...الريـايل كـلهـم جـــلاب...هـل هاذى منـطق..

[كويـتي][F.B.I][]

السلام عليكم ورحمة الله وبركاته
حبيت ان اناقشكم في موضوع
حدث
امس على شاشة التلفاز
عندما كنت اشاهد مسلسل
الامبراطوة وبصدفه بعد

.......
الممثله ,المحترمه.شيماء علي .قالت كلمه
لاتدل على رمز الفن
الكلمه الي قالتها بصوف الرجال بالكلاب
هل هاذى صحيح
بعضهم قال تمثيل عادي
ولاكن لاتصل درجة التمثيل
إلى جمع كل الرجال
ووصفهم بالكلاب
.....
والفن يرتقي مو جذي ينحدر إلى اسفل السافلين
فيجب على الفنان
ان يرتب الكلامات التي تخرج منه
لكي يكون رمز للاطفال للجميع
والفن هو باب واسع
لان الكثير من الناس يتبعون التلفاز
فيجب ان يكونو في حسن الاخلاق والسلوك
وتحياتي لكم اعضاء كويت
777
وبشوف ردوكم

[كويتيه][F.B.I][]

صـح اهي غلطانه وانا لاحظت كلمتها كانت كلش مو حلوه
بسسسسسس
ترا هم الاثنين هذيل الي مليقين هذيل الي يشتغلون عند الامبراااطور ماعرف اساميهم
بس بالمسلسل انور و بشار يوم يقولون نبي نتزوج مادري شنو
جان يقووول واحد منهم انا اخذ الحلوه و انت تاااخذ الجيكره قال ليش ما يصيرون كلهم حلوين
جان يقول مايصير و قال شغله والله مو متذكرتها بس وصف الحريم بالجووتي وانتو بكراامه و هم هذي مو حلوه
عمرما ً الفن كله صااار مو حلو و استغفر الله ماكو اخلااق و المسلسل بكبره مو حلو
يكون يعني جرأه في الطرح بس هذا انحطاااااط و مو حلوه يعرضوون شي جدااام الناااس كلهم و كل الدول تشوفه ياااخذون فكره غلط عن الكويتيين عموما ً

[*TanTosHa*]

اصلا هالمسلسل اي شي صراحتا ,,من ناحيه الالفاااظ ,,والأحداث

حتى الهام الفضاله كله تقول هالجلب ,,يعني مادري الفن وصل لاي مستوى

ثنكس خيي

ويعطيك العافيه

[~§][][ الـــفــــنـــــار ][][§~]

***** كويـتي][F.B.I][ *****

تسلم وتسلم يمناك يا الغلااا .....

:::::: اول شي خلونا نتكلم عن الفن زمان اول :::::

مسلسلات قبل مثل ( درب الزلق ) ( والأقدار )( وأم عليوي )( ودرس خصوصي )
وفي كثير من هذه الاعمال اللي للحين لها صيت ولها جمهور يحبها ويقدر
هذه الاعمال القويه الجميله واللي لها طابع خاص بأهل لكويت وطيبتهم
وأخلاقهم وأخلاصهم الطيب والبيئه المحترمه اللي محد قدر ينقد عليها
في أي عمل من هذه الأعمال الرائعه وخصوصاً إذا رجعنا على الممثلين
ومن اكبر وأروع الفنانين الكبار المبدعين مثل الفنان

( عبدالحسين عبد الرضا )
( سعد الفرج )
( خالد النفيسي ) الله يرحمه
( عبد العزيز النمش ) الله يرحمه
( محمد السريع ) الله يرحمه

وفي الكثير منهم من الفنانين والفنانات
ولكن لوو رجعنا لهذه المسلسلات وشفناها ماراح نشوف اي غلط
حصل منهم أثناء بث هذه الدرامه الرائعه غير أن بس تشوف شي
حقيقه من التراث الكويتي والتمثيل الحقيقي وتحمل كل روائع الفن
من ممثلين وكتاب السيناريو ومخرج ومنفذ ومنتج وكلهم في قمة الروعه
والأبداع :: ولا نرى أو نسمع منهم في اي مسلسل كلمه بذيئه أو غلط ::
وكانوا يتعبون تعب ويبذلون كل الجهد بحيث تصل هذه الدرامه الرائعه
للمشاهد الكريم ::: وهنا ينال الفنان كل الأعجاب والأحترام من المشاهد ::
وكانت فرحتهم الأكبر هوا نجاح العمل وليس الماده والفلوس ؟ مثل الحين

أما الحين فلا سيناريو فيه خير ولا ممثل فيه خير
الكل قام يمثل والكل صار كاتب و مؤلف ولكل يمشي ورى الفلوس
مابقى مذيع ما مثل ولا مطربه فاشله ما مثلت وكله على الهامش
لا رقابه ولا عمات عين من وزارة الأعلام ؟ والسب والغلط صار
علني وأشكره لا رقيب ولا حسيب :: وغير هذا اللبس والتجميل اللي
يلووع جبد الواحد يفكرون ان أشكالهم صارت حلووه من عقب التجميل
اهما اول شي خلي يعدلون اسلوبهم والفاظهم اللي اتفشل والله :
وبعدين يعدلون اشكالهم الحمدلله والشكر لك يارب :::::::::
وطبعاً الغلط اللي حصل في المسلسل والكلام اللي قالووه
أكيد اكبر غلط بس الشرهه على الرقابه اللي ماسكه المسلسل ؟
وعلى الأخت المثقفه الكاتبه المؤلفه المحترمه ؟
أعقتد هذا تقليد مثل مايسوون الغرب في مسلسلاتهم يعني لووو
حصل سب او الفاظ غير لائقه يكون شي عادي عندهم :: ومايفكرون ان
أحنا عرب ومسلمين ولنا عاداتنا وتقاليدنا ::
والفنان او الفنانه ما اتصدق انها قالت جذيي وتحسب هذا فخر لها
عندما تقول كلمه مثل هذه ؟ ما تفكر ان الكل راح يستحقرها وينقد
عليها ::: وهذا مو فخر لها اصلاً ::: لان الفن له قواعد وقوانين وأحترام
للكلمه والنص والتأليف :: بس الحين صارت الفلوس اهم من كل هذا للأسف ؟

أسفه على الأطااله بس هذه هي الحقيقه يا كويتي
والسموحه منك خيوووو وتسلم وربي يعطيك العافيه
ويسلموون خواتي اللي شاركوك الموضوع

دمت بود (( أخــتــك ))
~§][][ الـــفــــنـــــار ][][§~

[بوقلبين]

شباب وصبايا...

انتوا وآآآآآآآيد قاعدين تنتقدون شيماء والخمه اللي معاها
ووايد عاتبين عليها وشرهانين
يبا اشتروا راحت بالكم ولا اتابعونه
والله هالمستوى من الفن والفنانين يخربون ذوقكم اذا تابعتوهم
خل يولون طنشوا المسلسل لأنكم بمتابعتكم
وفتح باب النقاش راح تعطونهم اهميه وحجم اكبر من حجمهم
اللي يبي راحة باله يقاطع هالإبذال

انتوا شوفوا المؤلفه منو ... وتعرفون المستوى
بعد ماقرب عمرها ع الستين فجأه صارت تألف
من شاف براطم حرام اقول شفايف صح:)
شيماء وين بيرتقي الفن
انا اقول تابعوا حياة الفهد خوش مسلسل

واخوي كويتي لاتشيل هم اذا جاءت مذمتي من ناقص فهي شهاده بأني كامل

[تمنيتك]

شي طبيعي يطلع من هالمسلسل هالكلمات


بنتكلم علي الكلمات ولا الحركات والمصخره ولا عن شنو؟؟



بوقلبين .......علي قولتك نشوف مسلسل حياة الفهد احسن منة بالف مره وانا متابعتة :)

[BaSKo0Ta]

يسلمو كويتي على الطرح الجميل ...


بصراحه انا ما أتابع غير الفريه ..

وهالمسلسلات التافهه مو من مستواي ..

بس انا شخصياً أشوف كلمتها غلط .. لأنه بالنهايه الرياييل اهمه اخواننا وابهاتنا وازواجنا وعيالنا .. شلون تتجرأ تقول جذي ؟؟

صج انحطاط ...

[كويـتي][F.B.I][]

اول شي
شرفتي كويتيه اف بي اي (شـهوده)
على المرور
وهاذا المسلسل اصلن دمار وخراب
والفاظ غير ادبيه
ومن الاحسن ان نتابع شي ثاني
اول مانتابع
والحريم مو قدرهم النعال عزكم الله
من قال هالكلمه قدرر اوطاا
وتسلمين
شهوود وشرفتي ونورتي وعطرتي
بمرورج ياعسـل

[كويـتي][F.B.I][]

تسلمين
اوراد على المرور وشرفتي
ومثل ماقلتي انحطط وانعدام السلوك لديهم
والصراحه جمله قويه جدا تشد المتابع على
النظر للسفلاا هذيلا
ومشكوره قلبوو
اسعدني تواجدج يا الغلا

[كويـتي][F.B.I][]

TanTosHa*

مشكوره خيتووه على المرور
ومثل ماقلتي انحطط
والهام الفضاله هاذي خليها على صوب
لعيبو من ريوله لراسها الله لايبلانا
مشكوره
دندوشه على المرور
شرفتي
واحترامي وتقدير لج

[كويـتي][F.B.I][]

ثاني مره ارحب فيج اوراد
وانا سعيد على ردودج الممتازه اختي
نعم
اصابع ايدك مو سوا
اهم عبالهم كل من يملك ثروه يسوي جذي
لا المنطق مايقول جذي
الكثير منهم فيه الخير ويخاف من ربه
واجتهد وحصل الرزق
وبناء مساجد وصل فيهم
بس يقولج كلن يراا الناس بعين طبعه
ومشكوره اختي
ونورتي وعطرتي المكان

[كويـتي][F.B.I][]

اختي
الفنار
شجاب هاذى عند هاذا
قبل الفن مافي مثله
كل همهم رسم الضحكه على وجوه المتابعين
الحين مادري شيبون بالضبط
هل هدم عقلية الناس
هل ارشادهم على الاشياء هاذي
والله الصراحه مسلسلات مايجي منها ال الدمار
وتسلمين
على المرور
وعلى الطله الحلوه
اسعدني تواجدج

[كويـتي][F.B.I][]

اذا جاءت مذمتي من ناقص فهي شهاده بأني كامل

واالله كلامك عين الصواب اخوي ابو قلبين
صح لازم ان مانتابع الاشكال هاذي
والله
بس كلمتها قويه
وتمثيلهم قذرر والله
تسلم على المرور
اخوووي
عطرت ونورت
المكان

[كويـتي][F.B.I][]

اي والله
صار شي طبيعي
وعادي جداا
وتابعي سيدة الشاشه الخليجه احسن والله
مشكوره
على المرور
تمنيتك نورتي المكان
بطلتج الحلووه

[كويـتي][F.B.I][]

والله احسلج
واكيد كلمتها
في
قمت الانحطاط اصلن
بس شنو نسوي
احسن شي نتابع مثلج
ههههههههههه
ثاانكس بسكوته
على المرور
وشرفتي ونورتي
يا الغلاااااا