اسقاط قروض المواطنين اليس ظلما لبعض الكويتين؟

[كتكووته^^مكتكته]

السلام عليكم


اسقاط قروض المواطنين اصبح موضوع الشارع الكويتي وشغله الشاغل
وانقسم المجلس بين مؤيد ومعارض ولكل منهم اسبابه .


هل انت مع او ضد اسقاط القروض ولماذا؟؟

اليس من الظلم ان تسقط قروض من اخذها لشراء سياره او سفر للخارج بحجه السسياحه والترويح عن النفس وبالمقابل تقطع الكهرباء والماء عن فئه اخرى تعففت عن اخذ القروض واكتفت بالقليل من قوت يومها؟
الا يعد اساقاط القروض عن المواطنين تصنيف للكويتين وظلم فئه دون اخرى؟؟

رايكم يهمني

والنقــــــــــــــــــاش هدفنا

[الحبيب]

عليكم السلام

موضوع مهم

نعم مع اسقاط القروض

والسبب قطع ظهر هالمواطنين من هالقروض الي ما تخلص

وبعدين نعم معاج حق انه جذيه في ظلم حق الناس الي ما عليهم قروض

لكن الي ما عليه قرض الله منعم عليه حتى ولو على قده

بعدين عندنا فايض في الميزانيه خلونا نستفيد منها ولو بشي ينفع الشعب ..

ولا البعيد يستفيد والشعب حرام عليه ؟ ..

قريت في جريدة الوطن انه 32 عضو راح يوقعون في نوفمبر على سالفة القروض

بس هم اعضاء الامه مو كافي .. لان مجلس الوزراء اهوو الي رفض هالشي

دام هالمجلس الوزراء يعاند بكل شي .. كل واحد يتحمل الي على ظهره

ننتظر الفرج يمكن يجينا !!


كتكوته ..

يعطيج العافيه على الموضوع

[كتكووته^^مكتكته]

الحبيب

اسعدني تواجدك


نتمنى نشوف اخره هالموضوع اللي قسم الكويتين الى مؤيد ومعارض ,,

والله يكتب اللي فيه الصالح والخير

[kaka 22]

ضـد إسقاط القروض

يعني يجي واحد ياخذ قرض ويروح يسافر فيهم ويلعب قمار ويسكر ومادري شيسوي ويجي هني ويبي الحكومه اطيح له القرض !

لا واللي ما اخذ قرض مسيكين على نياته

بس والله ظلم اذا جذي الكل بياخذون قروض ويخلون الحكومه اطيح القرض


يعطيج العافيه كتكوته على الطرح

[صريح..!!]

اشكرج على الموضوع المميز يا اختي


ولاكن اسقاط القروض المقصد او الاصح على اللي ماخذينه لبيت يعني من بنك التسليف عرفتي

وهم الشي هذا فيه شويت ظلم

يبه كل رب اسره يعطون 10000 هذا شي حلو يعدل بين الناس

وترى مايضر على مزانيت الدوله مستحيل



الحمدالله الله يديمها من نعمه


بس ترى سبب انشغال المواطنين او سبب تساهيل الغروض هذا شي سياسي

لانه كل دوله بالعالم تتمنا انه المواطنين مايشاركونهم بشي عرفتي المقصد من الشي هذا هو انه المواطن مايسولف بالسياسيه يكون مشغول بمعاشه ودوامه عرفتي


وبالاخير الله يوفق الجميع ان شاءالله


مع السلامه

[الحب اسرار]

والله انا مع اسقاط القروض بس بشروط وحكام يعني يسقطون عن الي اخذ ويعوضون الي ما اخذ بمبلغ مايكون اقل من عشرين الف

وعتقد ماراح يطيحون القروض لان المشكله ان لو بيعوضون مايقدرون يدفعون حق كل الي ما اخذو قروض

فراح تتحمل الحكومه يمزانيه كبيره ماتقدر عليها

ومشكوره علي مواضيعج الحلوه

[البارونه]

انا مع اسقاط القروووووووض
مافيه ظلم لانه اللي مو ماخذ قرض الله منعم عليه اماااااا في ناااااااااااس وايد ماخذه القرض للحاجه وهذي الاغلبيه بعديييين والله القليلين اللي مو ماخذين قرض
حتى اللي ماخذ علشان سيارة < شلون بالله مو يبي يداوم ويروح فلازم يشتري سيارة هم حاجه هذي

[BaSKo0Ta]

اختي كتكوته ...


منوره والله بهالمواضيع الشيقه ...


الصراحه انا مع اسقاط القروض (( غير الاستهلاكيه ))

يعني قروض البيوت وجذي ..

اما القروض الاستهلاكيه فكل واحد يتحمل اللي يابه لنفسه ...


يسلمووو

[بوقلبين]

المساواة بالظلم عداله
كتكوته انا مع اسقط القروض لأن الدين عمات عين
وكل المقترضين سواء كان القرض لحاجه ضروريه أو فسقه وبذخ
حتى لايكون الحسد شعارنا يجب ان نقبل بالواقع
الإنسان غير المقترض انسان واعي
وعارف يحمي نفسه
اما من اقترض وحط على ظهره مبالغ طائله
يجب ان ندعي المولى عز وجل ان يفرج عنه

لنقول ببساطه انه انسان مريض
وهذا علاجه ...هل يجوز ان نعترض ونقل لا لاتعلجونه لأن احنا ما مرضنا
وندعه يموت
او اذا كان غرقان وحنا على بر الأمان نرفض انقذه لأن احنا بخير

وشكرا

[سمو22]

صباح الخير


انا صراحه ما اشوف رابط بين اسقاط القروض وبين قطع الكهربا


صراحه اللى ايده بالنار غير اللى ايده بالماي ... انا واحد من الناس اللى عليها قروض وما اخذتها لرفاهيه ولكن لحاجه ملحه جدا .... وديرتنا بخير ونعمه وكل يوم زايد النفط وترا فلوسنا وايد الحمدلله وما فيها شي لو طيحوا القروض ...بس في ناس فيهم انانيه اللى مايبي تطيح قروض البيوت علشان توه مو شاري بيت واللى مايبي تطيح القروض البنكيه علشان اهوه مو متسلف من البنك ... مو انانيه


انا ابي صراحه يطيحون القروض كلها .... خيرنا وايد ومو شايفين شي يتطور بالديره على الاقل احنا نستفيد :)

[صريح..!!]

الله الله عليك يا اخوي بوقلبين

ببساطه انه انسان مريض
وهذا علاجه ...هل يجوز ان نعترض ونقل لا لاتعلجونه لأن احنا ما مرضنا
وندعه يموت
او اذا كان غرقان وحنا على بر الأمان نرفض انقذه لأن احنا بخير


كلام من عسل وطرح جمييل وحكمه مميزه تحياتي على الرد هذا

[المتكتك]

من الافضل انهم يسوون مشاريع كبيرة ويكون المواطنون لهم اسهم فيها بالتساوي

وتكون ارباح هذي الشركات للمواطنيين وراح تكون دايمة وافضل من اسقاط القروض

لان اسقاط القروض مو حل

[الحب اسرار]

انا مع اسقاط القروووووووض
مافيه ظلم لانه اللي مو ماخذ قرض الله منعم عليه اماااااا في ناااااااااااس وايد ماخذه القرض للحاجه وهذي الاغلبيه بعديييين والله القليلين اللي مو ماخذين قرض
حتى اللي ماخذ علشان سيارة < شلون بالله مو يبي يداوم ويروح فلازم يشتري سيارة هم حاجه هذي

لا والله عيل الي ياخذ قرض عشان يشتري سياره كشخه هذا بعد محتاج ؟

والي ما اخذ وقعد علي سيارته الي مديلها الف وحطبه هذا مو ضلم ؟

[الحب اسرار]

المساواة بالظلم عداله
كتكوته انا مع اسقط القروض لأن الدين عمات عين
وكل المقترضين سواء كان القرض لحاجه ضروريه أو فسقه وبذخ
حتى لايكون الحسد شعارنا يجب ان نقبل بالواقع
الإنسان غير المقترض انسان واعي
وعارف يحمي نفسه
اما من اقترض وحط على ظهره مبالغ طائله
يجب ان ندعي المولى عز وجل ان يفرج عنه

لنقول ببساطه انه انسان مريض
وهذا علاجه ...هل يجوز ان نعترض ونقل لا لاتعلجونه لأن احنا ما مرضنا
وندعه يموت
او اذا كان غرقان وحنا على بر الأمان نرفض انقذه لأن احنا بخير

وشكرا

والي ما اخذ ينضلم هذا مو عدل ترا

وعلي فكره انا من رايي الي اخذ يتحمل الي صارله مو ناقص الا الحكومه تشتري لنا ماجلت البيت !!

كل شي تبون وين تلقون هل شغلات الي تسويها الحكومه لكم الا بالكويت والامارات والسعوديه وقطر

ومعروف ترا اغنى شعب بالعالم الشعب القطري بعدين السعودي بعدين الكويتي

[EgypTion_Co0oL]

شوفي يا أختي

الموضوع انا حاير فيه كتير أوي

لأن أللي عنده قروض سيكون موافق على هذا القرار

وأللي ما عنده سيكون غير موافق على هذا القرار


يعني من الأخر كده يلغوا القرار ده

والسلام ختام