تخيل اختك بهالموقف ..

[al3ooya]

السلام عليكم ..


تخيل اختك طالعه وتحرش فيها واحد من هالشباب المطيورين ..مثل اللي انتو تسوونه ببنات

خلق الله ..منظر يسبب لكم صدمه بس للأسف انتو تسوون الشي بدون تفكير ولا مبالاة وما تحطون

خواتكم بهالمواقف أنا ما اقول خواتكم فيهم شي بس مثال..اعتبر بنت الناس اللي انت تحاجيها "اختك"

وانصحها عاهدو نفسكم انكم قبل ماتفكرون بنفسكم فكرو بخواتكم ..ومادري بعد شقول اللي عنده كلام يقول

انا ما اعرف أعبر واسفه اذا كنت غلطت بشغله .:icon_question:

[ღ♥ MaLiCiOuS ♥ღ]

لا حبيبتي كلامج كله عدل وتعبيرج احلى بعد

ومثل ماقلتي لازم اول شي يفكر بخواته وشنو مصيرهم ولا ينسى انه الانسان مبتلى

ووايد قرينا قصص عن الشباب الطايشين اللي يقصون ع البنات بكلامهم ومن بعدها يسوي فيها بلوه ويقطها

ومايفكر باللي ناطره والله يبليه باهله حتى لو ماكان عنده خواات لازم يفكر بنفسه

وبــس هذا اللي عندي

تسلمين حبيبتي ع الموضوع
يعطيج العافيه

[كتكووته^^مكتكته]

تسلمين اختي

كله دين وسلف

واللي يتعرض لحرمات الناس وينتهك محارمهم
لابد ان يي اليوم اللي تنتهك فيه محارمه ويتعرض الناس الى عرضه

فاتعظو يا اخوان

واعلموا ان الله يمهل ولا يهمــــــــل

[al3ooya]

شااكره مروركم

والله يعطيكم ألف عافيه ..

[دمـ ملأك ــوع]

العويه
7
7
اولا احب اشكرج على هالمداخله الروعه لان فعلا موضوع بغايه الخطوره والاهميه
ثانيا قال تعالى كما تدين تدان والي تسويه ببنات خلق الله بينقلب لشرفك بالمستقبل
ووايد نقرأ او نسمع عن اخ يقتل اخته لانه انصدم فيها ..
والله يبعدكم عن هالمواقف
ويستر علينا اجمعين

بإنتظار مزيدج حبوبه
دموع

[al3ooya]

اي والله عسى الله يستر علينا وعليكم

وشاكره مرورج حياتي .. :)

[! احلى ^ شمري !]

تسلمين العويـه ع الموضوع

وموضوعج عدل

وانا واحد من الناس اسوي شي خارج عن ارادتي << ماني من اللي اتحرش ابنات وهالسوالف :)

مثل ماالبنات عرض ناس وانا بعد عندي عرض (كما تدين تداان)

وشآكر لج ع الموضوع

[الوردة المنسية]

موضوع مهم أشكرج على طرحة خيتي العوية
وأتمنى الشباب المتهوّر يقرأه ويتفكّرون قبل ما يسوون أي شي او ينطقون أي كلمة طايشة الى بنات الناس
ولو كل شاب فكّر بهالتفكير .. اوووووووووووووه كنا حنا بألف خيــــــــــــــر ونقدر نروح مكان اللي نبي
بس هم الله يغربل بليسهم !!
يعطيج العافية وأبدعتي في توصيل الفكرة .. منتي بغلطانة

[HoNeY RoSe]

.._.. العويه .._..
مشكوره اختي ع الموضوع ..

وكلامج عدل ونص بعد :p ..

مممممممم اهم الحين ذيلة الي مايفكرون في بنات الناس ترى الدنيا دواره يعني ادور ودرو وترد عليهم :)

[JoRy]

يسلمووووووووو على موضوعج كله صح بصح يعني الواحد يرضى على بنات خلق الله بس مايرضى على خواااااااااته يسلمووووووووووووووووو

[الحبيب]

اولا يعطيج العافيه على الموضوع

ثانيا انا اقوول كلامج نصه عدل والنص الثاني اغفلتي عنه ..

يعني لفيتي الموضوع كله على الشباب .. اوكي انا معاج في النقطه الي قلتيها

وعدل كلامج((كما تدين تدان )) ..بس ما سألتي نفسج سؤال ((ان البنت ليش اهي الي تضيع شرفها بنفسها )) وليش اهي الي تجيب الكلام لنفسها .. ما اقول الا الله يستر على جميع انشاء الله

[razi77]

شكرا اختي العوية

موضوع حساس

فعلا ظاهرة منتشرة بقووووة


وين الشباب يردووون

للاسف فشلونا


مافي احد يقدر يرد


تدرووون ليش


لانه مايبي يفكر بالموقف


لانه لو فكر شوية راح ينقلب وجهه الوان وشوارع من غير عنوانين


على كل حال


بنات وشباب الكل يجب ان يتقي الله في نفسه


اخوكم


رازي

[محمد الفارس]

شكرا على موضوعج ولكن على حسب لباس البنت ومشيتها

مو شرط البنت تتكلم بس التصرفات نفهمها

عموما انا ضد اللي يتحرش بالبنت المستوره في لباسها وماتعطي ويه لانها نحتشمه

فهذه لازم مانضايقها ونحترمها

وشكرااااا على الموضوووووووع

[محمد الفارس]

شكرا على موضوعج ولكن على حسب لباس البنت ومشيتها
مو شرط البنت تتكلم بس التصرفات نفهمها
عموما انا ضد اللي يتحرش بالبنت المستوره في لباسها وماتعطي ويه لانها نحتشمه
فهذه لازم مانضايقها ونحترمها
وشكرااااا على الموضوووووووع

[قمر الكويت]

اول شي يعطيج العافيه حبيبتي على الموضوع

و كلامج عدل بس احيانا الغلط يطلع من البنات اهم ايبون الكلام حق نفسهم ..

و اهي تخرب سمعتها بنفسهـاا .. الغلط من الشباب و البنات

:)