ماهو شعور الفتاه عندما يراها الخاطب ثم يقول انها لا تعجبني؟؟:

[Mr-F9la]

بسم الله الرحمن الرحيم..
...

إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الرجل للفتاة وهي مظهرة لما يظهر منها غالبًا
كالشعر واليدين والوجه والقدمين
ولبعض العلماء أقوال أخرى ) والله أعلم )
------------
المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب!!..
أريد آراء صريحة ومواقف واقعية..


ماهو شعوور الفتاة ؟



ولكم جزيل الشكر
اطرح الموضوع للنقاش ولتعم الفائده والإستفاده من تجارب الاخرين ..


تحياتي

[بوقلبين]

والله موضوع حلو اتمنى بالفعل اعرف ردة الفعل
يسلمو
Q 8 i

[Mr-F9la]

ثانكس ع المرور
وبانتظار السحالي :p
عشان يردوون :)

[بوقلبين]

لوووووووووووووووووووووول

ولا وحده راح اترد لأن ولا وحده انخطبت فيهم
طايحين بجبود اهلهم

[Mr-F9la]

ههههههههههههههههههههههه
خنشووووووووووووووف

[ملك مملكه الحب]

انا اعتقد الفتاه التي
تحكم على نفسه من دخول شاب في حياتها هي فتاه فاشله

بكل ماتحمل من معاني كلمه فاشله

فكيف تحكم على نفسها من قبل شخص لاتعرف قد يكون الشاب يرسم في مخيلته فتاه ولاتكون هي من يردي
فليس في هاذ عيب

وقد يكون شخص اخر يتمنى ان يلمس اضافر ارجل تلك الفتاه لانها فتاه احلامه
وهنا نتوقف

لاتتركي هالموقف يغير حياتك فأنتي جوهرة في قلب شخص اخر ام انا هاذ الافتى لم يعرف قيمه تلك الجوهرة التي كانت جالسه امامة


هاذ ردي

أحبتي لكم فائق احترامي

[سمو22]

الصراحه يعني ان البنت لما يخطبها واحد وتشوفه ويكون عاجبها شكله ودخل قلبها

راح تتضايق طبيعي لما يرفضونها او يغيرون رايهم ...لان ساعات البنات من اول مره

تبني الاحلام والامال... وكل شي قسمه ونصيب ...ومع مرور الايام راح يكون الوضع

عندها عادي.







وتحياتي.

[Mr-F9la]

ثانكس اخووي ع ابداء رايك
يعطيك العافيه

[سارونة 87]

الف شكر اخوي لك على طرحك للموضوع

وانا بوجهه نظري والله انا شخصيا ما حصل هالموقف حقي لاني انا توني صغيره توني بسم الله بدش 19 يعني تو الناس علي لاحقيين خلنا نخلص من الجامعه وبعديين ان شاء الله اللي الله كاتبه بصير

بس لو ان شاء الله وتقدم شخص حقي وشفته وشافني ماعجبته بالعكس من وجهه نظري يكون عاادي لاني اساسا قبل لا اشوفه ارسم ببالي انه يا يوافق او انه يرفض مو نقص فيني بالعكس كل واحد بباله شئ ويرسم تكون زوجته يكون مخطط لشئ ومثلا يشوفني مو انا اللي بباله او اي شئ ثاني راجع له بالعكس شئ عااادي لاني اساسا اكوون بيني وبين نفسي واثقه من نفسي ثقه عاليا وفوق هذا ارضى باللي كتبه لي ربي ويمكن خيره انه الله ما كتبه من نصيبي وحتى لو فرضنا ارتحت له واستانست عليه مثلا ليش لاء وقالوا والله ما حصل نصييب اوكي اقول بيني وبين نفسي معنى الايه الكريمه انه تحبوااا شيئا فهو شرا لكم والعكس صحيح يمكن هذا الريال شر حقي بالعكس اكون راضيه تماما وبالاول وبالاخير اللي الله كاتبه اهوو اللي راح يصير والزواج قسمه ونصييب

والف شكر اخوي مره ثانيه واسفه على الاطاله

[Mr-F9la]

اختي سارووووونه
يعطيج الف الف عافيه
على المشاركه وعلى ابداء رايج
وبالفعل راي صائب
يعطيج العافيه

[BaSKo0Ta]

يسلمو اخوي كويتي على المضوع المميز ..

انا شخصياً ماصارلي هالموقف لأني توني صغيره واللي يصير يكون كلام بين الاهل بس اقولهم أخلص دراستي بعدين أفكر بالزواج ..

لكن اذا صارلي طبعاً أول شي راح أتظايق ، لأن الحمدالله ماكو بنت بالديره ناقصها شي كلنا جميلات ومملوحات .. ماكو بنت جيكره .. لكن كل شخص وذوقه .. ويمكن في أشكال ماترتاح لها ويمكن الولد ما يرتاح لي أو أسلوبي ماعجبه .. حتى لو اني دميره .. لأن الولد يمكن مو حاط اباله الجمال أهم شي التربيه والأخلاق ..
مع الوقت راح أنسى لأني أدري ان مليون واحد يتمناني >>> حدها واثقه لووول

[Mr-F9la]

لووووووووووووووووووووووووول
تسلمين خيتوو بسكووته ع المرور
والمشاركه الروووعه وصح كلامج
يعطيج الف عافيه

[*TanTosHa*]

,,شكرا على المناقشه الحلوة...

طبعا شي عادي اذا الولد ما عجبته لبنيه ويقول حق امه ما عجبتني ,,,
انا بالنسبه لي عادي ,,وبالعكس انه يقول ما عجبتني أحسن من اهوا
ياخذها واهوا مو مقتنع ,,وردت فعلي مادري شلون راح تكون بس راح يكون عادي ,,:)
ويامه بنات ما ضارلهم نصيب بالمره الأولى او الثانيه وصارلهم بالثالثه ,,:)

وأتمنى اعرف ردت فعلك اذا رفضتك بنيه؟وقالت انك ما تعجبها

[Mr-F9la]

الزواج قسمه ونصيب
واذا ماعجبته هذا رايه وبدال البنت
عشر :p بس ان حبيت وحده
وماقدرت احب غيره هذ مشكله اذا اهي
حست فيه زين على زين
واذا مصره ع رايه الله يعيني :)

ثانكس خيتوو ع المشاركه
واداء رايج يعطيج العافيه

[أمونه]

اخوي كويتي

موضوعك جميـل جدا ويشد الانتبـاه ومن رايي أنا

حلو ان الوحده تكون واثقه من نفسها ولو ان هالموقف مو سهل اكيد

بس هم حلوه الثقه بالنفس حتى لو قال ما تعجبني في مليوون غيره

يعطيك العافيه عالموضوع ولا ننحرم من مزيدك المميز

قواك الله