الاحظ في حب تغير بالمنتدى ......ليش؟

[صريح..!!]

السلام عليكم ورحمة الله وبركاته


صباحكم خير
و
مسائكم نور


انشاءالله تكونون بخير يارب



انا اشوف في تغير كل شويه طالع لنا احد ويانه بالمنتدى ويغير نكه ليش؟ شنو السبب ؟


هل هو حب التغير ؟

او ملل من النك هو سبب التغير؟


انا نكي موشي وكل مره لازم اقول قصتي الهنديه الطويله اللي ماتنتهي علشان يفهم االكل :)


بس خلاص تعوت عليه

سؤالي لكل نوه يغير نكه قدر يغيره ولا لاء .. ليش نويت الشي هذا ؟ شنو السبب؟


واشكركم يا اخواني الاعزاء

وتمنياتي لكم بأطيب الاوقات


معه السلامه

[عبـاس بن فرنـاس]

والله انا غيرت نكي من عباس بن فرناس الى عباس بن فرناس2 لان نسيت لباسوورد قصه حلوه

[SuL6aN]

يسلموؤوؤ ع الموضوع

انا غيرت نكي قبل

كان
ع ـ بيكهام ـاشق

الحين الي تشوفه بيكهام اند انجلترا

قلت اغير مليت من الي قبل وقلت اغير هذا اهو السبب بس



يسلموؤوؤ ع الموضوع

[صريح..!!]

انت يا اخوي عباس معذووووووور

لانه الباسورد ناسيه


بيكهم اشكرك على مشاركتك يا الغلا انت

[BiShOw]

ثانكسوو لطرح الموضوع ... بالنسبه حقي انا ما غيرت نكي فماقدر ارد عليك ^_^

[صريح..!!]

اشكرج يا اختي العزيزه BiShOw


على مرورج ومشاركتج

[أمونه]

من باب الفضول دشيت

ومن باب الفضول أيضـا رديت

أنا ما غيرت نكي بس حبيت أقرأ طرحـك الرائـع ,, وأشـاركـ بالرد

وفعـلا هذا حب تغير أنا صج أحب التغير ,, مثلا كل ساع صوره كل ساع توقيع ,, بس نـك لا ما جربت

لأن بصراحه الكل تعود عليه وما حبيت أغيره ,, ويعطيــك العافيه يأخوي عالطرح الجميـل

لاننحرم من مزيدك يالغلا

:)

[°•ஐ piNk ♥ DrEaM ஐ•°]

اناا غيرت نكي لاني احب التغيير

ومليت من نكي سارونه

قلت احط هالنك بينك دريم

وبس :p

مشكووووووور عالموضوع :)

[صريح..!!]

اشكرج يا امونه على ردج الجميل وعلى مجاملتج الروعه

مو مشكله التوقيع المشكله بالنك وزين ماتسوين ماتغيرين نكج

وتحياتي لج يا الغلا

[صريح..!!]

اشكرج يا اختي بنك دريم على مشاركتج وجوابج على السؤال وتحياتي لج

والله لايحرمنا من مشاركاتج

[~§][][ الـــفــــنـــــار ][][§~]

§¤°~®~°¤§ ماأحـب اليـهـال §¤°~®~°¤§

مساك الله بلخير أخووي الفاضل

والله جميل ان يطرح هذا الموضوع لان فعلاً شغله مو سهله في تغير النك

وأعتقد هذا منتدى يعني العضوو اللي يشترك فيه يكون ملتزم في كتاباته وأرائه ومشاركاته

وطبعاً اكيد الكل راح يعرف منو صاحب الموضوع هذا على حسب نكه اللي اشترك فيه

لان المنتدى يجمع كثير من الأعضاء من دول الخليج وهذا شي يشرفنا طبعاً :::

ممكن قد يكون تغير النك بس مو في المنتديات >>> مثل الجات اوكي الكل يقدر يغير ::

أدري طووولت عليكم وايد بس هذا رأي الشخصي والتمس العذر منكم إذا حصل غلط مني

وتسلم أخووي ( ما أحب اليهال ) عساك ع القووه

[! احلى ^ شمري !]

موضووع حلوو يالغلااا

ومشكوور :)
وانا صارلي يومين مشتررك معاكم :)

وصراحه انا من نوعي مااحب التغير :)

لان حلاتها الناس يعرفونك ويحترمونك بنكك ويوزر نيم حقك :)

وومشكور البي

لاخلا ولاعدم :)

اخكم حموؤدي

[كتكووته^^مكتكته]

اخوي الغالي


سأجيب واشارك بالموضوع من بعد اذنك
مع اني ما غيرت نكي وهذا هو منذ اشتراكي بالمنتدى


حب التغير والملل من الروتين امور نتعرض لها كل يوم بحياتنا
انا شخصيا كل يوم بلوك وكل يوم بمود وهالامر يتكرر معي بسبب الضغط من مشاغل الحياه فأحب اطلع بشي مختلف يكسر هالروتين ويؤدي الى ارتياح نفسي

بالنسبه لموضوع تغير النكات
بدايه نبارك لكل اخوانا عالنك اليديد
ما اظن اني فيوم راح اغير نكي لسبب
هو ان اغلب الاعضاء ان لم يكن الكل عرفوني به ومن الصعب ان اغيره بليله وضحاها واظن ان الاعضاء لن يعتادو عليه
كما حصل معي
فمازلت انادي الاعضاء الذين غيرو نكاتهم بالنك القديم

ظاهره تغير النكات تعرضك للحرج احيانا
كما حدث لي مع احدى العضوات العزيزه جدا على قلبي ( لا داعي لذكر الاسماء )


غيرت نكها فجأه او بسابق انذار ( لاني كنت غايبه عن المنتدى وما ادري ) وبعد عودتي وجدت لها رد في احد مواضيعي تمدحني فيه بشده طبعا بنكها اليديد
رديت عليها بالشكر وذكرت بين قوسين ( ولو اني ما اعرفج )
ردت علي برساله خاصه اشلون ما تعرفيني احرجتيني مع الاعضاء انا فلانه
:)
:)
هالامر احرجني كثير لاني ما اعرف نكها اليديد

عالعموم

هي ظاهره مالها سلبيات كثيره
هي فقط اظن بسبب الملل
او ان بعض الاعضاء اول مايسجلون بالمنتدى ما يعتقدون انهم راح يستمرون
فيسجلون بأي نك
وبعدين تحلالهم القعده ويغيرون

:)


تشكر عالموضوع الخفيف ,,,

مع الاعتذار للاخت الغاليه على قلبي وايد:)

[صريح..!!]

اشكرج يا اختي الفنار من صميم قلبي على مشاركتج الجميله يخليج ربي

[صريح..!!]

واشكرك يا اخوي عذب على مرورك وردك الجميل والحمدالله انت ماتحب تغير ونورت موضوعي بمشاركتك