لايفرق بينا يارب