كفة من ترجح؟؟ انت والا ابوك؟؟

[كتكووته^^مكتكته]

السلام عليكم



بعيدا عن الامور السياسيه اللي تعور القلب
واللي دايما نصل فيها الى طريق مسدود



لنتكلم عن الامور الاجتماعيه
وحلم العمر ,, الذي غالبا ما يصطدم برغبة الاهل ,,


مثلا فلان دكتور ,, اذا !! يحكم على ابنائه كلهم ان يسيرو على نهجه ويصبحوا دكاتره مثله
والا يفشل المثل القائل ( ابن الوز عوام )



فلان يتمنى ان يكون مهندس ولكن لظروف الحياه الصعبه بالسابق لم يحقق حلمه اذا !!
محكوم على ابنائه ان يعوضوا ما فاته ويصبحوا مهندسين بدلا عنه ,,


السؤال


عزيزي العضو



لو كانت لك رغبه ان تصبح طيار مثلا .. ولكن ابوك يبيك دكتور
كفة من ترجح؟؟

وكيف تقنع والدك بحلمك ان كان والدك من النوع الشديد والصعب اقناعه؟

وهل من السهل ان تتنازل عن رغبتك من اجل حلم لم يحققه والدك؟؟
قيس هالامر على امور اخرى ..

عشقت فتاه حتى الموت ,,
ولكن ابوك يتمنى انك تاخذ بنت عمك عشان يكون ( دهنكم بمكبتكم ) ولانه مرتبط مع ( اخوه ) اي عمك بكلمه
كيف تتصرف؟
وهل تظهر امام محبوبتك انك انسان ضعيف ومالك كلمه جدام ابوك؟
ام تطلعه صغير جدام عمامك وتطلع من شوره ,,
دائما الامور الاجتماعيه معقده

ولكن


|--*¨®¨*--|النقــــــــــــــــاش هدفنا|--*¨®¨*--|

[عبـاس بن فرنـاس]

و الله مواضيعج يا اختي كت كت قل ما اقرأها ينشرح صدري

اولا- هذا المثل ابن الوز عوام صحيح كل دكتور او مهندس مهما تكون وظيقة واحد من عياله يرفع راسه و وايد من ربع ابوي جذي و عمي بعد.

ثانيا- الزواج قسمه و نسصيب و الي ابوي او امي يضنون انه زين لي اختاره و طبعا لازم انا رأي يشارك معاهم.

[~§][][ الـــفــــنـــــار ][][§~]

][®][^][®][ سمو الأميره][®][^][®][
][®][^][®][كتكووته^^مكتكته ][®][^][®][
المشرف العام

(( ابن الوز عوام صحيح ))
(( وهذا الشبل من هذا الأسد ))


تسلميين غلاااتي كل مواضيعج لها فوائد للكل
أختيار مميز دوم قلمج يكتب الشي الزين يا الغلا
بس والله ما ادري يا كتكوته على ما اعتقد تغيروا شوي
وصاروا يتفاهمون الأباء مع الابناء وخفت عليهم الضغوط
هذه لان ماضي الأباء تغير ومستقبلنا الحاضر كله تطور
وعلم وتكنلوجيا وشباب متفتح وقام اهوا اللي يختار اللي يبيه
يعني ما اظن ان الأب يوقف في طريق ومستقبل ولده
وسر نجاح الولد ومستقبله من اختياره وقناعته ومحبته للشي
اللي اهوا يختاره ودام انه متقنع فيه اكيد راح يوصل لأعلى شهاده
لأن اي ضغط يصير عليه ماراح يقدر يستمر في دراسته
اللي اهوا مغصوب عليها وهذا الشي أكيد يأثر على الشاب
وحتى في اختيار الزوجه له إذا كان مو مقتنع ماراح يدوم
الزواج بينهم وراح يختلق كثير من المشاكل لكي يفترق وتوصل
للطلاق وسبه اختيار الأب وكلمه ( غصباً عليك تتزوجها )
وهذه المشاكل وايد صايره في مجتمعنا الحين وسبه الغصب :

(( وكثر الدج يفج اللحام )) مثل قديم )


وليش ارفض الشي اللي يسعد أبني او بنتي في اختيارهم للي يحبونه
ويتمنونه لان سعادتي من سعادتهم : بس يكون اختيارهم للشي يكون
فيه المصلحه لهم في الأختيار الجيد لحياتهم :
وانا وحده اترك الخيار لهم وما أكون واقفه في طريق مستقبلهم :
بس يكون بحدود والأختيار الموفق لهم
وعسىى ربي يوفق الكل إن شالله ::

وهذا رأي يا كتكوته
ويعطيج الف عافيه ع الموضوع قلب

[كويـتي][F.B.I][]

بدوون مجادله
اتبع راي ابوي
واحقق رغبته حتى ولو يبيني زبال
اهم شي ارضاء الوالدين
ومشكوره

[d3doo3]

السلام عليكم
بالنسبة حق من كفة ارجح اكييد بتكون كفتي اولا بالنسبة للدراسة اكيد راح اشوووف شنو اللي انا ابيييه وممكن استنفع واوصل منه للعلم ان الاب ممكن يكون على علم بمصلحتي لكن اموور الشباب تتطلب مني ان يكووون لي قرار وطبعا الاختلاف يكوون بنسب بسيطه .

وممكن انا اتجه طرييق ابووي لان يمكن يكوون لي مثل اعلى وانتهج طريجه وهذا الاحتمال اللي اوافق على فكرة ابووي

بالنسبة حق الزواااج حاليا ممكن قلت هذي الفكرة ولكن لم تنعدم طبعا .
لكن اكيد احاول اتمسك باللي احبها بس طبعا ما افتعل اي مشاكل ولكن بالصبر ممكن تنحل والاموور اخذ وعطى ولازم يكووون لي موقف مممممم.


ولازم اشيير على شيء يا اخت كتكوووتة يمكن راح عن بااالج.
ان هالامووور ممكن تكوون على اساس التربية يعني من البداية تعويد الولد على ان كل اختيارات تكووون على الام او الاب ولذلك تنعدم الشخصية بالاختيار ويكوون الشخص ضعيف جدا .

وطبعا احتمال يكوون الدلع دليل على ان الشخص يعاند لدرجة ان مايستوعب هالاختيار صح ولا لا .

اما اذا تربى الولد على اخذ القرار مع مناقشة راح تلقين حتى اسلوب بالمناقشة راقي وممكن يكسب الجدامه بدوون خساير .



وشكرا على هالموضوع وطبعا اهنيكم على عودتي لووووووووووووول

[كتكووته^^مكتكته]

بن فرناس

يسلملي تواصلك

وشكرا عالاطراء الحلو

[كتكووته^^مكتكته]

فنوره

تسلمين عالتواصل
والرد الحلو يالغلا

[كتكووته^^مكتكته]

اف بي اي


طاعة الوالدين واجبه

منور

[كتكووته^^مكتكته]

دعدوع

منور يالغلا
وشاكرتلك وجهة نظرك

[بو يعقوب]

عن نفسي
اول شي ما تقصرين يالغلا على طرح هالموضوع
انا برجح نفسي او بشتغل الي ابيه وادرس الي ابيه يمكن ابوي تفكيره غير عني- يمكن اهو اذكى مني- يحب الدراسه- انا مااقدر اصير نفسه؟؟ خلاص عيل اسوي الي يريحني واخرتها راح يرضى عني ويوافقني الرأي
اعتقد المفروض نسوي جذي وما تقصرين يالغلا :)

[صلاح سعيد]

عن نفسي
اول شي ما تقصرين يالغلا على طرح هالموضوع
انا برجح نفسي او بشتغل الي ابيه وادرس الي ابيه يمكن ابوي تفكيره غير عني- يمكن اهو اذكى مني- يحب الدراسه- انا مااقدر اصير نفسه؟؟ خلاص عيل اسوي الي يريحني واخرتها راح يرضى عني ويوافقني الرأي
اعتقد المفروض نسوي جذي وما تقصرين يالغلا :)

[a7la1=#FF3333]|--*¨®¨*--|اختي كتكوتة ياكتكوتة دائما مواضيعك جذابة اشكرك دوما
وشكرا كتكوتة مكتكتة|--*¨®¨*--|[/a7la1]

[كتكووته^^مكتكته]

بو يعقوب

اشكرلك تواجدج
حياك الله

[كتكووته^^مكتكته]

صلاح

تسلم عالتواجد
منور

[فارس الأحرار]

بصراح أكيد كفة أبوي اللي بترجح
لانه أصل وجودي في الكون

زور مكتبة فــــــــ الأحرار ـــــــــارس للقصص
في منتدى القصص والروايات < متجدد دوماً >
ومكتبة فــــــــ الأحرار ـــــــــارس للمسجات
في منتدى الهاتف الجوال < متجدد دوماً >
مـــــــع تحــيــاتي
فــــــــــــــــــ الأحـــــــرار ــــــــــــــــــــارس

[كتكووته^^مكتكته]

تسلم عالتواجد فارس
منور