تويت
الزواج المبكر ...
بسم الله الرحمن الرحيم
. . الزواج المبكر . .
فلان يبي يتزوج . .
فلان اللي معانا بالثانوية أمس كانت ملجته . .
تعرف رفيجي فلان أمس كان عرسه . .
الزواج : هو من أحلى الاخبار اللي تسعدني بحياتي وتثلج صدري وتخليني بحالة فرح وسرور ، جني انا المعرس مو اهم
الوالدة : فلانة تزوجت
انا : مشالله هذي توه مخلصة الثانوية
الوالدة : ترى اليوم ملجة بنت خالتك
انا : مشالله ليلحين ماصار لها سنة من دخلت الجامعة
ليش يتزوجون بهالعمر الصغير !!
شوفوا الحياة والناس من حواليكم ، الواحد يكون بعمر 18 و بأول العشرينات الصراحة ما يقدر يمسك نفسه من الفتن اللي يشوفها بكل مكان . .
شوفوا الأشكال اللي بالسوق ، 75 % من اللي بالسوق فاصخين الحيا مرة وحدة " بالملابس والتصرفات "
شوفوا التلفزيون الأفلام والمسلسلات العربية والخليجية ، ومع الأسف قنواتنا قامت تنافسهم بالمصخرة
طيب شنو الحل !!
الحل إنك تتزوج وإذا ماقدرت حاول إنك ما تروح لهالأماكن ولا تطالع التلفزيون " عاد تقدر !! "
إذا عندك مكان حقك وحق زوجتك ، وتقدر على المهر وعندك فلوس حتى لو شوية حق مصاريف الزوجة والمصاريف اليومية ليش ما تتزوج !!
. . من فوائد الزواج المبكر . .
• الاستقرار النفسي ، وباعتقادي إن الاستقرار النفسي هو أهم شي بالزواج
• تحفظ وتصون نفسك من الزنى . . . < الله يبعدكم عنه
• الزواج هو سبب من أسباب جلب الرزق لقوله تعالى في سورة النور : (( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسعٌ عليم ))
والأيامى ، جمع أيم وهم من لازوج له من رجل أو إمرأة " يعني عزوبيين "
والفاروق عمر رضي الله عنه يقول : عجباً لفقير لم يطلب الغنى بالزواج لقوله تعالى (( إن يكونوا فقراء يغنهم الله من فضله ))
" سالفة سمعتها من مدرسنا "
يقول مدرسنا " الله يذكه بالخير " كانت لي معرفة بواحد من الرياض ، وماكان من أهل الرياض كانت جنسيته من دولة افريقية . .
يقول وكان فقير مسجين حالته ما تسر احد ، وبعد سنتين شفته ولا مشالله عنده خير وفلا وسيارة . .
قتله من وين هالخير هذا !!
يقول انا قريت الآية (( إن يكونوا فقراء يغنهم الله من فضله )) وتوكلت على الله وتزوجت ، والمهر كان " نسيت المبلغ اللي قاله مدرسنا " بس كان شوية
ويقول الحمدلله انا الحين عندي مكتب عقاري . .
والحمدلله اللي رزقني بهالخير هذا : )
" ملاحظة أخيرة "
كان ودي أول ما أتخرج من الثانوية إني أروح حق الوالدة وأقولها يمه دوريلي على بنت الحلال . .
بس عندي ظروف خاصة ، ومحد يعرف هالظروف غيري
والله يفرجها : )
بانتظار راي الشباب بالزواج المبكر تأيده ولا تعارضه مع ذكر الأسباب . .
ومافي مانع من مشاركة البنات . .
بسم الله الرحمن الرحيم
. . الزواج المبكر . .
فلان يبي يتزوج . .
فلان اللي معانا بالثانوية أمس كانت ملجته . .
تعرف رفيجي فلان أمس كان عرسه . .
الزواج : هو من أحلى الاخبار اللي تسعدني بحياتي وتثلج صدري وتخليني بحالة فرح وسرور ، جني انا المعرس مو اهم
الوالدة : فلانة تزوجت
انا : مشالله هذي توه مخلصة الثانوية
الوالدة : ترى اليوم ملجة بنت خالتك
انا : مشالله ليلحين ماصار لها سنة من دخلت الجامعة
ليش يتزوجون بهالعمر الصغير !!
شوفوا الحياة والناس من حواليكم ، الواحد يكون بعمر 18 و بأول العشرينات الصراحة ما يقدر يمسك نفسه من الفتن اللي يشوفها بكل مكان . .
شوفوا الأشكال اللي بالسوق ، 75 % من اللي بالسوق فاصخين الحيا مرة وحدة " بالملابس والتصرفات "
شوفوا التلفزيون الأفلام والمسلسلات العربية والخليجية ، ومع الأسف قنواتنا قامت تنافسهم بالمصخرة
طيب شنو الحل !!
الحل إنك تتزوج وإذا ماقدرت حاول إنك ما تروح لهالأماكن ولا تطالع التلفزيون " عاد تقدر !! "
إذا عندك مكان حقك وحق زوجتك ، وتقدر على المهر وعندك فلوس حتى لو شوية حق مصاريف الزوجة والمصاريف اليومية ليش ما تتزوج !!
. . من فوائد الزواج المبكر . .
• الاستقرار النفسي ، وباعتقادي إن الاستقرار النفسي هو أهم شي بالزواج
• تحفظ وتصون نفسك من الزنى . . . < الله يبعدكم عنه
• الزواج هو سبب من أسباب جلب الرزق لقوله تعالى في سورة النور : (( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسعٌ عليم ))
والأيامى ، جمع أيم وهم من لازوج له من رجل أو إمرأة " يعني عزوبيين "
والفاروق عمر رضي الله عنه يقول : عجباً لفقير لم يطلب الغنى بالزواج لقوله تعالى (( إن يكونوا فقراء يغنهم الله من فضله ))
" سالفة سمعتها من مدرسنا "
يقول مدرسنا " الله يذكه بالخير " كانت لي معرفة بواحد من الرياض ، وماكان من أهل الرياض كانت جنسيته من دولة افريقية . .
يقول وكان فقير مسجين حالته ما تسر احد ، وبعد سنتين شفته ولا مشالله عنده خير وفلا وسيارة . .
قتله من وين هالخير هذا !!
يقول انا قريت الآية (( إن يكونوا فقراء يغنهم الله من فضله )) وتوكلت على الله وتزوجت ، والمهر كان " نسيت المبلغ اللي قاله مدرسنا " بس كان شوية
ويقول الحمدلله انا الحين عندي مكتب عقاري . .
والحمدلله اللي رزقني بهالخير هذا : )
" ملاحظة أخيرة "
كان ودي أول ما أتخرج من الثانوية إني أروح حق الوالدة وأقولها يمه دوريلي على بنت الحلال . .
بس عندي ظروف خاصة ، ومحد يعرف هالظروف غيري
والله يفرجها : )
بانتظار راي الشباب بالزواج المبكر تأيده ولا تعارضه مع ذكر الأسباب . .
ومافي مانع من مشاركة البنات . .
تعليق