قيـادة المـرأة للسيـارة في السعـوديـّه ..!!

[كـلـي غـلا]

السـلام عليـّكم ورحمـة الله ..

كيـف الحــال ..؟

انا من زمـآن مبطيـّه عن المنـآقشـآت الجـآده ..!!

وقـلت أجيـكم بحـلة جـديده ..

المهم نـدخل في صـُلـب المـوضوع ..!!

..

قيـآدة المـرأة للسيـارة في الممـلكـه العـربيـّه السعـوديه ..!!

في أحـد المـرات .. وانا أجلس مع أخـوآني .. واطـآلع التلـفزيون ..

كـآنت هنـآك مقـآبله لأميـر سعـودي شـااب .. حيـث وجـه لـه المـذيع سـؤال ..

يقـول فيه .. هـل بيـوم من الأيـام .. ستسمـحـون للمـرأة السعـوديه بقيـآدة السيـآره ..!!

حيث كـآنت إجـآبته بيـن نعـم ولآ ..!!

والآن دب لفكـري هذا السـؤال ..

حيـث ان الممـلكه كبيـره جـدا في مسـآحتهـآ ..

لكـن حيـن أقـول نعـم لمـاذا لا تقـود السـياره .. مثلمـآ حـدث في كـل الدول الخليجيـّه ..!!

وحيـن وجهـت هذا السـؤال لأختي الكـبيره .. ردت علـي ّ ..

(( ليش السـواقه لا هي حرام ولا عيــب .. ))

بينمـآ عندما تحدثت لإبن خـآلتي السعـــــودي ..!!
(( لااااااااااااااااااااااااااااااااااااااااااااااااا ا يمكن

من جدك انت ؟؟؟؟؟؟؟؟؟؟؟؟؟؟؟؟؟؟؟ .. كيف تطلـع الفجـر مثلا لا مستحيـل ))

..

صـراحه انا بالنسبـه لـي .. أوافـقهم على مبـدأهم لرفضـهم قيـآدة السيـاره للمـرأه ..
لأن الممـلكه بالذات طـآبعها جـدا جـدا إسـلامي ويغـلب عليها طـآبع الشـريعه الإسـلاميـّه ..
وتطبقهـا في كـافة مجـالاتهم بالحيــــــااة ..

وهـذا رأي لأحـد الإخوان حـول القيـآدة للمـرأه في السعـوديـّه ..

وهل ستقدر المرآة أن تقود تلك المسافات البعيدة وخاصة أن المملكة العربية السعودية كبيرة بمساحتها ..؟ هل مثلاً ( فرضاً ) ستقدر أن تذهب من الشرقية إلى الرياض (500كيلومتر ) لوحدها ..؟

حيـث أحرجنـي .. بكـلامـه هـذا ..!!

وانا بعـد أقـول يعنـي بالعقـل .. دايم إذا النـآس بتسـآفر في دولنـآ العـربيـّه ..
دائمـا قـائد السيـاره يكـون رجـل .. صراحه انا مـآ عمري شفـت مـرأه تقـود سيـآره .. في أوقـآت السفـر .. ومـن كـذا انا مـا ألومهم لرفضهـم القيـاده ..!!

..

والآن أحبتـي أتــرك لـكم المجـآل ..

حيـث أطرح لكـم انا آنسه ذوق :p

هذه التسـآؤلات ..!!

1- هـل تـؤيـد قيـادة المـرأه السعـوديه للسـيـاره ..؟

2- حين ترفض مبـدأ القيـاده لمـاذا ؟ وحين توافق مبـدأ القيـادة أيضـا لمـآذ ..؟

3- هل ممـكن إنه يكـون عليهـآ خطـر ..؟ وشنـو الإخطـآر اللي ممـكن تتعـرض لهـآ أي وحـده تسـوق ..؟

وبـث ^_^

ذوق

[حلاووووه]

ياهلا ويامرحــــــــــبا فيج وبجيتج


القسم منور بتواجــدك وطرحك


وهذا احلى فنجال قهـــوة لذووق كله





بالنسبة لموضوعك :


وجهة نظري ,, لا ولا ولا ولا ولا أؤيــد قيادة المراه عمومــا


اما بخصوص المراه السعوديـــة اعتقد بان لها طــابعاً وظرفاً خاص
ااعتقد بان القيادة الداخلية لو يسمحون بها شي جيد بحيث لاتتعدى منطقتها والمناطق القريبه منها
اما المناطق البعيدة او المسافات بطبيعيه حجم المملكة فلا يسمح لها بالقيادة لمسافات بعيدة
ويضعو مخالفات لذلك لخطورتها وخطورة وضع المراه في هذي الحالة

- هـل تـؤيـد قيـادة المـرأه السعـوديه للسـيـاره ..؟

لا

2- حين ترفض مبـدأ القيـاده لمـاذا ؟ وحين توافق مبـدأ القيـادة أيضـا لمـآذ ..؟


نعم ألافض مبدأ القيادة ,,
لان فيه اتكاليه كبيرة عليها فتكثر عليها المشاغل والمسؤليات التي احيان تكون فوق طاقتها كا انثى,, فهي تأخذ دور ليس لهــا فالمراه مخلوق ضعيف رقيق



3- هل ممـكن إنه يكـون عليهـآ خطـر ..؟ وشنـو الإخطـآر اللي ممـكن تتعـرض لهـآ أي وحـده تسـوق ..؟
طبعا خطـــــــــر ,, انا كل يوم بدش بــواحد ههههههه
والاخطار عموما :
عدم اتقان المراه للقيادة وحرفنتها وكذلك تتعرض للكثير من الاعتداءات والتحرشات والمواقف الخطرة




ذوق ,, تشكرات

[كــويــت]

(( لاااااااااااااااااااااااااااااااااااااااااااا ااااا ا يمكن

من جدك انت ؟؟؟؟؟؟؟؟؟؟؟؟؟؟؟؟؟؟؟ .. كيف تطلـع الفجـر مثلا لا مستحيـل ))

هههههههههه سوري ع الضحكه بس يا اختي حتى بالكويت مافي بنات يطلعون الفجر

وانتوا يالسعوديين هذا موضعكم من زمااان خالصني منه .. والسبب ان المراه عندكم ماتقدر تسوق

لان مساحت السعوديه كبيره حيل يعني تخيلي بنت بتسووق لبيت جدتها من الدمام لرياض .. شلون يعني بتااخذ هل مسافه

بنت ادخلها شارع مظلم تصير هي والسكان واحد ماتقدر تتصرف

هههههههههههههههههههههههههههه

هذا اولا .....

صـراحه انا بالنسبـه لـي .. أوافـقهم على مبـدأهم لرفضـهم قيـآدة السيـاره للمـرأه ..
لأن الممـلكه بالذات طـآبعها جـدا جـدا إسـلامي ويغـلب عليها طـآبع الشـريعه الإسـلاميـّه ..

سلامتج اختي مو سالفه ان طبعهم اسلامي لا لا لا سوري انا اعترض

والله لو السعوديه كبر الكويت وربي كان بناتهم يسوقون

اصلن السبب معروووف السعوديه دوله كبيره وعيالها مجانين

مثل سوالف الكامري والسايد وميتين وعشرين وهسوالف

يعني تخيلي بنت بتروح 300 كيلووا بروحها ولا وياها امها

وشافووهم مجموعه من شباب السعوديه الي نطالعهم هل ايام ..؟؟

تتوقعين شنو بيصير يا اختي ؟؟ اكيد تحرش ويحدها بسيااره

والبنت هالله هالله تشوفينها على غمااره <-- يعني تنزل تراب وتقلب .. خخخخخخ

هذا انا رايي يا اختي اما سالفه الشريعه الأسلاميه هذي على عيني وراسي

بس مالها دخل بسواقت الحريم .. لان مافي حديث يثبت ان المرأه حرام تسوق

ولو في حديث حرم ان المرأه تركب الخيل او الجمل فا يمكن يتم تفسيرها على السياره

وشاكر لج ع الموضوع

ثينكس

^_^

[HoNeY RoSe]

- هـل تـؤيـد قيـادة المـرأه السعـوديه للسـيـاره ..؟

لا .. تدرين ليش.. لانه السعوديه شوارع صج صج يبي لها رجال .. والسعوديه مب صغيره .. تخيلي مره تطلع من بيتهم بتروح بيت اهلها بروح يبي لها جم ساعه اذا مو يوم :| ..

2- حين ترفض مبـدأ القيـاده لمـاذا ؟ وحين توافق مبـدأ القيـادة أيضـا لمـآذ ..؟
ارفض قلت لج فوق .. ولو كانت شواركم مثلنا في البحرين نفترها كلها بساعتين بالكثير :D
لانه لين المره تسوق تفتك تقوم بمشاويرها بورحها .. مو كل مابتروح مكان تعال يبا خذني تعال اخوي ووو :D


3- هل ممـكن إنه يكـون عليهـآ خطـر ..؟ وشنـو الإخطـآر اللي ممـكن تتعـرض لهـآ أي وحـده تسـوق ..؟

بعد في غير الحوادث .. الله يبعدناا :S


مشكوره خيتو ع الموضوع يعطيج الله العافيه

[عازف السيمفونية]

شكراً .. كل الذووق




أنا سـ أريح الكثير هنا من ( هواجيسهم ) ،، وسـ أشرح لكم أسباب عدم رضى المجتمع عن قيادة المرآه السعوديه للسياره ..




يا أعزائي المملكه العربيه السعوديه بلد محافظ جداً ، بعيداً عن ( الجانب الديني ) .. !!
والدليل حينما سأل صاحب السمو الملكي الأمير نايف بن عبدالعزيز وزير الداخليه عن هذا الموضوع ، قال : ( المسأله والأمر بيد المجتمع ، وهو الآمر والناهي في هكذا موضوع ) ..!!


والمجتمع تنتشر به القبليه المفرطه ..


وإن كان غالبية المجتمع يتبعون ( للقبائل ) المنتشره في شتى أنحاء المملكه ..
فـ الأمر يعود هنا للقبائل نفسها لإنهم يشكلون غالبية المجتمع بنسبة 90% ..


وأهل القبائل ( البدو ) عندنا (( وأنا أحدهم )) يعارضون أشد الإعتراض على أن تخرج بناتهم في سيارات مستقله ،، لـ تحفظهم الشديد ... ولإن ( السمعه ) تشكل عندهم بالغ الأهميه .. !!!!!
فهم يخافون كثيراً من خدش سمعتهم في أمور ليست مؤثره كـ قيادة السياره ..

..


قد يأتي بعض الأشخاص لـ يقولوا أن هناك ( بنات بدويات ) بالكويت يقودن السيارات ..، فـ لماذا لا يكون في السعوديه أمر مماثل .. ؟!!



سـ أرد أنا ، وأقول أن الكويت تختلف إختلاف تام عن السعوديه ،، لإن الكويت شعب مختلط بكافة أفراده ( الحضر ) و ( البدو ) وغيرهم كثير ... !!!


في السعوديه .... الشعب إجتماعي جداً جداً ... !!


لديهم إفراط شديد بـ ( الحميّه ) ،، !!

لذلك يستصعبون هكذا أمر ..
لإنه ليس بالأمر المهم أو الضروري .. الذي لا بد من وقوعه .. !!




أنا هكذا أرى ومن وجهة نظري ..

لإني شخص سعودي إبن قبيله .،، وأعارض بشده على أن تقود قريبه لي مركبه في مجتمع ( متشدد ) ومجتمع ( ناقد ) لمثل هذه الأمور ..



وتظل وجهة نظر خاصه بي تمثلني أنا فقط .. !!

وشكراً ..






ع ـــآزف

[دنووش]

السلام عليكم ..

اخخخ قهرتوني ..شهالردود اللي مو شي ..

المهم ..

انا من اشد ..

اشد..

اشد..

الؤيدين لهالفكره ...ياخي من حقنا نسوق زي باقي النساء بالعالم ..

اول شي اسمحولي ابي اقولكم ..انو دينيا مافي شي يحرمه ...ولا اي دليل ..واللي قال المجتمع الديني ومدري شنو .لا بالعكس شرعيا مافي اي شي يحرمه ...اهيا مسأله مجتمع ..ولما كانوا راح يوافقون عليها الشيوخ مارفضوا ..المجتمع بمختلف فئاته رفض ..ومنهم النساء (للأسف)..

ع العموم المسأله معقدة جدا ..بس راح يجي اليوم اللي نسوق فيه ..وقريب بأذن الله ..






اختي حلاوه تقولييينــــ


عدم اتقان المراه للقيادة وحرفنتها وكذلك تتعرض للكثير من الاعتداءات والتحرشات والمواقف الخطرة

شلون عدم اتقان المرأة للقيادة والكثييير من الدراسات تؤكد افضلية المرأه على الرجل بالقياده ...واغلب الحوادث بالخارج ابطالها رجااال !!!!!!!!!!!!!!

المرأه عندها قدره هائله لعمل الكثير من الامور اهمها القيادة ..




بالنسبه للاسئله ..


1- هـل تـؤيـد قيـادة المـرأه السعـوديه للسـيـاره ..؟

طبعا ..بشدة ..

2- حين ترفض مبـدأ القيـاده لمـاذا ؟ وحين توافق مبـدأ القيـادة أيضـا لمـآذ ..؟

لانه حق من حقوق المرأة ....تقليل جلب السواقين ...التكاسي تقل مالت عليهم ...شعور بالحريه المشروووطه طبعا ...يعني تبين غرض تروحين من دون عوار راس ..والا ياسواق تعال ..وممكن يكون مشغول او نايم او ماله خلق او قليل ادب ..بعدين منو قال راح تسافر وتقطع اكثر من 300 كيلو ..ليش امها بمنفووحه ؟؟
وعادي اذا كان طريق الدمام الرياض مايخوف ..وبعدين في امن ..اهم شي ماتمشي بالليل ..ولو مشت راجع لها ..هي اللي حطت نفسها بهالموقف ..ويمكن تكون قدها ..وترى بعض النساء عن 10 رجاجيل ..


3- هل ممـكن إنه يكـون عليهـآ خطـر ..؟ وشنـو الإخطـآر اللي ممـكن تتعـرض لهـآ أي وحـده تسـوق ..؟

لا ماعليها خطر الا من بعض الشباب المتخلف (اسمحولي ع الكلمه )

ولكم تحياتي ..

[Nicolas Cage]

وهل ستقدر المرآة أن تقود تلك المسافات البعيدة وخاصة أن المملكة العربية السعودية كبيرة بمساحتها ..؟ هل مثلاً ( فرضاً ) ستقدر أن تذهب من الشرقية إلى الرياض (500كيلومتر ) لوحدها ..؟

وهل انتي تعتقدين انهم مانعين القياده عشان هالاسباب

لا مانعينها عشان الشريعه الاسلاميه ولازم يكون معاها حرم
اى يعني ما تسوق الا اذا وياها حرم

وشلون تبين البنت تسوق سياره


وانا رايي ما يهم اذا اوافق انها تسوق ولا لا
لان الراي الاول والاخير للامراء السعودين والملك


تسلمين على الموضوع

[كـلـي غـلا]

حــــــلااوه ..!!

النــور نــورج غـاليتــي ..

الله يسـلمج حبيبتـي ..

وأعجبنـي مـآقلتـي ..

بحـيـّث أن القيـاده أحيـانـا تكـون فـوق طـآقتهـآ كـأنثـى ومخلـوق رقيـق ..

صـح لسآنـج صـرآحــه ..!!

منــّوره يا غــلاتــي ..!!

:)

[كـلـي غـلا]

كـويـت ..

أنت تجمـع كـذا ..

بالعكـس في شبـاب منهـم رزيـن .. وفـي شـبـاب أكيـد متهـور ..!!

وتســلم ع ردكـ ورآيـــك أخــــوي ..!!

:)

[كـلـي غـلا]

هـوني روز ..

صـح كـلامـج وانا ذكــرت في الأعلـى أن الممـلكه حيـل كبيـره بمسـآحتهـاا ..
تختلـف عن بـاقي الـدول ..
وكمـا ذكـرتي أن شـوارعها فعـلا تحتـاج لرجـال ..!!

وتسـلمين ع رآيـج يا غنـاتي ..

منــّوره ..!!

[كـلـي غـلا]

عـازف ..

فعـلا كـلامـك منطقـي جـدأ وصحيـح ..!!
حيـّث أن معظـم سكـآنهـا قبليــون .. ومحـافظـون .. ويعيشـون في بيئـة محـآفظـة ..
حيـث لا يسمحـون لأي مـرأه تقـرب لهـم بقـيـادة السيـــاره ..!!

يعطيـك ربـي ألـف عـافيـّه ..

نـّورتنـي بـرايـــك ..!!

:)

[كـلـي غـلا]

دنـــووش ..

شـيء طيـّب فعـلا .. ان بعـض بنـات الممـلكه يـوافقـون على مبـدأ القيـاده ويفضـلونهـاا ..
وهـي عند البعـض حـريـّه ..

تسـلمين ع رايــج ..

يعطيـج ربـي ألف عـآآفيــّه ..!!

[كـلـي غـلا]

نيكـولاس ..

انا تطـرقت للشـريعـه الإسـلاميـّه في الأعلـى ..
وبقصـدي المحـرم .. وأشوه إنك فهمتنــي ..!!

تســلم

[ŋαŋ]

1- هـل تـؤيـد قيـادة المـرأه السعـوديه للسـيـاره ..؟

أنا صراحه أيد وأعارض .. مو لأن بنت سعوديه و لأن بلدي محافظ لا .. فيه أسباب ثانية
منها أن المملكة كبيره و واسعه يعني تخيلي لو ضيعت سوق ولا شي قعدت ماعرف شسوي فما بالك بشوارع كبيرة و واسعه
ومنها الأسباب اللي ذكرها أخوي عازف ..

2- حين ترفض مبـدأ القيـاده لمـاذا ؟ وحين توافق مبـدأ القيـادة أيضـا لمـآذ ..؟

مثل ما ذكرت أنا مؤديه و معارضه والأسباب مثل اللي ذكرتها

3- هل ممـكن إنه يكـون عليهـآ خطـر ..؟ وشنـو الإخطـآر اللي ممـكن تتعـرض لهـآ أي وحـده تسـوق ..؟

أكيد فيه خطر مو بس خطر عندنا أحنا
بس ياما سمعنا عن حوادث صارت بدول خليجيه
يا أنها صدمة و طاحت من الكبري وماتت .. و و و سوالف كثيرة

بأختصار شديد أن مو معارضة سواقة المرأه السعوديه لسيارات
ولا مأيده .. بس بالنسبه لي كبنت مو كسعوديه .. كبنت بس ما رآح أسوق لأن أنا نفسي اذا أبوي ساق أو السايق بسرعة حتى لو خفيفه أخاف
فما بالك اذا أنا سقت أموت وانا بمكاني ما أحب السواقه

وبعدين ليش يسوقون البنات وعندهم أبهاتهم وأخوانهم و سواقينهم يودونهم لو يبون القمر ما بخلو

:p



وحبيت أوضـح على نقطه قالها كويــت
أن " وعيالها مجانين "
صدقني مو كل الشباب مجانين فيه الطالح وفيه الصالح
أللي عندكم عندنا محد أحسن من أحد وأنا أختك :)


تسلمين حبيبتي ع الموضوع

[كـلـي غـلا]

ريــــــووم ..

منطقيـّه فعلا بكـلامـك ..

وانتي صـآدقه اهـلنا ما يبخلـون عليـنـآ حتى لو بالقمـر :p

وصح لسـانك فعلا كل بـلد ومكـان فيه الصـالح والطـالح ..!!

فديتج والله ..!!

منـّوره يا غنـاتي