]¦[اصـوٍركـــ ؟ ]¦[ اضحـك الصوره تطلـع الحلـوه

[ميلاني]

الصوره
ذكرى

تعيش فيها ايام حلوه وايام مره
يمكن بهالصوره الصغيره
تقدر انك ترجع ايام الماضي
وتحرك فيها بذاكرتك ايام حلوه
وايام مره

تعددت الاساليب
والذكرى واحده

يعني الحين تقدر تخزن اي شي تشوفه بتلفونك وتصوره

بس
مهما كان الصوره الفوتوغرافيه او الفيديو غييير
يمكن ترجعك لآيام الطفوله وتحتفظ فيها وما تعطيك ضرر وتظل لطول العمر وتسوي نسخ غيرها
اما بالتلفون
يضيع التلفون ينحرق المومري المهم تروح الصوره وتروح الذكرى وياها

بصراحه انا كاتب هالموضوع لاني توى شفت صورنا واحنا صغار وتذكرت اشياء وعشت اللحظه هاذي صج شكولنا غييير وغلط ههههههههههه بس وناسه والله

المهم انا ابي رايكم ويآي
شنو تعني لك الصـوره
و اذا بطلت الوم صور قديـم وشفت صوركم ايام الطفوله تستانس ولا تزعل
ولا الاثنين
واحلى صوره عندك وما تنساها للآبد شنو ؟


وبصراحه هالموضوع مو منقـول والله
وابي رايـكم شبآب يا جماعه الربع

[ملك مملكه الحب]

الصور من أجمل الذكريات الجمــــــــــــــــــــــــــــــــــــــــــــــ ـــــــــيلة فقد
اعبر عن فائدة الصور
اقول ياليت عندي لحبيبتي صورة بس عشان لاتذكرتها شفتها والباقي مايهم

كل الحب لشخصك الكريم ميلاني على المووووووووووضوع القمة كعادتك

[ميلاني]

وروده
شاكرلج عالمرور
وصج الصور مع الناس اللي راحو صج صج لها معزه وانا امس شفت يدتي والله دمعت يعني لانها متوفيه من سنه

ويعطيج العافيه

[ميلاني]

سعودي كشخه

شاكرلك عالمرور حبيبي
شفتو شلون محد يكتب الا اللي عنده ذكريات بصور معينه اضبطكم لووولز

[ŋαŋ]

موضوع حلوو ميلاني أبدعت

شنو تعني لك الصـوره ؟

ذكريات حلوووه و بريئه

و اذا بطلت الوم صور قديـم وشفت صوركم ايام الطفوله تستانس ولا تزعل
ولا الاثنين ؟

بالعكـــــس أستانس خاصه اذا كانت الصوره تذكرني بفتره حلوه بحياتي .. وأيام حلوه مريت فيها


واحلى صوره عندك وما تنساها للآبد شنو ؟

صورة لي وانا صغيـــرونه .. كنت دبدووبــه أهبل لوول


تسلم ميلاني
يعطيك العافيه
:)

[ميلاني]

لوووووووول اي اعجبج افا عليج
كنا كنا اضبطج انا افا عليج
اي افا عليج
< علق على كلمه وحده
شاكرلج عالمرور وانتي حلوه انتي صغيره وانتي كبيره طبعا لا تقولين شلون ههههههههه بس القلوب اشكال
وشاكرلج عالمرور جيه منورتنا

[حنان الشوق]

الف شكر لك ميلاني
موضوعك روعـــــــــــــــــة ,,

قبل لا ادخل المنتديات كان البابا يناديني
تدري ليش ؟؟
كان يبيني اجوف معاها صورنا في الفيديو << كان عمري 4 شهوور
الصور تعني لي الكثير الكثير اتذكر طفولتي البريئة
وواكيد ما اتضايق من الصور ..
واكثر صورة اعزهاا
كنت مع يدي الله يرحمه <<كان علي فستان كشخة في العيد لوووووووووووولز
وصورة يم بيتنا في الشتاء والجو برد ويطق المطر <<< حلوة الصورة لووول


ميلاني يعطيك الف عافية ,,

[علي العبداني]

السلام عليكم ورحمه الله وبركاته

الف شكر لك اخوي ميلاني على الموضوع الجميل


طبعا الصور لها طابع حلو على النفس وخاصه الصور لايام الطفوله فالصوره القديمه احافظ عليها مثل ما احافظ على عيوني
وانا عندي بالبوم اقدم صوره لي وانا متخرج من الروضه6سنوات
بس لقيت صوره لي اقدم عند خالتي كان عمري في الصوره 3سنوات طلبتها ابي اشوفها رفضت لانها تدري لو شفتها راح اخذها
وحاولت جم مره بس ما وافقت قلت لها بشتري الصوره منج وبديت وياها من خمس دنانير الى 80 دينار
بس هم ما فيها فايده ماتبي تبيعها وانقهرت شفت الصوره ويا ولد خالتي بتلفونه رواني اياها كنت ما شا الله علي قمه في الجمال ((قطعه)) لوووول الشعر طويل وما شا الله تقول لمبه مو بشر ككككككككك
وهم لقيت لي فيديوو بس هذاك الفيديو اهو اهم شي عندي لانه كان في مرحله شقاوتي وانا ياهل
اهو فيديو في عرس وانا عمري وقتها5او 6سنينواحلى مافيه انهم مصوريني وانا كاشخ وتشوفني بين الصفين الناس يغنون وانا ولد عمي نرقص((نلعب في لهجه بعض الناس))
وانتقل الفيديو بلوتوث بس ماراح بعيد بس كله بينا انا وعيال عمي لان فيه عيال عمي كلهم في الفيديو
فكل ما اشوووووف هلفيديو
اتمنى اني ارجع لذيك الايااااام وبعض المرات لا شفتها اطالع في اخواني اللي توهم صغار اقول بيني وبين نفسي ياحظكم انتوا باحلى مرحله والله
موو حياتنا اللي الحين ((خساره حياتنا الحين))
واخيرا اود شكرك اخوي ميلاني على الموضوع الجميل
والف شكر لك

[BaSKo0Ta]

ميلاني

موضوع متميز .. نورتنا بقسم المناقشات الجاده بهالموضوع الحلو مثلك :)

الصراحه أبدعت في موضوع الصوره .. وطبعاً كل انسان له ذكريات مع ألبوم صوره ..

وانا شخصياً .. بما اني البجر (( أول بيبي )) فأمي وأبوي ما خلوا حاله ما صوروني فيها .. حتى وانا نايمه .. وانا قاعده .. وانا ابجي وانا اضحك .. يعني بكل حالاتي صوروني .. فلما أشوف الصور أو الفيديو أستانس صج وأتمنى أرد لأيام طفولتي لأني احس ان مافيها هم وتفكير وكنا عايشين في بساطه ..

وكل صوري أحبهم وأعتز فيهم وأحمد ربي انه عطاني أبو يعشق التصوير وسوالفه ليومك هذا :)

[*TanTosHa*]

ميلاني ,,

ثنكس علىى موضوعك الحلؤؤ

^_^

انا أحب الصور واايد ,,بس للاسف ماعندي صور وايد خصوصا ايام الطفولة:(

واي صورة تعنيلي وايد ,,خصوصا اذا صار فيها موقف واتذكره ,,لانه راح ارسم الشي الي صار ,,

وأحلىى صوره وما أعتقد اني بنساها ,,كنا نتسبح بالحوض لوول ,,كان وناسه ,,وانا مسويه حركه جني مايشقول ,,؟ ,,

لوؤؤؤول

بدعنا واحنا يهال ,,

^_^

ويعطيك العافيه

^_^

[ميلاني]

حنان الشوق مرورج الحلو
وردج الاحلى
وربي احرجتيني لووول
وانشالله دوم مستانسه يارب

ثانكيو خيتوو

[ميلاني]

علي العبداني

شاكرلك عالمرور حبيبي
بس عاد شوفلنا الصوره ههههههههههههههه
شعرك طويل وهالله هالله لووول اكيد مزيون

مشكوور عالمرور فديتك

[ميلاني]

بسكوته شسوي بعد
قسمج وبنوره لوووول

شاكرلج عالمرور والذكريات

[ميلاني]

تنتوشه جان زين شفنا الفضايح لوووول

شاكرلج عالمرور حجيه ومنورتنا

[السندريلا]

ميلاني موضوع جميل

الصراحة للصـورة أثر كبير جداً جداً في حياتي

وبما إني آخر بنت للعايلة وكان المفروض والمقرر إني أكون آخر العنقود

فالوالد والوالدة الله يخليهم طايرين فيني
كل مكان صـووروني فيه
بكل دولة أنا لازم لي 3 أفلام بروحي
ماخلوا شخصية مالبسووني ملابسها

صوروني وانا كابوي وانا سنواايت وانا سندريلا ........الخ

فعلا لما أشووف هالصور
خصوصا صور التنكر
أشتااق لطفــوولتــي حيـــــــــــل
لأني جد جد أتذكر أيام حلوة عشتها بين الوالد والوالدة وأخواني

مشكورة مرة ثانية