ابي اعرف شنو اللي تبيه البنت من الشاب وشنو اللي يبيه الشاب من البنت اول موضوع لمحبوب

[محبــوب القلـوب]

الــ/// ـلام عليـ ورحمة ـكم الله وبركاته


مادري يمكن هذا اول موضوع لي وموضوعي بصراحة من خيال افكاري المهم ماحب اطول عليكم


ابي اعرف شنو اللي تبيه البنت من الشاب وشنو اللي يبيه الشاب من البنت


يعني شنو الأشياء اللي يحبها الشاب في البنت والأشياء اللي تحبها البنت في الشاب


×?°يالله نضع النقط على الحروف×?°

نغير اشوي اسلوبنا مع اخواتنا والبنات يغيرون اسلوبهم مع اخوانهما


يالله يمكن نجد حل يرضي جميع الأطراف\\
اشياء راح تتغير في الاسلوب والمعاملة

البنت تتفاخر جدام صديقاتها اخوي ماشاء الله عليه


والأخ يتفاخر جدام ابوه وامه اختي ماشاء الله عليه زين البنات

مادري من وين ابتدي ويالله تعالون نقرب قلوب بعض

مانبي حواجز
مانبي عوائق

مانبي سدود نبي يكون الحل هنا في منتدانا نبي العلاج هنا في قسم المناقشات

ناطر اول اتصال قصدي اول مشاركة

[ارجع للشوق]

يا انته يا محبوب على هالمواضيع :rolleyes:

اممممم بالنسبه حق الاشياء اللي انا احبها تكون عند الشاب انه يكووون صريـح ما يجذب يكون ريال بمعنى الكلمة يعني يتحمل مسؤولية اي شي يواجها مو يصير دياية امه والاهم من هذا انه يصلي لانه اذا كان يصلي انشـــالله ماراح يعيبه شي وطبعا اتمنى ان اخوي تصير فيه هالصفات عشان ما يأذينا اذا كبر :p


ويسلموووووووو

[أمونه]

وعليكم السلام والرحمه

البنت ما تبي شي الشاب اهو اللي يبي <-- تتفلسف

يمكن الشاب فيه نقص حناان والبنت اعتقد فيها حنـاان كبيررر

الله سبحانه ميز المرآة عن الرجل وجعل الرجال قوامون على النساء لان النساء يمتلكون عاطفة الحنان وبجذي

اهني الشاب يستغل عاطفتها واهي اكييد ما بتقصر وياه بتعطيـه اذا تحبه وبصراحه

انا عن نفسي كوني بنت مابي شي من الشباب بس ابي رضى الجميع علي

وتسلم محبوووبي ع الموضوع الحلووو ولا تحرمنا من مزيدك يا غلااي

:):)

[MooNy^MooD]

مشكوووور محبوب على الموضوع


و انا من وجهة نظري اعتقد انه كل بنت تتمنى ان الشخص الي راح ترتبط فيه طول حياتها يكون يخاف ربه و يحترمها و يقدرها و يحبها و تكون له شخصية ( يعني مو يكون دياية امه ) تحب يكون متفهم يقدر حاجاتها و يدللها و ما يقصر معاها و طبعًا يكون حنووووووون


و انشاالله اذا تحقق هالشي رااح يلقىى الريال الي راح يعجبه و راح يرتااح معاها

:):):):):)

[وليد الراشد]

[glow1=FF3366][align=center]وش يبي الشاب من البنت

ممممم

بما إني ولد راح أقول وش يبي الولد من البنت

طبعا البنت هنـه الأم والأخت والزوجة ومافي حكمهم من قريبات لي

طبعا هذول اللي ذكرتهم سالفا طرف بالمجتمع بوجود الذكور ،، وعمر الحياة ماراح تمشي بطغيان أحد الجنسين على أي مجتمع ، يعني مستحيل نتخيل مجتمع كله نعومه وأنوثة وخفه ولين بنفس الوقت بعد مستحيل نتخيل مجتمع كله فحولة وشدة وكدح ،، بس نعومة مع رجولة ولين مع شدة ،، وزي كذا راح تمشي دفة الحياة وراح ينتجون أجيال وأجيال


أما الأخت اللي تقول أنا ماأبي من الشباب شي الشباب أبوها وأخوها وولي أمرها والمعيل لأسرتها أقول مستحيل تلغين دورهم بالحياة وتعيشين بدونهم ، مثل ماأنا مستحيل أعيش بدون أم أو أخت أو طرف أنثى في حياتي

رأيي الشخصي ،، وأتمنى تتقبل رأيي بكل صدر رحب

آسف على الإطالة

:)مع التحية[/align][/glow1]

[غربه سجين]

اللي أبيه من الشاب الي راح أرتبط فيه يكون1* محافظ على صلاه الفجر لان الي محافظ على صلاه الفجر اكيد بيكون محافظ على باقي صلواته


2*مايكون مدخن


3*يكون حاط أهله على راسه لان الي مايهتم بأهله مستحيل يقدر يفتح بيت ويهتم بزوجته وأولاده


4*مايهمني درجه تعليمه قد مايهمني يكون انسان متفتح مو معقد


5*يكون مهتم بشغله وبدوامه ومو يداوم يوم ويغيب عشره


لو جلست من اليوم اليا بكره ماخلصت المواصفات

وايش الي خلاني اترك خطيبي الا هالاشياء مالقيتها فيه

[محبــوب القلـوب]

السلام عليكم ورحمة الله وبركاته



مشكورين على الرد اخواني واخواتي

انا سمعت وايد كلمة ) دياية امه )

يعني الحين اللي يسمع كلام امه يصير جذي بنظركم ليش مايكون هذا احترام للأم او هالشاب عارف ان امه تحب مصلحته ويسمع كلامها وثاني شي بما اني شاب راح اقول شنو اللي ابيه بالبنت


بصراحة اللي ابيه بالبنت انها تكون قنوعة وماتحب شي اسمه مظاهر وتكون ويا زوجها بالسراء والضراء وماتطالع غيرها من البنات شنو لابسة ووين طالعة واي ديرة مسافرة وشنو عطرها اعتقد هذي شي اسمه القناعة اللي انا قلت عنه

واحنا يالشباب كل شخص فينا له نظرة في شاب ممكن يحب شكل المرأة بس وفي اللي يحب اخلاقها قبل مايحب فيها جمالها وطبعا الجمال جمال الروح وناطر التعليقات ومشكورين على التواصل

وترى بالنسبة لي انا اللي يشدني بالبنت اسلوبها وطيبة قلبها عندي نعمة من ربي اني احس بالبنت شنو تبي وشنو اللي يضايقها واللي تحبه دايم ادور طبعا على الشي اللي تحبه خصوصا في منتدى كويت 777

[HoNeY RoSe]

مشكور محبوب ع الموضوع

انه الي اتمنى بريلي المستقبلي طبعا مو اي شاب :) .. هو انه يكون واحد محترم حاشم نفسة .. ويعرف واجباته وحقوقه .. وابيه يكون متلزم بصلاته .. وما يكون من الي عينهم زايغه .. ما يجدب عليي ويكون صريح لانه الزوجه اهي تكون امين السر له :) .. وابيه يكون متعلم واعي في كل شي ..

وبس فيه اشياء بس موراضية تطلع :p

[ŋαŋ]

أنا مع رأي مروئتــــــــي ..

اللي أبيه بزوج المستقبل ..

أنا يكون حنوون .. عطوووف .. متفهم .. متعلم .. واعي .. يراعي مشاعر الناس .. طيب .. خلووق .. كريم .. محترم .. ملتزم ببيته .. محافظ على صلاته .. قووي شخصيه .. جدي بوقت الجد .. خفيف دم

انا أدري مافي شخص كاامل بس يمكن لاسمح الله يطلعه اللي ابيه لووولي ..

يعطيك العافيه محبوب ..

[PiNKiYa]

اولا شكرا عالموضوع الحلووو
ثانيا في بعض البنات من وجهه نظري مختلفين بالاختيار في بنات يبون ريال يلعب عليهم وهذا شي انا ما حبه ولا ابي يصير معاي
ثالثا اكو بنات يبون واحد سنع ريال بالكلمه متربي وصريح
وانا اقول يعني الافضل :الصراحه لابعد الحدود اولا وثانيا:التربيه
هذيل شيين انا افضلهم ..وتسلم ايدك اخووي عالموضوع ..وانشالله نشوف المزيد من التقدم

[كتكووته^^مكتكته]

بغض النظر عن ما اذا كان
زوج المستقبل او حبيب او اخ او الخ


انا الذي يجذبني بالرجل

اي رجل كان

ان يكون رجل شرقي بمعنى الكلمه


المتمسك بالعادات والتقاليد القديمه ( ما عليش يمكن انا دقه قديمه شوي )


ما احب اللي يستخدم الجل ويحلق شاربه ( على بو ديرتي وهالسوالف )

ما احب اللي يبدل لغته العربيه بشويه كلمات غربيه ويقول عنها تطور وحضاره

ما احب اللي اول ما يتزوج يترك اهله ويطلع بشقه ويقول هذي استقلاليه وحريه


ما احب اللي يحرص على انه يتزوج الجميله بس عشان يتمنظر فيها ويكشخ

يعجبني الرجل ( الحكر ) البدوي بمعنى الكلمه ( اقصد بداوة قبل )

نظام ما تمشي قبل ابوي ولا تقعد او تقوم قبله ولا تتكلم بحضوره

نظام الدله والفنجال

هالامور مع الزحف العمراني تخلو عنها شبابنا وقد يكن معهم حق وقد يكن العكس
ولكني احب ان اراها بزوج المستقبل

احب اللي افعاله تسبق كلامه

واذا قلتله طلبتك قال تم بدون نقاش

احب اللي امه قبل زوجته لان اللي مافيه خير لاهله ما فيه للناس

[محبــوب القلـوب]

المتمسك بالعادات والتقاليد القديمه ( ما عليش يمكن انا دقه قديمه شوي -< وانا بعد

والله كلامج يثلج الصدر ومادري شقول عنج يعني جذي تتركين المنتدى وتحرميني هالكلاح والحجي الجميل من انسانة فاهمة مومجاملة والله كلامج حلو وعلى العين والرارس وراح استفيد من عنده واحنا بهالمنتدى قاعد ناخذ اشياء قبل مانعطي اشياء قاعد ناخذ نصايح منكم مفيدة وقاعد نتعلم اشياء مانتعلمها خارج المنتدى وماحب اطول عليج وعودة حميدة ان شاء الله

[رووح الانـوثهـ]

انا اتفق مع امونه بالراي ... وتسلم محبوب عالموضوع الحلو ..

[الزعيـــــم7]

يعطيك الف عافية ع الموضوع الحلو محبوبنا


والله البنت اهم شي عندي الاخلاق، تصلي ،بنت نااااااااااااااااااااااااس ،رقيقة، حلوة ...................وايد اشياء



مشكور مرة ثانية

[سيجنال2]

يعطييك العافية على الموضوع الحلو

انا برااي اول شي يكون ريال ملتزوم بديينه مو شرط يكوون متدين وايد على الاقل صلاااته مايخليها

يكوون ريال معنى الكلمه ابي واااحد يكسر راسي لاني عنيده :)

ابيييه خشن شوي وحنووون بنفس الوقت وقلبه طيب . ويكوون بااار بأهله لان الي مافيه خير بهله مافيه خير بالناس