هل هذا رجل؟

[كويتي قديم]

السلام عليكم ورحمة الله وبركاته


اخواني كلكم شفتوا الي فاز بملك جمال الرجال مادري اجمل رجل الكويتي

هل الرجل يطلق عليه لقب جميل؟؟

ان الجمال خص للمرئه

ورجل يقال عنه وسيم وليش جميل

اما هذا الناعم لا اعرف ما هي مشاعره هل منقسمه بين الرجل والمراة هل هو رجل ويجد في داخله امراة

كيف يستطيع الرجل الجميل ان يقف في وجه من يعادي هذه الارض الحبيبه

هل هذا الناعم قد رفع علم الكويت في الخارج لا والله
فما فعل الا خيبته

واينه من هؤلاء الذين ضحوا في نفوسهم ودمائهم من اجل الكويت
واينه من هذا العالم الذي جلب لباده الفخر والاعتزاز

ما اقول الا وهي في العاميه((الله يخلف على امه))


ويستر علينا اذا وصل في الحد ان الرجال يتنافسون على لقب الجمال


واذكركم ببثلاث

اولها قول عمر بن لخطاء رضي الله عنه:استخشنووااا

وثانيها حلف عائشه رضي الله عنها وانها كانت تحلف وتقول: ولذي زين الرجال بالحا((فاين هذا الصعلوك عنه))

وثالثها وختامها ان الحديث الذي يقول (ان الله جميل يحب الجمال) هذه حديث ضعييييييييييييييف
بالقال في بعض العلماء انه خاطئ

واسمحولي على الاطاله

[سامر الليل]

لا حول ولا قوه
شنقول بعد مانقول الا الله يهديه وانا من رايي ان هذا مو رجل

وعلى قولتك اخوي كويتي
((الله يخلف على امه))
اخوك سامر

[BiShOw]

لحظه لحظه اذا الحديث غلط عيل يدرسونا اياه و نحفظه و جيل بعد جيل قاعدين نتعلمه على انه صح ؟!


و بعدين يعني شنو الجمال خاص بالنساء فقط ... ؟! يعني الجمال بنظركم اهوه المكياج و هالسوالف ؟!



و اذا انتوا مو عاجبتكم هالشغله اشوف الاسلام قال ان المرأه لازم تحتشم ولا انتوا راضين بمسابقات جمال البنات لانكم شباب ؟!



انا مو مع ان الصبي يشترك بهالشغلات السخيفه بس اذا تبون الصبيان ما يسوون هالسوالف لا تسمحون حق البنات ولا انتوا تنادون بالمساواة و بعدين تيون و تقولون ما يصير و ما يصير



الله و الرسول لعنوا الجنوس

[كويتي قديم]

اخوي السامر يعطيك العافيه على المرور وشكرك حبيبي البي


BiShOw
اختي اول شي بقولج مو كل الي يدرسونه اياه صح وتشوفني بالمناهج شغلات وايد غلط مثل دراسة الفلسفه والمنطق والصحابه رضي الله عنهم يقولون ((من تمنطق تزندق)) وانتوا عارفين شنو يجي من وراء في الامور الي اهي الفلسفه والمنطق



وثاني اي نعم الجمال خاص للنساء والوسامه خاصه بالرجال

يعني البنت لا زم تهتم بجماله ورج مو من الاولويات لديه الاهتمام بجماله فهو وسيم فقط


ثاني شي منو قالج ان احنا او انا راضي بمسابقات الجمال اتوقع هذا الكلام عيب يطلع منج

احنا ناس اهل عادات وتقاليد واولاد قبايل وهذا عيب عندنا

ثالث شي منو قال انا اناني بالمساوات بين الرجل والمراة والله والله والله لا ينادي بهذا الشي الا علماني كافر والعياذ بالله

كيف تصبح مسواة بين الرجل والمراة ويقول تعالى في محكم التنزيل ((ان الرجال عليهن درجه))

ويقول ايضا((ان الرجال قوامين على النساء))

الاسلام عطا المراة حقها وعطا الرجال حقة

ورابع شي اختي انتي فاهمتني غلط ديما وبكل موضوع تتوقعين اني ضد نساء واكرهم ليش ليش يبه؟؟

وشكركم وسمحولي ع الاطاله

وشكرج على المرور BiShOw

[كتكووته^^مكتكته]

بدايـــــــــــــــة اخواني اسمحولي اذكركم ان الاختلاف بالرأي لا يفسد للود قضيه



احب انوه ان في مناهجنا للاسف بعض الاحاديث والروايات التي تندرج تحت نطاق الشبهة والتي للاسف لا نعلم مدى صحتها وهل ما اذا كانت فعلا من قول الرسول صلى الله عليه وسلم او هي منسوبه له


عموما وحتى لا نخرج عن سياق الحديث

رأيت صورة الشاب في الجريده كما رأاها الكثيرين

واحب ان اقول ان الشاب كونه حصل على لقب اجمل شاب في العالم فهذا من وجهة نظري ليس امر ينقص من قدره
لاني وحسب ما رأيت بالصوره لا يوجد اي اثر لمساحيق تجميل او عميليات او تحول جنسي وغيره
اي انه حصل على اللقب برجولته


على اي حال ,,

يقال للمراه جميـــــــــله ,,

والرجل وسيـــــم

وهالامر لا يشكل عيب او مسبة للرجل او المراه


ان كان على خلقة الله ودون تجميل ومساحيق واصباغ

ولو اني شخصيا لم يعجبني شكله
لاني افضل الملامح الشرقيه لاني شوي ( دقه قديمه )

يعني افضل الرجل الاسمر عالابيض والخشضن عالاملس الخ من مواصفات عيال اول اللي كانت الشمس حارقتهم
مو عيال هالايام اللي يشغلون السياره قبل لا يركبونها:)

[كويتي قديم]

هههههههههههههههههههههههههههههههههههههههههههههههههه ههههههههههههههههه


حلوة يشغلون السيارة قبل لا يركبونها


<<<<<<<<<<يطرش الهندي يشغلها


على العموم


فقط اشتراكة في المسابقة هذي هذا عيب

ولا هو بدننا من شي ولا عرفنا

وبيض الله وجهج وما قصرتي وبيض الله وجهج

[BiShOw]

اموت و اعرف انته ليش ضد انه يشترك بالمسابقه و قاضبها عليه اهوه بس ... ؟!


ياخي والله حرام عليك ... اشوف الباجي بالطقاق بس لانه هذا ولد الكويت


انزين خل اقولك انه اهوه شخص و كل شخص له الحق انه يشترك ولا ما يشترك ... الحين بشار و احمد اشتركوا بستار اكاديمي مو الغناء حرام ؟!

و بعدين عن سالفة وسيم مو جميل ... الصبي هانسم .. الصبي وسيم .. خذا اللقب لانه اهوه وسيم .. اهمه شافوه وسيم !!!

[كويتي قديم]

ههههههههههههههههههه


الله يهديج شنو بيني وبينه شي

اها جنه كان متسلف مني فلوس وما ردها لي
لا يبه شنو وسيم شوفي الاعلان عدل يقولج ملك جمال ملك جمال جمال اعيدها بعد مره اوكى ملك جمال


مو وسامه

ابعدين ما تفهمين الحجيي انا ما منعته لو ولدي ولا اخوي حرام ارده فناقر الكويت

كل شخص يبي يسوي الي يبيه ولكل شخص يبي ينقد ينقد عادي

والباجي تكلمنا عنهم

من بششار لين غيره ولا تغركم الاعلام وسوالف هذي

خلج عنها الي ورا الكواليس بلاوي

وشنو يعني عشانه ولد الكويت اكيدد مو انا كويتي مو يهمني ولد ديرتي

يعني بذمه هذا رفع راس الكويت او خلي الكويت رفع راس اهله

يعني هذا لو زوجج او اخوج تفتخرين فيه


؟؟؟؟؟؟؟؟؟؟؟؟؟


(((لو اردنا ان نهلك قريه امرنا مترفيها ففسقوا فيها فحق عليها القول فدمرنها تدميرا)))

و لاتزعلين

الاختلاف براي لا يفسد بالود قضية

[سيجنال2]

تسلم على الموضووع


يبا عادي حلات الريال حلو بس مو احلى من البنت

وبعديين بصرااحه هالايام اشووف وايد شباب يسوون عمليات تجميل ويحطون مكياج

حلااته الصبي اقرع :) ..

[كتكووته^^مكتكته]

اخواني

ارجو ان لايحتد النقاش بينا على موضوع مطروح اصلا للنقاش
وارجو ان كل واحد فيكم يطول باله عالثاني ولو شاف واحد ( شاد ) يحاول يرخي لان النار تبدأ من مستصغر الشرر

فياليت نلتزم كلنا بادب النقاش وتقبل وجهات النظر ايا كانت فالاختلاف بالرأي لا يفسد للود قضيه

وراي العضو يعبر عن وجهة نظره فقط وليس عن القسم باكمله
لهذا انوه على ان نلتزم جميعا بقوانين القسم
لتسود روح المحبة والاخاء بينا

والله لا يجيب الزعل يارب

[BiShOw]

انا برايي غلط انك تسأل او تقول عنه مو ريال :)


اهوه لما اشترك ما كان لا جنس ثالث ولا ترف ولا شاذ


و انشالله محد يتهاوش بس شي طبيعي انه الناس يختلفون بالراي ^_^

[كويتي قديم]

لالالا يبه


اي هواش اي زعل


BiShOw

هذي اخت وعزيزة وغاليه

والله ونعم الاخت يا جعلها افداش والله افدا اهلش وقرايبش والله((صج انا نزلت عقالي بس ما كنت بطقها كنت بظبط النسفه)
هههههههههههههههه

لا والله لا زعل ولا هم يحزنون

وخلا يبه رجال ولد رجال شتبين بعد


وانشالة اول ما يجي الكويت بعزمة بالجاخور اهناك عاد نذبحه اقصد نذبحله كرامته


ودمتم

[EgypTion_Co0oL]

وش نسوي


موضة أخر زمن

بكرة راح تلاقي الشباب كمان طالعين من البيت من غير ملابس


ما أقول ألا

الله يلعن هذا الزمن

[SuL6aN]

اخوي اشكرك ع الموضوع

بس اذا على قولتك

ان الله جميل يحب الجمال << حديث غلط وضعيف

ليش ندرسه ليش موجود بمناهجنا منهج التربيه الاسلاميه

انا اذكر ومار علي هالحديث

وبالنسبه لردك ع الاخت وتقول اهو الحين يعني رفع اسم الكويت

انا بقولك بشار واحمد حسين وماادري منو غيرهم وايد الي بنجوم الخليج

ونجم الخليج وستار اكاديمي ماادري سوبر ستار بعد يمكن البرامج المنحطه السخيفه

هل اهم ارفعوا اسم الكويت يا اخوي انا معاك اهو غلط يشترك بالبرنامج بس اهو حر

يعني كيفه مايشوف شر اهو عيب وغلط نعم بس العيب والغلط عليه اهو

وماتقدر تقيس شخص بدوله يعني اهو اذا بيأثر بيأثر على نفسه مايأثر ع الكويت

يعني شباب الكويت غير عن بعض والحين وايد الجنوس على فكره

ماادري عنه ولا اعرفه هذا الي اشترك بالبرنامج الي تقول عنه

بس الي اعرفه عيب وغلط .....

مشكوؤوؤور

[$العميد$]

للاسف مو رجل ولا رجل يسوي سواته شنو احلا رجل بالعالم مو عيب هم قالوا اجمل امراه مو رجل

الله يستر من هالزمن مقلوب الي يصير فيه رجال ملك جمال الله يكافينى الشر