هل تقبل بالزواج من..... ( للشباب فقط )

[رووح الانـوثهـ]

حنان كلامج رووعه وجميل وانا شاكرتلج مرورج الحلو

[كتكووته^^مكتكته]

اختي المهاجره

سمعنا راي الشباب واسمحيلي بمداخله بعد اذنج

لو يفكر الانسان شوي بعقلانيه بعيدا عن العواطف

يشوف ان الموضوع مافيه اي عيب
دخول المنتديات بالنسبه للفتيات مو عيب وهالامر نسويه علانيه امام اهلنا

امتلاك الفتاه لايميل خاص فيها مو عيب
مثل ما تمتلك موبايل وسياره وصندوق وغرفة نوم خاصه فيها
ايضا مو شي غلط انها تمتلك ايميل خاص فيها

الغلط وين؟؟

الغلط انها تضيف كل من هب ودب واللي يسوى واللي مايسوى

اما اشلون تعرف اذا الكل داش باسم مستعار وهي اولهم

انا اقول ان كل امر بالدنيا يحتاج وقت
واللي يي بسرعه يروح بسرعه

قد نتزوج عن طريق النت ولكن ليس بالشكل المفهوم ولا بالسرعه اللي يقدمها لنا عالم النت

قد تكون بدايه المعرفه بالنت
ومن ثم تتطور الى خارجه حتى تتوج بالزواج

وهالامر يحصل بنسبه ضئيله

اما انه حرام او مستحيل
فانا اخالف الشباب بهذي النقطه

[رووح الانـوثهـ]

تسلم كتكوتة حياتي عالرد المتواضع وانا اوافقج الراي وتسلمين حبيبتي عالرد الحلو

[NSNoOoS]

يعــطيج العافيه على الموضوع
بصراحه بدون مجامله

ومن الاخر
ولحد يستغرب
مســتحيل
:)
وسلامتكم

[forgotten]

السلام عليكم اخواني حاب اقولكم ان التعارف شي جميل ان كان مع بنت اورجل ولكن المهم هو المعرفه الحقيقيه للصداقه فمكن يكون رجل يستحق ان يكون اخ و صاحب حقيقي وقد تتطور الصداقه الحقيقيه مع البنت الي حب صادق وقوي ممكن ان الرجل لا ينظر الي مساؤ النت ولكن حسناته والتي عرفته الي اجمل شي حصل له في حياته ونا شخصيا لي اصدقاء عرب تزوجو عن طريق النت وعايشين سعداء وشكرا

[هَـ م ـَكُ تَـ عُ ـذبًـنُـًىّىً ؟]

سلام عليكم ..
أختي انا بالنسبـه لي لأ فـ كيف أرضى في بنت تسولف مع واحد تصير حرمتي في يوم ما .. هذا شي بالنسبه للمجتمعنا صعب جدا لان مجتمعنا يمتلك عادات وتقاليد ومن صعب على الواحد ان يفرط بـ هذا التقاليد مهما كان الامر بـ ختصار مجتمعنا رافضـ للهذا شي وكذلك الدين الاسلامي لا يرضى بـ هذا شيَ ..
وأشكـرج على هذا الموضوع الممتـاز ..

[! احلى ^ شمري !]

اختــي الكريــمه
مــن الصـعب الاجاابه ع سؤالـج بـس كل واحد له وجه نظرر
بــس من الصـعب انك تختار شريكـه حياتك ولمدى عمرر((بعد عمرٍ طويل يارب))
حالياَ حتى بين الاهل صـعب حييل الاختياار فماذا بالانترنت والمنتديات؟ والشات؟
اولأإ حنا البدؤؤ كلن لبنت عمه وكل بنت عمن لولد عمها ")
وولوو فرضــناا ان يتـزوج فـ راح يذبــح الزوج الغيــره يقوول ((تعرفت عليها من النت ولي تكلمك تكلم غيررك ))
بالنسـبه لي :")
والسـمؤؤحه اذا رأأيي ضاايث شخـص منكم :") مع احترآماتي لكم
اخووكم حمد الشــمرري

[©خلودي©النشبـة©]

بسم الله الرحمن الرحيم
.
.
ماراح اطرح وجهة نظري بالموضوع
بس راح اقول جم شغله حايره ببالي
انزين دام انتو عرفتوا هالشي يالبنات
وعرفتوا نظرة الشباب حق اللي تدش النت
وعرفتوا الفكره اللي تتكون عند الولد تجاه البنت اللي " تشبك "
غض النظر عن رد كتكوته اللي حاولت فيه انها تبرر دخلة بنات جنسها للنت ؟
بما انج صورتي ان " دشة البنت للنت " ما فيها شي .. فما بالج بـ " دشة الشباب للنت " اكيد مافيها شي ! وعلى فكره شفت لج بموضوع ما اذكر بالضبط شنو اهو ايدتي فيه " ان الولد شايل عيبه " (( وهالكلام رد على " امرأه الحديد " اللي قالت انها ماترضى تتزوج ولد نت ! )) .. اما اذا جينا حق البنت فـ " شنو هالبنت اللي بتقدر تشيل كل هالعيوب اللي تتمحور بدخلتها النت ! " ..
عجبني رد " اللي ردوا بعقلانيه وواقعيه " بعيداً عن العواطف والنفاق ! .. واستنكرت اللي غير من مبادئه والسبب اقل ما يقال عنه تافه : " خاف رفيجته تكبس عليه وما رد ! " ..
اما بالنسبه حق رد اللي قالوا " مستحيل اتزوج بنت نت " .. انا متأكد ان اغلبهم من فئة " يقولون مالا يفعلون " .. يعني بـ " نسج الكلمات " شي وبـ " الواقع " شي ثاني ..
وبالنسبه للي يقول اني بدوي .. واحنا يالبدو كل ولد لبنت عمه والعكس .. طيب لو كانت بنت عمك تدش النت بيغير هالسبب القاعده اللي انت حاطها !
بالنسبه لـ " امرأه الحديد " .. اللي ما عرفت تعبر عن " غضبها " الا بطريقة تقليديه قانونها الرئيسي " وحده بـ وحده " .. واللي فهمنا منها : " ترى مو بس انتو ترفضون بنت النت .. حتى احنا نرفض نتزوج من شباب النت ! " .. طيب يا امرأه الحديد دام هذا ردج اللي اتضح فيه انج ما تأيدين الزواج من ولد النت " عيل شلي يحدج تشبكين و تدشين النت ؟ " .. واسمحيلي بعد احطج تحت مسمى " يقولون ما لا يفعلون " ..
ع العموم يعطيه العافيه اللي كاتب الموضوع
بس والله شي يحير يا ناس !!
يعني ناس فاهمه انه شي غلط ويستمرون فيه ؟
واللي بيقولي " دشة النت " للبنت مو غلط .. فما عندي مانع اوضح له ان هالشي غلط .. بس " يأشر " .. !!
.
.
تقبلوا أرق التحايا :rolleyes:

[رووح الانـوثهـ]

شاكرتلكم مروركم الحلو يالغالين ومشاركاتكم الاكثر من روووعه

[moooda]

أولن اشكرك ع الموضوع الرائع ده
ثانيا عارف أن أولن من غير نون بس أنا بحب أكتبها كده

أنا أشوف أن الأنترنت ما هو إلا مكان لبداية العلاقة زيه زي النادي أو الجامعة أو المستشفي أو مكان العمل ولا حتي إشارة المرور يعني بتكون البداية بالتعارف على النت و بعد كده بيتم الموضوع زيه زي اي تعارف تم ف مكان تاني وتبتدي دراسة للشخصية و أخلاقها و تحليل كل طرف للثاني و مدي التوافق معاها العيوب و المزايا و الحاجات دي ولو نظرنا لحال المجتمع هنلاقي أن التعارف صار صعب فى ظل إيقاع الحياة السريع والمتلاحق و إنعدام الثقة الأخرين و نحط خمستاشر خط تحت انعدام الثقة ف الأخرين و كل شخص اكيد بيعرف اذا كان الشخص اللى معاه بيضيع وقت و بيتسلي ولا جاد
بس للأسف ساعات كتير ناس بتضحك على نفسها وتوهم روحها بالصدق يعني زي مبيقولوا عندنا ف مصر بيكذب الكذبة ويصدقها و ف النهاية رأي أنا جربت الإرتباط على النت و تعرفنا ف الحقيقة و خطبتها من أهلها بس بعد فترة من الخطوبة أكتشفنا أننا غير مناسبين وأنفصلنا فى أمان تام وللأن نتراسل و نتبادل التهاني فى المناسبات يمكن ده ميرضيش الشاب العربي الغضنفر اللى قاعد يحوس ويدوس ف بنات الناس وساعة ما يجي يرتبط يدور على البنت اللى متعرفش ومشفتش يعني يكون هوه الفارس الأول أصلنا بنمووووووووت ف دور البطل و الفارس الأول و أنا أعرف فتيات خاضت تجارب داخل وخارج النت و تريد أن تعترف لخطيبها بذلك حتي تبرئ ذمتها ولكنها تخاف أن لا يرضي بها و لا يقبلها فتسكت ويفضل صاحبنا فاكر روحه عنتر زمانه لأنه هو من أجبرها على إخفاء الحقيقة
يووووووه بصراحة الموضوع جيد جدا ويمس شريحة كبيرة جدا من الشباب و البنات والكلام كتير بس أنا بعدين أكمل ردي لحسن عندي شغل متلتل

[رووح الانـوثهـ]

تسلمين عالمرور الحلو وصراحتج الحلوة وماقصرتي ,,,

[©خلودي©النشبـة©]

عيون المها

اختي اتمنى انتي بعد تكون لج " بصمة " بالموضوع !

وتثرينا بـ " رايج " ..

لان انتي طرحتي الموضوع ولا شفنا منج " وجهة نظر " ..

ولو قلتي انه بس للشباب .. فـ اللي شايفه ان كل من " درعم " بالموضوع سواء بنت او ولد طرح رايه يعني الدعوه " سهالات " ..

ننتظر ردج :)

[رووح الانـوثهـ]

باختصااااااار ... طبعا مااقبل اتزوج ولد نت ..

[©خلودي©النشبـة©]

عيون المها

اول شي احب اشكرج ع الاجابه

بس خيتو ممكن تعطيني اسباب .. يعني ليش ؟

واذا فكرتي وعرفتي الاسباب

لازم تعرفين ان الولد دوافعه اكبر وهالاسباب عنده منها " درازن " :)

لان الولد حتى لو تضرر ماراح يتضرر ذاك الزود ..

ولو كانت فيه عذاريب الدنيا ..

اما البنت عذاريبها اللي تتلخص بدخلتها النت (( بس )) بتكون حمل كبير عليها ..

يعني اسبابج اللي بتذكرينها نقدر نغطيها بثلاث كلمات " الولد شايل عيبه " .. وهالكلمات تشفع لنا احنا الشباب .. بس انتو شنو يشفع لكم !

وانا قلت " الولد شايل عيبه " .. واعتبرت النت عيب عند " الشباب " على حسب تصوركم يالبنات .. ولو اني ماشوف فيه شي عيب عند " الشباب " .. بس انتو تدرون ليش مو من المؤيدين حق هالفكره ؟ " لان انتوا تدشون النت يالبنات ! " .. ولو كان النت من غير بنات يعني بس شباب جان ما رفضتوا هالفكره .. يعني واحد داش مع ربعه وسوالف ووناسه وجمعة شباب .. يعني نعتبر النت " دوانية " وبسألكم يالبنات ترفضين الولد اللي يروح الدوانيه ؟ اكيد ما ترفضينه ولا تعتبرين هالشي عيب .. بس لو هالدوانيه من بعد جم سنة غزتها البنات وصارت بنات وشباب مو بس شباب .. اكيد ترفضين اللي يدش الدواوين ! بس السؤال اهني : " ليش بالأول عادي عندج والحين رفضتي ! " .. اعتقد الفكره وصلت .. :rolleyes:

وبعدين يعني لما يتقدم لج واحد .. اكيد ابوج راح يسأل عنه وعن اصله وفصله .. بس تهقين راح يسأله : " انت تدش النت او لا ؟ " .. نفترض انج عرفتي انه يدش النت " بترفضينه ؟ ولما يسألج ابوج ليش تقولين لانه يدش النت ! ذيج الساعه ابوج راح يقولج الراي الصح وبتفهمين صج " ان الولد شايل عيبه " وبتخضعين للأمر الواقع .. عاد ذيج الساعه سألي زوجج ليش ما ترضى تاخذ وحده تدش النت ! :p

وسؤال ثاني : " اقدر اعرف ليش تدشين النت دام انتي رافضه تتزوجين ولد نت ؟ " .. وهالسؤال موجه حق كل البنات اللي رافضين هالفكره مو بس عيون المها ..

.
.

تقبلوا أرق التحايا

[عبـاس بن فرنـاس]

ايييي عادي لان يكون عندها بعد نظر في الدنيا و يمكن عقله متفتح ومتنور