...][][ دعـونا نتـذكر معـاا الغـزو العراقي على الـكويـت][][..؟

[كويـتي][F.B.I][]

السلام عليكم اعضاء ومشرفين كويت777 مع اجمل التحيه لكم والحب
..
دعونا نتذكر اليوم الاسود نريد منكم ذكر لنا الذكريات او بعض حكايات الغزو
التي سمعتو عنهم او حدثت لـكم او لهلكم في الحرب
..
هل ..استشـهد احـد من اقربائـك ..في الحرب
...هـل اصاب احد من اقربائـك في الحرب
...هل حدث لبيتكم اضرار في ايام الحرب
....نريد اجوبتكم
انا فقدنا 6 اشخاص اثناء الحرب..خالي ..وعمي ..واخـي..وابناء عمتي اثنين وولد عم ابـوي
الله يرحمهم
يلا جاوبو وقولو لنا لنتذكر من فقدنا ولنحكي معانا عن المواقف التي حدثـة
..
كويتي اف بي اي تقبلو تحياتي

[بنت الخير]

اولا مشكور اخوي كويتي في اي بي على هالموضوع وانا اعتقد انك طرحت هالموضوع والسبب الحرب اللي صايره بللبنان

انا الحمدالله ماعندي احد من اهلي استشهد ولكن البيوت خربت وانقلب النهار ليل والليل نهار والسبب الدخان والنار اللي اشتعلت وابار النفط والحمدالله تم السيطره على ابارنا بفتره قياسيه
وهالموضوع لو قعدنا نتذكر من اليوم لي باجر مراح نوفي بجزء من خراب صدام حسين على دولتنا الحبيبه الكويت
شكرا لك على هالموضوع .

[كويـتي][F.B.I][]

بنت الخير اول شي مشكوره
مو عشاني تذكرت حرب لبنان لا اختي غلطانه بل
يوم 2-8 اقترب فا حبيت ان ارجع الاسطوانه للوراء فقط

[عبـاس بن فرنـاس]

والله انا كل خوالي كانوا مقاومه و عمي و ابوي و خالي كانوا اسرى ابوي و عمي عند الحدود او اقرب بشوي بعد ما دخلوا الامريكان خلوا ابوي و عمي لكن خالي كمل لكن لمن صارت الثوره الشيعيه طلعوا و ردوا الكويت و بيتنا ما ضل و لا شى حتى الليتات خذوهم و شكرااا اخوي ف بي اي ع الموضوع

[كويـتي][F.B.I][]

ونعم الاب والخال والعم والله

اوفياء ونعم فيهم والحمدالله على سلامتهم ابطال

[الحبيب]

عليكم السلام

هلا وغلا حمني

هاليوم هذا ما في انسان ما يتذكره لانه كان اليوم الاسود على دولتنا

بصراحه ما استشهد احد من العايله ولا اصيب

بس البيت اكيد تأثر بكل شى بالسرقات ...

ملاحظه : بنت الخير شجاب طاري هذا بهذا .. غزو العراقي شجابه على حرب لبنان شكلج مو نايمه عدل

يعطيك العافيه ع الموضوع الحلووو يا حلوو : )

[كتكووته^^مكتكته]

شكرا اخوي كويتي اف بي اي عالموضوع
مهما تتغير الحكومات وتمر السنين
انا ضد ان يمحى هالتاريخ من ذاكرتنا
لو احنـــا سامحنا ونسينا اهالي الشهداء والاسرى ما راح ينسون
صحيح صدام راح
ولكن الجرح باقي

شكرا عالموضوع

ويستحق التثبيت

[Z@G®†éY]

والله الحمدالله ماصار شي بس

في ناس يقربولي 2 راحو اسراء بالعراق

واشكرك على الموضوع :)

[! احلى ^ شمري !]

تسلم حبيبي كوؤيتي

وانا صراحه فقد اغلى الناس على قلبي واهوو اخووي :)

وتأسر ابـووي ورد لنا سالم الحمدلله :)

ومانذكر الا كان يوؤم اسوؤد وانشالله مايتكرر هاليوم

وحبيت اشكر كت كت ع التثبيت لأنه يستحق التثبيت :)

وتحيآتي العطرره لكم

[كويـتي][F.B.I][]

تسلم على المرور والله يرحم اخوك

[بدوية]

كويتي تسلم ع الموضوع انا الحمدلله مافقدت احد من اهلي بس كل ما اسمع عن الدمااار اللي اصاار
او اشووفه بالتلفزيون احس بألم وغدر مامرت فيه اي دوله بالعالم الله لايرد هذااك اليووم

[محمد الفارس]

اسمحلي ياخوي كويتي
انا ماقدر اعيد الذكريات
ناس استشهدوا وجف دمهم
الله يرحمهم وهذا واجبهم وانشاله لهم الجنه باذنه الكريم
للاسف شعوب يسفك دمائهم ويستباح اعراضهم وتنهان كرامتهم
وبأذكركم فيهم
شيماء اللي اغتصبها الاسرائيلين وانجبت ولد منهم. ويـــن الشهامه
الاطفال في لبنان وفلسطين وغيره ابناء الحجاره. وين اللي يبون الشهاده
وتبينا نذكر بطولاتنا اللي للاسف خيبنا ظن الشهداء
بدال مااتذكرهم .ليش ماتمنى اني اكون منهم
الله يرحمنا وعلى فكره كلنا دافعنا عن الوطن بكل ماعندنا

[nawal]

2_أغسطس 1990

تاريخ لا ينسى أبدااا

فقدت فيه كل عائلتي :(

وتميت وحيده بالدنيا


الله يرحمهم جميعااا


وياخذ عمر صدام اللى يتمنا مبجر

[razi77]

شكرا اخوووي

بس اتذكر وانا صغير اشوف ناس كويتين عندنا

واحس ان الدنيا مقلوبة فوق تحت

وعرفت بعدها غزوا الكويت

ايام الله لايعودها علينا

الله يحفظ الكويت واهلها

رازي

[$العميد$]

اخوي هذي سالفه راحت من 16 سنه ليش نرد الماضي خلاص احنى عيال اليوم ومالنا شغل بالماضي