الزواج من جنسية اخرى غير جنسيتك ؟

[تـعـودنـا]

يعني الاغلبيه يتزوج الي من بره ؛؛ نـــــادر مايتوفقون ؛؛ يعني الاغلبيه مشاكل وطلاق .. يعني الافضل بنت ديرتك ومنك وفيك .. والاوليين يقلون " عرب وليدك "
المعنى انه ولدك لازم ايكون من سلاله اصيله .. مو هشك بشك :)
يعني انا افضل الي مني وفيني .. الجمال وغيره مو مهم ؛؛ الاهم الدين وايمانها وبلاخيـــر ؛؛ الزواج توفيق :)

[*TanTosHa*]

الزواج من جنسيه أخرىى شي حلو ,,بس علىى حسب جنسيه المتقدم ,,

انا مع هالزواج بس على شرط انه الطرفين يكونون مقتنعين ,,

ويعطيج العافيه خيتي

^_^

[BaSKo0Ta]

يسلمو كويتيه على الطرح الموفق ..

بصراحه اذا كان الانسان خلوق ومثقف ومتدين وعاداته متقاربه من عاداتنا ليش لأ ؟؟

واذا كنت أحبه شغله حلوه اني اكون متميزه بالعايله :)

[كويتية حنونة]

هااااااااااااي

اراء حلوة

و الله وااااايد استمتعت و انا اطالعها

امممم

شراي الباقين ؟

[Riyadh_moon]

موضوع جداً جميل كويتية ومهم
أحنا الان بالالفية الثالثة واغلب الناس ينظرون ان سالفة العادات والتقاليد صارت تخلف
بس من رايي من سابع المستحيلات تهميش هذا الجانب من حياتنا
اولاً اذا كان من دول الخليج واحبة ويحبني ليش لا ؟
خصوصا عادات وتقاليد الخليج وحدة
لكن اذا كان من دوول اخرى ولو حتى عربية صعبة جداً لان الفتاة الخليجية لها خصوصيتها الي تختلف عن الكثيرات من غيرها


بس عني انااا ؟؟ غير السعودي مستحيل اتزوج
وكل وحدة تشوف ولد بلدها غييير عن الكل
يعني انا نظرتي لسعودي غير .. برضو انتي نظرتك ولد ديرتك الكويتي غير
وهكذا كل وحدة
يعني انا سمعت قصص كثير وطبعاً مو مقيااس بس من وجهة نظري ماراح تحس البنت بالامان
خصوصا الخليجية مع الشخص الاجنبي


يعطيك العافية ع الموضوع كويتية

باأنتظار جديدكـ

[كوؤوؤلـ]

[align=center]صراحة خوش موضوع
والنقاش فية جميل
واراء الأخوة الاعضاء ووجهاة النظر معقولة

كويتية حنونة

..((من ناحيتي انا))..!

اعتقد ان العادات والتقاليد لها دور اساسي
في حياتنا والمجتمع الكويتي

ولكن هذا لا يمنع وجود زوجة من جنسية اخرى غير الكويتية في ان اضيفها شريكة في حياتي..!
بس هذا ما يمنع اني اعرف شنو عقلية البنت..
طريقت تفكيرها وطريقت تعاملها..
شلون متعايشة في بيت اهلها..
عاداتهم تقاليدهم..
انا بالنسبة لي اهم شي العادات والتقاليد..
وانا مع رأي الأختـ سارونة كووووول..!


مشكورة على الطرح الرائع
تقبلي تحياتي
كوؤوؤلـ[/align]

[كويتية حنونة]

هاااااي

هلا والله

كت كوتة
كؤؤل

اراء حلوة

امممم

انا اشوف
انه اغلب البنات يرفضون الرجل الغريب الاينبي
و اكثر الرياييل موافجين
هههههههه

ما شاء الله

نبي نشوف الباقين

[فلسطينيه]

اها ليش لأ
وشو المشكلة

http://www.kuwait777.com/vb/showthread.php?t=74200

[علي الراسي]

[align=center]دام في الدنيا ريح كويتيه


معصي


اروح لغيرها[/align]

[علي العبداني]

مشكوره اختي على طرح الموضوع الشيق جدا
اما بالنسبه للاجابه فانا اظم صوتي لاصوات اخواني
--$$((تذكرني&واحلى شمري))$$--
البنت مالها الا ولد عمها
والولد ما له الا بنت عمه
او اللي بعده
يعني اذا مو بنت العم بنت الخال واذا مو بنت الخال بنت العمه واذا مو بنت العمه بنت الخاله واذا مو بنت الخاله من العايله واذا مو من العايله من فخذ القبيله واذا مو من فخذ القبيله فمن القبيله واذا مو من القبيله فمن بنات الفريج
واذا مو من بنات الفريج من بنات القطعه واذا مو من بنات القطعه من بنات المنقطه واذا مو من بنات المنطقه من بنات المحافظه واذا مو من بنات المحافظه فمن بنات (((( الديره)))
وان كان مافيه كلش وجهك نحس
فعيش حياتك عزووووبي
لوووووول
اذا ما لقيت في كل هلخيارات بعدين اوافق على الزواج من برا اي من دوله ثانيه
وشاكر لكم الموضوع


اخوكم
علي العبداني

[ŋαŋ]

انا رأي من رأي شمري بكيفووه !

ما اشوف فيها عيب اذا تزوجت واحد غير جنسيتي
بس المهم أن يكون يعني خليجي مو عربي يعني لبناني و سوري جذي



لأن تقريبا أهـل الخليج كلهم نفس العادات والتقاليــد
يعني لو تزوجت عربي بحس عاداتي و تقاليدي مو نفس عاداته بس لو تزوجت خليجي
بكون تقريبا نفس العادات و التقاليــد لأن مثل ما ذكرت عادات أهل الخليج وتقاليدهم وحده مافي اي اختلاف الا يمكن بأمور صغيــره


تسلمين كويتيه

:)

[كتكووته^^مكتكته]

لا مانع ابدا

قال عليه الصلاة والسلام
من ارتضيتم خلقه ودينه فزوجوه

ولم يقل ,, جنسيته او اصله

شرط
ان يكون متدين وعلى خلق رفيع ,,
ولو كنت في قراره نفسي افضل ان ينتمي لموطني لاني اكره الغربه

[البارونه]

انا اعتقد يكون من نفس الجنسية افضل

[Q8ty*mazyon]

اشكرج اختي على الموضوع .. اهو ما فيها شي اذا كانت على خلق و خوش وحده بس انا بنظري من بنات ديرتي احسن

[الحب اسرار]

انا عن نفسي اعتقد انه غلط

الي يتزوج من بره راح يدخل انسان غريب بمجتمعنا غير عن عاداتنا وتقاليدنا

وهم انه يهين بنات ديرته يعني معقوله ماكو بهل بلد بنت تملي عينه ؟

وبالمقابل يمكن ضروف الحياة تخليه يتزوج من بره

ومشكور خيو علي الموضوع الفلته لوول