& مشـــــــاكل البـــنات ..قيـــل و قـــــــال !!! &

[غربة الروح]

بسم الله الرحمن الرحيم


السلام عليكم ورحمة الله وبركاته


أولا شو سالفة قيل و قـــــــال ..


-
-
-


قيل و قال طااااال عماركم ...تستوي بين الربع ..


بعطيكم أمثال :-

1) وحده تحب ربيعتها و تبه تخليها لنفسها ( مثل اللعبه) و تنقل الرمسه الي مب زينه حق ربيعتها و تقوللها هاي قالت عنج و هااي رمست عنج و هاي و هااي.....ألخ ألخ

2) وحده مسويه عمرها المصلحه و شريفة مكه ..أونها تصلح بين 2 ولا مجموعه ..بدال ما تعدل الوضع ..طينته أكثر ..و قامت تنقل الكلام بين هذيله ..على حسب فهمها !!

3) وحده حابه تسوي مشكله بين ربع هنتين ما عمرهم تضاربوا ..و سبب والله أنا أبه أحصل ربيعه جي (---- حسد و غيره ...و تقووم تتقرب من وحده و تنقللها الكلام و هذيج أول شي ما تصدق ...بعد فتره هذيج تأثر فيها و تجرها بأسلوبها ...و تفرق ربع كانوا أكثر من خوات

و حده و وحده..... ألخ ألخ


و كثرة الأسباب و المصير واحد...أنهم يتفرقوون أو يكرهون بعض أو حتى لو يردوون لبعض..ما يكونون مثل قبــل


-
-
-


ليـــــــــــــش :-
ليـــــــــش ها الطبع فالبنات؟؟
ليـــــــش نقل الكلام ...و أذا وحده قالت و مهما يكون ...ليش تنقله للبنت المقصوده؟
شو سبب هااي الظاهره ؟؟
و ليش ما يقدرن يعيشون بدون قيل و قااااال !!

----------------------------


مهم هااي نصيحتي للبنت اللي منقول لها الكلام أو طاحت فهاي المشكله:-

1- أبدا لا تعطين أذنيج لأي حد..حتى لو ناقلتلج كلااااام صح

2- حاولي تنازعين البنت الي تنقل و تنصحينها بما أمر الله ..

3- و أذا كنتي طايحه فهاي المشكله ..حاولي تطبين الفتنه ..عسب تحصلين أجر

4- و أذا صار لج بعد ها الموضوع .. و ما رمتي تيودين عمرج و تبين تعرفين أذا صدق اللي نقال ولا لاا...حاولي تكلمين البنت اللي قالت ( المصدر) و تسألينها أذا هي قالت ولا لاا..و أبدا لا تصدقين اللي ناقله ..تراها تراويج ويهي و بعدين ويه ثاني ...

5- و حتى لـــو الكلام المنقول طلع صح..حاولي تتفاهين ويها و تسامحينها لوجه الله..عشان تحس بقيمتج و روحها بتتندم أنها قالت الكلام عنج...


----------------
و هااي نصيحه مني حطووها حلقه فذنيكم ..
البنت اللي تنقلج أسرار البنات الثانيات ..
أعرفي أنها تنقل أسرارج بعد...



-
-
-

و يلاا أتريه ردوووودكم و رأيكم فالموضوع حباايبي ^_^

و ربي يحفظكم

[BaSKo0Ta]

ياعيني على الطرح الصعب :)

أعجبني موضوعج لأنه وايد منتشر بين البنات والحريم أيضاً .. سواء في المدارس أو الجامعات أو الجمعات والمناسبات .. أو حتى في الأيام العادية ..


للأسف أصبحت البنت الخليجية مهتمة جداً بأمور القيل والقال وتبحث عن الفضايح والمشاكل وتزيدها فتنة .. ولكن وجود مثل مواضيعج .. ومثل شخصياتج في المجتمع اللي تنبه على هالشغله وتنصح ، بيكون ان شالله بداية الطريق لبناتنا ليبتعدوا عن هذه التفاهات ..

[غربة الروح]

يسلمووو غلاي

BaSKo0Ta

[غربة الروح]

يسلمووو غلاي

الفرنسيه

[HonY G!rL]

اي والله هالظاهره وايـــــد منتشره هالايـــــام
ومن الاسباب الغيـــره الحســـد والحقــــد حتى لو كانوا رفيجــات كل وحده تنقل للثانيه حجي اهيا مطلعته من نفسها
ومن صج المجتمع قــام يخترب بس اكيد مو كـل البنات نصفهم

..............

تسلمين يا البي على الموضوع
وادري طولت علــيج:p

[غربة الروح]

يسلمووو غلاي

بنــوتـــــه

[العبداني علي]

يعطيج العافيه اختي على الموضوع الذي يحاكي واقعنا المرير
...
نعم لقد انتشرت هذه الظاهره بل وصلت الى حد ان تكون قضيه ينظر اليها
فالبنات مالهم من الحجي الى قيل وقال
فلوا ان قيل وقال كانت في قيل وقال عن الرسول وصحابته
لكان افيد
ولو كان قيل وقال في الموضه وما دري شنو كان ارحم
ولكن المشكله تكمن
في قيل وقال في اعراض الناس
وفي قالت فلانه فيج وقالت علانه عن شكل فلانه وعن اخلاق فلانه
وهذي هي والله المشكله
لان هذي هي التي تسمى بالنميمه
والله ورسوله قد نهوا عن النميمه ولكن من يعتبر ؟؟
ولقد مر الرسول وصحابته يوما على قبرين فقال انهما يعذبان - اي ان اصحاب القبرين يتعذبان في قبريهما - فقال لهم النبي صلى الله عليه وسلم انهما يعذبان فاحدهما كان يمشي بين الناس بالنميمه والاخر لا يستتر من بوله او كما قال عليه الصلاه والسلام
فالنميمه خلق ذميم جدا
وما نهى عنه الاسلام الى لما راى فيه من الفساد
وتدمير العلاقات بين الناس
فلا حل لهذه المشله الا بالتوعيه لاخطارها التي قد تنتج عنها وعن جزاء فاعلها
في الدنيا والاخره

واشكر الاخت الفاضله على هذا الموضوع الرائع

[غربة الروح]

يسلمووو غلاي


ارحم يا زعيم

[BiShOw]

غربه .. نظل بنات !!!!!


من عمر و هذي سوالفنا

[HoNeY RoSe]

::

أحم احم خيتووو

هذي مشكله صج نعاني منها .. وخصوصا نوع المصلح الاجتماعي ياكرهي لهم ..

مشكوره حياتي يعطيج العافية

::

[غربة الروح]

يسلموووو كلياتكم