ما هو شعورك تجاهه ...!!!

[علي العبداني]

السلام عليكم ورحمه الله وبركاته

كيف حالكم ان شا الله بخير


عندي موضوع لطلبه ما بعد الثنويه ....
ماهو شعورك عندما تداوم من صباح الله خير مع الزحمه
ودوخه الراس علشان محاظره واحده او محاظرتين
في يوم واحد
وتجد ان الدكتور الاول معتذر
والدكتور الثاني غايب ولا علق اعتذاره

شنو شعورك تجاه الدكتور هذاك اليوم اللي يكون انت جاي على شانه ولقيته معتذر؟؟
وشنو شعورك عندما يكون الدكتور غالبا ما يغيب ويجي ايام المخيمات والطلعات ويصير نظامي؟؟
وماهي صفات الدكتور المفضل؟؟ والدكتور المكرووه؟؟

اتمنى ان ارى ردودكم بكل صدق
وتقبلوا مني ارق التحيه

[دلــ بزياده ـــع]

ثانكس يـ علي العبداني

ان طالبه بالمدرسه وليس طالبه بالجامعه او اي معهد

لو انا مكانهم جان انجن وازعل وهم ما اداوم باليوم الثاني

مشكور ويعطيك العافيه

..

[*TanTosHa*]

انا بالثنويه بس بجاوب ,,

طبعا راح تنبط جيدي ..واموت من الحره ,,

وماهي صفات الدكتور المفضل؟؟ والدكتور المكرووه؟؟

الدكتور المفضل انه يكون طيب القلب ..يسامح الطلبة ,,يعطي درجات ,,ما يحاسب على الغياب ,,يساعد الطلبة المتعثرين ,,يكون اسلوبه راقي ,,ما يفشل الطلبة على اشياء تافهه ,,محترم ,,ووايد

اما الدكتور المكروه,,أكيد الي ما يعامل الطلبه معامله حلوة ,,ما يعطي ردجاات ,,يحاسب الطالب على اتفهه الاشياء ,,دايما يحب يفشل الطلبه ,,ويحرجهم ,,يعطيهم امتحانات تعجيزية ,,ما عنده اسلوب ,,

وبس

^_^

ألف شكر لك خيي علي على هذا الطرح ,,
ويعطيك العافيه وما قصرت ,
لك مني ارق التحايا ,,
^_^

[kaka 22]

اول شي انا بالثنوي بس بجاوب عليك بما اني مقررات


شنو شعورك تجاه الدكتور هذاك اليوم اللي يكون انت جاي على شانه ولقيته معتذر؟؟

شي عادي وهذي اخنا ندورها من الله

وماهي صفات الدكتور المفضل؟؟ والدكتور المكرووه؟؟

المفضل ،، اهو اللي يعطي درجات ومايسجل غياب ونفسيته حلوه

اما المكروه ،،اهو اللي بس يسجل غيابات والدرجه يطلعها من عيونك واللي نفسيته بخشمه




يعطيك العافيه اخوي علي ع الموضوع

[Q8ty*mazyon]

نبيها من الله لوول .. الدكتور المحترم الي يحترم طلبته و يعطي درجات يقدر ضروفهم و يفهمهم اما المكروه اهو الي مع طلبته معاملته مو زينه ولايعطي درجات جنه راح يأثر عليه هل شي لوول والصراحه انا الي اشوفه الدكاتره يعطون اكثر الدرجات حق البنات ((شعليكم)) لوول و مشكور اخوي على الموضوع الحلو

[تـعـودنـا]

انا متخرج من زمان .. ومريت مثل الحاله هذي .. بس شنو اسوي صج مرات اتضايق إذا كنت نايم ومتلذذ في النومه وخصوصا ً في الرمضان الله يعوده علينا وعليكم وعلى المسلمين عامتا ً .. يعني اوصل ومالي خلق احصله معتذر .. شوف مرات ادخل القاعه اكمل نومتي :) اما في الايام العاديـه الامور سهاله بلعكس استانس .. واروح انا والربع اي مكان .. وبس .. بس صراحه ماعمري حبيت دكتور لانهم فيهم كبرياء طاغي .. ماادري جنه اهو الوحيد الي حاصل على الشهاده ..

شكرا لك وتسلم على الموضوع الروووووعه

[BaSKo0Ta]

علاوي


دايماً مميز بمواضيعك :)
شوف تبي الصج .. اذا كانت محاضرتي من الصبح الباكر لووول وانا قايمه بالغصب من النوم واخر شي اشوفه معتذر والله أحقد عليه حزتها :(

بس اذا كانت المحاضره متأخره يعني الظهر مثلاً وانا قاعده بمزاجي وواصله مبجر حق المحاضره (( وهاذي نادراً ماتصير )) لا عادي ماراح يهمني بالعكس أستانس وارد البيت مبجر ..
شنو شعورك تجاه الدكتور هذاك اليوم اللي يكون انت جاي على شانه ولقيته معتذر؟؟

قلتلك أحقد عليه وأكره نفسي .. لووول والله احنا نحب نسوي من الحبه قبه .. ترى السالفه عاديه ماتسوى لووول !!


وشنو شعورك عندما يكون الدكتور غالبا ما يغيب ويجي ايام المخيمات والطلعات ويصير نظامي؟؟


اوووو هاذي عاد حق الدكاتره السوريين والمصريين .. خلها على الله بس !!

وماهي صفات الدكتور المفضل؟؟ والدكتور المكرووه؟؟

الدكتور المفضل نفس دكتور رشيد العنزي :*
حبوب وطيوب ويعطي الدرجات الحلوه ويقولك انه يحاسب على الغياب واخر الكورس يقول كل اللي غابوا ماعليهم شي واللي ماغابوا لهم درجات زياده .. واللي يتأخر على المحاضره يستقبله بكل رحابة صدر .. وأي شي تبيه منه يسويه .. ببساطه انسان متفتح وعقليته تعجبني ..

الدكتور المكروه نفس (( .... )) .. اعكس كل صفات الدكتور رشيد العنزي !!

[كتكووته^^مكتكته]

علي

موضوع شيق وحلو

رجعنا لايام الدراسه والمحاضـــــــرات

انا بذاك الوقت كنت استانس بصراحه لما يكون الدكتور معتذر

اتضايق لما اكون طالعه ورجعت لان عندي محاضره مهمه وانصدم معتذر !! اهني احلف اني ما احضر هالمحاضره بعد :)

وبصراحه انا عانو الدكاتره معاي والسبب كثره غيابي ودايما سكيب عالمحاضره :)

بالنسبه للدكتور المحبوب
هو اللي يقدر ظروف الطالب
ويتساهل معاه
مااقول يكون تاركله الحبل عالغارب

انما يراعي ويعتبرهم مثل عياله

وكانو عندنا وايد دكاتره مثاليين
مع اني كليتي ابدا ما كانت هينه
والدراسه فيها صعبه

اما الدكتور المكروه
هو اللي يتفلسف وكل كلمه والثانيه يقارن بين مستوانا ومستوى طلبة امريكا >> لانه دارس هناك ومو مصدق نفسه

اما الدكتـــــــــور النظامي واللي يداوم بالعطل والمناسبات

هذا من قلب اقوله استــــــــــريح واسحب عليه واذا يبيني يحصلني نايمه :)

انا عموما
ما كنت اخذ محاضرات بدري لاني كنت اتحاشى الزحمه وقعدة الصبح
محاضرات اغلبها من الساعه 10 لغاية 5

بس الحين تخرجنا واللي كان كان
وصرنا ملزمين نصحى الصبح لاجل الدوام :)

[عاشقــ تويتي ـة]

اللـه خوش موضوع

<== آخر كورس ثانوية يعني يصير أجاوب وأرز فيسي معاكم


:)

خلونا نكون شوي واقعين وعن المبالغة

صدقني حسب النفسية الصبح شلون تكون ..!!

يعني اذا كنت مداومة عشان محاضرة وحدة وقاعدة من فير الله وبالأخير الدكتور معتذر

في تصرفين مافي ثالث لهم

في الحالة الأولى / إذا كنت قاعدة الصبح والنفسية عال العال والوضع أوكي
وداومت الجامعة وطلع ان الدكتور معتذر بالعكس بكون عادية جدا جدا
وماراح لا اتضايق ولا أتحسف على قعدتي الصبح
حتى لو كانت قعدتي مو بس عشان محاضرة وحدة ,, حتى لو كانت عشان بس
تسليم بحث ,, ماراح أتضايق

أقدر ألف فوق تحت وأرد البيت أكمل النومة .. شالمشكلة ؟؟
أو أروح أسويلي جم شغلة .. أستفيد من هالوقت :)


أما في الحالة الثانية / اذا قاعده الصبح والنفسية واصلة حدها
واروح الجامعة واكتشف ان الدكتور معتذر .. راح اشب نار
صج صج ويمكن حتى اقلبها فوق تحت عالدكتور ..


فكل شي معتمد بالدرجة الأولى على النفسية

:")


علي

تسلم عالموضوع
وإن شاءلله إنطرني على السنة الياية أييبلك إجابة أدق من هذي :)

[علي العبداني]

مشكوره خيتي
دلوعه ماما
على طلتج الحلوه
((لو انا مكانهم جان انجن وازعل وهم ما اداوم باليوم الثاني ))
على جذي ماراح تفلحين 6 ايام غياب عند الدكتور يكون فيها فصل((حرمان من الماده))
ههههههه فما ينفع الايد اللي ما تقدر عليها......امممممم طوفها جنك ما شقتها
هههههههههههههههههه
شكر لج طلتج الحلوه

[علي العبداني]

Tantosha
الف شكر لج على طلتج الحلوه
ما قصرتي خيتي
منورتنا

[علي العبداني]

شي عادي وهذي احنا ندورها من الله

لووووووووووووول
تدورها من الله هههههههههه
حبيب قلبي انت احبك اخوي كاكا على صراحتك وطيبه قلبك
بس حبيب قلبي احنا اكثر ما يغثنا اهو زحمه الطريج يعني يلعن خيرك بالطريج والزحمه وكل شوي طالع علييك واحد وحالتك حاله تحاتي لحد يجيك ملقوف او غشيم ويدعمك مع صباح الله خير
هذي معاناتنا ههههههه
والف شكر لك اخوي كاكا
على طلعتك العذبه
ماقصرت اخوي

[علي العبداني]

الف شكر
لك اخوي مزيون على طلتك الحلوه منورنا اخوي
وتشرفنا بمروورك الطيب

[علي العبداني]

تعودنا مشكور على المرور وعلى المشاركه الجميله
نورتنا يالغالي
والف شكر لك

[علي العبداني]

الف شكر خيتي
بسكوته
على المرور
وعلى المشاركه الجميله والتي اسعدتني
نورتينا خيتوووو