انا حامل .. زوجني يا أبي !!

[MiSs-GuCci]

[align=center]بسم الله الرحمن الرحيم
والصلاة والسلام على اشرف خلق الله اجمعين
تحية طيبة,,, وبعد ...
سلام الله عليكم ايها الاحبة والاخوة الكرام

زوجني يا أبي ممن احب فانا حامل منه في الشهر الخامس ؟
زوجني ولربما اكون حاملا فاجلب لك العار؟

في زمن انتشرت به الرذيلة ولم يعد ابنائة يخشون لومة لائم وانما يتبعون اهوائهم وغرائزهم وشهواتهم ولا يسعنا سوى ان نسأل المولى ان الاستقامة
في زمن الحب والغرام والوهام وفي زمن العشق والعشاق واالابحار في عالم المجون والاسحار
في زمن تلاشت به القيم والافكار تلاشت به العرف والامثال
في زمن سطرت كلمة ( حب ) التي تتكون من حرفين لتعبر عن حكاية الف ليلة وليلة والمغترون بها هم عشاقها

زوجني يا ابي ؟ كلمة لا يسع ان تقولها تلك البنت لابيها لكي يزوجها من حبيبها الذي ارتمت بين احضانه بداعي الحب واذا لم يكن للأب طاقة لهذا فعليه تزوجيهما امام القاضي رغم عن انفه ...
كم من قصة تقشعر لها الابدان في المدارس وطلابها يترواح اعمارهم بين الرابعة عشر والسابعة عشر يأتون المدرسة لتكون وسيلة للقاء بين الحبيب ومحبه ومن ثم الهرب معه لتأتي فجأة صارخة عارمة يا أبتاه ويا أماه انني حامل ؟
يا ترى من المسؤول ؟
الوازع الديني نعم والف نعم ولكن أين عفة البنت وطهارتها ؟
أين شرفها وكبريائها؟

حكايات كثيرة تروي لنا الكثير والكثير والسؤال الاخير هو

يــــــــا ترى هل من نذير؟


منقول

للأمانه عجبني هالموضوع وحبيت نناقشه بمنتدانا ..[/align]

[ارجع للشوق]

الصراحه خوووش موضوع والمفروض ان نطرحه من زمان في المنتدى حق البنات اللي بسن المراهقه واللي عاميه عيونهم الدنيا وبالنسبه حق كلامج لمن قلتي قلت الوازع الديني ترى مو بس هذا السبب بعد في اسباب وايد غيرها مثلا البنت اللي عمرها 13 و14 لمن تطلع مع خواتها وبنات خالتها اللي بسن ال 17و18و19 وفوووق وتشوف المعاكسات اللي تصيرلهم اكيد راح تخليها تفكر بهالسوالف وطبعا اهيه حدها غشيمه فراح ينقص عليها بسهوله وعاد اذا طاح الفاس بالراس ما ينفع شي بعدين والله يهدي الجميع

تسلم ايدج على هالموضوع

[طفـله مغـروره]

مس قوتشي
الف شكر لج يالغلا على طرح هالموضوع الي بغايه الخطوره والاهميه

وفعلا هالظاهره منتشره في هالايام واسبابها :
1- عدم رقابه الوالدين والدلع الزايد نشوف هالايام ياهل بالمتوسط تليفونها بيدها وتروح وترد على راحتها على ابو انها صغيره ما تفكر بهالسوالف بس للعلم طول ما النقال بيد البنت واهي صغيره خلاص اعلم ان هذي اهي نهايتها وحرام نضيع البنت من صغرها ولما تكبر وتخطأ نلومها.
2- صديقات السوء يعني بما ان الوالده اهي الاقرب للبنت يجب عليها مراقبه ومتابعه من هن صديقات بنتها ومعرفه كل شي عنهن وهذا من حقها للمحافظه على بنتها.
3- وسائل الاعلام وللأسف بدل ما توعي الفتيات قامت تعرض دايم مسلسلات الحب والغرام وهذا ما يسبب في تمرد الفتيات.
وإذا قدرنا أن احنا نحل هالثلاث مشكلات بنساعد من تقليل ظاهره الحمل بالحرام :)

واسفه إذا طولت عليكم

طفوله

[كتكووته^^مكتكته]

MiSs-GuCci


المشكله اللي انطرحت لها ابعاد عده

اولها ,, خطوره سن المراهقة على البنات والشباب ايضا

حيث انهم في سن حرجه وتحدث لهم تغيرات عده جسديه ونفسيه تجعلهم يعيشون حاله من الضياع والتخبط وعدم السيطره على افكارهم او اتخاذ قراراتهم فينجرفون لتيارات عده

وقليلون فقط من يستطيعون الخروج منها دون مشاكل

هذا من ناحيه

من ناحيه اخرى بعد الاهل عن ابنائهم هذه الفتره بحجة انهم قد كبروا
ناسين ان هذه الفتره مهمة اكثر حتى من مرحلة الطفوله


بعض الاباء وللاسف يتمسك برايه حتى وان كان خطأ لمجرد ان يفرض رايه على ابنائه ويرغمهم على امر قد تكون عواقبه وخيمه
رسولنا الكريم عليه الصلاة والسلام يقول اذا جاءكم من ارتضيتو دينه وخلقه فزوجوه
ولكن اباء اليوم لا يفتش عن الدين والاخلاق بل يبحث عن الاسم والجاه وهنا يقتل الحب ان وجد بين ابنه او ابنته ويضطر الابناء لارتكاب الرذيله لوضعهم امام الامر الواقع
انا لا ابرر افعلهم فالخطا لا يبرر بل يواجه بالعقاب ولكن هذه احد اسباب الوقوع في الرذيله ,,

وان كانت اكثرها قله الرقابه وضعف الوازع الديني وسوء الصحبه الخ من الاسباب التي باتت اكثر من الحلول

الامر كله بيد اولياء الامور فلو كان هناك اساس صحيح من البدايه لما وقعت المصيبه وان وقعت لا تصل حد الحمل السفاح

شكرا لج

[MiSs-GuCci]

شكرا على المرور أوافقكم الراي واحترمآرائكم بشده .. والله يبعد عنا هالمشكله بالذات

[©خلودي©النشبـة©]

بسم الله الرحمن الرحيم

اول شي شلونج خيتو شخبارج عساج بخير ؟

بالنسبه حق الموضوع

انا اقدر اقول ان رد الاخت طفله رد مثالي والكلام اللي فيه اهو الانسب ولو كل اسره و أم تسوي هالاشياء جان تفادينا وايد " صدمات " ..

يعني على قولتها الحين تشوفين الياهل ام 13 & 14 سنه قاعده مع اهلها والموبايل بمخباتها وحاطته صامت وكل ما اهتز الموبايل " تصرف روحها " من قعدتهم الحلوه وتروح دارها " ويكون المتصل فارس الاحلام : " والله بشوفج اليوم . لا ماقدر . يعني انتي ماتحبيني . امبلا احبك بس ماقدر . لا لا ماتحبيني انتي . امبلا احبك خلاص راح اطلع ! " .. وبعد الطلعه " السعيده " تلقين البنت راده مكسوره الخاطر مو عارفه شتسوي .. وبعد ماطاح الفاس بالراس تتصل عليه مايرد .. يابن الحلال شسوي يرد عليها : انا مالي شغل و يستمر " التسكيب " من ناحية الولد .. وتستمر على هالحاله ليما يكون لكل حادث حديث ! .. وما خذت البنت من هالعلاقه غير الهم والنكد .. والعار ! .. تقديرياَ اقدر اقول ان هذي صوره مصغره عن معظم العلاقات الغراميه بين " الولد والبنت " ..

.
.

الحين نبلش بالأسباب ..

شنو اللي دفع هالبنت انها تسوي جذي ؟ وشنو اللي خلاها تنجرف ورى عواطفها من غير اي مبالاة او حتى تسأل نفسها شنو ورى هالعلاقه ؟
طبعاً الاسباب وايد .. واغلبها ما يخفى عليكم انتوا بعد ..

الاخت طفله عطت الاعلام اولويه متأخره شوي .. بس انا بقول اول شي الاعلام !

يعني الحين انتو شايفين المسلسلات الكويتيه ..
ماكو مسلسل واحد كويتي يخلوا السيناريو ماله من علاقة من هالنوع !!
يعني انا بسأل البنت اللي بتشوف هالمسلسل شنو راح يكون اثره بنفسها .. اكيد بتقول لو ان هالشي مو سهل جان ما صار بكل مكان .. وحتى بالمسلسلات .. يعني شنو حرام علي وحلال عليهم !

الشي الثاني اللي بتكلم عنه .. اهو رقابة الاهل !
يعني تشوف الاهل بـ " ديره " و البنت بـ " ديره ثانيه " ..

الابو لاهي بشغله .. الام لاهيه مع صديقاتها .. الاخو كله سهر برا البيت .. يعني البنت منو بياخذ بيدها ويدلها على الدرب الصح ! اكيد لما تشوف ماكو احد متفرغ لها ولا احد مهتم فيها بتلجأ حق ناس غير اهلها واللي تلمس فيه التجاوب معاها بيكون اهو اختيارها وتكون عواطفها منجرفه حقه بشكل مو طبيعي .. فـ الولد اكيد راح يستغل هالعواطف بطريقه غلط !

خيتو الاسباب كثيره و اذا قعدنا نقولها ما نخلص

فـ خلوها على الله !

[~§][][ الـــفــــنـــــار ][][§~]

MiSs-GuCci

اول شي طبعاً الأخوات ما قصروا في مشاركاتهم وردودهم مع الأخوان الأعضاء

وثاني شي هذه الظاهره أكثرت عندنا وايد وايد وايد وسبتها أهمال الوالدين لأبناهم وبناتهم

مع الأسف :: والكل لاهي في تلاهي الدنيا وهاملين الأ بناء وهذا اللي يخليهم يمارسون الأغلاط

ويتعرفون على أصدقاء السوء :: والسبب لأول هم الوالدين ::

وما نقول إلا اللهم احفظ أولادنا من عبث الشيطان الرجيم :: اللهم امين :::

تسلميييييين حبيبتي على هذا الموضوع المثير ويعطيج الف عافيه

[بنت الخير]

شكرا على الموضوع اللي الكل يتجاهله والكل يتجاهل ماورا الحب الوهمي للمراهقين

[عبـاس بن فرنـاس]

[grade="4169E1 DC143C 32CD32 0000FF"] قالوها ماكو على الحب العذري احلى حب بالدنيا[/grade]

[©خلودي©النشبـة©]

شكرا على الموضوع اللي الكل يتجاهله والكل يتجاهل ماورا الحب الوهمي للمراهقين

احنا ما نتجاهله يا بنت الخير .. بس الكل يخاف يخوض بهالمواضيع

وفي شريحة من الناس تخاف تتناقش بهالمواضيع عشان ماتبي ينكشف " المستور " ولو ان المستور مكشوف وخالص بس يغضون ابصارهم عنه !

و الغريب انهم يغضون النظر عنه عشان اهداف رخيصه انتو ادرى فيها !

الله يعين

[محمد الفارس]

هذه قصه من الف قصه تصير بزمانا الحالي ونسال الله ان يرحمنا برحمته واللي يشوه معنى الحب بهالزمن هو عدم وجود من يلتزم باخلاقه ومبادئه والابداع في اللف والدروران والنصب على المحبين سواء كان بنت او صبي وشي حلووووو ان الانسان يحب بس لازم يعرف منو الشخص اللي يحبها او تحبه

[uvfd]

ما أقدر أقول أكثر من الكلام الذي قيل
بس نأسف إن البعض وصل إلى هذه الدرجه من عدم إحترام الذات
وشكرا على الطرح
ثانكسسسسسسسسسسسسسسسسسسسسسسسسسسسسسسسسسسسسسس

[BiShOw]

العتب عالوازع الديني و الاهل

[MiSs-GuCci]

شكرا على المرور..
خلودي عجبني ردك وايد مشكور