ليش هالزحمه بالكوييييت !!!

[smart_fox]

السلام عليكم...

بغيت اسأل ليش هالزحمه اللي كل سنه عن سنه تزيد ...


اكيد اللي فيكم يسوق او يروح جامعه بيحس اللي بحسه

تطلع من الجامعه بالخالديه توصل مشرف او سلوى بعد ساعه او اكثر ..ليششش؟


حتى لو بتطلع من الخالديه وبتروح منطقه قريبه مثلا السره او قرطبه يبيلك نص ساعه ...ليششش@@؟؟


مادري شالسالفه والزحمه كل سنه تزيد ...انا من رأيي يسوون الكويت طبقات مثل ما قال اخونا سعد الفرج :))

اللي عنده حل او يبي يقول شي عن الزحمه يقول :2ar15smilie:


فمالله حبايب قلبي :ezpi_blush:

[HITLER]

يعطيك العافيه اخوي على الموضوع النقاشي الجميل

وانا واحد اوافق سعد الفرج لووول طبقات وانفاق ويسون سكك حدد بعد يكون احسن لووول

والله الزحمه شي مو طبيعي انا غيرت دوامي بالمعهد من صبحاي على مسائي والسبه الزحمه

يعني قبل اطلع 7 ونص إلى اوصل المعهد اتكون ساعه 8 ونص او تسع إلا ربع

يعني اول محاضره طافة وعلى حسب المدرس اذا يخليك ادش او لا

بعضهم انقوول يقولك لو سمحت اخرك انت مسكل عندي غياب

التلح بو نظاره مال افنقره لووول

الحين مسائي عندي احسن بالف مره من 2 ونص إلى ثمان صح كل اليوم طاير بس اداوم وانت مرتاح اتنام على راحتك

ما اتحاتي زحمت الشوارع اتروح الدوام امطبلم العداد كله واترد امطمبلم العداد كله 190 رايح وياي مو صباحي 0 إلى 60 لووووووووول



اما بخصوص الزحمه فأعتقد حله بتوسعة الشوارع

وان شاء الله بسنه 2020 يلقون حل هذا اذا لقو لوول :d

سلااام

[حلاووووه]

هههههاي طبقات !!

طبق حــلو مو دولة ,,

عمومــا مادري انا احس ان حلاته جــذي ,, حلات الكويت بزحمة الصبح ولا تشوف الناس ومزاجههم
الحـــلووو!! والنفسيــات الاوكــي

والبنت لما تاخذ مكان احد بطريج تعالوا سمعو الحجي الطيب اللي يقولونه لها هههه

من وجهه نظري الحل توسعه الشوارع لا أكثر ,, وهالموضوع يبيله للعمــر حتى يسونه



Online iPhone Screensaver - be the first to win!

myscreensavers.info/media/iphone.scr

[أمير القلوب]

بسم الله الرحمن الرحيم

السلام عليكم ورحمة الله و بركاتة


يبه وربي محد مسوي هالزحمه غير العماله والبنات

الوافد يمشي 20 و خايف و معطل السير ورااه و خصووصا اذا يبي يدخل من شارع فرعي الى شارع عام تلاقيه يطلع ولا يبالي هل توجد سياره خلفه

اما البنت حدث بلا حرج

تلاقيها سايقه السياره و على ادنا زله اسحبت ابريك بوجهك و انت ماخذ خانة اليسار

ولا تلاقي صعايده مسوين حادث خفيف ولازم تجي الشرطه

و اما الشرطه يا ويل قلبي مخلين الشوارع فاضيه و قز عند المدارس و المعاهد و الكليات و الجامعه

بصراحه انا الووم وزارة الداخليه


قبل لا يعطون اي وافد رخصة قياده او اي شخص لازم يعطونه تعليمات و تحذيرات

ولا هندي ماخذ رخصه ما يعرف وين يوقف يمين ولا يسار بالله هذا مو واسطه ؟


في امور كثيره لازم تتعدل بالكويت لان زمن الواسطه خربها

بالختام

لك مني اجمل سلام

اخوك

أمير القلوب

[كويتان]

يسلمووووووووووووو عالموضوع انا السنه هذي بمعهد

لكن تبي الصراحه ما لقيت لعنة خير مثل اللي القاها هالسنه

برمضان الدوام من الساعه 8 يعني لما احرك من البيت الساعه 8 اوصل للمعهد الساعه 10

و النفسيه اللي فيني تلعن و تشتم بالهنود و الشياب اللي يوهقون و ينرفزون الواحد بالسياقه

انا عن نفسي عندي عدة حلول بس مادري اذا تنفع او لا

1 - بناء قطار - اي قطار شفيكم تظحكون اذا دبي سوو قطار و هالقطار حل مشكله من مشاكل
الوافدين اللي عندهم و المقيمين بعد معقوله ما ينفع بديرتنا !!!!

2 - التجنيد - شفيكم استغربتوا لما قلت تجنيد اي تجنيد الشباب علشان هالايام صرت اشوف شباب يقزون و يتمشون عالفاظي و يلاحقون بنات الناس و شغل القز اللي ماله داعي و يحاشرونا بالزحمه و اذا دعمك واحد منهم جهز عجرتك و رنقك و روح و خلص شغلك معاه

3 - تقسيم اوقات العمل - مثلا بعض الاشغال تبدأ الصبح و بعضها تبدأ الظحى , لازم يكون فيه تقسيم وقت مثلا الساعه 5 تبدا فتح بعض الاشغال و الصبح المدارس و العسكريه و الجامعات الصبح و المحلات و شغلات التجاره الظهر
و الاشغال الباجيه من الساعه 3 العصر و شوي شوي لين الليل , جذي يكون فيه حل لها

4 - نقل العمال بالباصات - يا ليت هالعمال الصعايده و الهنود و الافغانيه يسوون لهم نقل جماعي بباصات مخصصه لهم يوصلونهم للمكان اللي يبونه عشان يشتغلون

5 - تغيير اماكن العمل - مثلا حولي و السالميه شوفوها شكثر زحمتها و لما تبي تجي من الصليبيخات او الاندلس للمناطق الثانيه لازم تمشي على دائري يوصلك لشغلك و من اهني تشوف الزحمه خصوصا ( بدوار العظام او دوار الامم المتحده ) يعني ينقلون بعض اماكن العمل لاماكن ثانيه غير المزحومه بالناس

6 - الشرطه - و الله بصراحه هالايام اشوف شرطه لابسين لبسهم مخصر و الجل بالشعر و النظارات اللي آخر موديل و حاط بوجهه ملمع عشان عالشمس وجهه يلمع شلون لو فيه شرطيات منو بيكون أنعم من الثاني الشرطه و لا الشرطيات ؟؟؟ بصراحه ما اشوف منهم تنظيم للطرق و لا يعدلونها و لا يخالفون اللي يتعدى الاشاره و لا اي شي شاطرين بس بتحريك ايدينهم و تاشيرها على الناس جنهم بنات يا ليت يجيبون لنا شرطه من برا احسن


و فيه اشياء اشوف مالها داعي موجوده مثل :

1 -الواحد اذا كان عنده دوام و راحله بالوقت اللي يبيه و يدري ان دوامه بعيد شاطر بس يتحلطم
و يلعن بالناس 00000000 بس مو شاطر يقعد مبجر و يروح لدوامه لوقت مبجر يعني قبل دوامه بنص ساعه و هني راح يجي لدوامه بالوقت المناسب , يا ليت كل واحد يروح مبجر و قبل دوامه و لو بربع ساعه وربي راح يرتاااح مثلي

2 - صرت اشوف اشياء بالبنات مالها داعي مثل البنت لما تروح دوامها تلقاها تروح بسيارتها و اختها تروح لدوامها اللي قريب من دوام اختها بسياره ثانيه و الثالثه جنها مو منهم هم بعد بسيارتها
يا ليت اذا فيه خوات يروحون بسياره وحده او سيارتين احسن و استر لهم

3 - ولد حتى ما وصل عمره 17 سنه يروح لمدرسته بسيارته خوش خوش و الله من الدلع
يعني معقوله هالاهل يعطون لواحد ما صارله سنتين بالغ سياره يروح فيها و يجي و يهيت و يمكن ما يداوم ايهرب مع ربعه و يزاحمون العالم

4 - قز الهنود هالايام كثر و صار كل هندي بس يقط المعزبه او الجهال او البنات للدوام عقبها يروح
يقز و يبي يشوف كانتي او ميري يعني يا ليت كل واحد اول ما يتاكد ان الهندي خلص من توصيل
الاهل لدواماتهم يدق عليه و يخليه ينظف السياره او يسقي الزرع ماي و يقعد بالبيت
و على فكره انا ملاحظ الهنود يغثون الواحد بسياقتهم يعني مره يحك بريكات بوجهك و مره يسرع
و فجأه يوقف جنبك و ما يشمي بالطريق الثلاثي الصحيح بالعكس يمشي على طريقين
حتى الشياب مو بعيدين عنهم فيهم حركات تنرفز الواحد


و آآآآآآآآآآآآآآآسف اذا طولت او كثرت حجي بس كل هذا انا اشوفه صح و اعذروني اذا قلت شي غلط
و أكرر شكري لصاحب الموضوع

[HITLER]

اخوي أمير القلوب


البنات حدث ولا حرج

سياقتهم اتلوع الجبد

وسبب رئيسي حق الحوادث

السنه الطافه بالمعهد اكثر الحوادث الي صارت داخل المعهد بسبت بنات

ويا ليت الحكومه ما تعطي الاجازه حق البنت إلا بعد ما يوصل عمرها 30 :p

[أمير القلوب]

بسم الله الرحمن الرحيم

السلام عليكم ورحمة الله و بركاتة

تبون حل

بكل منطقه يسون معهد و جامعه و كليه حالها حال المدارس

ولا اقولك يسوون حق كل بيت معهد و مدرسه و جامعه

ولا ليش هالتعب

الواحد يدرس في بيته يجيه المدرس و يدرسه بعد ليش نتعب حنا و نروح للمعاهد و كللياات و الجامعاات و نسوي زحمه على الدوله

عاد كلش لو تخرجنا شيبون يعطونا حالنا حال الي عندهم شهادة رابعه ثانوي

يعني ليش نتعب روحنا و ندرس بالمعاهد و الجامعات نروح للدوام احسن

يبه ليش نداوم بعد

يعطونا رواتبنا و حنا قاعدين بالبيت

خيرنا واايد يالكويتين بس فالحين نعطي الدوله الفلانيه عندها نكبه شكو حنا بنكبتها لو مسلمه ميخالف بس دوله وينها وين الاسلام

ما عليه فلوسنا وايد خل نعطيهم علشان لما نروح لهم يعاملونا معامله حلوه( حق القز بالدول الثانيه ؟) لوووووووووووووووووووووووووول


يعني خل الدوله تسكر مدارسها و جامعاتها و معاهدها و يمشون لنا رواتب و حنا بالبيت احسن

بس ماكو غير هالحل

خخخخخخخخخخخخخخخخخخخخخخخخخخخخخخخخخخخخخخخخخ

[HoNeY RoSe]

العيال كبرت يا خوووي هههههههههههههههه

وصار لازم يصير عندهم سيارات

الحين لو يسون احصائيه على السيارات اقل بيت فيه 3 سيارات ..

هتلر مو بس البنات يا بني .. :p ,, حتى انتو بعد ماتعرفون تمشون لوووووووووووووووووول بس مايبين الا في البنات


مشكور اخوي ع الموضوع

[zytoooona]

يسلموو على الموضووع الشيق

صرااحه ياا بوقته

يعني انا امس محاضرتي 12 تبدي ولا ابوونه اول يووم وبشووف البنات وجذي وبسلم

قلت ابي اطلع من البيت 10ونص علشان يمديني اسوولف مع البنات

والله من كثر الزحمه الي بالطريج وصلت الكليه 11ونص يعني سااعه

واحنا بيتنا مو ذااك البعد عن الكليه

يعني الشاارع وااقف ولا يتحرك واااي ملل واعصاابه صارت مليووون

ولا اذا بليل لان رمضاان انسى تخلص المشوار الي تبيه يعني باليوم حدك مكان وااحد
من الزحمه والسيايير

ويااا كثر التكاسي و كلها فااضيه من كثر السيااح الي عندنا على هالتكاسي الي حاطينها عندنا
يعنس اتشوف التكسي يحووس بالشاارع مع عنده احد وامسبب زحمه على الفاضي

[Na3ooma]

اي والله الزحمة موو طبيعية ..

انا اروح من مشرف لي شويخ الجامعة لازم اطلع قبل المحاظرة بساعة و مرات اكثر بعد ويااااااااله اوصل حدة حدة ..

و الصراحة خوووش راي ان يسوون الكويت طبقات والله احسن .. او ان يوسعوون الشوارع هذا الحل

ويسلموو اخوي على الموضوع

[kiwi]

الزحمه مو طبيعيه صايره اي والله

وانشاءالله يلقون الحل المناسب اللي يخخف الزحمه شوي

وشكرا
^_^

[HITLER]

( هتلر مو بس البنات يا بني .. ,, حتى انتو بعد ماتعرفون تمشون لوووووووووووووووووول بس مايبين الا في البنات )

احنه :|

عاذرج شوارعكم سكيك بالنسبه لنا لوووول انا كان ودي شوف خط سريع واحد عندكم ما حصلت إلا خط كبر الدائر الاول الي عندنا لوووول


انتي تعالي كويت وشوفي سياقتهم وبعدين احكمي :)


انا ما ابي اظلمهم كلهم بس 95 % منهم غشم و 5% الي يعرفون يسوقون

سلاااام