أطفال البدون في الشوراع .. ؟!! ( صورة ) .. !؟؟ ارجاء الدخوول

[مملوح كوول]

اخوي كويتي حرام عليك هذوله من مواليد الكويت لو هم ولدين بمريكا الي اهي نفسها امريكه لعطتهم بعد 5 سنين من ولدتهم الجنسيه ارحم ترحم اخوي كويتي

[مملوح كوول]

يسلمو اخوي الوادي على مرورك وبيض الله وجهك

[مملوح كوول]

اشكرج اختي بسكوته لتعطفج مع ابناء البدون والله انهو لئمرن محزن هئولا ابناء الكويت
ومن موليد الكويت هكذا ينذلون لا حوله ولا قوته الى بالله اجبرهم على تعديل اوضعهم بل جنسيه السوريه والصوماليه والارتيريه وهم ابناء قبائل معروفه

[مملوح كوول]

يسلمو اخوي الغالي
على مرورك وتعاطفك مع اخوانك والله يعين كل مضلووووووووم

[SuL6aN]

لا حول ولا قوة الا بالله

ترى هالصوره منها وايد

بس والله ترى اهم مظلومين

اكثرهم لا كلهم مو اكثرهم من مواليد الكويت ليش مايستحقون الجنسيه

والله آنا بسأل سؤال ....

منو يستحق الجنسيه نوال >> الي اهيا عراقية الاصل وموولوده اهناك بس لأنها غنت عطوها الجنسيه
تحت بند الخدمات الجليله الحين الاغاني خدمات جليله والي ضحا بعمره وداف عن الكويت الي اهيا صج
خدمات جليله ماتجنس منو يستحق الي يغني والي يدافع عن الكويت ...............؟

[مملوح كوول]

اشكرك اخوي كل الشكر والله نظلمو وايد وفوق كل هذا اجبروهم على تعديل جنسيات صوماليه وسوريا وارتريه

والله يكون بعونهم مذله والله مذله

[^ولدشيوخ^]

مساءك ورد اخوي مزيون

موضوع يعور قلبي والله

وماحب اتكلم فيه لدرجة اكثر من مره افتحه واسكره مابي ارد عليه

لان لو تبي تحسبها من كل جهة واتجاه بتلقى الحق مع البدون والله تعاطفا معهم لا اكثر << فانا احب الكويت واحب شعبها

صح انا مو عايش في الكويت لكن بحكم متابعتي للجرايد الكويتيه وبحكم علاقاتي باصدقاء كويتين وهم بعد بحكم علاقتي باقاربي كويتين ايضا

تقريبا عندي المام شامل بالقضيه

مادري من اي نقطه ابدأ .. في مليون نقطه تستحق الواحد يبدأ من عندها


بس انا بختصر في ردي على شان كذا انا بسوي مقارنه بسيطه بس بين البدون في الكويت والبدون في السعوديه << على كيفيه تعامل كل دوله مع المشكله وكيفيه حلها

=

في السعوديه صرفت لهم بطاقات مدتها خمس سنوات << تتجدد مع نهايتها بكل سهوله وانشراح
في الكويت صرفت لهم بطاقات مدتها سنتين او ثلاث << وماتجدد الى بتعديل وضع اي باظهار اي جنسية لاي دوله في العالم << لدرجة اني سمعت من شخص يقول ان في نفس المبنى المخصص للتحقيق مع البدون يوجد في الدور الثاني مكاتب لبيع الجناسي لدرجة ان نصف البدون اجبروا على ان يحملون جنسية دوله افريقيه لا تتكلم اللغه العربيه << ماني ذاكر اسم الدوله ناسيها

في السعوديه يعاملون معاملة السعودي في كل شيء يدرسون في المدارس الحكوميه ويدخلون الجامعات ويتوظفون في جميع الوظائف الا الوظائف الحكوميه ويعالجون في اي مستوصف واي مستشفى مجانا
في الكويت لايدرسون في المدارس الحكوميه واذا درسوا في المدارس الخاصه يتحملون جميع مصاريف الدراسه << وكلكم تعلمون كم هي تكلفه المدارس الخاصه << وخاصه اذا كان لديه اربع او خمس طلاب ولايعالجون في المستشفيات والمستوصفات الا باموال << ايعقل اشخاص على ارضك ويعشقون ترابك ويعتبرون انفسهم ابنائك لايعالجون الا باموال < لايجدون وظائف وان وجدوا يذوقون المر والامر وكل يومهم يذهب عمل على راتب لايتعدى 200 دينار << في احدى زياراتي للكويت التقيت باحد شباب هذه الفئه في احد مقاهي الكويت وتحدثنا كثير الا ان وصلنا الا هذه القضيه << شكواه قطعت قلبي كان يعرض علي مشاكله فاعرض عليه حلولي فيصدها بقوانين هذا البلد الطيب << صدمت هل فعلا الكويت هكذا < ساسرد مادار بيننا بالضبط

بعد اسئله كثيره سالني ماذا تعمل فاجبته اكتب في احدى الجرائد السعوديه فقلت له وانت قال لا اعمل فقال ماشهادتك فقلت بكالاريوس في الاعلام سالته وانت قال ثانويه عامه قال لي كم نسبتك في الثانويه فقلت 88% ادبي فسالته وانت قال 96 % علمي << فوجأت في نسبته فانا اعلم في الكويت الدراسه اصعب بكثير من دراستنا في السعوديه وهذه النسبه تقريبا مقتصره على المصريين والاردنيين في الكويت فقلت لما لم تكمل دراستك الجامعيه فضحك كثيرا قال انت لاتعرف فقلت لاعرف ماذا قال انا بدون << فقلت وبدون لماذا لم تكمل قال لا نستطيع اكمال الدراسه ؟؟؟ انبهرت فقلت معقول قال نعم وايضا نحن ندرس الابتدائي والمتوسط والثانوي على حسابنا الخاص < فقلت لماذا لم تكمل دراستك الجامعيه على حسابك الخاص << قال عند تخرجي لم تكن هناك جامعه خاصه في الكويت ( سمعت قبل سنتين فتحت جامعه خاصه في الكويت للبدون طبعا بمقابل مادي ) وحتى ان كانت فانا لدي من الاشقاء 7 وكلهم يدرسون على حساب والدي وليس لدى والدي مايكفي لتدرسينا جميعا << فقلت له طالما دراسه لاتستطيع اذا لماذا لا تعمل << فضحك كثيرا فقال اعمل اين فكل مكان يقبل بدون يريد معه رخصه قياده << ورخصتي منتهية الصلاحيه منذ اكثر من ثلاث سنوات ( ولااعلم اذا كانت الا الان منتهيه الصلاحية ام لا) فقلت له اذهب وجددها فضحك ايضا وقال لاتجدد الا بامر من لجنة البدون فقلت اذهب الى اللجنه وات بالامر فقال لايعطوننا الامر الا بعد ان نحضر جنسيه ؟؟ زاد استغرابي فقلت له اذا هاجر فقال لا استطيع فقلت كيف لاتستطيع قال لايخرج لي جواز الا بعد توقيع والدي على احضار جنسيه ويعطونه مهله ثلاثه اشهر ان لم يحضر بها جنسيه فسوف يفصل من عمله ؟؟ صدمت افعلا هذي هي الكويت افعلا هذه الارض الطيبه تعامل من يسكن بها هكذا ,, افعلا ,, افعلا ,, كثير من التساؤلات وكثير من علامات الاستفهام

في السعوديه تم تجنيسهم مؤخرا قبل سنتين او ثلاث << دون اي ضغوط عليهم لدرجه ان 50% ممن حصلوا على الجنسيه هم كانوا من البدون في الكويت
في الكويت تم اجبارهم على تعديل اوضاعهم ووقف رواتب العسكريين منهم ممن لم يعدلوا اوضاعهم وخاصه ان اغلب هؤلاء العسكريين هم ممن شاركوا في حرب تحرير الكويت

في السعوديه لهم حرية التنقل في اي مكان وتصرف لهم جوازات سفر دون اي شرط او قيد وتخرج جوازاتهم خلال اسبوعين فقط
في الكويت لايصرف اي جواز لاي شخص مالم يكن قد قام بطلب تعديل وضعه وانه سوف يسافر ويحضر اي جنسية معه << بشرط ان يصرف الجواز له وحده وليس لافراد عائلته << لم اقرأ هذا الشرط ولكني سمعته من احد الاشخاص الذين اثق في كلامهم

في السعوديه حصلوا على الجنسيه فقط لانهم ينتمون لقبائل عريقه < لااود ذكرها بعيدا عن الحساسيه
في الكويت شاركوا في حرب التحرير فارخصوا ارواحهم لها وشاركوا في حرب مصر وسوريا وبعض منهم ذهب اسير في العراق لمده سبعة اشهر ومع ذلك لم يحصلوا على شيء << ولم يوضعوا تحت بند خدمات جليله ولكن نوال وداود حسين وسعد كميل وكثير على هذه الشاكله هم من وضعوا تحت بند اعمال جليله فمن يغني ويمثل ويحكم كره اعماله جليله ومن يشارك في حرب ويرخص نفسه وماله واولاده لاتسمى اعمال جليه



=

اسف على الاطاله ولا اود الاسترسال بكل صراحه

لعل هذا يكفي << اتمنى من كل قلبي كويتي في بي اي يقرى هالرد لعل وعسى يغير رايه

=

الف شكر اخوي العزيز على هذا الموضوع

[SuL6aN]

اخوي آنا بقولك شغله

انت قلت السعوديه تعطيهم بطاقات لمدة خمس سنين =-=-=>> قابله للتجديد

وانت قلت بعد ان الكويت تعطيهم سنتين او ثلاث =-=-=>> غير قابله للتجديد

للعلم فقط ان اخطأت بهالشغله

قلت سنتين او ثلاث لا اخوي مو سنتين او ثلاث

الكويت اهني يعطونهم =-=>> 6 اشهر الي ماعنده احصاء 65

والي عنده احصاء سنه سنه وحده بس

وللعلم بعد ترى البطاقه اهني ماتسويلهم شي بس مجرد اثبات يطلعون فيه ليسن لا اكثر ولا اقل

والحين الحكومه يعني مسويه حصار على هالفئه <<=-=-=-= هههههههه حصار الله يهديهم بس الي يسمعهم يقول حرب

يعني اهم اذا راحوا يقولون نبي ليسن <<-=-=-=-=-= يعني شوفوا الى اي حد وصل الامر

ليسن ( رخصة قياده) يعني شنو ولا شي بس اثبات اذا مر على نقطة تفتيش يقولون لهم روحوا عدلو

يعني طلعوا جنسيات اي شي والي صار الحين 13 الف من البدون طلعوا جنسيات وشنو هالجنسيات مو اهم

الي يبون لا مجبورين جنسيات مثل صومالي وارتيري وماادري شنو والله يعني مصخره

كل هذا تشويه لصورة الكويت

وترى البدون اهني مو وايد كلهم 80 الف <<=-=-=-= قبل

الحين منهم 13 الف طلعوا جنسيات صوماليه وارتيريه الــخ ......

يعني شنو اذا جنستهم الحكومه

وآنا بوجه سؤال لكل واحد يقول انهم مايستحقون الجنسيه ....

منو الي يستحق الي دافع عن الكويت ولا الي يغني حق الكويت ...؟ <<=-=-==- هذا اهو السؤال واتمنى منهم الاجابه

وفي النهايه آنا بقول شغله

ترى والله الكلام هذا مو تأليف ولا من عندي =-=-=>> الكلام هذا من ناس آنا اعرفهم من الفئه نفسها

فئة غير محددي الجنسيه =-=-=-=>> الفئه المظلومه ......

الى متى تستمر معاناتهم ......

ــــــــــ

سوري ع الاطاله ........

[مملوح كوول]

اشكرك اخوك على كل كلمه قلتها وكل كلمه قلتها هي حقيقيه والله يعني قالو كويتي بل جد والخال وين
قبل بدو بدو رحاله وين الخير راحولو قالو كويتي بل جد والخال خلها على الله الله كريم

[مملوح كوول]

اشكرك اخوي بيكهام معانات الله يعن ناس مو قادره تتزوج ماكو وضايف حتى الي اجبروهم على التعديل الحين انتهت اقامتهم مو عرفين شلون يجددونها لا وضايف ولا هم يحزنون خافو ربكم هذوله عيالكم
من مواليد الكويت تجبروهم على التعديل بجنسيات صوماليله وارتيريه وسوريه الى اخره

ويسلمو على كل من شارك بهذا الموضوع ويسلمو على مروركم

[SuL6aN]

الصراحه وبكل صدق

انا مازلت مصرر على منع التجنيـس



وكل الشكر لك
اخوي مزيون
----

:mad:

آنا بقولك شغله كويتي اف بي اي

يعني الحين الهندي شوف الهندي واهو عنده جنسيه هنديه قبل ترى على فكره

الهندي كومار الي تجنس قبل فتره مايخرب النسيج الاجتماعي ولا متولي الفيومي

متولي الفيومي <<=-=-=- شوف شوف اسمه جيك عدل

من اسمه صعيدي وتجنس وغيرهم وايد

حبيبي والله ترى الي يصير الله مايرضى فيه

واذا انت مو من الي يقولون يخرب النسيج الاجتماعي

قولي ليش مصر على منع التجنيس .........؟

آنا ابي منك الجواب لا تسكت ابيك ترد علي اوكي

وسؤالي الثاني الي يمكن اكتب للمره الرابعه تقريبا

منو الي يستحق الي دافع عن الكويت ولا الي يغني حق الكويت ..؟

وسؤال بعد ليش يعني مايجنسونهم ترى والله مايسوون شي ..؟

واذا انت من النوع الي يقول ميزانية الدوله على فكره 2005

الفائض بالمليارات والدليل على جذي مايعرفون وين يودونها

تبرعوا فيها

طيب الي اهني محتاجين تبرع ..؟

ساعدوهم .....؟

كويتي آنا ابي منك جواب اوكي مو بس انت ابي كل الي مثلك

الي اهم يقولون لا للتجنيس ..؟
اووووكي

ابيك ترد علي لا تسكت اوكي قول يمكن تقنعني ....

[مملوح كوول]

يسلمو بيكهام على كلاماتك ويسلمو اصابعك الي يكتوب الكلام ونا بعد ابي رد من كويتي اف

[pomegranate]

مزيون كوول
الله يعطيك العافيه
صج قضيه تعور القلب ولازم تنحل:(

[pomegranate]

بيكهام
تسلم اناملك

[عزتي في شموخي]

الســــــــــــــــلام عليكم اخواني و اخواتي و مشكور اخوي مزيون على طرح مثل هالموضوع الهام جدا



بما اني احب هالمواضيع الجاده و اللي فيها نوع من التعاطف الانساني اللي يبينه لنا تاريخنا الاسلامي

بما انه حنا عيال الكويت لازم يكون في تعاطف بينا لان هذي طبايع اهل الكويت معروفين بالانسانيه و الذوق و احنا ما ننسى ان مثل هذي المشاكل لو حليناها بكل تفاهم و رحمه فيما بينا راح تاثر علينا للاحسن

تحياتي لكم و دمتم بود