كثير من الناس يعاني من مشكلة تراكم الديون؟؟؟؟!!!!!

[PiNKiYa]

بسم الله الرحمن الرحيم ..ومابعد

[grade="2E8B57 2E8B57 32CD32 32CD32 008000"]دائما نسمع هذه العبارات من الناس او من الذين تعيش معهم

والله فلوس ها الايام ما فيها بركه ؟!!!

الله يعننا على الديانه ؟ عساك ما تستلم الراتب الا وتلقاه ينتظرك عند باب البيت ؟!!

(البيت يبي ؟ الزوجه تبي ؟؟ العيال يبون ؟؟ )< المتزوجين > الجوال ؟؟؟ الانترنت ؟؟

اقساط سيارات ؟؟ قرض البنك ؟؟ عزايم ؟؟ حاجات خاصه بعضها غير مهمه ؟؟

والمشكله بعض هالامور صارت من ضروريات هالحياة ولازم توفرها ؟؟!!

بس هذا يعني بكل بساطه ( نصف شهر والجيب ما فيه شي ) ؟؟!!

اقول قال الرسول صلى الله عليه وسلم : (( اللهم اني اعوذبك من من الهم والحزن والعجز والكسل والبخل والجبن وضلع الدين وغلبة الرجال )) اوكما قال عليه الصلاة والسلام رواه البخاري

وقوله عليه الصلاه و السلام (لن تزول قدم عبد يوم القيامة حتى يسأل عن اربع خصال :عن عمره فيما افناه وعن شبابه فيما أبلاه وعن ماله ............)

وقوله (( اللهم اكفني بحلالك عن حرامك وبفضلك عن من سؤاك ))

ليش احن مايكون هناك تخطيط دراسي لهذا الشي و تنظيم و خصائص و مبادئ في توفير المال
و البحث عن امور تساعدك في تنظيم مالك و البتعاد عن المعوقات و التوزيع الصحيح في التعامل
مع هذا المال.
نحن بلد كثير خيره من بترول ومعادن و غيره تجد ابن البلد ماله يذهب اين ؟ وتجد الاجنبي اكثر مال من ابن البلد و يدين ابن البلد مثل (البقاله) والمشكله رواتبنا عاليه بعضها و السبب ؟ غير معروف !

هل اصبحنا شعب مستهلك من الدرجه الاول ولا تفكر في المستقبل تبحث
عن الغناء السريع بدون تعب ؟
و هل المظاهر و القيم والتقاليد لها دور في ذلك ؟
هل هو صحيح ان فلوس اليوم مافيها بركة؟
هل الحياه و العولمه هي السبب في ذلك ؟
هل هذا يدل على الشخص بأنة لا يعرف قدرته او لا يعيش مع حياه الاصليه ويرض بها؟

( متى العزاب يتزوج و المتزواج متى يشتري بيت )


فــــــــــــــمــــــــــا هــــــــــو الـــــــــحـــــــل ؟



والله يحفظ الجميع [/grade]

[صريح..!!]

اشكرج يا اختي العزيزه على موضوعج القيم


اختي اذا تبين الاختصار على سؤالج انه ليش جذي لو ليش صاير جذي للمتزوجين سببه الغيره والزوجات كثيرات الطلبات لوووووووول.....حلوه هذي صح لوووول:)

فعلآ طلبات الزوجه مالها نهايا ولا يعجبها العجب قليل من الزوجات قنوعات والله


بس ترى احنا نشوف عيشتنا عاديه ولاكن بالحين الحقيقيه عيشتنا فيها غلا كبير يعني لو تفكر في مشتريات بيتكم جم قيمتهم شهر واحد راح تكتشف اكثر من 500 دينار هذي للعائله الكبيره

اما اللي مثل حالتي انا راسي وراس زوجتي بالشهر اصرف 100 وبالكثير 130

<------لانه يحب اكل المطعم :)

اما على موضوع التوفير شي جميل ولاكن يتقسم الراتب على امور كثيره يكون قسط للبنك وللسيارا ومعاش للخدامه و......اللى ماله نهايا واللي يذبح ويموت الفسقه والله الاقتناع شي جميييل وحلو

انا بقولكم شي اي انسان ويانا بالمنتدى يستلم راتب مهما كان لايسحبه كامل شوي شوي احسن بوايد والله اذا سحبته كله بيطير كله شوي شوي تتعاجز انك تروح للبنك وتسحب فى السحب متقطع افضل وانا ايييده والله


وبالاخير لايوجد كويتي واله وهو مديون لانه الكويتي انفع بالضياع لوووووووووووووووول:)

معه السلامه

[كتكووته^^مكتكته]

|--*¨®¨*--|PiNKiYa|--*¨®¨*--|


طرح مهم وقضيه حساسه ومتشعبه


لكن ابدا المشكله مش في الفلوس ونقص بركتها فهي بركه ونعمة من رب العالمين ان احسنا صرفها بالاعمال المباركه والخيره,


اختي الغاليه

جعل الله من اموالنا حق للفقراء والمحتاجين وان منعنا هالحق عنهم طبيعي ان لا تبارك الاموال حتى لو كانت اموال الدنيا

القضيه مو بكثره طلبات الزوجه ولا الاطفال ولا المدارس ولا لان الدنيا صارت نار والوظائف على قد الحال


القضيه ومافيها قلة تدبير وسوء تصرف ( ولا تجعل يدك مغلولة الى عنقك ولا تبسطها كل البسط )

الرسالة واضحه والحل بسيط
خطه مالية وتنتهي كل الحكايه

هناك اولويات وهناك كماليات ,,,
وهناك ما هو اهــــم ,, توفير ,,,


على فكره محدثتك من النوع المسرف ,, ومؤمنه بمن يقول اصرف ما في الجيب يأتيك ما في الغيب مع ان واقع الحال اليوم يقول احفظ قرشك الاسود ليومك الابيض ولكن مع هذا ارد واقول..


سبب تراكم الديون ( وحالة القحط ) اللي يعيشها معظمنا هالايام رغم ان يستلم راتب اخر الشهرالاتي:
1- معظمنا ( مو الكل ) بس يشتغل يتصور ان الراتب بيحقق كل شي مره وحده ( سياره يديده - سفر - مطاعم - لبس - الخ )
طبيعي الراتب ماراح يوفر كل هالامور من اول شهر
لكن ممكن تتحقق مع الوقت ,, مشكلتنا نبي كل شي مره وحده وعشان تتحقق اشلون؟؟ بياخذ قرض وييبهم دفعة وحده.
2- الطمع ,,, ودايما عيونا على نصيب غيرنا ,, يعني انا راتبي قليل مع ان شغلي كثير ,, غيري راتبه اكثر مع انه مرتاح ولا يشتغل ربع شغلي
وهذا غلط ,, كل بياخذ نصيبه ( وعسى ان تكرهو شيئا وهو خير لكم )
3- وهو الاهم ,, حق الفقراء والصدقات - ولو بشق تمره - بس وين اللي يعطي بحسن نيه وان عطينا فنعطي بمنه ..

اختي لا المظاهر ولا القيم ولا التقاليد ولا الظروف المعيشية ولا الدوله بتحل هالمشكله
هي مشكلة فرديه بالدرجه الاولى
انا ممكن اساير الموضه ,, وادفع كل التزاماتي الشهريه ,, واسوي عزايم مثل ماتطرقتي
ومع كل هذا انام وبالي مرتاح لان ما علي ديون اذا عملت خطه ماليه صح ,,


اما

اذا بخربط
واصرف بدون حساب ( وهالايام الله يخلي الفيزا والماستر والداينرز )
واهايط عالفاضي

طبيعي من اول يوم قولي للراتب باي باي

[MiSs-GuCci]

اي ولله انا اوافق اختي كتكوته بالي قالته

مجرد خطة ماليه وتنحل المشكله ..
ولله لا يبلينا بهالمشكله :)
مشكوره اختي بينكي يعطيج العافيه

[PiNKiYa]

ثينكس عالمرور والردوود

[عبـاس بن فرنـاس]

الصراحه راحه و الصراحه هي منا قبل خمسين ما كان في بالكويت و لا واحد ما خذ قرض ولا متسلف اما الحين الي يبي سياره اب خمسين الف و الملابس ماركات بالميات و خطا منا لانا التجار يغرونا بالقروض الي كلها ربه و العيب منا احنا الي الفلوس ما انحس من و وين يت ما ندري ان ابوي تعب و احنا ناخضها و بثانيه نصرفها على اشياء وفي بعض الناس لي لبسو الشئ مرا ما يلبسونا مرا ثانيه و ما ياكلون اكل البيت كلا مطاعم ما يدرون ان الشئ اذا زاد عن حدا بينقلب ضدا و الاكل بيسبب بالموت القريب.