صـــــدام حسين اضحية العيد فمن الذي قدمه ؟؟؟؟؟؟

[ولـــد الصليبيه]

اوووه كل هالشوشره علشان صدام !!

سبحان اللي يغير ولا يتغير !! :S

باحتصار //

صدام انعدم ومهما قلتو ماراح يرد للحياه مره ثانيه :D

صدام يمكن تاب لكن ما يندرى اذا الله بيغفر له على اللي سواه ولا لا

يعطيج العافيه خيتووو

[عيميه^بدويه]

اخي الغالي عجب الحين اقدر اقولك صح لسانك :)


فعلا اعدام صدام في مثل هذا الوقت جعل منه بطلا وحسده الاعداء قبل الاحباب مثل ماتفضلت قواك الله

[عيميه^بدويه]

بيكهام انت بصراحه على راسي

صح لسانك وتسلم ايدك والله مع الاسف امر هذه الامه عجيب !!

[عيميه^بدويه]

يعافيك ولد الصليبيه ويعجبني مزاجك الرايئ :p

[SuL6aN]

عيميه بدويه

يسلم راسج يالغلااا

[عيميه^بدويه]

يسلمك ربي :)

[* مغـ،،ــرورة *]

انا مع اعدام صدااام

وهذا احسن وقت اعدموا لان مو مسلم وين الاسلام الي ذبح نص شعبه وشعب الكويت وشعب ايران ؟؟
هذا مسلم اصلا انا عندي العيد عيدين لان اذبحوووووه وهذا الاعدام عظه وعبره حق الغيير وبعدين اهم عادمينه عادمينه مافيها اهانة حق المسلمييين بالعكس اهو لمن ذبح مافكر فينا مافكر بالناس مافكر بالأهل ؟؟؟ شنو راح يصير فيهم ولا بس احنا الي نفكر ونقول اهان المسلمييين لااااااااء هذا احسن يوم

ويسلمووووو حبيبتي عيووومة فعلا موضوع مميز يستحق النقاش

[المتكتك]

التكرار يقولون يعلم ................................. الشطار :p


انا كلامي واضح وصريح ان صدام كان بالنسبة لنا كخليج خط دفاع بالنسبة للاطماع الايرانية التي لازالت تهدد خطر علينا كخليجيين

واللي عنده اعتراض يناقشني

وبالنسبة حق سؤال الحب اسرار وليش صدام غزا الكويت وهو مو ياهل عشان ينقص عليه

ندري ان مو يهال لكن صدام خاين حاله حال غالبية الحكام العرب والامريكان لعبوها صح ويوم خلصوا منه سلموه للعراقيين عشان تزيد الفتنة بينهم وهذا اللي نبيكم تفهمونه يا حلوين ولا شرايكم بالوضع بالعراق حاليا والله يستر من مستقبلا واحنا ترى مو بعيدين عن العراق

واحنا مو ضد اعدام صدام وياريت تفهمون الشي هذا
بس الطريقة واليوم اللي انعدم فيها غلط بغلط وكانت العملية عملية انتقام واضحة وصريحة ووراها ايادي خفية فهمت الحين ولا نعيد ونزيد ترى والله مليت من كثر الكتابة

وانا للحين اقول واكررها صدام والعراق كان بالنسبة لنا خط امـــــــــــــــــــــــــــــان من الاطماع الايرانية

بس انت ماجاوبتني ليش ايران احتلت الجزر الاماراتية بعد انهيار القوة العراقية ولا شكلك ماسمعت بهالجزر اللي للحين محتلينها وليش حطوا مفاعلهم النووي صوبنا يعني لو صار اي تسرب نووي احنا اللي بنروح فيها قبل كانوا يقدرون على هالشي لا تدري ليش لان كان فيه صدام

بس انت الظاهر مولود عقب سنة 91 عشان جذي معلوماتك كلها عن بعد الغزو

وانصحك قبل ماترد على احد انك تقرى كتب وتثقف نفسك عشان يكون عندك حجة قوية تتكلم فيها

مو بس تتكلم بدون علم

واكرر كلامي للمرة الالف اذا تبي تناقش عن محاسن صدام وان كان خط امان بالنسبة لنا انا حاضر

واذا ماكنت تبي فكيفك بس الله يخليك لا تسال اسئلة مالها معنى ولا تدخل بالطائفية اللي غرقت فيها الحين العراق وهذا قصد الامريكان من تسليم صدام لهم وعطوهم الحرية بتوقيت اعدامه واليوم طلع علينا بوش ويقول ان التوقيت وعملية الاعدام كانت غير مناسبة

ييسوون العملة هالامريكان بعدين يطلعون جدام العالم انهم ابرياء


وتسلم حبيب قلبي على سعة صدرك

ويسلمو

[Mr-F9la]

خط دفاع ولا حارس ولا هجوم ولا هداف !!
يه صدام جلب سواء كان دفاع ولا مو دفاع
هدم الكويت ورجعها 20 سنه لي ورا !!
وعلى العموم الجلب اقصد (( صدام )) الحين مات وشبع
موت والله يعينه على عذابه
واذا تعدون صدام اهو الي كان حامينه
لا بالله خووش حمايه ماشاءالله واحد ينشد فيه الظهر
يعمي جلب وراح جلب ورااااااااااااح @@

تسلمين عيميه
يعطيج مليون عافيه


^_^

[SuL6aN]

المتكتك يالغاالي افهمني


انت تناقض نفسك حبيبي اول شي تقول انه خط دفاع وحامينا < اوكي

والثانيه تقول خاين والامريكان العبوها صح << شلون جذي

هذا مو دفاع شلون دفاع وخاين ممكن تفهمني ..؟

بعدين ايران لها الحريه آنا ماادافع عنها ولا لي اي مصلحه من الكلام هذا

بس اهيا لها الحريه تحط مفاعلها وين ماتبي

.....

تسلم ع المناقشه يالغلااا

[ميلاني]

هل انتم مع او ضد اعدام صدام حسين في مثل هذه المناسبه والتوقيت من العام ؟
انا معاه لآن انا اللي احاجيكم ابوي وعمي كانو اسرى وجم واحد من عندنا شهيد اما اللي يآيدونه فكيفهم والله بس احنا شفنا منه هاذا واذا انتو تقولون جذي بقولكم شي يآللي يآيدونه انتو لو تتركون سوالف امريكا شـوي وايران وتنتبهون لديرتكم بس
وربي عمي يشتغل بهيئه التعويضات اللي بالغزو تضررو يعني والله والله يقول اكو ملف وحده وزوجها اربطو زوجها واغتصبوها جدام زوجها وبعدين اربطوها وخلوهم ظهر بظهر واقفين لمده 3 ايام بس يابولهم شرب واكل قدييم بايييت تخيلو يوم فكو الحبل شصار فيهم ؟ اقولك والله ما يقدرون يتحركون ما يتكلمون عمودهم الفقري راح يعني انت لا تقول عشان امريكا وما امريكا كافي كافي واحد تعذب خلاص ثانيا ربكم يعطي القصاص حق واحد يعني احنا نعدم واحد اذا ذبح واحد او تاجر مخدرات او زنا خلاص صادم ذبح اكثر يعني له الحق ولا ما له ؟ اكيد له وخلاص خلو التوقيت وهالسوالف كافي ان له الحق وبس

وما المقصد من تطبيق الحكم في مثل هذه المناسبه ؟
مو مقصد شي بس اهو اليوم ولا قبله اهو يستاهل وبـس خلاص وريح اهل الموتى وبس واذا سالفه جنه ولا نار هاذي بآيد ربكم انتو مالكم شغل فيها

وهل هو صحيح ان العمليه وتطبيق الحكم تمثيليه مفبركه او انها واقع قد صار ومضى ؟
يعني شلون مفبـركه انا انذبح وخلاص وكافي بنته كل يوم قاعده تصايح ومادري شنو مو ابوها كان شريف روما الحمدلله ولاشكر بس < مو باطه جبدي الا اهي


فيا شباب انتو اكبر من ان سآلفه مثل اعدام صدام تسوي هواش لان المعدوم ما يسوى شي
وانا بصراحه اللي قالته قمر الكويت عين العقل بس ارد واقولكم لا تدخلون سالفه المذاهب خلاااااص ذبح ابرياء خلاص
له الحق وخلاص ربك يقول بسم الله الرحمن الرحيم << ولكم في القصاص حياة يا اولى الالباب>>
صدق الله العظيم
خلاص خذا يزاته وهاذي عبره حق كل رئيس يسوي بآهله وجيرانه جذي

[الحب اسرار]

اولا السلام عليكم

ثانيا في بعض الناس افهمتني غلط

انا مو ضد الي كان يسويه صدام قبل سنة 90

بالعكس الكويت والدول العربيه كانت داعمته قبل الغزو وكان يدعي انه حامي البوابه الشرقيه

من اطماع ايران

بس للاسف قلب علينا والاسباب متناقضه للحين الي يقول من امريكا واهيا خونت فيه فهذا من رداه

وشي الي يقول عشان الكلام الي صار بينه وبين شخصيه كويتيه :P

وهذا اغبا

المهم العراق كانت بوابتنا الشرقيه وهل بوابه الحين انهدمت من العدو الايراني

مو بعيد بعد جم شهر او جم يوم نشوف ايران تتحكم فينا علي اساس القوه والتهديد النووي

والله يعينا

[عيميه^بدويه]

يسلمج ربي مغروره ومشكوووره على رايج وفكرج يالغلا

[عيميه^بدويه]

المتكتك خف شوي اخوووي :) اشوف صار صدام سور لنا من بعد ماخرب وهدد

[عيميه^بدويه]

حياك الفصله منور بمرورك