النـــــــــاس مالها الا الظاهر ..

[MiSs-GuCci]

[align=center]هاي شلونكم ؟ شخباركم ؟
ما ادري وانا قاعدة طرت على بالي هذي الاسئلة وحبيت اعرف رايكم فيها ( هل المظهر الخارجي مقياس الحكم على الناس ؟ )
" من كشخته الناس حبته "
صج ان الكويتيين يشوفون اللي ما يمشي مع التيار متخلف ؟
و منو منكم يعتقد انه المظهر الخارجي هو الاساس ؟
و هل البنت اللي تمشي على الموضة سهل التأثير عليها ؟
سألت وحدة من صديقاتي و فاجأتني باجابتها السطحية قالت لي : لمن اكون بالجامعة او خارج الجامعة يلفت انتباهي الشخص الي يلبس دشداشة مثلا او لبس رسمي مرتب لا يهمني هو من داخله شنو ! ...
أو اذا بنت كانت لابسه مثلا خنقول جينز و تيشيرت بيقوولون ويه طالعوا هذي شلابسه اكيد رايحه فيها واهلها مايدرون عنها خلوها تلبس جذي ...

شسالفه ياناس وين قاعدين ..
معقوله الشكل بيخليكم تحكمون على غيركم جذي ؟!؟؟

ولاتنسون ان بعض الظن اثم ..


اتمنى اعرف ارائكم بهذا الموضوع ... أشوفه حيل مهم ..

النقاش بالمشكله هو غايتنا ولو كان باختلاف الاراء ..[/align]

[ŋαŋ]

والله مــآدري شقول

المشكله هاذي صـارت منتشرة بشكل كبير

يعني أنا أعرف بعض البنات يقولون اذا كان الولد حلو ما همنا الي داخله وما همنا اذا كان صالح ولا طالح أهم شيء المظهر

شصار بالعالم مادري أنا ما أنكر يعجبني الي شكله حلو و كشخه ومادري شنو

بس المهم عندي أن يكون أخلاق ما همني الجمال

الله يعين الحال



:+: MiSs-GuCci :+:

ثآنكس حبوبه

[HoNeY RoSe]

اي والله .. في هزمن صاروا الناس ياخذون ع المظهر الخارجي ..

يعني شنو تلبسين .. شلون تمشين وهالسخافات الي يراقبونهم ..

بس بعد الا مايعرفك مايثمنك ..


مشكوره خيتو ع الموضوع

[كتكووته^^مكتكته]

~*¤ô§ô¤*~*¤ô§ô¤*~MiSs-GuCci~*¤ô§ô¤*~*¤ô§ô¤*~


طبعا الناس مالها الا الظاهر

في مثل عندنا يقول البس اللي يعجب الناس واكل اللي يعجبك
ودامك عايش مع هالناس
مايصير تضرب بكلامهم عرض الحائط او

وهالشي مو بس عندنا بكل مكان
احنا بمجتمع تحكمنا عدة امور

اول شي الضابط الديني


يعني اذا كان مظهرنا يتعارض مع شريعتنا

شي طبيعي بيتعارض مع المجتمع
ثاني شي الاعراف والتقاليد

احنا كمجتمع شرقي في امور كثيره يرفضها المجتمع وهي مو امور دينيه او سياسيه او غيره
هي امور لها علاقه بالعادات والتقاليد العريقه التي وجدنا ابائنا عليها

ومع هالتطور والطفره العمرانيه
لايزال مجتمعنا يرفضها
حتى لو كانت الدول الثانيه تسويها


انا كنت اعرف بنات كثير ,,

من مظهرهن الخارجي تقولين انهن بنات شوارع والعياذ بالله
لكن مع العشره
تكتشفين انهن بنات ناس ومتربيات ,,
والعكس صحيح
تشوفين بنت مستوره ,, وسلوكها من تحت لي تحت ,,

اهم شي الاخلاق ,,

وشرط ان هالامور اللي تصير والتطور اللي نشهده
مايخالف شريعتنا ولا عاداتنا

[صريح..!!]

اشكرج على موضوعج الحلو


اول شي المظهر الخارجي لازم يكون مقبووول

يعني ما ابهذل نفسي وشكلي والله علشان يعني يقولون علي مايهتم بشي او بالناس شكو

يبه هذا من اسباب التخلف وعدم الثقه بالنفس انا مالي شغل بشي اسمه موضه او شي اسمه برستيج اتصنعه انا لا انا لبس يعجبني ويلوق على جسمي خلاص البسه ولا اهتم

المشكله صابت الشباب عدوت الغيره من البنات ليش هذا وشوف هذا وما ادري شنو

بس كل جيل وعمر وله ملابسه وكل مكان وله ملابسه وكل مجتمع وله ملابسه

واحلى شي ملابس السبورت اهيا اللي بكل مكان وكل عمر وكل مجتمع طبعن ماتشمل الاماكن الرسميه مثل الاعراس والدواوين اما دوام بر بحر جو .......... اي شي تمشي الامور


وبالاخير صج ماننكر المظهر مهم بس الثقه بالنفس اهم


ومعه السلامه

[DiReCtOr StaGe]

يعطيج العافيه على هل موضوع الطيب استاذي مااحب اليهال ليش اخلي الناس تتكلم وتقول مو لابس عدل ولا مبهذل اشعلي انا من الناس وش علا الناس مني البس الي ابي واسوي الي بخاطري رضو الناس ولا انرضو شلي فيهم طال عمرك دام ان انا مرتاح بلبسي لو البس شورت ولا جينز ولا حتى دشداشه عليها مرق مالي شغل بالناس اذا بشوف الناس عيل مايمديني الحق كل يوم طاير استراليا ولا لندن وطاقلي بدله وراد على شن خاطر عيون الناس لا سلامت عمرك وعمرهم انا اسوي الي ابي بخاطري وعلى هواي وبالنسبه لموضوع الموضى شي غريب عجيب في زمانه هذا الحين بالسوق كله لو تبي تيي تشتري شي كله ضيج ولازق وين قاعد انا فامريكا وحتى لبس البنات لازم فوق السره حاليا الي قاعد اشوفه انا كل وحده مطلعتلي بطنها وتتمشى شهل مسخره الي قاعده اتصير السوق كله ضيج والناس كلهم متخلفين الي يشترون مثل هل بضايع والله لمن تسئل واحد يقولك خلنا نلبس الموضه جذيه شترد عليه هذا بالله واذا شفت البنت بالسوق مثلا لابسه كت او سترج بدي ماادري شنو ماكو شي مستور بجسمها تقول موضه انا اقول وعفوا على هل قوله مالت على الابهات الي تركوا عيالهم بهل حال

[BaSKo0Ta]

أول شي ميرسي على الطرح الجميل مس غوتشي ..

انتي لو عايشه بالديره جان عرفتي ان الناس يحكمون على الظاهر..لو تشوفين الناس اللي اقعد معاهم يشيب راسج..

يعني اهم شي عندهم المظهر والشكل واللي داخله مو مهم .. يمكن من بره الجمال كله بس من داخل القلب يكون أسود .. شوفي انا ما اعمم بس اغلب الناس بالديره جذي..

يعني انا مثلاً غصبن علي أمشي مع الستايل بس اللي يكون لايق علي ومرات أمل والله ..

وفي بنات ما يتزوجون الا الولد الستايل واللي يلبس ماركات بس .. مااقول الا الله يعطيهم العقل..

انا وحده أحب الولد المحترم بغض النظر عن شكله .. في شباب يعجبوني واسمع البنات يقولون وييع شكله معقد !!


ميرسي مره ثانيه

[صريح..!!]

حبيب قلبي يا

DiReCtOr StaGe

انا ضد اي انسان يحب يقلد احد او يتبع شي اسمه الموضه


انا قلت وارددها عدل


صج ماننكر المظهر مهم بس الثقه بالنفس اهم


معناته خلك مقبول ولا تكون مذموم

اوكي انتا عندك عادي تلبس شورت ترى لبست الشورت عيب ولها اماكن معينه مثل نادي بحر اي مو سوق ولا مكان عام او دوام مايصير يا خوي الشي هذا

وانا اشكركم على ردودكم الجميله حبايب قلبي

معه السلامه

[Q8_ME]

[align=center]يعطيج العافية( MiSs-GuCci )

عندي نقطه بسيطه بس

أو اذا بنت كانت لابسه مثلا خنقول جينز و تيشيرت بيقوولون ويه طالعوا هذي شلابسه اكيد رايحه فيها واهلها مايدرون عنها خلوها تلبس جذي ...

بدون زعل ولا شي مجرد راي ورأي كل الشباب

الحمدلله في الكويت وتقريبا نص الخليج حاليا الحريه في كل مكان صحيح ان الحريه راحه وسعة بال والشخص يسوي الي باسه

ولكن هل ظهور البنت وهي لابس ملابس شبه عارية يعتبر من الأخلاق والذوق ؟؟

المشكله مو منها المشكله من اهلها

على العموم هذى مو موضوعنا


هو صحيح الي حاصل حاليا الأهتمام بالمنظر الخارجي فقط لبس الماركات والكشخه نوع السياره

هذوول مع احترمي لك

قلوب سوداء يبون كل شي باكشخه والي عنده فلوس والحمد الله الكويت بخير ونعمه ولكن مو درجة ان الشي يوصل الى حب المظهر الخارجي

وتقبلو تحياتي

أخوكم للأبد [/align]

[MiSs-GuCci]

يسلمو على الردود ..
يعطيكم العافيه

[PiNKiYa]

اولا مشكووره مس على الموووضووع المهم ..
طبعا الناس حاليا تحكم على المظهر الخارجي ....لازم تعرف الشخصيه من داخل مو من بره ..
وصحيح كلام اخوونا كيو8 كلامك عدلل ..