مـاهو العـمر المنـاسـب لل...دشـو وبتعرفون

[كويـتي][F.B.I][]

اول شي صباح الخيرر ومساء الخير والسلام عليكم ورحمة الله وبركاته

..اخواني اخواتي
اليوم الصبح قبل شوي كانت الوالده مشغله الرادو على اف ام
فا شفت موضوع يتناقشون فيه حلوو فا حبيت اني اتناقش وياكم فيـه
...
التيلفون ..ماهو العمر المناسب للمالـك
يعني ماذا تتوقعون ان يكون الحق لهم بستعمال التيلفون
شاهدنا الايام هاذي كثير من الناس تستعمله بشكل غير حضاري منها البلتوث..
وانا ولد عمي عمره 8 سنوات عنده احسن جهاز ومادري منو يدق عليه عاد..
المهم حبيت اخذ رائيكم كيف ان نستعمل هاذي الشغلات وماهو العمر المناسب للتيلفون
هل يصلح ان تكون او يكون بعمره 8 او 9 او 10 او11 او12 او 13 او14 ان يستعملو الجهاز النقال
..من كثر مشاويرهم عاد وتقبلوو تحياتي ..

[بنت الخير]

اللي عنده تلفون بهالسن اعتبره ولا شي
واحسن سن لامتلاك التلفون بالنسبه للولد 15
والبنت 18 يعني لمه تتخرج من الثانويه العامــه
وشكرا على الموضوع

[حبوب راعي الزد]

شكرا عاموضوع الجميل

اخي المحترم انا كغيري استمعت الى الموضوع بالراديو مثل ماقلت والله انا من رايي مثل ماتفضلو الي ردوا انه لازم من عمر 15 للولد
والبنت الى حين موعد الزواج

فلنحرص على البنت لازم التلفون بعد الزواااااااااج والا سيكون وباء خطير



وانا موقصدي الغلط على البنات بس مو بحاجه الى الهاتف النقال بهذا العمر



وشكرا على الموضوع الجميل



تحياتي

[BiShOw]

الصراحه انا ضدكم بهالشغله



لان بالنسبه حق عايلتنا مو كل طلعاتنا مع الوالد و الوالده عشان جذي اخوي اللي عمر 9 سنين معاه تلفون


و احنا اللي اكبر منه معانا تلفونات ... و ابوي اهوه اللي شاري لنا تلفوناتنا


اما اخواني اللي تحت الـ 8 سنين ما عندهم تلفونات


و للعلم انا و اخوي اللي اكبر منه خذينا التلفون بأولى متوسط ..


بس ولا واحد فينا كلم ولا شي جذي ... يعني مو ضروري اذا خذوا تلفونات بهالسن راح تصير شياء جذي .. و هم شي مهما كان العمر ان الام و الابو يكونون على اطلاع و يسولفون مع عيالهم عشان لا يسوون شي من وراهم

[! احلى ^ شمري !]

تسلم اخوووي

:) وانا معااكك هالظاهره هاليومين يستخدمونها بالغلط

والله يسترر ع امه محمد ياارب

عذووب

[كويـتي][F.B.I][]

BiShOw
تسلمين اختي على مرورج صـحيح
يجب ان نكون حنسين للاستعمال للتلفون
انا معاج برايـج مو حلوه انك هم تكسر شي بنفس اختك او احد اخوانك
لزم تعطيه كل ثقتك ولكن بحدود وان تكون مطلع عليـه أكثر واكثر

[كتكووته^^مكتكته]

اف بي اي

شكرا عالموضوع

انا اشوف انسب عمر للبنت ,,
بعد 18

والسبب ان البنت قبل سن 18 طلعاتها له مع امها واهلها فما لاه داعي التلفون
اما بعد ال18
بيكون عندها سياره وبيصير التلفون ضروري

اما الاولاد فيختلف حسب كل اسره وطريقة تربيتها لعيالها
في عيال اعمارهم 8 و 9 ويطلعون بروحهم بالتكاسي
والتلفون مهم لهم عشان اولياء الامور يتطمنون ( ولو اني ماني عارفه لييش بيتطمنون وهم مخلين ياهل يطلع مع تاكسي )

انا اشوف الولد لي صار مدرك للخطأ يعني بالثانويه ينحط له تلفون

مع ان هالشي مستحيل بهالوقت

الله يرحم زمان اول

اخوانا الكبار ما حطو التلفون الا لما اشتغلو


صج زمن

[ميلاني]

والله انا كلامي من كلام اختي كتكوته
بس ترى الحين تغير الوضع تلقون الولد اللي عمره 7 يدزدز بلوتوث ويصيد لا والله اعرف واحد بالمتوسطه يعرف يخترق اجهزه تلفونات بابلوتوث لا واخترق جهازي بعد
يعني داهية
بس الحين التلفون صارمثل الحلاو تروح البقاله تشتريه < تشبيه بلاغي

المهم مشكوور خيوو كويتي ويعطيك العافيه < مواضيعك رووعه

[uvfd]

انا أشوف أنسب عمر حسب الحاجه
دون تحديد أعمار
شكرا على الطرح
ثانكسسسسسسسسسسسسسسسسسسسسسسسسسسسسسسسسسسس

[PiNKiYa]

اولا اشكرك اخوي على هالموووضوع
ثانيا انا ضدك بموضوعك وللاسف انا يوم كان عمري 11 سنه كان عندي تلفون وكل سنه ابدله والحين عمري تقدر تقول 13 سنه ادش النت واسولف واشترك منتديات وهم عندي تلفون يعني مو كل من اخذ التلفون راح ينحرف واحنا اغلب الطلعات مع رفيجاتنا فلازم تلفون !!!ومثل ماقالت بيشو اخوانا وخواتنا الي اصغر منا عندهم تلفونات و اهالينا الي شارينهم بعد يعني مو من وراهم !!!!!!!! ولا اقصد الإساءه

[][ ///ـا@ـر ][]

هلا وغلا
كويتي
أعتقد أن الحاجة هي من تحدد وجود التلفون
وليس العمر
ماذا يفعل الشاب أو الصبية بالتلفون في أي عمر
وهو ليس بحاجة له ؟؟!
إلا إذا أصبح التلفون من الكماليات والشكليات !!
تسلم الأيادي
دمت مظللا بالسعادة

[بدوية]

يعطيك العافيه ع الموضوع بصرااحه انسب عمر للولد يكون معاه نقال هو16او17سنه
والبنت بعد ماتخرج من الثانوية وتدخل الجامعه او المعهد بس الحين الزمن تغير
بس المفرووض مانتبع الموضه واللي يغلط نسووي نفسه