حوار هادف بين البنات والشباب

[ميلاني]

سؤالي للبنات
هـل قيمـه المهر هي قيـمه لج ؟؟
يعني اذا كان المهر غالي يعني انتي غاليه ؟
ومع ان سيدنا علي رضي الله عنـه يوم تزوج سيده فاطمـه الزهراء رضي الله عنها كان مهره درع
يعني هل تغيرت عقول البنات والاهل ؟

[+.ShaYo5a.+]

يعطيكم العافيه علة هالحماسه:P

و انا برد على الاخ ميلاني

هـل قيمـه المهر هي قيـمه لج ؟؟
يعني اذا كان المهر غالي يعني انتي غاليه ؟
ومع ان سيدنا علي رضي الله عنـه يوم تزوج سيده فاطمـه الزهراء رضي الله عنها كان مهره درع
يعني هل تغيرت عقول البنات والاهل ؟

مو قيمه لي لان الريال مو قاعد يشتريني بالمهر بس اهوا مجرد هديه يعتبر و عشان تجهز العروس
والحمدالله ولا احد من اهلي طلب مهر اللي ايي من الريال ايي يعني على قولتهم شارين اخلاقه :P فا مادري اذا تغيرت العقول لان اللي اعرفهم ما يتطلبون

واذا صار المهر غالي يعني اهوا كريم و ماله شغل في البنت نفسها :)

و سؤالي
اللحين لما الواحد ابموضوع يقول انا ما ارضى اختي تدش النت و مثلا الاخ ميلاني لما قال اقطع النت اذا خطيبته تدش منتديات هل هذا معناته انه بنات المنتديات فيهم عيب اب اخلاقهم؟ ولا انه العضو مو محترمهم مثلا؟

[SuL6aN]

[align=center]

اختـــي الفآضله " ريـم "

السؤال بصيغه ثآنيه : :: :

شنو اكثر شي يلفت نظر البنات بالريال . . . ؟

اتمنىىى ان السؤال يكـون مفهـوم

اخوج : بيكـس


[/align]

[SuL6aN]

[align=center]

سـؤآل الأخت " +.ShaYo5a.+ "

اللحين لما الواحد ابموضوع يقول انا ما ارضى اختي تدش النت و مثلا الاخ ميلاني لما قال اقطع النت اذا خطيبته تدش منتديات هل هذا معناته انه بنات المنتديات فيهم عيب اب اخلاقهم؟ ولا انه العضو مو محترمهم مثلا؟

لا طبعاً مافيهم شي ومو كل بنات النت فيهم عيب بأخلاقهم . . .

اما مسألة الاحترام . . فالشي هذا واجب علينا . يعني احنا لازم نحترم الناس عشان الناس يحترمونا

ومـــيلآني : ترا ما يقصد شي بس هذا رايه انه مايبي خطيبته تدش منتديات . ومن الواجب ان احنا نحترم رأي اخونا ميلآني

واهو قال بنات النت فيهم الزين وفيهم الشين

يعني ما قال كــل بنآت النــــــت

وبنآتـــنا فيهم الـ خ ـيـــــــر . . . .

. . .. . . . . . . . . .. . .

سؤالي مــــره ثآنيه

شنو اكثر شي يلفت نظر البنات بالريال . . . ؟

[/align]

[+.ShaYo5a.+]

لا لا مو قصدي ميلاني انا قاعده اقول بشكل عام بس حطيت رايه مثال :P

[SuL6aN]

[align=center]

وصلت المعلومه . . .

شنو اكثر شي يلفت نظر البنات بالريال . . . ؟


^ ^^ ^ ^^ ^ ^^ ^ ^^ ^ ^^ ^ ^^ ^

ما جا وبتي على السؤال اختي .. ؟ ؟ [/align]

[+.ShaYo5a.+]

شنو اكثر شي يلفت نظر البنات بالريال . . . ؟
من اي ناحيه ما فهمت بس برد عليك من اللي فهمته :)

بالنسبه لي
اول شي اللي يشد الغتره والدشداشه لوووووول:P

بعدين طريقة الكلام و التعامل مع الناس :)

و ماعندي سؤال بس يالله خل نعكس السؤال :P
شنو اكثر شي يلفت نظر الريال بالبنت..؟

[ميلاني]

و سؤالي
اللحين لما الواحد ابموضوع يقول انا ما ارضى اختي تدش النت و مثلا الاخ ميلاني لما قال اقطع النت اذا خطيبته تدش منتديات هل هذا معناته انه بنات المنتديات فيهم عيب اب اخلاقهم؟ ولا انه العضو مو محترمهم مثلا؟
لووووووووووووووووووووووووووووووووووووووووووووووووو وووووووووول
شاكرلج عالاجابـه
الحين انا قلت ما اخليها تدش عشان اشياء وايد يعني الحين اي اهم ؟ بيتها ولا انا ؟؟ ثانيا لو تقرين اللي قبل قتلج انا غيـور حيل
ومو من رد واحد تحكمين ؟ انتي تقولين مثلا ان انا مو محترمهـم ؟؟ انا ما احترمـهم لووول لو ما احترمهم جان عميـت على البنات كلهـم وقلت كل البنات مو زينات ولا ارد على احـد بس ليش اجذب ؟ وااااايد بنات فيهم الخير والبركه وانا قلت فيهم الزين وفيهم الشين اما اذا هاذ فهمج فكل واحـد واستيعابه
يعني انا الحين اسآلج
انتي خطبتي واحد واهو كله يدش النت بالذمـه يوم تتزوجيـنه مو بتقوليـنه اترك النت وجابلني؟؟
لووووووووووول شاكرلج عالرد خيتـو
ويسلمـو حجيـه
شنو اكثر شي يلفت نظر الريال بالبنت..؟
اكثر شي يلفتني بالبنت اخلاقها واسلوبها

[HoNeY RoSe]

بيشوووووووووووو

حبيبتي فهمتين كلامي غلط

هذا الي مايغار على اهله .. ماعنده مذهب

انه اقصد غيرة الرجل لمرته .. انها ماتكون واايد لانه تخرب الحياه الزوجيه

فديتش يا الغالية
:d

[HoNeY RoSe]

::

سؤالي للبنات
هـل قيمـه المهر هي قيـمه لج ؟؟
يعني اذا كان المهر غالي يعني انتي غاليه ؟
ومع ان سيدنا علي رضي الله عنـه يوم تزوج سيده فاطمـه الزهراء رضي الله عنها كان مهره درع
يعني هل تغيرت عقول البنات والاهل ؟

::
انه سمعت انه البلووش مهرهم بس قرآن .. صراحه حبيت الشي ..

بس الحين احنى اذا رضينا اهلنا مابيرضون ..

وبالمهر اتجهز العروس نفسها .. معنى الاهل مابقصروون

ومهر فاطمة الزهراء (ع) صح كان درع وباعوه وكان ثمنه اربع مئة درهم ..

بس زمان اول غيرو ومان غير يا اخوووي



::

الزبده :d

انه المهر مايحدد قيمة المرة .. يمكن وحده تاخذ مهر واييد ورجلها مغصوب عليها مايبيها .. والعكس
فهمتني يا معلم البطاط

::
ماعندي سؤال ..

القاكم غدا ان شالله الله


سي يو : ))


::

[HoNeY RoSe]

::

ولكموو بيكهام

شنو اكثر شي يلفت نظر البنات بالريال . . . ؟


صراحه اول شيي شكله ..

وبالنسب لي الشكل .. الي يلبس دشداشه ومغتر .. وااااااااااو هيبه هيبه احسه لووول

>> مو تاخذ فكره غلط انه بس جذي في قلبي اقول هاهاهاها

بس اذا جيت لجد اخلاقه .. وطريقة تعامله مع الاخرين ..
وما احكم علية طبعا الا اذا احتكيت فيه .. لكن من بعيد ما اظن : )

::

سانكيووووو بيكهام ع الاسئله الحلو والجريئة : )

::

[+.ShaYo5a.+]

اخ ميلاني انا ماقصدتك بالسؤال بس يبت ردك كمثال مثل ما قلت بالرد اللي قبل اللي قبله:P

و بالنهايه نبي نعرف آرائكم بعيد عن التجريح والزعل :)

والله انا ما قلت 24 ساعه كيفه يبي يجابل النت يجابله بحدود :P

و شكرا :)

[ميلاني]

مشكووووووووووووووره خيتـو هـوني عالتفهــيم يا معلمه الشورما لوول

ومشكوووره خيـتو شيوخـه وانا احترم الكل بس المحترمين فقط امثالج يعني :d

[ŋαŋ]

هـل قيمـه المهر هي قيـمه لج ؟؟
يعني اذا كان المهر غالي يعني انتي غاليه ؟
ومع ان سيدنا علي رضي الله عنـه يوم تزوج سيده فاطمـه الزهراء رضي الله عنها كان مهره درع
يعني هل تغيرت عقول البنات والاهل ؟

لا طبعأ عمر المهـر كان قمية البنت
من ناحيـة غاليه طبعاً غاليـه على بدون مهـر ولا غيره لوول :p
الله يرحمـه
من ناحيـة عقول البنات أكيد تغيروا وتطورا أما الأهل في اهل لابسين ثوبهم القديم وفيه أهل لبسوا أثواب جديده يعني مشـوا مع التطور

تسلم ميلاني



شنو اكثر شي يلفت نظر البنات بالريال . . . ؟

أسلوبــــه بشكل عآم و طريقة كلامـه

وأكيد الشكـل أذا كان رزهـ ومشاءالله عليه ثقل ويعني أنا ما أهتـم فيكم ياالبنات وخروا عني ترا كلي ثقل يطلع واااااااو بالنسبه لي لووول :p

نسلم بيكـس

ما عنـدي سؤال حالياً

[BaSKo0Ta]

[align=center]أعصابكم يا حبايبي D:


بالنسبة لسؤال اخوي ميلاني ..
أبداً ما أعتقد ان المهر يدل على قيمة البنت .. بس مثل ماذكرت أختي شيوخه ان المهر هدية الزوج لزوجته .. وطبعاً بدون المهر المرآة ما تقدر تتحمل تكاليف التجهيز لنفسها ولبيت الزوجية .. حتى لو نقول انها ماتبي تسوي عرس .. عندها احتياجات أخرى كزوجة ومقبلة على حياة جديدة .. أما المبالغة بالمهر فأعتقد ان حرام .. وانا شخصياً في المجتمع اللي عايشه فيه وفي بيئتي ما يتعدى مهر البنت 4 آلاف .. لأن مثل ما يقولون نشتري الريال " الرجال " مو فلوسه .. أصلاً المبالغه في المهور سبب في كثرة الديون والأقساط .. وأعتقد انها أنانية من الأب انه يرضى لبنته انها تعيش وتبدأ حياتها الزوجية بديون وأقساط .. وتلقى الريال يلعن اليوم اللي تزوج فيه وفكر انه يتزوج ..

بالنسبة لسؤال الأخ بيكهام ..
اللي يلفت نظري بالريال اسلوبه وطريقة تعامله مع الناس .. وأحب الريال اللي يكسب الناس بطيبه .. وتلقاه متعاون و ودود مع الكل .. سواء فقير أو غني .. كبير أو صغير .. طبعاً هذا اذا كان الريال غريب وبعيد عني لأن في أشياء أكثر تميز الريال وأحبها فيه اذا عرفته شخصياً ..


سؤالي للشباب ..
هل تقبل أن تقوم بمساعدة زوجتك في أعمال البيت ؟؟

كالتنظيف .. والغسيل .. ورعاية الأطفال ؟؟

مع العلم أن مشاركتك في أعمال البيت محدودة وتهدف إلى تسهيل عمل زوجتك في البيت .. لأن عمل البيت أولاً وأخيراً للمرأة .. بما معناه .. أن تشارك بجزء بسيط من المساعدة ..[/align]