تحبه و يحبها ولكن!؟

[Q8ty*mazyon]

فتاة تحب شاب وهو يحبها افترقوا رغم الحب الباقي فعلت هذا لانها تعلم ان الذي تفعله ليس صحيح ....ماذا على الشاب ان يفعل و هو يحبها ويقدر موقفها ؟؟ وماذا على الفتاة ان تفعل ؟؟ بعد هذا الفراق الذي لم ينسى كلاهما الاخر حتى ولو دقيقه !!!؟؟؟؟؟

[فهد مايخالف]

[align=center]أولا أشكر لك حماسك لهذا الموضوع .. ولكن من رأي ولا تزعل اخي :: مثل هذا المواضيع أعتقد أنها تطلع من مراهقين ، هناك مواضيع أكثر أهمية من هذا الشي . لأنه بالأخير احنا مسلمين وعيان قبايل ومانعرف الحب الا الحقيقي اللي هو حب الله عز وجل وحب الوالدين والأخوان والزوجة والأصدقاء . وهنا تختلف نوعيان الحب ودرجاته . أما حب الغزل أنصح انك تغير هذا الموضوع .[/align]

[KaY]

::

.+. كويتي مزيون .+.

راح اكلمكـ بوجهـ نظر الحب مع اني ايد كلامـ الاخ الي قبلي

البنت عرفتـ ان هالشغله مو صح !! واعتقد الي سوتهـ شي صحيح
ولو ان الشاب مثل ماقلت يحبهــا ومحترم وجهـ نظرها خلهـ يكون نفسهـ ويخطبها
بالحلال احسن وايد =) .. واعتقد لو كان يحبها من قلبهـ راح يكون مفكر بهالشي ^_^


يعطيــكـ العافيهــ اخوي

::

[Q8ty*mazyon]

يعطيكم العافيه اخواني فهد و kay على المرور بالنسبه للحب اخوي فهد صحيح كلامك حب الله اهو كل شي لكن هم للانسان عواطف اتجاه انسان طبعا الحب والعواطف اتجاه الله شي ثاني بروحه ما نقارنه بحب انسان حبيت ابين لك هالنقطه مشكور..مع السلاكه

[علي العبداني]

السلام عليكم ورحمه والله وبركاته

اخوي مشكور على الموضوع وانا ابي ارد عليك في هلموضوع باختصار
لانه يقول المثل خير الكلام ما قل ودل

اخوي اذا انتوا كل واحد فيكم يحب الثاني واهي خلتك علشان اهي تدري اللي قاعده تسويه غلط
اللي عليك انت كمحب ان تحاول ان تنساها وتتركها في حالها
وان لم تستطع فعليك ان تتقدم لها لان هذه الخطوه هي الفصل اما ان يبقى الحب للابد او ان يضمحل ويختفي
هذي وجهة رايي وليس هناك حل غير هذا الحل
وارجوا لكم التوفيق والسعاده

تحياتي
اخوكـ علي العبداني

[Q8ty*mazyon]

مشكور اخوي علي على المرور

[BaSKo0Ta]

كويتي مزيون :)



اما ان يتقدم لها .. وهذا اذا كانت ظروفه تسمحله وكان عمره مناسب للزواج ..

أو .. اذا كان يدري انه ماكو أمل بينه وبينها ..

انه ينساها .. لأنه طول ما اهوه قاعد يتذكرها ويفكر فيها راح يتعذب .. وخل يحاول يسلي نفسه بأي شي ثاني غير الحب والعلاقات الغراميه اللي صدقني ما وراها فايده الا عوار القلب ..

والحب بعد الزواج هو الحب الصحيح والمتزن ..

منورنا بالمزيون بالمواضيع الحلوه وناطرين محاور نقاش أكثر :)

[Q8ty*mazyon]

تسلمين اختي الغاليه بسكوته على المرور :) دايم منورتنا