خاطري اعرف ليش؟

[قموورة]

سلام عليكم ورحمة الله وبركاته... مساكم الله بالخير شلونكم شخباركم عساكم بخير وعافية ان شاء الله..

انا اليوم باكتب لكم موضوعي اللي صار لي فترة افكر فيه ومو لاقية جواب مقنع

انا من تجربتي ومهنتي اجوف ان الدكاترة يعاملون الممرضين جنهم ولا شيء... يصارخون عليهم ويذلونهم ويتأمرون عليهم بطريقة غريبة.. انا صار لي عدة مواقف هلون ... انزين ليش .؟ ليش الدكاترة يجوفون روحهم احسن من الممرضين واشرف منهم ويحطون الممرضين تحت ريولهم جنهم ولا شيء؟

ابي اعرف؟؟؟ هل اهيا الشهادة ؟ هل اهيا عدد سنوات الدراسة؟ هل اهيا بسبب المسمى " دكتور" ؟ شنو السبب؟؟؟


انا مابي اطول في الموضوع لان ابي القى ردود واعرف ليش؟ وليكون في علمكم ان لولا الممرضين جان الدكاترة ما قدرو يكملون شغلهم.. الله كريم ... على العموم ... انا ما كتبت الموضوع عشان ان يكون كنوع من الهجوم على الدكاترة بس اني ابي اعرف ليش.. وشنو السبب.. مو كلنا اعيال آدم؟ مو كلنا ربنا واحد ... ؟


اشكركم على المشاركة ,, تحياتي.. اختكم قمورة:rolleyes:

[كتكووته^^مكتكته]

|--*¨®¨*--|قموره|--*¨®¨*--|

مو بس بالطب

بكل مكان

تشوفين المدير يشخط بالموظفين
الناظر بالمعلمين


يطبقون مقولة الناس مقامات

نسوا ان الاحترام المتبادل اساس التعامل بين كل الناس

وعامل الناس مثلما تحب ان يعاملوك


الموضوع ماله علاقه بشهاده ولا بسنوات خبره

واللي اعرفه ان العلم يهذب ويربي ويسنع الانسان

مو يخليه يختال ويتكبر على غيره

[HoNeY RoSe]

انه بالراي حب استملاك واستعباد ..

يعني اهم اكبر مكانه .. يعني الي اصغر منهم مرتبة .. لازم يكون خادمهم ..

وهذي مو نظرية صحيحه .. لانه تلاقين دكتور دارس محصل ديك الشهادات .. بس الممرض الي تحت يده احسن منه بمليون مره .. وطبعا مو الكل ..

ومثل ما قالت كتكوته مو بس الدكاتره حتى الناظر على المعلم .. والمدير على المو

[HoNeY RoSe]

انه بالراي حب استملاك واستعباد ..


يعني اهم اكبر مكانه .. يعني الي اصغر منهم مرتبة .. لازم يكون خادمهم ..


وهذي مو نظرية صحيحه .. لانه تلاقين دكتور دارس محصل ديك الشهادات .. بس الممرض الي تحت يده

احسن منه بمليون مره .. وطبعا مو الكل ..


ومثل ما قالت كتكوته مو بس الدكاتره حتى الناظر على المعلم .. والمدير على الموظفين .. والمعلم

على طلابة .. وترى احنى بعد بحياتنا العاديه تلاقين الكبير يقسو او مو يقسو .. يعني يعتبر روحه

اهو وليي عن الي اصغر منه بطرق تجرح من قدر الي اصغر منه ..


مشكوره خيتو ع الموضوع ..

وان شالله كان ردي محل السؤال >> لانه صايره وايد اخورها :>

[صريح..!!]

اشكرج على الموضوع اللي احس انه انتي ممرضه :)


تدافعين عنهم لوووووووول:)


ابي اقولج شي اللي بقلبه تكبر مايدش الجنه


والله لو يشخط فيني احد اخلي اخر يوم بحياته انا ما اقدر اسمع كلمه فيها تجرح قلبي لو احب جان دخلت العسكريه بس الحمدالله اهم شي بحياتي كرامتي وكلنا بشر محد فوق احد

اللي اعلى بالتقوى والدين


ضعيف الشخصيه اللي يسوي الشي هذا يشخط باللي تحته


وما اقول غير الله يعين اللي بالمكان هذا


معه السلامه

[*عاشقه الورد*]

اختي الغاليه " قموره "




انا اعتقد بان اللي يتكبر ويتسلط على اللي اقل منه بالشهاده او بالمسمى الوظيفي ما يستاهل

بان يكون في مركزه لان مهما ارتقى وكبر في مستواه الوظيفي يكون حكم الاشخاص عليه

باخلاقه واسلوبه وتواضعه مع اللي جدامه مو بشهادته او مسماه الوظيفي لان كل مو ظف يشتغل

باي مكان سواء كان ممرض او معلم او سكرتير لابد من ان اللي فوقه محتاجه لانهم بالنهايه مكملين

لبعض ولا احد يقدر يخلص شغله الا بوجود الثاني



ومشكوووووووووره يا قلبي ويعطيج الــــــــف الــــــــف عافيه

وعساج على القوه

[عجب]

اخيتي قموره

السلام عليكم ورحمة الله وبركاته

لعلي اخذ موضوعك من زاوية البروز وحب الظهور عند البعض وما تكلمتي به هو اقرب

لذلك حيث ان الرئيس لا يحب ان يرى المرؤوس احسن امنه او افضل منه وانه ليلقى مكانه

تفوق مكانة الريئس ولذلك ترين هؤلاء لا تأتي مناسبة الا وقد وضع احدهم تصريحا ولا

يكون هناك لقاء اجتماعي الا وقد اجاد بكلمة تدل على انه موجود .. لذلك يلزم المرؤوس

ان يدرس نفسية الرئيس حتى لا يقع في المحذور .. واقصد هنا التعامل بحكمة وذكاء بحيث

يحقق المؤوس ما يصبوا اليه بدون صدام مع رئيسه .. وهنا اتذكر قاعدة في الادارة تقول :

احذر البروز على حساب الرئيس .

بالتوفيق

[DiReCtOr StaGe]

اعتقد ان كل شخص عندما يحصل على منصب رفيع ينظر الى الاقل منه على ان خادم له لايراعي مشاعره على انه بني ادم ولا يبالي اذا كان كبير بالسن ولا يصغره سنا كل مالديه من قوه يفعله حتى يبين للجميع بعدم وجود تسيب في العمل

[BaSKo0Ta]

ميرسي قموره على الطرح الجميل..
الصراحه انا مافي دكتور او دكتوره تجرأوا علي واذا لا سمح الله صار هالشي راح يشوفون الويل لأني بسرعه اتنرفز وماعاش اللي يذلني :)

[^ولدشيوخ^]

مسائك جوري اختي قموره

اول شيء على شان مانظلم الناس كلها نقول بعض الدكاتره مو كلهم

وهالشوفه هذي لاهي على شان شهاده ولا شان زياده تعليم ولا على شان اي شيء

مجرد مافي الموضوع

ان الشوفه هذي لخلل شخصي في هالشخص نفسه اقصد الدكتور

اكيد كان يعاني من نقص مافي داخله و حب يعوض هالنقص اللي فيه بطريقة هالتعامل اللي يعاملونكم فيها

[PiNKiYa]

قموووره والله معاج حق بس احنا مابيدنا شي ..ومادري شقوولج..
بس الله كريييم ...ومشكوووره لانج ناقشتينا بالموضوووع

[The_games]

يسلمو على المضوووع حلو







×?°The_games×?°






|--*¨®¨*--|The_games|--*¨®¨*--|




[email protected]
[email protected]

[newbie25]

اشكرج على هذا الموضوع المهم و خاصه في مجال الصحه و الرعايه الصحيه للمرضى.....

اعتقد ان تصرفات مثل هالدكاتره اللي ذكرتيهم تعكس صوره البيئه التعليميه اللي درسوا فيها. و انا كطالب طب في اوروبا من اهم الاشياء عند كليات الطب هناك تعليم الطلبه الاحترام لزملاؤهم بالمهنه و مرضاهم والعمل كفريق طبي متكامل لان هذا له اثر كبير في رعايه المريض. اما اللي يشوف نفسه على زملاؤه في العمل لان دكتور و شهادته اعلا منهم فهو انسان في نقص في شخصيه او لانه فاشل فيحاول يغطي فشله في تسلطه على غيره

[الوادي2006]

والله انتي احسن برقع لبستا

[كــويــت]

مشكوره على الموضوع

وانا من رايي انماخذينها ان الناس مقامات


ووووووو وبس..

على العموم يمكن رايي هم مو مقنع بس هذا الي عندي

تسلمين

جــأأأو