معاانااات فتاااة ....!!!!

[*عاشقه الورد*]

[align=center][frame="9 80"]هاااااااااااااااااااااااااااااي هذي اول مشاركاتي في هذا المنتدى وانشالله يعجبكم ويكون عند حسن ظنكم :)

بسم الله الرحمن الرحيم




كنت افتر بالمنتديات ولقيت هالموضوع وحبيت انقله حق الشباب خصوصا بس عشان يعرفون شكثر نعاني (((ياربي شكثر اعاني))) :mad:











الريال لما يسافر بروحه ... هو !! ريال بعد ما يحتاج محرم ..

( وطايحله خرابيط )



وإذا سوا علاقات ..... هو!! ريال شايل عيبه .. ما رده بمل..


اذا قعد بالدوانيه مدة طويله .... خو شنو بعد!! قاعد يلعب جنجفه ومع الربع ريال عادي ..


يروح يتزوج أربع .. هو!! ريال والشرع حلل اربع ..


متقاعد وما يهيع بالبيت ...هو !! بعد ريال وبيطلع شنو نحكره..


ما كمل دراسته .. عادي شنو اهوه ريال ..!!

طول لسانه على امه .... حتى الام ما تعرف ترد عليه .. بعد شسوي ريال ويفتهم ..!!


يروح بره وياخذ امريكيه .. والكشره من هني لي اهني ... ولدنا خذا امريكيه ) بعد ريال ..


شرا سيايير وكسرهم .. يلا فدوه .. بعد ريال ..

يسافر بره علشان يكمل ويصرفون عليه دراسته يروح يلعب ويرد ماكو شهاده ... يلا ريال ..


يقطون عليه اشتراك نادي وما يداوم ... عادي ريال !!


يحطله شو تايم بداره بس انتي لاء حتى لو أصغر منج... عادي !! ريــــــــــال ..

لا يرفض له طلب ... ليش !! بعد .. ريــــــــــال ..

يلا نشتريله سيكل ... يلا بعد صار ريـــال ..


يروح يدرس بره بالمكان اللي يبيه .... ريال وما ينخاف عليه !!


بقي والا بانشي ... أفا عليك بس رياال..!!


لما ولدهم يسوي مشكلة مع بنات الناس ..... بنت الذين قصت على ولدنا .. !! وإلا ولدنا اصلا ريــــال والنعم ..

الولد من اول ما يبلغ... أثنين يسويهم ... يشرب زقاير ويتعلم الحجي الوصخ ..... ليما يكبر مع الرياييل بالدوانية و...يستمر ...يستمر ... هو !! .بعد سوالف رياييل .

عادي ما لقا شي بالكبت .. خمط دشداشه وطلع ....!!


انا مشغول روحي انتي ييبي الياهال ...!! بعد مسكين رب الاسره...




بعز الشمس ... انتي قطي الياهال ... تعبان وراد من الدوام ..!! جنا اهيه مو راده من الدوام نفسه ...!! هذا والرجال قوامون على النساء !!

***



أما المرأه يا عيني عينج .. L

يما ابي اطلع اروح كافي ....

انثبري يلا ماكو سالفه .... !!


ابي اشترك بنادي .....

حق الخرابيط انتي تلحلحي سويلج شغله بالبيت ....!!

تسافرين بعد هذا اللي ناقص .... لازم محرم !!

لا وفي فتوه يديده ما تدخلين النت ... الالا بوجود محرم....!!

شنو بديكير منيكير ... شهالخرابيط ..!! طول عمرنا نسويهم بالبيت ...


كلا تبين هدوم ... هدوم ... وكلا ما عندي .. انجلعي زين !!


شنوووو ... طالعه على البحر اليوم !! ....
حشى رايحه ديسكو مو رايحه البحر ... جنه الوحده مسويه شي محرم ..!!


تقفل الدار .... انتي اشعندج كل ساعه قافله الدار .....!!

بعد شنو الواحد ما عنده خصوصيه ... يعني ما اقفل الدر



شنو تبين سياره باب واحد ... سبورت ... لا ماكو .. انتي بنيه تسوقين جذي ..!! حتى بالسيايير ...!!



ابي اشترك دوره .... من 5 لي 8 .....

شنو !!! وانشاء الله متى تردين البيت على 9 ولا 10 !! ..... يلا مـــــــــاكو


شنو هالخرابيط اللي شاريتها .... أي أي فسفسي الفلوس !! ...

أي معاشي وكيفي ..... والله حاله !!



المرأه تدرس .. تشتغل .. تحمل.. تولد.. تربي وتدرس العيال وتودي وتييب ..!! وفوق هذا يقولون الشرع يقول المرأه ناقصه عقل ودين ... ويفسرون القرآن على كيفهم ...



المرأه تبي تتمشى بالسيارة على راحتها ..... ما تقدر ..!! ( اييها موكب يغثها في عيشتا ليما ترد البيت)

تبي تروح تسوي رياضة بالممشى .... هم ما تقدر !! ( وراك وراك وراك منين ما تروح وراك ....!! شهالبلشه !! )


تبي تقعد تتامل البحر لما يكون ضايق خلقها .. هم ما تقدر !! ( إلا يايتها شلت عقد .... يا حلوه .. تعالي تعالي !! ..... قطع)

نبي نحتفل بالعيد الوطني ... نبي تستانس .. هم ما نقدر .. لانه المطافيق وايد !!

لا ولو تقولين للشرطي شوفهم يقولج شمطلعج !!! ...... شنو مو اوادم !!







وهذي حالتنا بس ما اقول الا ااااااااااااااااااااااخ :mad:

بس نقول الحمدالله الوقت اختلف والناس تغيرت وخذت المراه حقوقها والكل صار مسؤل عن تصرفاااته


وسامحوني على القصور :D




والسلام خير ختام




بغيت اكتب لكم بالالوان بس ما صار انشالله مره ثانيه :D[/frame][/align]

[BIG^BOSS]

السلام عليكم ورحمه الله وبركاته


هلا والله عاشقه الورد بدايه موفقه بطرح المواضيع الطيبه ومشكوره يالغاليه على الموضوع الطيب وخوش موضوع الصراحه ونشالله المره الثانيه تكتبين بالوان :) وعساج عالقوه يالغاليه .

[*عاشقه الورد*]

bigg^bodss




مشكووووووووووووووور على مرورك يا قلبي واتمنى ان الموضوع اعجبك

[كتكووته^^مكتكته]

اختي عاشقه الورد

يا هلا فيج وبدايه موفقه انشاءالله
مشكلتنا انا نرتب الدين على كيفنا وعلى حسب مايتناسب مع اهوائنا ومزاجنا
واللي يتعارض نتغاضى عنه او نقول ان لا موجذي ,,

الشرع حلل اربع صحيح ,,
ولكن قال ان يكون العدل اساس هالزواج,,

واليوم ماعدل مع الاولى عشان يعدل مع الثانيه ,,


ما فرق الدين بين الرجل والمراه بأمر ولكن المجتمع فرق ,,

الدين جعل طلب العلم فريضه على كل مسلم ومسلمه

وجعل تعمير الارض فريضه عليهما

وجعل طاعه الله شرط لرحمته ورضاه

يعني ان غلط الرجل واخطأ عند رب العالمين مو ريال وشايل عيبه

لا
مخطأ ومذنب ويستحق العقاب

ووقتها ماتفيده نظره المجتمع ولا شفاعتهم له ,,

[*عاشقه الورد*]

اختي كتكوته مكتكته


اول شي مشكوووووره يالغاليه على مرورج


وكلامج عين العدل وهذا اللي كنت بوصله من الكلام اللي كتبته لكم ان الرجل والمراه سواسيه في المجتمع سواء من حقوق وواجبات وهذا طبعا مع اللي يوافق كلام الله (سبحانه) مو على حسب جنسه ريال ولا مره


وعلى قولتج حزه الحساب ما يفيده لا المجتمع ولا نظرتهم






وانشالله اكون وفيت وكفيت بموضوعي هذا

[سعودي رايق]

الاخت الغالية عاشقة الفلورز

بصراحه من كلامك كأنك تبين تسوين سواتنا

بس شكله مكتوم على نفسك

ودي اقول كلمة ترى مو كل الشباب كذا هؤلاء قلة من الشباب

... لاتزعلين وثااااانكس على موضوعك

[*عاشقه الورد*]

ههههههههههههههههههههههههههههههههههههه


اخوي سعودي رايق

لا ما نبي نسوي مثلكم بس نبي شي بسيط من حقنا مع هذا مهما يصير في ديموقراطيه ومهما تكون هناك في حريه شخصيه بس كل شي له حدود مو معناته ان احنا نتعدى على عاداتنا وتقاليدنا


ومثل ما قلت انا اول شي اني ناقله الموضوع وانا معاك بان مو كل الشباب قله ادب بس الصراحه هذا اللي قاعد يصير ونشوفه




وعلى العموم انا احترم وجه نظرك ومشكووووووووووووووووور على مرورك يالغالي

[احلى من الحلى]

لووول والله كلامج كل من الواقع

[كــويــت]

أولا : بدايه موفقه ان شاء الله

وبنسبه للموضوع موضوع رائع وجميل

والله لا يحرمنا من يديدج

تسلمين :)

[*عاشقه الورد*]

خخخخخخخخخخخخخخخخخخخخخخخخخخخخخخخ



اي والله اختي احلى من الحلى من الواقع بس محد يعترف بهالشي


مشكووووووووووووووووووووووووووووووووووره يالغاليه على مرورج

[*عاشقه الورد*]

يسلموووووووووووووووووووووووو اخوي كويت على مرورك


وانشالله يكون هالموضوع بدايه خير لمواضيع يديده تعجبكم

[بـو حبيب]

الفاضلة

عاشقة الورد

موضوع جيد جدا والاخت كتكوتة كفت ووفت في الرد

وبعدين ليش الحسد حاسدينا على كل شي :) وبعدين في وايد من الاشياء اللي ذكرتيها المفروض الريال ما يسويها يعني على سبيل المثال ذكرتي ان في توصيل اليهال او ردتهم روحي انا مالي خلق ليش لانه ريال لا هذي مافيها ريال ولا لا اهني بهالنقطة اقولج الزواج مسؤولية مشتركة

وعلى السهر تالي الليل ( من العادات والتقاليد ) ان البنت ما تسهر وشنو البنت تسهر تالي الليل

وفي مثال يعني عادي البنت تروح قهاوي وتشيش وتلعب كوت بوستة ( هذي ما فيها انوثة كلش ) طبعا لا

في اشياء تخصصت للرجل وما تخصصت للمرأة والعكس صحيح

عسى ما سكون ثقلت عليج بالحجي

دمتي بود

[msn]

بصراحه موضوع زين ولكن في سلبيات كثيره



المرأه بكل الي قلتيه ليست مظلومه بعض الشي



والرجل له حق في اغلب الي قلتيه ولكن



ماعتقد انه كان او في زمن مر من الازمان يقول انه في حرب بين المره والرجل





المره قبل عنج الغرب ولغايه الان الكنسيه وغيرها تقول انها الشيطان الاعظم




والاسلام عزهااااااااااااا ورفع قدرها ولكن لايعجبهم العجب ولا الصيام في رجب



وهذا مجتمعنا الخليجي وانتن فيه فلا فائده من خرافات واحلام ورديه لاتتحقق ،،

[Caramel]

السلام عليكم و رحمة الله ز بركاته ..
اختي عاشقة الورد ..
في البدايه شكرا على هذا الموضوع .. موضوع من مجتمعنا .. و وايد من البنات يتكلمون عنه !! وو أولهم ((أنا )).. لووول .. بس مثل ما قلتي المرأه تقريبا خذت حقوقها .. و لازم رغم كل هالشي ما تتساوى مع الرجل و يكون لها حدود.. ما قصرت اختي كتكوته وضحت هالشي .. يعطيج العافيه و إلى مزيد من التقدم انشاء الله ..

[الكل بالكل]

والله يا اختي
مثل ماقالت المشرفه كتكوته


الغلط غلط


الله عاقب الزاني والزانيه بنفس العقوبه وهي الجلد 80 جلده لغير المتزوج
والرجم حتى الموت للمتزوج

ماقال الريال غير والمره غير

بس الناس اهني تفرق على كيفها


بس ربج مايفرق


وخلا العقاب نفس الشي

احنا مانبي نسوي نفس الرياييل لان هذا غلط
بس نبيهم يتعاقبون حالهم حالنا