من ستختارين او ستختار .. ليمسح دمعتك ؟؟

[*TanTosHa*]

اول شي احب اشكرج خيتوو على الموضوع

انا بالنسبه لي ما احب احد يشوف دموعي ,,حتى لو كان قريب ,,فما راخ اختار احد واذا بختار راح تكون امي ,,ويعطيج العافيه

^_^

[العزيزه]

ثانكس عالموضوع الحلو

اما عن نفسي فما راح أبجي عند أحد راح أبجي بروحي :)

الله يبعد عنا الحزن والدموع

[تمنيتك]

الله يبعدكم عن الحـــــــــــــــزن ان شاءالله





ويسلموو علي مروركم :)

[handsomfatboy]

الوحيده الي الانسان يضعف جدامها ويقدر يبجي من قلب هي الام اكيد امي

[تمنيتك]

الله يخليهاا لك ان شاءالله :)

[كوؤوؤلـ]

[align=center]موضوع رائع ويستحق النقاش فية..

×?°تمنيتك×?°

انا حاب اعترف لج ولـ لأخوة الأعضاء والعضوات..؟

خليني اكون صريح مثل ما عودنا منتدى كويت 777

وتعلمنا منكم معنى الصراحة..؟

الموضوع هذا بالذات اختي تمنيتك بكون بكل جدية وصراحة تامة..؟

دعيني اقول لكي اختي الفاضلة اني ما راح اختار لا الأم ولا الأب ولا الأخـ ولا الأختـ ولا الصديق ولا الحبيب..؟؟

مع ان جميع من ذكرتيهم لهم فضل علينا ونعرف تماما انهم سوف يراعون مشاعرنا واحزاننا..؟

وانا ما اقدر اختار ولا واحد منهم لـ سبب معين..؟

لأني عانيت طفولة كانت صعبة علي وعانيت منها وما لقيت من يمسح لي دمعتي لا ام ولا اب ولا اخ او اخت..؟

كنت بعض المرات احبس دموعي لـ نفسي اخليها
واكتم احزاني على شان لحد يحس فيني وانا متضايق
وبعض المرات فيني حزن لمشكلة ما احب اذكرها وللحين اذكرها عدل من ايام الصغر وما راح اقدر انساها مهما حصلي...؟

وهالمشكلة علمتني ومن انا ياهل شغلات وايد ومن اهمها اني ما اخلي احد يشوفني ادمع او يحس اني متضايق..؟

مدري احس ان من يشوفون دمعتي بعيني احس نفسي جني انسان من دون قلب من دون مشاعر ولا احساس..مع ان البجي مرات يريح القلب وانا اعتبرة دوى للشخص..بس مدري ليش ما احب احد يشوف دمعتي ولا احزاني..؟

انا شخصيا ما ودي احد يعرف بالي فيني لأني عانيت من نقص بطفولتي وكان هالنقص عدم مراعاتي والاهتمام فيني ..؟

ولمن كبرت الحين ياي ادور منو الي يحن علي..لأ لأ انا من تجربتي للحياة قطيت كل شي ورى ظهري وما اقدر اوضح اكثر لأني حسيت وتذكرت هالموقف الي مر علي..؟

ويمكن يمكن ارتاح لشخص واحد بس صراحة ماودي اذكر اسمة لأنة امر شخصي جدا جدا ..

اسمحيلي تمنيتك على الأطالة بس انا عانيت وكان كلامي هذا نص الي حصل لي تمام
وانا اختصرتة لج وقلت القليل منة فقط

فـ تقبلي تحياتي
واشكرج على ملحمة النقاش هاذي
والي تخليني اعبر عن رأيي بصراحة
اخــوجـ..كوؤوؤلـ[/align]

[* مغـ،،ــرورة *]

اولا مشكوووورة اختي على هالموضوع الروعة
ثانيا اخوي كوول ماكو احد بالهزمن ماعندا مشااكل كلنا عندنا والله يعينك ويصبرك راح تلقاها انشاء الله بعدين الله مايخيب ظن احد

واخر شي انا ماحب اوري دموعي حق احد انا امسحهم وتعودت اني ابجي واخش دمعتي ومحد يدري عنها حتى لو ضاقت فيني الدنييياااا واذا خلاااص ماكو مجال اخش اي شي بعد من الهموم
ماكو غير قلب الام اهي الوحيدة الي تفهمني وتعرف لي
وانا عشت هالتجربة بس مالجئت حق امي الا اخر شي كنت ابجي بروحي ومحد يدري عني
ومرات بعد الحبيب يخفف شوي من الهموم
اهو يمسح لي دمعتي ويواسيني
ويعطييييج العافية