شسمـــ امـــــــــــــك؟؟

[كتكووته^^مكتكته]

|--*¨®¨*--|صباح الخير |--*¨®¨*--|

الموضوع واضح من عنوانه

بس لاتعصبون

مابي اعرف اسم امهاتكم

بعرف ليش عصبتوا؟؟



للاسف هالظاهره موجوده حتى عند الاطفال
اذا طفل سأل صديقه عن اسم امه

يعصب ويتنرفز ويمكن تصير هوشه


العرب بالسابق كانوا يتفاخرون بأسماء امهاتهم وينادي احدهم الاخر ( يا ابن فلانه ) وكان يتقبلها ااخر بكل فخر واعتزاز


واليوم اصبح اسم الام عار على الابناء ومصدر للخزي

لماذا؟؟



لدرجه ان اذا الصديق عرف اسم ام صديقه

ما يصدق على الله ويبشر باجي الشله ترى اسم ام فلان ( فلانه )



ابي جواب صريح من الشباب

هل امك عار؟


اذا لماذا تخجل من ذكر اسمها امام اصحابك؟


وليش صار هالامر من الخصوصيات والحدود الحمراء

يعني مثل ما اصدقائك يعرفون اسم ابوك

شالمانع من انهم يعرفون اسم امك؟

تدري ان يوم القيامه ستنادى باسم امك لا والدك؟؟




نسيت اقولكم





النقـــــــــــــــــــــــاش هدفنا

[عيميه^بدويه]

تسلميييييييييييييييييييييييين كتكوته وفعلا موضوع غريب ويستحق الطرح ونلاحظ عنده انفعال احد الشباب او حدوث مشاده كلاميه بين الشاب والاخر ذكر اسم الوالده من باب الاحراج او الذلال وللاسف فعلا مثل ماتفضلتي هذه الظاهره انتشرت وخاصه في مجتمعنا الخليجي مع شديد الاسف واتمنى فعلا اعرف السبب وشاكرتلج خيتووو



اقووووووووول اسم امج :) ههههههههه

[~§][][ الـــفــــنـــــار ][][§~]

موضوع رووعه يا كت كت

~*¤ô§ô¤*~ كتكووته^^مكتكته ~*¤ô§ô¤*~


مشرفة منتدى المناقشات الجادة

تسلمييييييييين كتكوته ع هذا الموضوع اللي راح يثير البعض لأن يخص اسم الأم

كلاامج عدل السابقين من القبائل المعروفه كانوا ينادونهم بأسم لأم وأكثرهم كانوا من الفرسان العرب المعروفين

وحتى في ايام الجاهليه :: ولكن في ذالك الزمان يعني ماكان احد يخاف من احد ولا كان في تطور او تكنلوجيا وبورصات وملاايين

اللي الحين صار الواحد يخاف يقول أسم أمه لان يخاف من السحرر اللهم يا كافي حتى صاروا الريايييييييل يدورونه بتفك على قولتهم

او يخاف يقول خوفه من محبه وحده من بنات هذا الزمن العجيب ومن سحرهم اللي صار في كل مكان

ونفس الشي البنت هم تخاف تقول أسم أمها لان صار ما يمشي شي الا بسحررر وهذا الشي وايد دايرر عندنا وفي بلااد المغرب وأسيا اللهم يا كافي

حتى الخدم صاروا يسوون السحرر بسبب المعامله السيئه لهم من ناحيه المعزب او المعزبه ؟؟؟؟

وحقيقتاً صج شي يخووف والله يا كتكوته !!!!

بس انا ممكن اقولج أسم مــامــاتي بيني وبينج هههههههههههههههههه

حبيبه ألبي أنتي فدييتج

تسلمين مره ثانيه موضوعج فتح أبواب بين الخوف والثقه بنفس ؟؟؟؟

والله يستر من هذا الزمن ومن شرر الشيطان اللي يوسوس في صدورهم

تحياااااتي لج حبووبتي كت كت

[فتى جده]

[align=center] اسم امي فاطمه ولا تزعلين يا كتكت[/align]ولا احد يناديني الا ياولد فاطمه

[كتكووته^^مكتكته]

عيميه
خلي اسم امي على صوب

:)


مثل ما تفضلتي منتشره بين الشباب وحتى اليهال

اخوي الصغير ذاك اليوم متهاوش ولما سالناه عن السبب قال واحد سألني شسم امك

مع ان ما كمل العشر سنين


من الحين ويفكر بهالطريقه لو كبر شبيسوي؟

[كتكووته^^مكتكته]

فنورتي


اللي ذكرتيه صحيح

بخصوص السحر اللهم يا كافي

بس والله اغلب الشباب ما يفكرون جذيد

يفكرون فيها من ناحيه ان اسم الام يدخل تحت نطاق الشرف والعرض ولازم محد يتعرضله ويذكره


تكلمت مع اخوي الكبير بهالموضوع مره

وذكرلي حادثه حصلت معاه بالدوام تضحك شوي

يقول مره من المرات انوضع اسم امي بالجريده ( ترقيه ) وكان قبلها بجم يوم مكتشف اسم ام واحد من ربعه صدفه وتم يعايره فيه من باب الغشمره

نفس اليوم اللي نزل فيه اسم امي بالجريده
قال اخوي لصاحبه تبي تعرف اسم امي ؟ عندك هالجريده دور فيها


يقول والكلام لاخو ي ان صاحبه قعد اكثر من 4 ساعات قرا الجريده سطر سطر وكل ما شاف اسم مره سأل اخوي

بعد 4 ساعات تذكر اسم واحد من خوالي لان اسمه معروف شوي وطابقه مع الاسماء الموجوده والمشموله ضمن الترقيات ولقى اسم امي
وتم يعاير اخوي فيه ( من باب الغشمره بينهم ) لان اخوي مو مخن النوع اغللي يزعل ويذكر اسم امه عادي



اما عندي اخ ثاني اصغر مني كان مو بس حريص على اسم الوالده انه ما يطلع حريص حت على اسامينا واذكر مره جارنا عرف اسمائنا عن طريق خواته لانهم معانا بالمدرسه وقال حق اخوي

وياني اخوي قوليلي شسم خواته وباجر سألي عن اسم امه وسأليلي عن اسم خالاته وقصه طويله لدرجه اني من كثر ما عصبت قلتله ما تبي اسم الخدامه بعد؟


في وايد من هالنماين اللي مثل اخوي الكبير ما عنده مانع وهالامر بالنسبه له عادي وياخذه من باب الغشمره
وناس من الصنف الثاني اللي نفس الصغير وياخذه من باب العيب وما يصير ومايجوز ويصر انه يردها لصاحبه لو اكتشف اسم امه

[كتكووته^^مكتكته]

فتــــــــى جده

احييييك بصراحه


:)


يالله يا شباب منو نفس شجاعته ويقولي اسم امه

:)

[كويتي قديم]

هالله هالله


واانا ولد عاد انا مضروب جنبي

ههههههههههههه


ولد عايشة


يا فديييييييييت عايشة انا والله


والله اخبر هسوالف انا وياما قلم الرصاص تكسر بجسوم ناس وسبه هسوالف


ام عن العزة قبل فهي لها معنى


مثلا واحد يقول وانا اخو رشا مثلا يعني من بدو مصر ويقو اخو رشا ههههههههههه


يعني اختي افلانه رشا شريفه عفيفة


ما يخش اسم اخته الا الي في اهله ردا


والله وموضوعك طيب يا خيه

و هنتي


وانا عاد بقول انا اخو كتكوتة و لا قصور

دام ما عندي خوات

ونعم العزوة والله يا كتكوتة

[كتكووته^^مكتكته]

ونعم والله بولد عايشه

والله يخليها لك ويطول بعمرها

ولي الشرف اني اكون اختك يشرفني والله



ومثل ماذكرت

احنا عندنا بالكويت اخوان مريم ما افتخروا لا لانها تناطح الرجال وتزيدهم فخر وشرف

منورني يالغلا

[~§][][ الـــفــــنـــــار ][][§~]

~*¤ô§ô¤*~ كتكووته^^مكتكته ~*¤ô§ô¤*~

مشرفة منتدى المناقشات الجادة

تسلمييين كتكوته وصح لسانج ع هذا الكلام

ومره ثانيه اقولج ان مو الكل يرضى يقول أسم أمه وبعضهم يخاف من اللي قلته في ردي السابق

والبعض ويحافظ على أن لا يطري اسم أمه حفاظاً لأسمها ونسبها :: وبيعد عنه الكثير من المجادله والمشاجره اللي تورد العنف بعض الأحيان ؟؟؟

وذكر الله عزوجل اسم سيدنا عيسى عليه السلام في كتابه العزيز ( عيسى ابن مريم ) وهذا ابسط شي أن الواحد يفتخر بأسم أمه ::

خلاص انا بقولج شي >>>> ولدي بدوري أسم أمه الـــفــنـــار ::: فدييتج وأنتي زين العارفين

تسلمين يا قلبي مناقشه رووعه وجاده فعلاً

[كتكووته^^مكتكته]

فنورتي


الله يخلي بدوري ويخلي امه ويخلي خالته كتكت

:)


تسلمين على تواصلج فديتج


وطبعا لنا بسيره الانبياء والصالحين خير اسوة
ومن ديننا العظيم نتعلم امور دنيانا

موفقه

[ملك مملكه الحب]

اتوقع عشان الغيره على المحارم زايدة هالايام




والله شي يقهر

ليه يزعلون والله اسم الام مايفشل
اسم امي
اقوووووووووول ترى بصفق الي بطري اسم امي

ههههههههههههههههههههههههه


مشكورة كتكوتة على الموضوع الروعه دمتي بحفظ الكريم

[كتكووته^^مكتكته]

يمـــــا منك كشخه

:)



وناسه قاعده اجمع اسماء امهاتكم

الله يخليهم ذخر يا رب

ويديم حسهم


منورني يالغلا

لا خلا ولا عدم

[سامر الليل]

اولا مشكوره يا احلا كتكوته

وانا اقولج السبب
هذا الشي سبحان الله فطره الواحد يغير على اهله من واهو صغير وتعرفون اعيال هالايام طايحيين بالمعايييب ياولد فلانه تعال ويا ولد افلانه ماعندهم غير سيرة الام


وهذا الشي طيب ان الواحد يغير على اهله.هذا من وجهة نضري

وشاكرلكم
أخوكم سامر الليل

[كتكووته^^مكتكته]

حيـــــــــــــاك الله اخوي سامر


منور الموضوع


وشاكرتلك مداخلتك