هل انتا مع ام ضد شراء الاصوات؟؟؟

[السندريلا]

السلام عليكم



طبعا الحين وقت الانتخابات وما بقى شي وتخلص

الي صاير الحين ان المرشحين صايرين يتنافسون على انهم يكونون اعضاء مجلس الامه ما صاريهمهم شي الى انهم يفوزون

باي طريقه..

ووصلت الى انهم يشترون اصوات الناخبين سواء بالفلوس او سفرات او وظائف ....الخ


فانتوا اذا اتاحتلكم الفرصه انكم تنتخبون احد فهل تبيع صوتك؟؟؟

وهل انتا تساوي المبلغ وقدره

هل كرامتك بمبلغ وقدره...

احط الموضوع بين ايديكم ليكون وسط للنقاش


وشكرا

[الزعيـــــم7]

أولا مشكورة ع الموضوع الخطير


الديرة تغلي من هذول اللي يشترون الأصوات

وللأسف يلاقون اللي يبيعون ذممهم على جم فلس حرام


ششنو ألف الفين ثلاثة

مقابل دينك وذمتك ووطنك

والله حرام اللي قام يصير


لأسف


والله محترق قلبي منهم


يعطيج الف عافية ع الموضوع

[3boOod]

اي والله عاد هذيل الي يبيعوون اصواتهم يبيعوون كرامتهم بعد

لانه مره في سالفه صارت وواحد من الناس راح حق المرشح الي بايع صووته له وفاز

يبي منه شغله قاله عطني فلووس وانا اخلصلك المعامله

لاني انا شاريك بفلووسي

(((ولعن الله الراشي والمرتشي )))

ويسلمووو على الموضووع الحلوو خيتوو

[كويتي قديم]

اختي الموضوع ما يختلف عليه اثنين


بالغين


عاقلين


هذا الي يبيع صوته باع نفسه وباع شخصيته

والي يشتري الاصوات هذا من لحين شرى الضماير وشرى النفوس وسوى اي شي في سبيل الوصول للكرسي


فما بالك باجر لا وصل وحكم وكان مسؤل شنو يبي يسوي بديره

شنو راح يسوي فينا


وشكرج ع الموضوع

ولا هنتي

[كتكووته^^مكتكته]

جوريتي
حبيبة قلبي والله منوره القسم بطلتج


من الحين بدينا ناقش >>>>>> اتوقعلج مستقبل باذن المولى وتطلعين على اختج محققه قد الدنيا

:)


طبعا ضد

لان عندي مبدأ وانا واسمي وقيمتي ومكانتي ما ارضى لنفسي انباع بجم ورقه ملونه


من خلال جلسه عائليه مع الوالد قبل يومين ان كنتي تذكرين

تكلمنا بهالخصوص

يعني اللي يدفع خل نقول 2000 دينار

قسميهم على مدار 4 سنوات اي للدوره القادمه

تطلع يوميتج تقريبا اقل من 50 فلس

:)


شي يضحك

يعني جنهم اشتروج ب 50 فلس
تصوري؟؟


انا عموما ضد لان اللي ينجح ويوصل للمجلس لازم يكون كفء واهلا له باختيار ومحبة الناس وثقتهم فيه
مو بفلوسه والعروض اللي يسويها

في عضو حاط صورته واعلانه بجريده الوطن اليوم

اعتقد اذا ما خانتني الذاكره هو بالدائره 14

لفت نظري اعلانه سحب على شقق ببيروت

امبيه معقوله اشكره جذي

اللي عنده جريدة الوطن عدد اليوم ممكن يشوف الاعلان ويتأكد بنفسه


وصلنا لمستوى افسد من الفساد
والمشكله يقولون الاصلاح غاياتنا الا انهم هم المفسدون والله

تلوميني لما اقولج يوم الانتخابات بحط راسي وانهام وماني مصوته لاحد لو يدفعلي كنوز علي بابا

هم يدفعون الحين دم قلبهم بس عشان يوصلون
واذا وصلوا

بيلهفون الاكو والماكو من خير الديره

عساه زقوم ببطونهم

[فتى جده]

بالتوفيق لكي موضوع حلو مره تعاني منه جميع الدول العربيه




ذكرتيني بواحد يوزع قدام الله وخلقه في يوم الاقتراع عشلن يرشحون ولده ويدور الفقراء عشان يغريهم بالمال والله ان ولده من لفشل ما عرفت بالدراسه

[عيميه^بدويه]

تسلمييييييييييييين جوري عالموضوع المثمر واللي ملقصته من بوآآآخوتج وفعلا للاسف المجلس صار سوق شرق تعال ادفع فلوس تشتري ذمه والكل يقول انا ضد شراء الاصواتواوا تلقينه اول واحد ناطر الفلوس وبسبب هالشي المجلس قاد ينحل كل يوم وقاعدين يدشونه فئات ماتستحق انها تكون فيه ومشكوووره مره ثانيه يا دخيله

[السندريلا]

الزعيم:

العفوو خيوووو

والله انا معاك ان هالشي حرام بس شنسوي

شاكرتلك مشاركتك

[السندريلا]

الله يسلمك عبود

شاكرتلك مرورك

[السندريلا]

كويتي قديم

العفووو

اي والله للاسف باجر واحد من هالاشخاص راح يدير دولتنا

شنسوي بعد


شاكرتلك مشاركتك

[السندريلا]

منوره بوجودج كتكوتي

انا احترم مبدئج واهوا مبدا صالح

يعني اكو احد يشتري كرامته بخمسين فلس

صج ما يخافون ربهم

منوره بطلتج

[السندريلا]

تسلم فتى جده

شاكرتلك مرورك

[السندريلا]

عيميه بدويه:

كنهوره حبيبتي تعرفين انتي ان التلقيص بعايلتنا شي عادي

وعلى تشبيهج بان مجلس الامه جنه سوق شرق خوش تشبيه

يسلمووو ع المرور

[EgypTion_Co0oL]

قال تعالى((لعن الله الراشي والمرتشي))


فهذه كلها تعتبر رشوة


وأنا ضدها تمام


ومع تحياتي