وتغطي يابنت هذ1 سعودي ...

[فجوره]

السلام عليكم ورحمة الله وبركاته

كالعاده شي بالعين تصدقه أكثر إذا كنت تكذب كلام الناس وهذا هو الواقع نبدأ الجوله

مشاهد وشاهد !!! ( موجهه لك ولكي)

تغطي يابنت هذا سعودي!!

طيب السعودي حرام والأجنبي حلال !!!!!!!

الموضوع صريح ويتحدث عن واقع نعيشه

وهنا بانقل لكم بعض المشــــاهد

المشهد الأول
*******
فتاة تتحدث مع أحد العمال الأجانب وتأخذ راحتها معه بالكلام والنقاش ويدخل سعودي تغطي كأنها ما كانت تكلم رجال مثله مثل اللي دخل وغطي يا بنت سعوي.

المشهد الثاني

*******

إمرأة تخرج للسواق أو العامل في المنزل بملابس عادية لا عبايه ولا اي ستر بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

المشهد الثالث

*******

بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير ولو كان سعودي احد الاطفال رح يطلع له ، وغطي يا بنت سعودي.

المشهد الرابع

*******

مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي ياويلي طلع سعودي.

المشهد الخامس
********

وفق اللموزين بيروحون للسوق وهات ياكلام واخبار والأجنبي مستمع ومنصت حرفاً حرفاً جميع اسرار العوائل لديه مع الأسف ،، ولو اوقفوة وطلع سعودي ياحرام ـ!!!!
لا لا شكراً اخوي مانبي نروح ،، نركب مع سعودي !!!

وغيرها من المشاهد كثيررررررررررررررررر

طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .... مع الاسف يعتبرة من مظاهر التحضر والتقدم ..ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ،، وليس جميعهم لكن !!!!!
.الا من رحم ربي والقليل جدا جدا ،،

قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب

اعذروني اخواني واخواتي هذا الواقع اللي عايشين فيه

المشكله والله ..( هندي + فلبيني + سوري + لبناني+ مصري)عادي مولازم تغطي هذا أجنبي
( سعودي) يؤ يؤ يؤ يؤ مصيبه بكرة بفضحنا !!! سبحان الله


موضوع للنقاش وياليت نشوف شنو الرد

[كتكووته^^مكتكته]

فجورتي,,,,,


اظنج لا تعنين السعودي بعينه

تقصدين نفس الدوله التي تنتمي لها الفتاه
اي ابن الديره



ذكرتيني بسالفه مشابهه حدثت ايام الدراسه بينما كنا نجلس بالكافتيريا


ووحده من الزميلات رافعه نقابها ومر هندي ,,,

وهي ملتزمه *** جدامنا طبعا ****

ولما قلنالها تغطي

قالت عادي هندي ,,,


المسأله مو بالهندي ولا بالكويتي ولا بالسعودي
المسأله بالبنت ومنو بنظرها محرم ومحلل ,,,

اعرف الكثير الكثير الكثير من الفتيات لا ترتدي الحجاب امام ابن عمها او ابن خالها وغيره

وهذا اكبر غلط واكبر حرام

بس منو اللي يفهم


مشكله البعض
وليس الكل
انهم يقسمون الدين على مزاجهم
فالدين عندها
انها تتغطى جدام السعودي كما وضعتي مثالا او الكويتي او غيره

والباجي

عادي

لا مو عادي ..
وقد تكون العقوبه اكبر عند الله عز وجل

ولكن ما نقول الا


ان

نطلب الهدايه للجميع

[فجوره]

صحيح كلامج اختي

ومشكوره علي مرورج

[©خلودي©النشبـة©]

[align=center]ماقدر ازيد شي على كلام كتكوته

لانها " كفت " و " وفت " .. وكلامها عين العقل

ومشكوره يا فجوره

سي يو

..[/align]

[ŋαŋ]

اي والله معاج حق يا فجوره

أنا لاحظت هذا الشيء كثير كثير خاصه عندنا بالسعوديه
يعني اذا كان سعوودي تتغطى عنه حرام عليها تفتش قدامه
واذا هندي ولا اي جنسيه اجنبيه طلعت ويها قدامه عادي كأنه أخوها ولا واحد من محارمها
يعني حاله حال اي أنسان مو محرم لها تتغطى عنه
لأنه عند ربي سبحانه ما تفرق الجنسيات الكل واحد
يعني انا مثلا متحجبه و الحمدالله مره كنت ويا أمي بالسوق أوكي
وحبيت أسأل عن سعر شيء عجبني فجاني واحد هندي قلتله كم السعر قام يطالع ويضحك ويغمز بالله قلت ادب صراحه المهم صرفت عنه و رحت لواحد سعودي قلتله لو سمحت بكم هذا والله العظيم أنه ما رفع عيونه علي يكلمني وعيونه بالأرض يعني انا عندي ان السعودي أحسن من الهندي مليون بالميه يعني ولد ديرتك ما ينخاف منه ع الأقل أحسن من واحد غريب ما تعرفين جنسيته أو من وين طالع حتى


:+: فجورة :+:

تسلمين يا الغلا ع الموضوع

[الكل بالكل]

فجوره

عند الله سبحانه وتعالى

لا كويتي ولا سعودي ولا هندي

اللي حرام حرام واللي حلال حلال


للاسف البنات هالايام مادري اشفيهم

خلطو الحلال بالحرام


والله يهدي الكل

[MiSs-GuCci]

اولا اشكرج اختي فجوره على الموضوع .. يعطيج العافيه يالغاليه:)
شجاعه كبيره منج انج تطرحين مثل هالموضوع
هذي فعلا قضيه نواجه صعوبه في حلها بالمجتمع الخليجي بالذات
اهما حاطين في بالهم ان الخليجيين مو شايفين خير ولو طلعت له البنت لازم تتستر لانه يخز أو كلام فاضي مثل هذا ..
أما اذا كان غربي بيقوولون اهما هناك عادي عندهم وشايفين خير وحتى لو بطلع له بدون ستر (حجاب أو عبايه ونقاب) ماراح يخز جسمي ولا بيفصلني وماراح يهتم ..

هذا الاعتقاد أكبر خطأ واعتقاد جاهلي ..
لما أوصي الله بالحجاب والستر ماحدد تستري عند هذا الخليجي أو العربي ولا تتسترين عند هذا الغربي
الله سبحانه وتعالى عم الستر على الكل ...

أتمنى ربي يهدي كل المسلمين والمسلمات
اشكرج مره ثانيه اختي فجوره تستاهلين :)

[HoNeY RoSe]

مشكوره فجوره ع الموضوع

وانه رايي مثل ريم الشوق


اهم يظنون انه هندي او واحد جنسيته تختلف عن جنسيتهم .. يعني بس خلاص حلال .. عادي يشوفهم ..في حديث يقول .. لافرق بين عربي واعجمي الا بالتقوى ,,

الصراحه زينه :)

انه في المرحلة المتوسطه يعني الاعداي .. كنت عادي .. الحجاب بس اسم على راسي .. ريال كبير ما اتغطى عنه كبر ابوي اقول .. العمال ما اتغطى عنهم .. الي قدي ما اتغطى عنهم ... يعني اتقولين كنت ما خذه الشي على كيفي .. عيال خالي ما اتغطى عنهم للحين .. لانه ما اعرف متربية معاهم شلون اتغطى عنهم .. بس ان شالله اتغطى في القريب العاجل .. الله يهدي من يشاء بغير حساب ..

بس الحين وايد تغيرت عن قبل بالمدرسة احنى عمال يشتغلون عندنا ماينزل الحجاب عن راسي .. واتغطى ع الريال الكبير والي قدي مرة اي ومره لاء : (



مشكوره خيتو فجوره ع الموضوع يعطيج الله الف عافية

[عاشقــ تويتي ـة]

تسلمين حبيبتي ع هالموضوع

والصراحة هذا اللي احنا نعيشة

ما اعتقد ان الدين قال يا بنات ترى اذا سعودي تغطوا جدامه واذا أجنبي ايانا وياكم تتغطون

شهالعقلية هذي ؟؟؟؟

أتذكر موقف صار وانا بثانية ثانوي يعني اول ما تحجبت

والموقف هذا ما صار من طالبة يعني بنت حالها حالي لا لا صار من أبلتي

المهم كنت قاطه حجابي لاني ما تعودت البسه المهم قطيته بالجنطة

جان يطقون علينا الباب وع طول دشو والا منو ... مدرسة الاولى مالت الرياضيات

ووراها الموجه جان انا اقول حق الابلة ابلة لحظة ...... جان تقولي عادي عادي

مصري ........ هااا هذا كلام معلمة مثلج تقوله ؟؟ شسالفه يعني المصري مو ريال

مو محرم علي ؟

وكذاا موقف من نفس الشغـلة

ومثل ماقالت كتكوتة نقطة مهمة

اللي اهي ان جدام عيال عمهم والا خالهم ما يلبسون حجاابهم

أوكي هم هذيلة محرمين علينا يعني المفروض الحجاب ما ينشال من الراس

الا اذا مع اهلج واخوانج وبس

..............

استغفر الله الدين هالأيام صار يحلل ويحرم ع كيفه <== طبعا اهو مو الدين اهو اللي قاعد يقول

انا ديِّن ... يعني سواالف واايد تصير بس شنقدر نقول ؟؟

اذا كلمتيهم قالولج وانتي شكو ..... الدنيا فري

أوكي الدنيا فري بس كل فري لها حدود


ما اقول الا الله يهدي الجميع

وبالآخرة بنعرف الدنيا فري والا فري بحدود؟


...........

تسلمين حياتي وادري طولت بس واايد عجبني موضوعج

[كويـتي][F.B.I][]

تسلمين فجوره على الموضوع
انا ماعندي رد لان اترك الرد من ابناء السعوديه
احسن لن عندهم خبره

[وليد الراشد]

[all1=FF3366][align=center]
:Dانا ماعندي رد لان اترك الرد من ابناء السعوديه
احسن لن عندهم خبره <<< حلوة هذي ياللي فوقي


كويـتي][F.B.I][ اتوقع مو المقصود بالموضوع السعودي بعينه .. القصد نفس الدوله التي تنتمي لها
الفتاه اي ابن الديره ، مثل ماقالت الاخت كتكوتة مكتكتة


وعلى العموم اي موضوع نتكلم فيه عن المجتمع الخليجي دايمآ أول مايطري على بالنا وأول مايجي بالحسبان اهو المجتمع السعودي .. لأنه المجتمع الأشمل بالخليج واللي تتضح فيه كل معالم التصرفات الايجابية أو حتى السلبية التي تطرأعلى اي من دول الخليج الست


نرجع حق صلب الموضوع صحيح السالفة لاحظناها وواضحة وضوح الشمس على (أغلب) بنات الخليج
وأزيدكم من الشعر بيت في لقاء بتلفزيون المستقبل مع دكتورة وكاتبة إجتماعية إماراتية تقابلوا معاها ببرنامج سيرة وانفتحت مع زافين إذا أحد يذكر ، فعلآ ناقشوا هالموضوع حتى قالت وأناجاية بالطيارة لقيت ثنتين خليجيات بالطيارة يقدمون إبتسامات لمضيف الطيارة اللبناني فـلما رأوا شاب خليجي صدمتاوكأنهما رأيتا شبح من هول الفاجعه !! ، فعلآ موضوع سخرية واعتبره نقص عقل اذا تشوف الأجنبي يشوفها ومايقدر يسوي شي أو رجولته ناقصة بس الخليجي لا معاملته صعبه هذا اذا ماأعتبرته وحش ولا من آكلات اللحوم

على العموم مشكورة فجوره على هالموضوع الحساس واللي صاير بينا ،، وآسف على الأطالة


تحياتي[/align][/all1]