شالمصخره اللي صايره بشارع الخليج ..!

[ReKaRdo]

السلام عليكم ..

هذا اول موضوع لي بقسم المناقشات الجادة وإنشاءالله مو اخر موضوع

اول شي احب الفت نظركم لهذا الموضوع لان بصراحه صايره مصخره اليوم على شارع الخليج واشوف بنات

هالشعر وهاللبس وهالاغاني وهز ورقص مو طبيعي بالسياره هز هز مو طبيعي لو عرس واحد من اهلهم ما راح يرقصون

مثل هالرقص الي شفته وكل الناس قاعدين يطالعونهم والشباب يتحرشون ويسوون حركات وصخه مالها داعي

والكل قاعد يطالعهم مادري وين اهلهم لاهين عنهم وين ولا شنو سالفتهم بالضبط ..


ابي الاجابه من البنات وليش هالشي قاعد يصير

اخـوكم ReKaRdo

[فديت مشاعل]

شي يفشل الصراحه

والكل ماخذ فكره شينه عن بناتنا

وعلى فكره هالحال ماهو حال بنات الكويت بس

ترى الكل تغير

والكل صار فري

وكل شي صار عادي

والله انها اخر الدنيا

الله يجيرنا بس

شاكر لك اخوي

[BiShOw]

حده اي شي :s شكلي انا من زمان مو طالعه !!!!

[Fa9oOoLy]

كل شي صار عادي الحين وماخذين الوضع ايزي وعادي وهذي اخر الدنيا

كل شي يصير هم عندهم عادي

ومشكور اخوي

[BaSKo0Ta]

ReKaRdo


منورنا عزيزي بوجودك بقسم المناقشات الجاده ...

الظاهر انت اول مره تطب شارع الخليج :)

انا مره حطيت موضوع عن هالشغلات تصير برمضان وشفتها بعيني .. فما بالك بالأيام العاديه ؟؟

اذا اهمه ما احترموا هالشهر الفضيل .. وماخافوا ربهم .. تبيهم يحترمون وجودنا ؟؟

وانا استغرب من البنت اللي تفصخ الحيا وترقص وتهز روحها ..

صح كلامك صحيح .. وين أهلهم ؟؟

ان غاب القطو .. العب يا فار :)

والله ما اقول الا الله يهديهم ويهدينا للصراط المستقيم ..

[GoLdY_**_BoY]

[color=000000]قلة حيا وتربيه

اشكرك على طرح هذا الموضوع
وتبي وين اهلهم ...................... ما عندهم اهل
ومتل ما قالت اتختي baskoota[/color]

[ملك مملكه الحب]

لاتــــــــــــــــــــــــــــــــعليق



مات الخجــــــــــــــــــــــــــــــــــــــــــــــ ـــل

[الـدلـع مبـتليـنـي]

اخووووووي مــا فيها شي

انت ليش معطــــــي الموضوع اكثــر مــن حجمــه

كــل وحدة بكيفــها شنو تلبس


(((سالفــه المغازل )))

بس شغــله المغازل لا تجمــع مو كل البنات


ولا في بنات حافظيــن نفسهم حتى لو كانوا طالعيــن بدون اهلهم


شوف اللى حافــــــظه نفســه مــا عليــه مــن النــاس ولا حتى يهمــها


بس انت شفت فئــــــه اعوذ باللـــه اذا كان على البس عادي


شوف باجي الدول شنو تلبس سالفــه اللبس عادي

هذا رايي وتسلم على الموضوع

[*TanTosHa*]

اي والله مصخره

هالبنات كل مالهم وايننون أكثر

لانه ماكو تربية سنعه ,,ماكو امهات زينات وله جان ما شفنه هالاشكال

الله يهديهم

ويعطيك العافيه علىى الطرح

^_^

[علي العبداني]

السلااام عليكم ورحمه الله وبركاااته
اخوي ماقصرت على هذا الموضوع
بصراحه انا اسمع عن هسوالف وكم مره رحت لشارع لخليج علشان هسوالف ابي اشوفها ولكن حضي ماوافق اني القى هلشكااال
بس تبي الصراااحه الشرهه مو على البنااات
الشرهه على الرياااجيل اللي شافوا الموقف وساكتين
لوفيهم خير كان لعنوا ابو خااامس هلجلاااب هذي
بس هذيلا ما يصلح لهم الى اربع شباب وكابرس 89 ومغيم ومطيحه لوحاته
علشان بقزرونها عليهم عدل

اما الاخت اللي تقووول اللبس عادي يمه وين عادي موباقي عليهم الى يمشون بالشارع عرااايااا
وتقولين طالع الدول الصانيه يمه احنا شكو في الدول الثانيه احنا لازم ننشغل في عيوبنا قبل لا نطالع عيوب الناس
مابي اطول في الحديث احنا انهااارت عندنا الاخلاااااقياااات الى اخر درجه بل اصبحنا ياجيل اليوم بلا اخلاق ((كالبهائم بل اظل سبيلا))
والف شكر لك اخوي وماقصرت
تحياتي

[ReKaRdo]

اولا مشكورين اخواني على الموضوع ..

لووول بسكوته شنو اول مرة اطب شارع الخليج ..

انا اروح له كل اسبوع مره تقريبا بس اروح مع اهلي اتغدى وارجع ..

بس قبل امس رحت بليل وشفت المصخره صج .. ماتوقعت هالشي موجود بديرتنا :( ..

[السندريلا]

مكــــــــــــــــــــــــــــــــــــــرر اخوي

[آآهاات]

[align=center] السلام عليكم ورحمه الله وبركاااته
على قولتهم ان كنت لا تستحي ففعل ما تشاااء وكل وحده على حسب تربيتها وحتى هذوول البناات ممكن ان اهلهم معطينهم الثقه بس للاسف اهم مو قد هالثقه [/align]

[قزمة كول]

والله مادري شقول بس الله يهديهم

وشوفو شنو راح يصير لهم بيوم القيامه

الله يستر عبده

[عزتي في شموخي]

السلام عليكم...
شكرا اخي ريكاردو على هذا الموضوع...
من ناحيتي انا لا اذهب كثيرا لشارع الخليج لانني امتلك ما هو اهم من التفرفر ...
ولكن ارى بالبلوتوثات من اخواني او اقاربي...
شي على قولتهم عجب العجاب!!!
اللي ترقص قدام المجلس تبيها خمسه هههه!!!شر البليه ما يضحك
واللي بشارع الخليج لابسه دشداشه و البوي فريند مساند لها وتعلمه طرق جديده للرقص....
وعلى قولتكم الناس تفرج...ولكن المحترم محترم و ماشي بطريقه محد له شغل فيه...
واللي مايل يمين او يسار فهذا يعود عليه بالضرر و الكلام الشين..
ولكن الاخت اللي تقول كل واحد حر بنفسه ؟ليش البلد لهم لحالهم وله مافي ناس عايشه و تشوف...
ومافي صغار يتعلمون على الطبايع اللي يشوفونها و يطبقونها...بمجرد انهم صغار ولا يعلمون
ولكن فعلا الجاهل من يقوم بهذه الحركات و الاجهل من يتبعهم...
وعلى قولتكم أخر الدنياااا و من الدلائل على آخر الدنيا رضا الكثير بهذه المواقف و قولهم...
عادي كل واحد حر بنفسه!!
وفعلا (((إن لم تستح فافعل ما تشاء)))
كلام كثير يطول شرحه...
ولكن طاب لي ان اوضح اهم مافيه من نقط
تحياتي لك اخي العزيز و يعطيك الف عافيه وماقصرت ونورتنا بهالموضوع...ونورت قسم المناقشات الجاده...
مع احترامي و تقديري للكل...تحياتي