موبايل + سوالف = ما تحلى الا بالسوق !!

[©خلودي©النشبـة©]

بسم الله الرحمن الرحيم
والصلاة والسلام على اشرف الانبياء والمرسلين
سيدنا محمد عليه افضل الصلوات والتسليم
السلام عليكم ورحمة الله وبركاته


اخواني الأعضاء ،
اول شي شلونكم شخباركم عساكم بخير وعافيه ..
بالبدايه ودي اخص فيكم اعتذاري على قلة مشاركاتي بالفتره الاخيره ..
وطبعاً هالشي مو بيدي بس في اسباب حدتني اني اكون " متفرج بس " ..
وان شاءالله تتلاشى هالظروف وتتحسن الأوضاع اهني بالمنتدى
واكون متواجد متى ما سمحت لي الظروف ..
واعذرونا ع القصور


.
.


ندش بالمفيد

شي طبيعي ان الشخص مننا احياناً يروح ويطلع برى البيت .. يروح السوق .. يروح البحر .. يروح اي مكان .. وهالشي اكيد صاير عند كل الناس .. وخصوصا بمجتمعنا احنا اهني بالكويت .. يعني تلاقي الاغلبيه وخصوصا الشباب يعتبرون الفرفره بالشوارع والمجمعات " هوايه " يمارسونها بوقت فراغهم ..
بس مو هذا موضوعنا ..

انا تكلمت وقلت ان الناس تطلع وتروح امكنه عامه ومجمعات وجذي .. وطبعاً لما تطلع الناس حق هالامكنه بيشوفون بعضهم ويكونون بمحيط واحد وغيرهم بيشوفهم يعني مثل ما يقولون " تحت الاضواء " .. يعني اي شي غلط يطلع منك راح تلاحظه " خلق الله " .. ومن هالمدخل احب اوضح لكم انه في ناس ياما ورتنا العجب بتصرفاتها جدام الله وخلقه وخصوصا بامكنه عامه مثل " المجمعات وغيرها " ..

انا مابي اتكلم عن كل الاشياء اللي نشوفها من الناس هناك .. بس بركز على شغله شايفها منتشره وايد بالاسواق وان شاءالله بتكون اهي " محور نقاشنا " .. واللي اهي " القرقه بالتليفون بالامكنه العامه " .. وخصوصا بالمجمعات وبالتحديد من ناحية البنت !

يمكن غيري يشوف ان هالشي عادي .. وبيقولي " ياخي انت شكو بالناس خلها تسولف ؟ " .. بس صدقوني ياجماعة الخير شي يحز بالخاطر والله لما تشوف بنت ماسكة التلفون وموطيه صوتها وشغاله " هذره " وماشيه بالسوق .. تحس انها داشه السوق بس عشان تتحجى بالتليفون .. مادري انا قمت اشك ان ابراج السيرفس بيهدمونها مبدئياً من كل المناطق السكنيه وبيخلونها بالمجمعات بس وهالبنت قاعده تروج حق هالحمله من الحين !! .. والله ياجماعه وقسماً بالله شوف عيني قبل اسبوع او اكثر بالسوق وحده ماشيه مع امها والتلفون على اذنها وداقتها سوالف وكل من مر من يمهم طاح له خز بالبنت مادري اهو مستغرب من البنت اللي تتكلم ولا مستغرب من الام اللي تترجى بنتها انها تخف شوي ايدها عن النقال .. والله ياجماعه ان الام قاعده تترجاها وتدزها " نزلي التلفون بس ومادري شنو فضحتينا " .. واهي ولا معبره امها ومندمجه بالسوالف وخلق الله داشه طالعه من المحل اللي اهم جدامه .. يعني لما شخص يشوف هالمنظر المخزي شنو يكون الاثر اللي تركه هالموقف بنفسه ؟ :icon_sad:

عالعموم الله يصلح حال الناس اللي من هالنوع

واترك الموضوع تحت رحمة اقلامكم للنقاش .. :p


.
.


تقبلوا أرق التحايا

[SuL6aN]

بسم الله الرحمن الرحيم
مشكوؤوؤر ع الموضوع اخوي
وانا اعتقد ان البنت الي علىىىى طووول ماسكه تلفونها
وطايحتله سوالف اعتقد هذىى كله من التربيه
يعني صدقني من التربيه
انت قلت:
ان امها تقولها نزلي الموبايل واهيا ماترد علىىىى امها
شفت شلون الي ماترد علىى امها شنو يعني مو متربيه
وهذا كله من التربيه

ومثل مايقولون "ان لم تستحي فأفعل ماشئت"

مشكوؤوؤر اخوي ع الموضوع

[©خلودي©النشبـة©]

يا هلا وغلا بيكهام شلونك شخبارك عساك بخير

وين هالغيبه يالغالي

< يعني مو انت اللي غايب :p

والله اشتقنا حق سوالفك ياخوي

ع العموم تسلم اخوي بيكهـام ع المرور

و اشكرك على طرح رايك

عساك ع القوه

[صريح..!!]

اشكرك يا اخوي على الموضوع الجميل


يا اخوي هذا برستيج بنات يعني تحب التباهي ولاكن هذي فئه بسيطه من المجتمع لاتشمل الكل

والله هذا شي غلط يعني اشوفه ماله عادي الله يخليهم لهلهم ويستر عليهم انشالله


معه السلامه

[EgypTion_Co0oL]

أخي هذا كله خطأ من الوالدين أللي معطيين بنتهم الحرية في انها تعمل مثل ما يحلى لها ومو حاميين عليها

وأنا والله شاهد أنه لو هالبنت كانت محترمة كانت سكت التليفون من أول ما قالت لها أمها هالكلام


وشكرا لك أخي على طرحك للموضوع

[©خلودي©النشبـة©]

ماحب اليهال & albarca

.
.

تسلمون اخواني ع المرور

ورايكم طيب واحترمه ..

دمتم بود