الفزعـــــــه ,, هل هي حق الاخ على اخيه؟؟

[(( الأسير ))]

تسلميين اخت كتكوته على السؤال

وبصراحه اهو محير شوي



بس انا عن نفسي لازم افزع معاهم ولا اسأل الا لما ينتهي كل شي


واذا طلع غلطان اقول خلاص اللي صار صار



يمكن فيها شي من الغلط لكن هذا حقوق الأخوة

[كوؤوؤلـ]

[align=center]×?°موضوع ذات نقاش وجودة عالية من الأراء الصادقة×?°


][][§¤°^°¤§][][كتكوتة^^مكتكتة][][§¤°^°¤§][][


دعيني اللقي التحية واعجابي في طرحج الراقي
الذي يدل على حسن اختيارج للمواضيع والنقاش الملفت للنظر


.( اما بالنسبة للمشاكل مثل االهواش والتكفخ والتكسر بعطيج رأيي في الموضوع وانشالله خير ).


دعيني اقول لكي اختي الفاضلة كتكوتة ان مو لكل مشكلة ومالها حل..؟؟


ان في بدلنا وبالتحديد الشباب يعتبرون الخطأ صح والصح خطأ..؟؟


ولا يعلمون ما المشكلة عندما تكون صغيرة وفي ايديهم تكبر المشكلة وتصبح للحرب بينهم والمشاكل تزداد..؟؟


..( لكن لماذا )..


لماذا نفعل هكذا
لماذا نقوم بـ امور تأتي بالمشاكل ولا تنتهى الا بعد اسابيع وبعض المشاكل تنتهى بـ سنين..!
لماذا لا اقوم بالصواب وانهي ما بدؤوة
لماذا لا اعكس جو الحزن الى فرح وسرور
لماذا لا افعل الصواب وانهي مشكلتي لـ وحدي دون عراك دائم ومتواصل بين الطرفين..؟؟


..(( صراحة ))..


لو ولد عمي او ولد خالتي او اي شخص من عائلتي يتهاوش بدال ما ازيد الطين بلة اهدي الموضوع واحاول اعرف شنو السبب الي خلا هالمشكلة بينهم وتكبر للهواش..!
وحتة لو تهاوش احد من اهلي
ما اكبر الموضوع وازيد النار حطب
لأ احاول اهدي الموضوع وبعدين ذيج الساعة اراضيهم


وفعلا ان بعض الناس يقولون فلان جبان وفلان طخ بس شاف الهوشة وخاف..؟
بس ليش اقوم وانا عندي ايمان وبكامل عقليتي
ليش ما اكبر عقلي وابعد عن المشاكل


خلوني اكون صريح معاكم .( وعندي سؤال للكل يا جماعة ).!


..(( لمن الشخصين يختلفون ويتهاوشون بـ شنو راح يستفيدون . قوة هيبة ولا شوفني انا طقيتة ترا ))..!!


وربي ان هالشي يعقد وفعلا ينرفز
لأن المشاكل شنو وراها غير عوار الراس والسوالف
واذا صار دم بين المتهاوشين شنو راح يستفيد غير العناية الفائقة المركزة وبعض الهوشات اتصير حالات وفات والعياذ بالله..؟


وصراحة انا لو اشوف هوشة جدامي ما ازيد النار حطب واقوم معاة حتة لو كان واحد من اهلي او عائلتي
احاول اهدي الموضوع وافرقهم واراضيهم بعد
بس مو اني اكون موجود وامد ايدي من غير ما حتة ادري شسالفة الي صارت بينهم..؟


..( يقول المثل ابعد عن الشر وغنيلو )..!


وانا ما احب الهواش ولا المشاكل
وحتة لو كانت مشكلة خاصة فيني احاول اتحاشاها واوخر عنها
ولمن اشوف نفسي تنرفزت اقدر امسك اعصابي وبعقلي احل المشكلة


][][§¤°^°¤§][][كتكوتة^^مكتكتة][][§¤°^°¤§][][


احلا واجمل تحية على الطرح الراقي
والموضوع الجميل
تقبلي تحياتي
وتقديري
§¤°~®~°¤§اخــوجـ...كوؤوؤلـ§¤°~®~°¤§[/align]

[كتكووته^^مكتكته]

عشوقتي

كفيتي ووفيتي

اما صورتج
عجيـــــــــــبه

اذا تهاوشت
بستعين بميكي ماوس :)

[كتكووته^^مكتكته]

ما احب اليهال

سعيده بتواصلك الحلو معـــــــــاي
منورني

[كتكووته^^مكتكته]

الاسير
شكرا لطلتك
التي انارت الموضوع
وزادته بريق

[كتكووته^^مكتكته]

كول

سررت بمداخلتك
وعقلك الحكيم
اللي يوزن بلد
منـــــــــــور

[ميلاني]

الفزعه شي بالقلب والله
يعني تخيلي عشوق متهاوشه
بتسآلين شنو الهوشه ومادري شنو
والهوشه طق مطاقق
ادري بتمسكين شباصاتج وتسوين نباطه فيها ههههههههههههه
ولا تمجع

اما انا والله لدرجه مره من سنتين يمكن بديوانيه رفيج اخوي شفت ولد عمتي ورفيجي على اخوي واهم يلعبون بس جنها صج رحت طبيت ويا اخوي اطقهم اطقهم قالولي هي هي شفيك نتغشمر هههههههه طبعا اهم اكبر مني وامون عليهم حيل يعني اعمارهم 19 و18 و 17
يعني لا تقولين اتفاااااااااهم
احنايالشباب ندنا مبدآ بدها وخلاص يني تقطه بالبدايه بس عشان لي خلصت الهوشه تكون متذكر هالطقه والله صج مو غشمره

ومشكوووووووووره عالهوشه اقصد عالموضوع وشوفيلنا هوشه مشتهي هوشه ترى مدرسة الجري معروفه ههههههههههههههههه كله هواش

وخوش صوره عشوق مت ضحك شكوووووووووووووووو

[كتكووته^^مكتكته]

وي

طلعت تدرس بالجري

مدرستكم موقعها غلط كل يوم وانا طالعه من الدوام اسب والعن بسبة الزحمه اللي مسوينها :)

ميلاني

لا طبعا يااخوي هذا مو مبدأ ابدا
وصدقني هالامور ممكن تضخم الموضوع بدال لا تهديه
كثير شباب راحو سبة الفزعه ,,

دير بالك

[ميلاني]

اي شنسوي بعد ماكو تكانه بالجري مثلي لوولز

اي بس اذا اللي وياي مو محترم ولسانه طويل او قام يصارخ او يرفع ايده يعني شبيكون موقفي بالله ؟
بصور الهوشه يعني
اكيد بطق بس اقولج والله هاذا انا معاشر شباب عندهم هالمبدآ انت بدها واسلم على روحك يا ذابح يا مذبوح والله صج

[علي العبداني]

السلام عليكم
بعد اذنكم مداخله

تبون الصراحه هذا مبدا انا اايده ((ياذابح يا مذبوح)
خاصه
اذا كانت الهوشه سببها شرف شباب الجري مع احترامي لهم ((دجـــــــــات)) يدرس علشان يتهاوش او يفرض هيبته لوووووووول
انا حبيت بس اداخلكم الحديث علشان اايد هذا المبدا ((ياذابح يا مذبوح))
هذا هو مبدا القوه يعني لك ظهر تستند عليه فارفع راسك ولا تخاف
اما اذا كان مالك ظهر فدربالك والحكومه خلها ظهرك فيه هوشه دق على الشرطه قبل لا تروح للهوشه علشان يجون معاك لووووووول
والف شكر لكم

[كتكووته^^مكتكته]

ميلاني
منورني
شاكرتلك الطله الثانيه

[كتكووته^^مكتكته]

علي
شاكرتلك الطله
منور

[Q8ty*mazyon]

اشكرج اختي كتكوته على الموضوع .. بالعكس اهدي الامور و اذا اخوي غلطان احل المشكله و كل واحد يتأسف من الثاني و حصل خير لاكن اذا شفته ينطق صعبه شوي لوول :)

[كتكووته^^مكتكته]

ونعم الراي اخوي كويتي مزيون

سعيده بهالطله الحلوة منك

[MR.PEPSI]

هلا كتكوته اعطيج الزبده

(( انا و خوي على ولد عمي وانا ولد عمي على الغريب ))

وطبعن احنا لي سمعنا هوشه اللخه على الأسلحه الي تطلع

اهي رنجات اهي عجرات اهي ليورات بلاوي سوده تطله :D

الا يا ولد انت ليش تهاوشت؟؟

هذا سؤال تقليد بعد كل هوشه :D