لمن تبوح الفتاة بأسرارها ؟؟ دعوه للنقاش ..

[BaSKo0Ta]

لمن تبوح الفتاة بأسرارها ؟؟


لمن تفتح قلبها وتبوح أسرارها ؟؟


وهل بوحها يمتد لكل اسرارها...ام انها تحتفظ ببعض وكثير من اسرارها

الخاصه في حقيبة اسرارها ؟؟

فهل الام سر ابنتها لتطور المجتمع الحديث وانفتاح الفتيات بدرجة أكبر ..

أم ان الفتاة تفضل صديقاتها بحجة انهن لن يحاسبنها مهما فعلت ؟؟


انا شخصياً .. كل أسراري عند أمي .. وحتى المواضيع الحساسه والساخنه أناقشها معاها .. وأعتبرها صديقتي المفضله ..



أتمنى أسمع راي الكل بهالموضوع :)

[نحفان]

مشكورة اختي على الموضوع....

بالنسبة لي انا امي مخزن اسراري لكن بعض الاشياء التي تتعلق بصديقاتي تكون حبيسة جوفي لايطلع عليها احد الا اذا كان هناك شيء يحتاج لرأي ألجأ لامي لانها تعرف طريق الصواب ومافيه احد احرص من الام على بنتها ...

وبصراحة انا ما أيد اللي يعطون اسرارهم صديقاتهم رغم ان عندي صديقة تقولي كل أسرارها حتى الشخصية والعائلية واظل محتفظة فيها وبخبرتي اوجهها بما انها فقدت أمها واحاول انها ماتغلط ابد والله يحفظها ان شاء الله ويخليها لزوجها..

[BaSKo0Ta]

يسلمو نحفان على المرور والله يخليلج امج وصديقتج :)

بس نكج غريب حسبالي ولد ...

[كتكووته^^مكتكته]

بسكوتــــــــي

موضوع رائع

خصوصا ,, ان المنتدى يضم شريحه كبيره من البنات

العقل والمنطق يقول
مافي احسن من الام ,, ستر وغطا لبنتها ,,

لكن مع جيل هالوقت ,,واسرار البنات اللي ما تنذكر ,, صعب البنت تصارح امها ,,

بالنسبه لي

كاتمه اسراري هي بنت عمي ,, وهي عارفه البير وغطاه ,.
ومثل مايقول المثل ,, دحنـــــا دافنينو سوى

واظن اني اؤمن وحده مني وفيني على اسراري ,, احسن مني اؤمن وحده ( تحت مسمى صديقتي ) ومع غدر الايام تقلب علي ,,
شاكرتلج موضوعج الحلو

[BaSKo0Ta]

يسلمووو كتكوته على مرورج الروعه ..

والله يخليلج بنت عمج ولا يفرقكم :) وياحظها فيج ..

[دلــ بزياده ـــع]

مشكوره يـ بسكوته

على الموضوع او النقاش الرائع

انا هم اشاركم الراي بان الام اهيا خزينة المنزل بالمعلومات والاسرار الكامله عنهو

اما عن نفسي انا الوالده متوفيه يعني عايشه عند بيت خالتي اهيا اعتبار مكانة الوالده وابوح لها

بكل مشكله كبيره وصغيره عاديه وخطيره خاصه بي وغير خاصه بي

لكي مني جزيل الشكر والامتنان

..

[عيميه^بدويه]

بساكيتووو

الله يعطيج العافيه يالغلا عالطرح المثمر ...

وبالنسبه لي اولا امي فديتها اهي اول شخص الجأ له وأأمنه على اسراري وماكو احسن من الام طبعا تبوحين لها بسرج ... اولا اذا غلط بتوجهني واذا صح بتشجعني وتنصحني واول وتالي تبي مصلحتي
واذا مشكله بتوقف معاي وتساعدني ...

اما الرفيجه بالدرجه الثانيه بس طبعا مو اي رفيجه في ناس وايد تحت قناع الصداقه متنكرين واهما الد اعداء ناطرين الزله عليج ...

وانا صراحه غير كتكت بنت عمي ماعندي صندوق اسراري اهي على قولتها دحنا دافنينو سوا :)

وقواج الله بسكت يالغلا

[ŋαŋ]

((الأم حقبية الأسرار ))

طبعا أول شخص أأمن عليه سري أهو أمي
لأن أهي أقرب من الناس القريبين والغرب

بس بعض الأسرار تكون حساسه وشفافه ماتقدرين تبوحين لها عن هالسر
فيعتبر من الناس القرايب من قلبي وحافظين أسراري وأحفظ أسرارهم بعد أمي الله يطول بعمرها

أختي الصغيره اللي اصغر مني بثلاثه سنين صحيح انها احيانا تاخذ سري على أن لعبه بس ماتطلعه لأحد وتحطه بوسط قلبها وتقفل عليه

ومنهم بنت عمتي عاد هاذي عديلة رووحي كل شيء عني عندها وكل شيء عنها عندي
مثل الأم و طفلها ما يفترقوون

أما اذا كنت أستحي اقول لأختي وبنت عمتي سر من أسراري

ألجأ لقمر الكويت أهيا كاتمة اسراري الخاصه بعد بنت عمتي
صحيح أني أعرفها معرفة نت بس قلبها كبير و ينمان عليها بسرعه وتوقف وياج وما تخليج تحتارين يعني صديقه صديقه مو صديقة مصلحه مثل بنات هالأياام صدق حتى اسراري اللي استحي اقولها لبنت عمتي واختي اقولها لها

كل شيء تعرفه عني ما اخبي عنها شيء اي شيء بقلبي أطلعها لها
وأهي نفس الشيء :)

والله لا يغير علي حب هالناس لي انشاءالله ويخليهم لي يارب انشاءالله

:)

تسلمين بسكت ع الموضوع الروعه
يعطيج ربي العافيه يا قلبي

[تـعـودنـا]

والله انا اعتقادي والي دارج الايام هذي .. انه البنت ماتخلي الام اتشاركها في اسرارها ومانبي انقول كلهم القليل من البنات اتخلي امها اتشاركها اسرارها .. في انواع متدرجه في منهم اتبوح اسرارها لي اعز صديقاتها وفي منهم يحفتظ فيه لنفسه .. والأوليــن يقلون السر إذا انقال لثنين مايتسمى سر .. والي انشوفه الايام هذي الواحد من يبي يقول السر يقوله حق اكثر من واحد ولا بعد كل مايخلص من واحد .. يقوله الحجي بيني وبينك .. واهي ماتدري انها قايله حق اكثر من عشره :)
انا اتوقع البنت ماتشارك امها إلا في الاسرار الخاصه بس .. اما الباجي اعتقد انـه حق اعز رفيجاتها او تحتفظ فيه لنفســها
وشكرا ً على الموضوووووع صراحه ممتـــاز






[align=center]-[/align]

[BaSKo0Ta]

دلوعة الماما


ميرسي على مرورج والله يخليلج خالتج :)

[BaSKo0Ta]

عيميه بدويه


شاكرتلج مرورج والله يخليلج ماماتج وكتكوته :)

[BaSKo0Ta]

ريم الشوق


دايماً الطيب يصاحب الطيبين .. الله يوفقج حبيبتي :)

[BaSKo0Ta]

تعودنا


عليكم السلام :)


والله صاج يا اخوي بكل كلمه قلتها .. ميرسي على مرورك وتعليقك الجميل:)

[عاشقــ تويتي ـة]

أغلبية الردود ذاكرين إن الوالدة الله يحفظها إن شاءلله ويخليها هي (( البير )) اللي في اسرارهم
ممكن .. ليش لأ ... بس خلونا نرد شوي للواقع قديما كان سر الفتاة مع أمها
وحديثا أصبح الصمت هو لغة الحوار بين جميع أفراد الأسرة
وخصوصا بين الأم وأبنتها

وأنا سوف أتكلم عن نفسي
بما إني في مرحلة المراهقة
وبما إن مرحلة المراهقة هي مرحلة العواصف والتوتر والصراع
والقلق وكثير من التناقضات النفسية والعاطفية والجسدية
أيضا هي المرحلة التي تكون للفتاة الكثر والكثير من الأسرار
فنكــون بأمس الحاجة للقلب المفتووح

الحيـن بجـاوبج على أسئلتج بس بشكل عام ..

لمن تبوح الفتاة بأسرارها ؟؟
للي أقرب لها نفسيا وليس جسديا ...
لكن الواجب يحتم
أن الأم تعرف أسرار بنتها حتى تكون منها قريبة وقت ما تحتاج ابنتها لأحد يقف بالقرب منها
لأن صديقتها مهما كانت نظرتها للأمور ما راح تكوون مثل الأم اللي تراعي عدة نقاط منها
مثل خروج ابنتها من الموقف من دون تسبب أي ضررر لها كذلك مصلحة ابنتها
إعطاء البنت الحنان والقوة لمواجهة الموقف والنظرة البعيدة للموقف وغير وغير

هل تبوح البنت بجميع أسرارها؟


أكيــد لأ .. لأن مهما كانت هذه الإنسانة قريبة من الفتاة .. لابد وأن الغنسان يحتفظ ولو بجزء بسيط من أسراره (( إما بسبب الفطرة التي وجدت فينا .. أو بسبب أن هذا السر فادح قليلا فيقلق من بوحه .. الخ ))

طبعــاا أنا تكلمت وايــد وليلحين ما عرفتـوا الإجابة عالسؤال اللي حضرة المشرفة بسكوتة طارحته

أمتنــع عن الإجــاابة

:")

بتلمســون إجابتي من ردي


BaSKo0Ta

ســووري عالإطالة .. موضوع جميل جدا

أشكرج حبيبتي وإلى الأمـــااام ...

:)

[BaSKo0Ta]

عشوقه


كلامج صحيح .. وصعب بهالايام البنت تقول حق أمها كل شي .. خوفاً من العقاب طبعاً ,, ووايد بنات يلجأون حق صديقاتهم وللأسف وايد مايطلعون قد الثقه ..

ومثل ماقلتي في أسرار بفطرتنا نحتفظ فيها ..

وتبين الصج ؟؟


نورتيني بمرورج واخذي راحتج بس ماعرفت منو تأمنينه على أسرارج :)