لماذا المرأه تفشـــــــــــــــــــــــــــي الاسرار داائما؟؟؟

[ملك مملكه الحب]

هلا فيكم حبايبي





اكيد كلكم عرفتوا عن ايش يتكلم الموضوع

لكن احب ابدأ الطرح بأسلوب مختلف عن المعتاد


هذول مجموعة شباب جالسين يناقشون هالموضوع


ايش رايكم نشوف ايش يقولوا؟؟


وترا لا حد يزعل ... مزوح وتروح..



>>> نجدي ********>

هلا والله بكم جميع...
والله اظن ان الحريم يحبن يثرثرن كثير..
وياشينهن يوم تعطيهن سر..
ثاني يوم تلقاه منشور على برج المملكة..



********> شرقاوي <<<<<

أيــــــــــــه يووووووبا
شدعوووى
تقول اسرارك لحريم ...
. يابووووي خل سرك لنفسك ..
آقول ترى النسوه طيبات قلوبهن بس مايمسكون السنتهن.


********>> جنوبي <<<<<

بقعا تصوعش يالي تطلعين اسرار زوجك ....
وراك ما تحطين لسانك بفمك وتمسكين حالش ..
الله يخارجنا .


********>> حجازي <<<<

يبويا هدول البنات مايقدروا يمسكوا كلمتين علي بعض .. تاني يوم تنشر عند خوياتها.. لمن الوحده منهم تسمع خبر يصيبها صداع الين تنزله وتخرجه.


******** شمالي <<<<

برررررررررررررد ..... ياخووووووننننااااي انننا بردااان .. واكلمكم من تحت الفروه... ماقول غير الله يصلح نساوينا ولازم يمسكون نفسهن ما يطلعوا كل الي يسمعونه خاصه اذا كان سر عن زوجها .




وفية مقولة مشهورة تقول"" لا تعطي سرك لامرأة""

بأنهم يفشون السر وما يكتمون.. وبخااااصة المرأة..

هل فعلا المرأة هي إلي تفشي السر دائم؟؟؟ و ليش ؟؟؟

وهل الرجل كتوم فعلا؟؟ أو انه حذر فقط في بعض الأمور؟



اسفين على الاطاله

وننتظر ردوودكم بكل شوووق

اخوكم

ملك

[ميلاني]

شـوف المره طبيعتها جذي
على قولتنا تدور علوم هههههههههههههه
يعني اسميهم انا وكالات كونا بس مهما كان تنقل اخبار وجذي بس اكيد اهي القلب الحنون علينا اهي امنا اهي اختنا اهي زوجتنا بالمستقبل < انشالله

حبيبي والله كل واحد وزلة لسانه متى ما خش خش اما لو كان الموضوع يخص الاهل ما راح تلقى سواء كان رجاء ولا مره

ويعطيك العافيه حبيبي تسلم ايدك

[ملك مملكه الحب]

شكرأ اخوي ميلاني على مرورك العطر وجمال اسلوبك برد

كل الحب لك
اخوك
ملك

[*TanTosHa*]

على حسب الفرد سواء كان رجل أو مرأة
فبعض الناس طبهم يفشون الأسرار والبعض لا
يعني مو شرط تكون بس المرأة ,,ويمكن هذا الشخص يبي ينتقم من رفيجه فيطلع أسراره
ولا تنسى انه الحريم بطبعهم يحبون السوالف فهذا الشي يخليهم يقدرون يطلعون أسرار غيرهم أكثر من الرياييل

مشكور خيي علىى الطرح
ويعطيك العافيه وما قصرت
^_^

[ملك مملكه الحب]

شكرأ على مرورك الاروع يحفظك ربي ولاننحرم منك يارب

[حنان الشوق]

صدقت يا اخوي يصدع راسنا اذا تم خبر ما قلناه اوه سوري مانشرناااه
هذا طبعناا وعليكم تتحملون << اتغشمر لووول
مثل ما قالت اختي تانتوشة في بعضهم يقدرون يخشون سر والبعض لا
انا بصراحة احياانا اكتم واحياانا لا ما اقدر اسكت ,,
ع العموم الف شكر لك ولموضوعك الحلو <<لا مب حلو لانه ضدناا لوول

بإنتظار يديدك ,,

[ملك مملكه الحب]

شكرأ حنان الشوق


مرورك

وكلي فخر واعتزاز كون موضوعي المتواضع استهوى فكرك وكلي فخر



وفي بعض الرجال يوجعه راسه لو مانشر السالفه يحكة راسه

[كتكووته^^مكتكته]

والله ولك وحشه

مادري من فينا الغايب انا او انت

ملك ,,

مو كل النساء سوا
ولا الرجال البعض

اما لماذا هالصفة التصقت بالنساء

لانكم يالرجال طلعتوها علينا :)

ان شاءالله اكون خفيفه عليك

[ملك مملكه الحب]

كتكوتة


الله يصبرنا على الدنياء



جميل مرورك العطر يحفظك ربي ولاننحرم منك يارب

اختي


يمكن وجه نظرك صحيح


يخليك ربي ولاننحرم منكي يارب

اخوك ملك

[aGra3]

لووووووووووول

شدعوه عليييييك !!
ملك مملكه الحب !!!
خوش موضووع .!.!
بس صراحه لا عاد حراام ظلمناهم والله الحريم مساكين على نياتهم !! :)
ويعطيك العافيه على الموضوووع .. !!
والله لا اييب الزعل بينكم !!. ..


أخوك :aGra3

[الـزين يفرض نفسه]

ههههههههههههههههههههههههههههه

اخووي...احب اوضح شغله..طبعا مو الكل..صج اذا ماهذرنا وثرثنا طبعا مانطلع حرييم ههههه شناوي علينا تبينا نموت يعني :p


بس طبعا مو كل الحرييم نفس بعض..كل واحد وطبيعتها



ميلاني بووصماخ احنا كوونا هاااااااا يويلك مني<<راح وطي

اقرع<<مناك مناك احنا خووش ناس احم احم لاتتحرش فينا احنا خووش بنات والله<<برائه:p

علىى العمووم تسلم ع الموضووع اللي فيه هجوم علينا:p

يعطيك ربي العافيه..وعساك ع القوه يارب..:)

[بقايا أثر]

شوووف اخوووى ملك انا ما اقول كلامك غلط لألألألأ

لكن فيه حريم صراحه يخفووون السر حتى ألله ياخذ امانتهم وانا اعرف هالنوعيه من الحريم

مثل ما فيه شى شين

لازم اكووو شى زين

فهمت على

وشكرا لموضوعك الرائع ويعطيك العافيه

[نسيتيني]

السلام عليكم


انا اقول لكم الزبده يا اخواني واخواتي

المرأه اللي تهذر كثــير وتقول اي سر في بالــها ... اذا مالقت شي تقوله تفضح بأسرارها

لكن مانقول ان كل الحريم جذي لا بالعكس في حريم مايقولون لو على قص رقبتهم

<<< رقبتهم خير انشالله



تسلم على الموضوع خيو

[همــ الشفايف ـس]

[align=center]افشاء الاسرار طبيعه تتواجد في الرجال والنساء على حد سواء
فليش كل النساء يفشون الاسرار وليس كل الرجال يكتمونها
ولكن تكثر لدى النساء لأنهن معروفات بالثرثرة والكلام اللاحاجة له
وعند اجتماع النساء في المجالس تجد كل امرأة تريد ان تتسلم محور الحديث
وان تكون نصب اعين الجميع وتلفت انتباهم وفتأخذ كل الوسائل لتصل لهذا الشيء
وحتى لو اضطرت انها تفشي اسرارها الخاصه واسرار زوجها وبيتها
ولكن هناك نساء على العكس هناك من تحترم خصوصيتها وخصويه بيتها وزوجها فتراها تكتم ولا تفشي السر ابدا مهما حدث
اشكرك عزيزي جزيل الشكر لطرحك هذا الموضوع الرائع
سلمت لنا يمناك ويعطيك ألف عافية يارب
وتقبل ارق واعذب تحيااتي :hearts1: [/align]

[ملك مملكه الحب]

حبايبي


كلكم ربي يعطيكم الف عافيه

كان ودي

اعلق على كل واحد

بس مشغول

ولي رجعه
اخوكم
ملك