كيف ترضي زوجتك اذا اتيت لها بضره

[عيميه^بدويه]

السلام عليكم .. حابه اطرح عليكم هالموضوع وارجو منكم المشاركه ..


ماذا ستقدم لزوجتك المخلصه عندما تتزوج عليها لكي ترضي خاطرها من الفاجعه التي ألمت بها


ومن كسرة القلب والخاطر التي تسببت لها فيها ؟؟


وهل سيصلح الدهر ماأفسده الزوج في قلب الزوجه ؟


وهل ستجبر الهديه الكسر الذي حصل في قلب هذه المسكينه ؟


وحتى لو الزوج طلق الثانيه هل سترجع العلاقه كما كانت؟



وهل تنسى الزوجه مابدر من زوجها ؟؟


وبمن ستضحي لو خيرتك بينها وبين الثانيه مع عدم وجود التقصير من الاثنتين؟؟


وهل تقبل بشروطها حتى ترضى حتى لو كانت احداها الخضوع ولو بالقليل لها؟؟


وهل سيفي العدل بينهما سؤاء بالمعيشه او المعاشره بغرض الارضاء؟؟




اسئله مطروحه للنقاش ... ولكم خالص تحياتي

[كتكووته^^مكتكته]

|--*¨®¨*--|عيميه بدويه|--*¨®¨*--|



رغم ان الموضوع مطروح للشباب


الا اني احب اضيف شغله كنوع من المداخله ,,


|--*¨®¨*--|غاليتي ,,|--*¨®¨*--|
الزواج الثاني امر مشروع ولكن بشروط طبعا ,,

بغض النظر عن تفاصيلها ,,
واسباب الزواج الثاني ,,


|--*¨®¨*--|الا اني ,,|--*¨®¨*--|

لو تزوج زوجي علي لاسباب خارجه عن ارادتي او تقصير مني او بدون سبب

يعني انه يتزوج علي لاني مثلا ما اييب عيال او لاني مقصره في حقوقه الشرعيه او مافي سبب مجرد عين زايغه ,,

كل هالاحوال ,,

لن يرضيني اعتذار ..
ولا هديه ..

ولا عدل ,,

ولا خضوع ولا غيره ,,


انا ومثل ماتعرفين كونج اقرب الناس ,,

وعلى قولة اخوانا المصريين


|--*¨®¨*--|زي الفريك ما بحبش شريك ,,|--*¨®¨*--|

طبعا هالامر من حقه ,,

يتزوج مثنى وثلاث ورباع

بس يطلقني اول ,,,

لاني ما اقدر اجذب عليه ولا على نفسي واعيش معاه وهو عنده وحده غيري لها نفس حقوقي وعليها نفس واجباتي

[عيميه^بدويه]

تسلمين كتكوته عالمشاركه وفعلا انا معاج بهالشغله صج ان هذا حقه الشرعي


بس مشكلتنا البنات الكبرياء انا وحده اعتبر هذا كسره لكبريائي وثاني شغله فعلا انا وحده اللي



عندي ملك لي ومايشاركني فيه احد بكل شي فمابالج لما يكون بالنسبه حق شريك حياتي اكيد



ماراح ارضى لا بهديه ولا بمساواه ولا اعتذار وشاكرتلج المرور قلابش

[صريح..!!]

اول شي اشكرج على موضوعج الجميل


واشكر الاخت كتكوته على طرح رأيها


بقولج شي

الزوج اللي عنده

الوحده
هم وغم

الثنتين
نار وشرار

الثلاثه
امير


اللي عنده اربع
ملك


انا بتكلم عن حالتي لاني متزوج

شوفي كنوز الدنيا لو يبادلوني بمرتي اللي عندي ما ابادلها لو شنو واهيا تكفي عن مليون بنت وانا مرتاح الحمدالله ومستقر بحياتي والله على يغير علينا انشاءالله والفال للكل يارب

اما بتقولين يعني لو اخذ عليها وحده ثانيه كييد بيتحول حبها لي الى كره شديد

هذا استنتجته انا من علاقاتي قبل كنت احاجي وكانت علاقاتي كلها فرند يعني ما تعده حدودي ولا شي لاني مره خليت علاقتي الاوله حب وتضايقة ومن بعدها خليت علاقاتي كلها اخويه او فرند علشان مافي عوار راس


والحين من تزوجت واستقريت بقفص الذهبي وناطر المولود اليديد ما ابي شي من الدنيا لو اشوفه يوم واحد جدامي والله ياخذ عمري راضي ودي اشوفه يوم يركض ويقول بابا الله ياحلوها احس اني املك الكون لو تسمعها اذني الكلمه هذي وبعدها اموت عادي راضي


الحين بتكلم على البنات في من البنات فيها شبه انانيه يعني مو معطيه ريلها حقه الشرعي وا مو مهتمه فيه منحقه انه يكسر خشمها ويتزوج عليها بس

بس ثقو يا البنات كل ما تهتمين بالزوج والله مايتركج ولا يفكر انه فيوم يتركج ترى تقدرين يا البنت تسوين حق عيونه عمليه تخلينه مايشوف غيرج بالكون بكلامج المعسول والجميل ورضات امه وابوه عليج انتي ترى اهم شي والله

انا قلبي يميل وحنون على الزوجه اللي انخدعت بزوجها وتزوج عليها من غير اي سبب مهما يصير ماراح الهدايا تراضي بشي


والحين اقول الله يوفق الكل يارب وهني كل متزوج بحياته انشاءالله يارب


معه السلامه

[*عاشقه الورد*]

عزيزتي عيميه ^ بدويه




انا من ناحيتي مثل ما وضحت اختي كتكوته اذا انا كنت مقصره بحقه الشرعي اني ما اقدر اني


انجبله الطفل اللي يحلم فيه انا معاه ياخذ الثانيه وانا بكامل الرضا بس ما اقص على نفسي هاشي


بسببلي جرح كبير ما راح يخليني اكمل معاه لان ما اقدر بمجرد التفكير اني اشوف زوجي مع وحده


ثانيه غيري فاطلب الطلاق


ومن الناحيه الثانيه اذا كان يتعذر بسبب ما يقنعني بزواجه الثاني بعد اطلب الطلاق لان بنت حواء


مهما اعترفت واقرت بان الشرع يحلل اربع ما تقدر تتخيل ان تكون لها ضره مشاركتها بزوجها



فانا مع السبب الاول او الثاني او اي سبب كان فما ارضى بان تكون لي ضره تشاركني حياتي الخاصه مع زوجي




مشكوووووووووره يا قلبي ويعطيج العافيه

[DiReCtOr StaGe]

مثل ماقال اخوي مااحب اليهال وكلامه صحيح مليون في الميه المراه لو تقدم لها كوكب ملئ بالذهب مايعجبها العجب تقول هم مايكفيني لو تقدملها معاش بروفسور مايكفيها ابد وفي ظاهره الاحظها بستمرار واسمع فيها الا وهيه مثل لو ان الرجل اشترى لوحه فنيه حق بيته و البيت كله لوحات ومافي مجال ان يحط لوحه الا بمكان واحد فاضي وحطه في هل مكان تيي المره وتغيره تقول مو خوش مكان معن مافي مكان فاضي غير هل مكان بس العناد يطغيها

[HoNeY RoSe]

عميمه انه بنت .. بس جذبني الموضوع ...


لو تزوج عليي ريلي .. وياب ليي شريكه .. مستحيل اوافق .. لوكان العيب .. فيني ..

انه احب يكون ليي الشي كامل محد يشاركني فيية .. ولا كنوز الدنيا تراضيني بالزوجه الي تكون على راسي.. يا يطلق الي اخذها . يا يطلقني انه .. واهو الي عنده حرية الاختيار ..


لانه انه عن نفسي .. مستحيل اكون زوجه ثانية ..

ومثل ماقتي احنى البنات كبريائنا مايسمح لنا بأن يكون ويان شريج .. يشاركنا ..


مشكوره يا عميمة ..

وان شالله محد يتزوج عليها ريلها

[عيميه^بدويه]

يعطيك العافيه ماحب اليهال وماقصرت عالمشاركه الطيبه والله يخليلك



المدام انشالله ويرزقك بالذريه الصالحه وانا معاك بان اللي تقصر بحق زوجها يبيلها كسر خشم



بس في بعد رياييل مايملي عينهم الا التراب ومن حق الزوجه تزعل بهالوقت

[عيميه^بدويه]

تسلمين عاشقه عالمشاركه ومثل ماقلت لج حتى لو احنا الغلط راكبنا من ساسنا لي راسنا




هم الكبرياء والكرامه يذبحونه مايخلونه نتنازل حق الريال

[عيميه^بدويه]

تسلم دايروكتر عالمرور وحرام عليك عاد مو كل الحريم ميانين :) ولا تنسى ان في



وايد رياييل عقلهم اصغر من الحريم

[عيميه^بدويه]

مشكوووره امرآة يا قلبي عالمشاركه وايد وصج احنا محد مخرب علينا الا الكبرياء



وطبعا اكيد ماكو مره ترضى ان ريلها ياخذ عليها مره انا لو يصير لي هالشي





الله لايقولها :) اذبح ريلي واذبح المره الثانيه فوقه

[سعودي رايق]

الاخت عيمية بدوية

اولاً نفسي أعرف ايش معنى عيمية


ثانياً موضوعك جميل ومهم للغاية خصوصاً اننا نحتاج لنقاش طويل وهادئ

وانا هنا اتسأل لكل إمرأة لاتريد زوجها أن يتزوج عليها هل ترضين إن خواتك يعنسون

وهذا الشيء نعاني منه في دولنا العربية والخليج خاصة فنسبة العنوسة كبيرة جداً

ولننظر لبيوتنا فكم عدد أخواتنا اللواتي في سن الزواج ولم يتزوجن الى الآن

فاأحد الاسباب المهمة هو عدم التعدد من قبل الرجال

ولو استشعرت الزوجة بأن هذا الزواج هو تكافل إجتماعي وفية حفظ المجتمع من الرذيلة

رغم ما تعانية ونعلم كم تعاني هذه المسكينة من مشاركة إمرأة اخرى لها في حبيبها

ولكن لعل الله يعوضها خير في زوجها

... ثاااااااااانكس عيموه على الموضوع

[الكل بالكل]

والله يا عيميه

خل يجرب يرضيني
بيشوف رعيي عدل



امه داعيه عليه هذا اللي بيتزوج علي

بيشوف ويهي الثاني

[msn]

الزواج الثاني والثالث والرابع حلال لــــــــــــــــــكن ؟؟



شنو الي يخلي الزوج يتزوج ؟؟؟؟؟؟؟؟



وليش المرأه تزعــــــــل هل تتعبرها اهانه ؟؟؟؟




كلها اسئله فيها حل المشكله وتوضحهاا ،،،،،،،،

[عيميه^بدويه]

هلا والله اخوي سعودي وتسلم عالمشاركه ولو اني اخالفك بان العنوسه


اغلب اسبابها هو عدم تعدد الزوجات لان نسبة الذكورر تساوي نسبة الاناث عندنا لكن



المشكله رغم هذا كله ان مافي وحده ترضى على روحها ان يكون لها ضره



وشاكرتلك اخوي