مشكلة الطلاق في الكويت

[كويتية حنونة]

سلام

شلونكم

شخباركم

هذا اول موضوع لي هني

مدري شلون ابدي

لكن بصراحة

مشكلة الطلاق عندنا في الكويت واااااااايد كبيرة

و الكويتيات وايد منهم مطلقات

مدري والله يمكن ربع الكويتيات مطلقات

و انا مع الاسف ضحية للطلاق
و بعد معاي وايد مطلقات

ليش ما نبي نحل هذه المشكلة ؟

الطلاق يولد فراغ عاطفي و اسري و مادي و و و

و اللي عايش في الكويت يعرف هذه الامور وايد

برايكم

ايش سبب المشكلة ؟
و ايش هي الحلول ؟


ابي من الكل يشارك

[كتكووته^^مكتكته]

|--*¨®¨*--|حنــــــــــونه|--*¨®¨*--|

التحدث عن المشاكل الاجتماعيه ليس بالامر الهين علينا

خصوصا اذا كانت ابغض الحلال عند رب العباد



الزواج هو سنه من سنن الحياه التي فرضت لاكمال الحياه واستمرار النسل

لتحقيق غاية الله في خلق الخليقه

وهي العباده وتعمير الارض
ولكن لسبب
او ربما عدة اسباب

يحدث الطلاق

( تسريح باحسان )



وهو امر بسيط مثله مثل الزواج
ولكن للاسف في مجتمعاتنا دائما نضخم الامور ونوجه اصابع الاتهام


فالزواج والطلاق قسمة ونصيب

بل واحيانا يكون الانفصال هو الخير للطرفين



الاسباب مختلفه

والنتائج كثيره ولكن بالنهايه


هو امر مشروع لا ضير فيه ان استحالت الحياة الزوجيه واصبحت اشبه بالجحيم


والامر ليس للمرأة وحدها بل هو ايضا للرجل

ولكن كما ذكرت لك ان مجتمعنا اعتاد ان يجعل في كل قضيه

متهم وبريء

[كويتية حنونة]

سلام

هلا والله خيتو كتكوته

كلامج صج

لكن

عندنا مافي مشكلة

جذي يعني

خلاف و مشكلة و تتطلق المراة

ابي اشوف ليش في الكويت جذي يعني ؟

اكثر مجتمع فيه طلاق في الخليج و في المنطقة كلها

مدري
يمكن ما يخلى بيت من مطلق او مطلقة

الخلل وين ؟

في البنت ؟
في الريال ؟

في المجتمع ؟


مدري

انا مشكلتي كانت معقدة

و لكن لو عندنا الطرفين صبر ما كان تطورت و كان ممكن نحلها

انا اشوف
انه البنت هي الضحية الاكبر

لان الريال يروح ويتزوج ثانية

لكن عندنا على مستوى العنوسة في النسوان
المطلقة وين تروح ؟

انتم شنو رايكم

مشكورة كتكوتة

و ابي من الباقين المشاركة

[~§][][ الـــفــــنـــــار ][][§~]

مشاركه رد

~*¤ô§ô¤*~كويتية حنونة ~*¤ô§ô¤*~

مساج الله بلخير أختي الغاليه وتسلمين حبووبه

على طرح هذا الموضوع : وهذا الموضوع اللي شاغل الكل من متزوجات او غير متزوجات والمطلقات منهم


ومع الأسف الأثنين هم الضحيه الزوجه والزوج ؟ وهذا يرد على الاهل اكثر شي في وقتنا الحالي

أي بمعنى يايكون زواج بلغصب للبنت او والده االشاب تكون غاصبته على البنت

ومن هذا المنطلق تبدأ المشاكل وتزيد كل يوم لحد ما يوصلون للطلاق :: هذا اول شي ::

أما بنسبه للمطلقات اللي عندهم اولاد أهم اكثر المشاكل يعني لوو نقول ان الزوج خلاص مل من زوجته ويبي

يغير : اوكي غير وتزوج وارتاح في حياتك بس لا تنسى أولادك في كل شي لأن هذه نعمه من نعم الله لك

وأكمل واجبك معاهم كا أب حنون عليهم كمل واجبك أمام الله عزوجل :: بس من غير كرهه لوالدتهم ويصير كل

يوم محاكم وروحه ورده وتعب وكل هذا امام اولادك : ومع كل الأسف ان الأولاد أهما الضحيه : الله يعينهم ::

اما بنسبه للزوجه : ترى ساعات هم احنا نخلق مشكله من لا شي : وبعدين نندم : اوكي إذا كان الزوج تمام

ومحافظ على بيته وعلى زوجته وعياله و مومقصر في شي معاهم ليش انا اخلق مشكله لين توصل للمحاكم

وبعدها تنحل المشكله بطلاق : طيب والاولاد شنو الذنب اللي ارتكبوه يعني : مالهم غير التخيير : وهذه هم

مشكله لهم ولنا : ولا تنسون ان للمحاكم لها اصول وقوانين ومذاهب ولكل واحد ياخذ نصيبه من الحكم ؟

ثاني شي : حتى المتزوجه المرتاحه مع زوجها وبيتها وعيالها الحين قامت تخاف من اللي تشوفه وتسمعه

ومن كثرة مشاكل الطلاق : طبعاَ الرجل ما يصدق يشوف زله على زوجه طاار للمحكمه وطلق > جنه داخل محل

يشتري تيشيرت ويغير على كيفه : الله يهديهم إن شالله ::: ونفس الشي الزوجه عسى ما تشوف تلفونه رن

أعفست الدنيا على راسه : اوكي اول شي نفهم الموضوع ونتكلم بهدوء علشان ما نسبق الاحداث ونوصل للطلاق

والله يا جماعه أكثر الطلاق من غير سبب معين وعلى اتفه الاسباب تكبر المشكله وتصير محاكم ودوخه راس

وأخرتها المساكين العيال تروح فيها :: أستغفر الله يارب :::::::::::::

ثالثا ويمكن هذه تكون نصيحه : ان على كل أم تحب بنتها او ولدها : ياريت تعطونهم فرصه يكملون دراستهم

لأن الوقت هذا محد يعجبه شي وإذا الشاب من غير شهاده قاموا يعايرونه ونفس الشي النبت ؟

طيب ليش انا ازوج البنت بعمر صغير يعني 16 / او 17 سنه واهيي مو فاهمه شي في الحياة الزوجيه

وهذه بنت تبي تطلع وتدلع وتسافر يعني متعوده على كل شي في بيت اهلها : ليش انا اييي وأظلمها

مع الشاب اللي تقريباً نفس عمرها يعني حتى الشاب متعود على كل هذه الاشياء لييييش نظلمهم واهما صغار

لحد ما تصير بينهم مشاكل وتوصل للمحاكم ويطلقون واهما ما كملوا ال 19 / او 20 سنه : والمشكله الاكبر

أن يكون في أحشاء البنت طفل وللحين ما وصل للدنيا طيب شنو ذنب الطفل هذا ؟؟ والله من كل صوب

انا اشوفها مشكله يا كويتية حنونة :: طبعاً اهوا يسمى قسمه ونصيب بس اكثر الماشكل من عندنا احنا


الأثنين يعني الزوج والزوجه : واضحيه الاطفال : وما نقول الا يهدينا ويهديهم : اللهم أمين


ويمكن يكون الطلاق اهوا الحل بين الطرفين ليش لاااء :

وأسفه طولت عليكم الحديث السمووحه حباايبي ::


وتسلميييييييين مره ثانيه حبووبتي كويتية حنونة

[RUSsi]

اول شي يعطيج العافيه :)
ثاني شي هذا موظوع طويل فيه مليون سبب وسبب..منهم:
ان الرجل غير قادر على تحمل المسؤووليه ..والعكس صحيح للمرأه.
.واكثر سبب مؤثر هو..تدخل الاخرين بين الزوجين!!!!!
وفيه اسباب اخرىى
وبالنسبه للحل...لايوجد اي حل لان هذي هي الحياة زواج وطلاق

...وبالنسبه لج واللي مثلج...انشاء الله الله بيرزكم باللي يعرف قدركم ويوفقكم..
تحياتي
اخوج
روسي :)

[سعودي رايق]

الاخت حنونه

بصراحه هذي مشكلة يعاني منها المجتمع العربي بصفه عامه

وليس الكويتي فقط

عندنا في جده في آخر إحصاءية رسمية

نسبة الطلاق 66% للزواج

نسبة عالية ولكن مثل ماقلتي ماهي الاسباب

انا من وجهة نظري ان الزوجين هما السبب

وذلك لانهما لم يحافظا على عش زوجيتهما

وقد تون هناك اسباب اخرى مثل الاهل وفساد احدهما

ولكن بعدنا عن سماحة ديننا وتعلقنا بأشياء اخرى جعلت من هذا الزواج مجرد عقد

... شراكة فقط

واحب ان اذكر بقصة لاحد سلفنا الصالح وهو ابو الدرداء رضي الله عنه وهو يحكي ملخص قصة حياتة

: بعد وفاة زوجتة ويقول

رحم الله ام الدرداء عشت معها 18 عاماً لم نختلف ابداً

اذا غضبت صالحتني
..واذا غضبت صالحتها

الله اكبر وينا من هذا كل من الازواج في زمننا وهو مخطي ينتظر ان تراضيه زوجتة والعكس صحيح

... الى ان تكبر الامور وتنتهي بالطلاق

[شيطووووووووون]

بسم الله الرحمن الرحيم

شكرا على طرحج لهذا الموضوع الهام في مجتمعنا


انا اعتقد ان الطلاق هو نهاية قد تكون سعيد في بعض الاحيان


لان الطلاق في بعض الاوقات يكون الحل الوحيد لانهاء الخلافات


الزوجيه و الاسريه المتأزمه


و لكن اكثر حالات الطلاق لا تتم من اجل هذا الغرض بال لاسباب


تافهه من الزوج أو الزوجه و سبب هذا النوع من الطلاق هو عدم


نضوج هؤلاء الازواج نضوجا فكريا حيث يعتقدون ان الامر مجرد


لعبه تبدأ وتنتهي متى شاءوا ذلك و طبعا هذا الامر غير صحيح


لان بالطلاق تتدمر الاسر و يتشرد الاطفال



و انا مع ان مجتمعنا الكويتي يضخم مسألة ان هذي مطلقه ولا هذا مطلق
لان هذا الامر شي عادي ما يعيب الرجل ولا المرأه






مع تحياتي :)

[جرح الزمن 1]

شكرا اختي على الموضوع نفس ماقالو اخواني واخواتي انا الموضوع طويل وننتظر كل ماهو جديد

[راشد2005]

رد: مشكلة الطلاق في الكويت

السلام عليكم ورحمة الله وبركاته
اختي العزيزه كويتيه حنونه
اسباب الطلاق واجد بس واجد بكويت ليش انا اقولج لنه المره لطلقت تاخذا شقه تاخذا معاش من الحكومه لها حظانه اولادها الرجال ماله شي يمكن تحب تقهر الرجل بهشي لنه ماهي خسرانه بتفكيرها او يمكن بتفكير اهلها لنه بعض الاهل يكونون ماديين حيل لو انقطعت هشغله هذي اتوقع مو بتنعدم نسبة الطلاق بس بتقل حيل

[وصايف q8]

رد: مشكلة الطلاق في الكويت

لان الناس الحين ماعاد عندها وسعه صدر ولا طولت بال ..

الكل ما يتحمل شي .. والكل مايبي يتنازل عن شي في سبيل استمراريه الحياه الزوجيه .. قد يكون هناك مضحي ويقابله في ذلك القفص الزوجي انسان لا يستحق تلك التضحيه .. اسباب كثيره ..

وبالاخير محد ياخذ الا نصيبه اللي كتبه ربه له .. وهي مقادير من ربنا اللي ما يظلم احد من عباده .. وعسى ان تكرهوا شيئا وهو خير لكم .. ولله حكمه دائما بكل الامور ..

مع تمنياتي لكِ بالتوفيق وبالعوض الطيب ..