ليش نتجاهل فساد الأخلاق ؟؟

[MR.PEPSI]

بسم الله الرحمن الرحيم ..
والله ما ادري شلون ابدي من الحره الي فيني لكن بقول كل الي في قلبي بكل جرئه ..
يا جماعه اغلب المواضيع الي بالمنتدى تبي تتجنب هذي النقطه نقطة الفساد الي صار لنا وشمعتنا صارت الزمن ليش انت رجعي خلك كول لازم تطلع وتقز لازم تصير عندك صاحبه ..
وشباب الكويت اسمحولي بهذي الكلمه من زمان هتليه بس البنات قبل محترمين نفسهم اما الحين والعياذ بالله بناتنا صاروا هم الهتليه مو الشباب يا جماعه ادش المجمع اشوف البنت لابسه قصير وضيق والي مطلعه ما ادري شنو وكل وحده مطلعه شي غير من جسمها اظن هذا الشي عيب استحوا على وجيهكم في بنات والعياذ بالله يطلعون من بيتهم بالعبايه شزينهم ويقولون حق السايق او اخوها او اي احد يوصلها قطني بيت رفيجتي وبس تروح عند رفيجته تطلع وحده ثانيه لو تشوف المنظر تقول ام العبايه للحين ما طلعت من البيت تطلع لك لابسه تنورره لي ... والمكياج ترس الوجه تقول بتروح عرس ولازم اذا دشت المجمع تتميع وتدلع ليش ليش فهمني ابي افهم ليش ؟؟؟في الف علامة استفهام براسي ؟؟
وشباب بعد شوف شعره وضحك والله علبالك توه قاعد من النوم بس يا جماعه في واحد ما انساه والله ان نص بطلونه اليمين خامه غير عن النص الثاني وغير في الون .. ليش هذي المصخره ماني عارف ؟؟؟
وليش صرتوا تقولون عن الي يلبس دشداشه انت مو فنكي شفت واحد من ربعي (( من الشباب الفنكي )) سلمت عليه شلونك شخبارك إلخ .. بعدين قالي ليش لابس دشداشه شنو كان عندك عرس ؟؟ انا كنت دبلوماسي معاه ما حبيت احرجه ..وليش صرنا ننعت الناس المتمسكه في تقاليده بالمتخلفين ليش ليش ؟؟
وليش انتوا للحين ساكتين ؟؟ هذا انا اقولكم جوابه : لأن الوضع عاجبكم عاجبكم انكم تقعدون بدون اخلاق و بدون قيم ..
يا ليت ألقا سبب وجيه بس سبب واحد راضي ؟؟
وانا متأكد اني ما راح ألقي ولا سبب ؟؟
وسلامووش

[SuL6aN]

مشكوؤوؤر اخوي ع الموضوع

بس يا اخوي انت قلت كل الشباب وقلت كل البنات

لا مايصير جذي يالغلا

انا بقولك والله انا نوع من الشباب الي مااهتم حق البنات والله

ومسألة صاحبه ماعندي بعد اكثر من جذ ي

انا اذا بطلع اطلع استانس بس لا اكثر ولا اقل

نعم انا معاك ان الحين انتهىىى موضوع الدشداشه

بس انا من الشباب الي اكثر لبسي دشداشه

واذا بطلعمو مشكله البس واغير مو شرط اطلع بدشداشه عشان يقولون

اني محافظ ع العادات والتقاليد يعني مو شر اني اكون لابس الدشداشه علىى طوول

الواحد يغير

بس الي اقوله عن البنات

ان موكل البنات جذي من النوع الي انت قلته يعني مو كلهم يطلعون مطلعين ... وماادري شنو

واللبس قصير لا بس الي يطلعون .... ولبسهم قصير صدقني مو متربين

ومايدرون وين الله قاطهم واهم على فكرره قله قليله

بس مره ثانيه مايصير تجمع

اما بالنسبه لسؤالك ليش ساكتين

انت تكتب وتسوي وتقول و بالاخير محد يرد عليك يعني تتعب ع الفاضي

وهذا اهو السبب مو عاجبنا الوضع لا لا بالعكس والله الوضع مو شي جذي

يعني تطلع تشوف البنات لابسين بس احنا لانقول بس البنات ترىى الشباب

بعد اهم مو شي والله مو كلهم طبعا مو كلهم مو كلهم <<مو كلهم

انت قلت ان بعض الشباب يطلع شعره ماادري شلون صاير

والله ماادري شقول بس احنا ساكتين مو مسألة عاجبنا الوضع

بس احنا شنسوي مانقدر نسوي شي اذا اهم يبون جذي احنا مانقدر نقول

الا الله يهديهم ويشفيهم << صدقني مرض اهم يشوفون الغرب ويقلدونهم

يعني تشوف هذا يقلد الفنان ... وهذي تقلد الفنانه .... وانت ملاحظ هالشي اكيد



بس السبب .... اهو اول شي التربيه ... وثاني شي ضعف الوازع الديني


واذا تبي بعد البرامج السخيفـــه اهيا السبب صدقني

واول برنامج ستار اكاديمي << شباب وبنات في مكان مسكر بروحهم

يقولون مراقبه عليهم وماادري شنو لا صدقني الي يصير شي اكبر من الي نشوفه

بالافلام الاجنبيه ....


ـ،ــــ/ــــــ،ــــــ/ـــــ،ـــــ:ـــــ:ـــــ:ــــ

سوري ع الاطاله

مشكوؤوؤور ع الموضوع

واتمنى محد يزعل من كلامي يعني من الشباب او البنات

بس هذا اهو الواقع وهذا الي نشوفه ......


سلامــــــــــــــــــــــــــــــــــــــــــــ

[MR.PEPSI]

انا معالك في كل الي قلته .. بس عن سالفت الملابس مو شرط تلبس دشداشه بس بعد ما تلبس بلوزه مشققه وبنطلون مسحق لا وشسم البنطلون (( ديرتي )) والله التديرتي الي يلبسه ..

ومشكور على المرور والله الحمدلله اني بدوي وما اعرف بهذي الشغلات ..

[صريح..!!]

اول شي اشكرك يا اخوي العزيز على موضوعك الجميل


ولاكن ابي اقولك شي مو تزعل

انا ما ادافع عن الناس ولاكن الكل يرى بعين طبعه يعني مو قصدي طبعك جذي لاكن انت ترى فئه من الناس يمارسون الشي هذا لنزوه عندهم في كثير من الشباب محترمين وايد وفي كثير منهم من يصلي ومنهم من يحب االرياضا والى اخره

وكثير من البنات نفس الشي

اما على الفئه هذي هذا بلاء واعوذبالله منه والله يستر علينه ويرفع عنهم وعنا ويبعدنا عن السوالف هذي
صح كلامك الجرأه عن البنات زادت وهم زادت السوالف البايخه عند الشباب حب الابراز يكون لابس شي شاذ وعلباله كل شي شاذ حلو ولا مهم في مجال الغز والمغازل :) انا اضحك عليهم

اما على لبس الدشداشه شي رسمي ولبس وطني الكل يفتخر فيه وشي جميل وترى الذرب اللي يلبس دشداشه

والاحترات احترام النفس قبل احترام الاخرين واللي محترم نفسه ويماشي الناس على السنع الناس بتحترمه

والتخلف كثير والتجاهل بالامور اكثر

في مثل يقولك اللبس اللي يعجب الناس واكل اللي يعجبك

ترى مو المقصد بس باللبس اللي يهم الناس لا الاخلاق والاحترام والنفس الطيبه

اما اكل اللي يعجبك يعني تصرفك بمسؤولياتك لنفسك لاتتبع احد ولاتقلد احد

البشر فيهم حب التحدي وحب التغيير وفيهم الغيره هذي اكثرشي يضر الانسان

واللي اشوفه من فئه من الناس هذي جنون العظمه يرى الناس حشرات ليش يبه ولد منو ولو كن ولد اللي اهو التكبر مو شي ترى


واتاسف على الاطاله يا اخوي


معه السلامه

[كتكووته^^مكتكته]

عاجبكم عاجبكم انكم تقعدون بدون اخلاق و بدون قيم ..
يا ليت ألقا سبب وجيه بس سبب واحد راضي ؟؟
وانا متأكد اني ما راح ألقي ولا سبب ؟؟



بدايه ما اعجبتني هالجمل كلش

ثاني شي احب اقولك

اذا كنا نتجاهل الفساد اللي حاصل
وين شعارات اعضاء المجلس ( المحترمين ) بمحاربة الفساد والاصلاح للافضل؟

ما اعتقد انهم كلهم بنظرك فساد؟

اخوي الكريم

حذرنا الرسول عليه الصلاة والسلام من يوم كهذا
يوم يصل الفساد فيه حد لا يطاق
وتمتلء الارض ظلما وجورا


وهذه من علامات يوم القيامه


اظن في البلد مشاكل وبللاوي اهم من موضوع الدشداشه والفنكي

وبعدين مثل ما في ناس رايحين فيها اكيد في ناس وشباب متربين وطالعين من بيئه محترمه ( مثلك )

صح ؟؟

فياليت اخوي ما تعمم ولا تشمل بموضوعك هذا الكل ..

[MR.PEPSI]

عاجبكم عاجبكم انكم تقعدون بدون اخلاق و بدون قيم ..
يا ليت ألقا سبب وجيه بس سبب واحد راضي ؟؟
وانا متأكد اني ما راح ألقي ولا سبب ؟؟
بدايه ما اعجبتني هالجمل كلش
ثاني شي احب اقولك
اذا كنا نتجاهل الفساد اللي حاصل
وين شعارات اعضاء المجلس ( المحترمين ) بمحاربة الفساد والاصلاح للافضل؟
ما اعتقد انهم كلهم بنظرك فساد؟
اخوي الكريم
حذرنا الرسول عليه الصلاة والسلام من يوم كهذا
يوم يصل الفساد فيه حد لا يطاق
وتمتلء الارض ظلما وجورا
وهذه من علامات يوم القيامه
اظن في البلد مشاكل وبللاوي اهم من موضوع الدشداشه والفنكيوبعدين مثل ما في ناس رايحين فيها اكيد في ناس وشباب متربين وطالعين من بيئه محترمه ( مثلك )
صح ؟؟
فياليت اخوي ما تعمم ولا تشمل بموضوعك هذا الكل ..

^^^^

ليش تفرين الموضوع جنج بتقولين انه ما في فساد يكفي الأفلام البذيئه قمنا نشوف فيها كويتيات معا الأسف ..

واذا على موضوع الدشداشه انا عارف انه موضوع جانبي لكن شنو الشي الي يدل على انك انت كويتي غير الدشداشه و الغتره والعقال ؟؟

واعضاء المجلس شنو يبون يسون اذا الشعب عاجبه الفساد ..

علشانكم البعض البعض وليس الكل البعض

[©خلودي©النشبـة©]

بسم الله الرحمن الرحيم

.
.

اول شي احب اهنيك اخوي بيبسي على
طرحك الرائع وصراحتك اللي اثمنها لك
بالنسبه حق الموضوع ياخوي
انا شايف ان الكل يدري بهالاشياء
بس هذا ما يمنع انك تخص ولا تعم ياخوي
وانت قلت في موضوعك ان الشعب عاجبه هالفساد
بس اختلف معاك انا واقولك : " ان مو كل الشعب عاجبه الفساد "
واكيد انت تأيدني بهالشي .. لان يمكن انت عميت ولا خصيت من " زود الحره اللي فيك "
يعني انت وانا وغيرنا .. اكيد مو عاجبته هالمناظر
ع العموم والله الكل فيه " حره " ناحيه هالموضوع .. وانا من الناس اللي فيهم هـ " الحره "
بس ما تطرقت للموضوع .. لاني ادري كلامي ماراح يقدم ولا يأخر و" لا حياة لمن تنادي "
بالنسبه حق صلب الموضوع
صدقوني ياجماعه الشي زاد عن حده
وكل يوم والثاني قاعده تنتشر هالعادات الدخيله علينا
وفي ناس قامت تتمادى .. طبعاً ماكو احد يردعهم او يوقفهم عند حدهم
يعني مربط الفرس عند السلطه العليا بالدوله
فلو شرعوا وحطوا قوانين تحد من هالاشياء جان ماصار اللي صار
بس الدوله الظاهر بعد " عاجبها الوضع " .. ؟
مو شايف اي تحرك منها ..
بس لو فكرنا فيها شوي .. اذا اهل هالشباب والبنات ما علموا عيالهم ووقفوهم عند حدهم .. يعني الحكومه بتردعهم ؟
يمكن الحكومه شايفه ان هالشي عاجب ارباب الأسره ..
وانا عارف حتى لو الحكومه حطت قوانين ماراح تختفي هالعادات
بس هذا ما يمنع انهم يقررون قوانين يمكن يكون هدفها " انقاذ ما يمكن انقاذه "
بس والله يالغالي مو انا ولا انت ولا احنا راح نقدر نحل هالموضوع
ع العموم الله يهدي العقليات اللي جذي

.
.

تقبل أرق التحايا

[كتكووته^^مكتكته]

|--*¨®¨*--|مساء الخير|--*¨®¨*--|


بما انك خصيت وتركت التعميم

خلني اقولك حقيقة مره نعاني منها اليوم كلنا للاسف


الديره كلها فســـــــاد

واهل الفساد هم الذين يدعون الاصلاح

الذين وصلوا بالرشاوي وبيع الضمائر والدين والوطن

بابخس الاثمان


اذا كان من نعتبره قدوة لنا ويمثل الشعب اكبر حرامي فمابالك بالشعب المسكين؟؟
وطبعا ماله داعي نذكر اسامي لانهم اصبحوا معروفين للعالم

بعضهم وللاسف يجعل الدين ساترا لاعماله الدونيه ويختبيء خلف لحيته وتياره الاسلامي ولكن عند المال تعمى الضمائر وتخرس الغيره على الوطن ,,

الحكايه لم تعد دشداشه وفنكي يا بيبسي
بل اصبحت مناقصات وصفقات من دم هذا الوطن
وهلما جرا

صدقني مافي احد راضي عالفساد ولا في حد عاجبه الوضع ويوما ما سنلجا لانتفاضه شعبيه ونثور عالفساد الحاصل بالبلد ,,

هي مسأله وقت ..
وكل شي يتضح ويبان ,,

دعك من قضايا الديرتي والاغاني والحفلات
فهذه امور مرتبطه بالدين والاخلاق
والاسره هي الملام الاول لما يفعله شباب اليوم وبانت اليوم

انظر للقضايا الاهم ,,

البطاله ,,
الكهربا,,
البوق اللي صاير عينك عينك
الوزارات اللي ما فيها الا الكراسي بينما الموظفين طاقين الكرت ونايمين ..
التعليم المتردي واللي صاير يفشل

لتدرك مدى الفساد الاداري بالبلد
\
والله يستر