+_ لي متى ياشباب تلحقون البنات بالشارع وتعرضون حياتنا للخطر_+

[LONDANY]

[align=center]


السلام عليكم

اخباركم كلكم




اليوم جايبلكم موضوع بصراحه ترددت اني انشره بس بالاخير قلت لازم انشره عشان منها تاخذون العبره ومنها نتناقش بموضوع مضايقة البنات بالشارع وطبعا قلت هالموضوع بكم منتدى غير هذا .. والغرض الوحيد اننا انتناقش لا اكثر :)

واهو عباره عن حادث صار لي بشارع الخليج وكان بيودي بحياتي انا ومجموعه من السيارات والسبب واحد لاحقله بنت ودعمها وانحرفت فيه السياره ونط للسايد الثاني ودعمني وقلب على راعي بورش ودعم سياره خامسه.. والسبب كما ذكرت سلفا .. يلحق بنات ومن قوة الحادث نشروه بجريدة الوطن بس مااذكر التاريخ



المكان: شارع الخليج قبل كامرة المرينا
الزمن: الساعه 12 الى 1 الظهر
اليوم :.. مااذكره بس مابين 1\2\2006 الى 7\2\2006


وطبعا حنا بالسايد اللي متجه لشارع البلاجات واهو للشاره اللي رايح للمرينا وسوق شرق

وهذي صور للحادث المروع واللي الحمدلله سلمت منه باعجوووووبه وبفضل ربي


والسالفه كنت امشي 80 بامان الله انا بالحاره اليسار وبورش بالحاره اللي بالنص وسياره سوده بالحاره اليمين وفجأة لفت نظري سياره بالسايد الثاني بين الشجر مسرعه وفجأة دخلت عرررررض وفجأة سمعت صوت اصطدام (يوم دعم الاكورد اللي فيها البنات) وفجأة لقيت سياره متوجهتلي بسرعه جنونييييييه من السايد الثاني ويوم شفته ركب الرصيف حق السايد الثاني ودخل على العشب وعندها انا صمغت الدعسه وفجأة والا اسمع صوت عدمه فيني (وقتها بجزء من الثانيه حسبت ان سيارتي افترت بس الحمدلله بس دعمه ومافقدت توازني و دعمني من المدقر ) ومن ورا دعمتي انقلبت السياره من زود السرعه على البورش وطبعا كان على اقل تقدير يمشي 150 كم\س (تخيلو السرعه والاصطدام بهالسرعه شيبي ينتج عنها ) وبعدها دعمت سياره ثانيه ووقفت .. وطبعا صفطت ابي اعاين سيارتي ولقيته دعمني بالمدقر والاسطاب ويوم لفيت وجهي يمين .. والا اشوف بورش منعدممممممه بالمره

والانفوي قالب وراها وسياره ثانيه مدعومه

وهذي صور من الحادث يوم رحنا المخفر

هذي صورة الانفوي اللي دخلت علينا من الشارع الثاني


وهذي من ورا



وطبعا اهو نط علي من الشارع الثاني وكان يمشي 160تقريبا بس الحمدلله الله ستر علي وقدرت اتفاداه

بس اللي صار للسياره اللي بوريكم صورها كان بيصيرلي بجزء من الثانيه لولا ان الله ستر علي والحمدلله


وهذي من ورا



وطبعا الحادث شمل 5 سيارات ..
وهم اول وحده الانفوي اللي تسببت بالحادث وثانيا الاكورد (البنات)وثالثا الالتيما (انا) ورابعا البورش اللي ودوه العنايه المركزة وخامسا الفا روميو وكلنا اقتصرت على اضرار بالسيارات الا راعي البورش الله يقومة بالسلامه وطبعا راعي الانفوي ماصار فيه الا طقه براسه وزلوغ بايده



وكل هذا بسبب السرعه ولحق البنات .. لي متى تقط وجهك على بنت وبالاخير ياتملطشك او تزفك قدام الله وخلقه او انه يصير فيك حادث والسبب ملاحق البنات

لي متى هالاستهتار وهالسرعه والمخاطره بارواح الناس عشان بنت ماشيه بحال سبيلها

واسف على الاطاله

وياليت انتناقش بهالموضوع


[/align]

[PiNKiYa]

لا حول ولا قوه الا بالله ...
شنو هذاا؟؟ اي شي الصبيان يلحقوون البنات !! البنات شنو ذنبهم وشتبي بالبنت ؟؟
كثر الله خير البنات وايدين وعددهم كثير بس مو لي هالدرجه وصلت عاااد !!!
وانت يا الصبي فكرر باهلك وبكرامتك شلون ترضى احد يتحرش باختك انتو الصبيان لازم تفكروون جذي!!!!!!
وانشالله راعي البوورش يقوم بالسلامه...
والله يعطيك العافيه ... مشكور لانك ناقشتنا بهالموضوووع المهم !!

[LONDANY]

لا حول ولا قوه الا بالله ...
شنو هذاا؟؟ اي شي الصبيان يلحقوون البنات !! البنات شنو ذنبهم وشتبي بالبنت ؟؟
كثر الله خير البنات وايدين وعددهم كثير بس مو لي هالدرجه وصلت عاااد !!!
وانت يا الصبي فكرر باهلك وبكرامتك شلون ترضى احد يتحرش باختك انتو الصبيان لازم تفكروون جذي!!!!!!
وانشالله راعي البوورش يقوم بالسلامه...
والله يعطيك العافيه ... مشكور لانك ناقشتنا بهالموضوووع المهم !!

[align=center]

هههههههههههههه هدي اعصابج بنكيه شفيج يبا ماحصل الا الخير


يبا خليتيني انا اللي مسوي الحادث جذي

يبا مو انا شفيج انتي هذا راعي الانفوي مو انا


والله يعافيج من بعد الزفه اللي اكلها راعي الانفوي منج خخخخخخخخخخخ


ولاننحرم من طلتج قلبو:)

[/align]

[بـو حبيب]

يعطيك العافية

عزيزي

لطرحك هذا الموضوع

( ان لم تستح ففعل ما شئت )

والله هالشباب ما يستحون ولا ينتخون لاعندهم اخلاق ولا متربين

وبعدين شحقة لاحقها ما عنده عرض ما عنده شرف خل يشوف اهله بالاول بعدين يروح يلحق بنات العالم

والله بلشة شباب هالجيل يقولون الجيل الصاعد اي صاعد والله انا اسميه الجيل الهابط دام هذي اخلاقهم

وفي بعد حادثة صارة حق رفيجة بنت خالي لاحقها واحد واهي ما عطته ويه قوم انت يا الشاب ليش ما عطتك ويه يروح يحده بالسيارة لين ركبت رصيف ودشة بشجرة ليش كل هذا يصير

باعتقادي ضعف الوازع الديني في هذا المجتمع وايضا دور الاسرة مهم في هذه النقطة

والاختلاف باارأي لا يفسد بالود قضية

دمت بود

[كويـتي][F.B.I][]

اول شـي مشكور اخوي
على طرح هاذا الموضوع ثاني شي

مو كل الشباب بل القليل منهم يحلق بنت بسياره او يسوي لها حودث

هاذا تلقاه شارب شي او بعقله شي يا مينون او في حالة لايستحي على نفسه

وصدقني اخوي الريال مايلحق البنت ال رغبه منه ببعض الحركات
اما البنت الي كافيه خيرها شرها وعاقله وماعندها خرابيط صدقني محد يقرب صوبها
ولايسوي لها شــي
واكو حكومه بالبلد اقل شي تاخذ رقمه سيارته وتقدم شكوه عليه يروح وطي والله

ولكن اخوي انا اقولك اصابع ايدك مو سوو وكل شي له سالفه

ويمكن يصير من بعض الشباب الي ماتربو ولا فيهم اي نوع من الخجل
وتحياتي لـك

[صريح..!!]

اول شي حمدالله على السلامه والله ستر وثاني شي اشكرك على الموضوع اللي ماله نهايا


ماشاءالله الاخوان ذكرو كل شي

ولاكن هذوله فئه بسيطه جدأمن الشباب اللي يسوون جذي وسفيه بنفس الوقت

شوف انا احب السرعه ولاكن مو مقامره او مضايقه للاخرين افعل الشي هذا واحب اني ما ازعل اي انسان وياي بالطريق

بس سالفت الحق بنت لايبه البنت لو تبيك ماتخليك تخاطر بعمرك وتبتون بين السيارات علشانها تسفط باقرب مكان وتخلص الموضوع

وفي بنات وايد اهما يتحرشون علشان يبون الشباب يلاحقونهم من مكان لي مكان


بس ثق بالله لو انه كل شاب يحط بين عيونه اهله راح تكون الديره بخير والله

بس ودي اعرف ليش كل اللوم على الشباب شنو الاسباب بس علشان الامر هذا ليش مافي امو تفعلها البنت لها اضرار ؟

اكييد فيه وبعد وايد وتبي تعرف شوف بعينك شنو يسووون البنات على البحر يعني الاخت ماتقدر تدرس اله والبحر جدامها والشباب يمينها ويسارها لوووووووووووووول



والله يضحكون :)


معه السلامه

[Q8_ME]

انا ما أقول الى الله يهدي كل الشباب والبنات

بس لو تسالون نفسكم سؤال واحد بس ليش الشباب يلحقون البنات؟؟؟؟


من لبسها بنت متبرجه عاريه جنها تقول للشباب رقموني

مع احترامي للجميع

وتقبلو تحياتي

[الصـبـح]

مشكور يالغالي على هالصراحه

وبما ان الموضوع هذا اول موضوع اشارك فيه

اتمنى انك ما تعم كل الشباب اول شي

وثاني شي هذي غريزه يعني ما تقدر تتحكم فيها

طبعا اقصد المغازل

وثالث شي يالغالي مثل ما قلت ممكن نظره تسببت في حادث

ويمكن ناس يموتون بسبة هالنظرة اتمنى تنتهي هذي العاده القبيحة

ونصير مجتمع متطور اكثر عقلانيه


ومشكور يالغالي

[طفـله مغـروره]

السلام عليكم ورحمه الله وبركاته

اشكرك اخوي على طرح هالموضوع القيم :)

ثآنيأ هذا واقعنا وهذا صار حل شبابنا لكن السؤال الأهم ما السبب ..؟
شنو الفرق بين شباب الحين الي حتى ما يقدرون الابو ولا الاخو وبين شباب قبل الي سمات الحيا كلـه فيهم ..!

هل هو الشخص نفسـه ولا التربيه , :)

الله يستر على جميع المسلمين والمسلمات ويهدي شبابنا إن شاءالله

طفوله

[كتكووته^^مكتكته]

شكرا اخوي لندني على هالموضوع

بداية احب ارد على بعض الاعضاء اللي انحازوا اما للشباب او للبنات
واللي قال ان البنت المحترمه محد يتعرضلها

بلى البنت المحترمه واللي كافيه خيرها وشرها يتعرضلها الشاب الغير محترم

حتى لو كانت ما تتلفت لا يمين ولا يسار وتمشي يم الحيط وتقول يا ساتر



هالايام حتى اللي مع اهلها او اخوها او زوجها مو سالمه

وايضا
في بعض البنات وهالامر لازم نعترف فيه انها تيب البلا لنفسها ووقت الجد تقول خلصوني



عموما القضيه لها مفترق اخر وهي المطارده بالشوارع ,,
هالامر يعرض مثل ماذكرت ناس ابرياء مالهم بهالامور لا ناقة ولا جمل الى الخطر

كثير ما سمعنا عن ام وابنائها راحو ضحية معاكسات بين قيس وليلى في شارع الحب دفعت حياتها ثمنا لها مع انها مره كبيره بالسن ولا لها بالسرعه وزين تتعدى سرعتها 60


الموضوع فعلا يحتاج توعيه
ويحتاج عقوبه
كثير من الحوادث حصلت
والمشاكل تكررت

والقضيه مكانك سر
والمسؤلين عنها فروا بجريمتهم
ووقت الجد يطلعونها منها مثل الشعره من العجين


سلامتك لندني وماتشوف شر ولو انها يات متأخره