—(•• زواج الأقارب ( موضوع للنقاش ) ••)—

[نبغي رضاك]

اعجبني هذا الموضوع حبيت اضعه بينكم لتعم الفائده

يقولون بأن الزواج من الأقارب يزيد من قوة ترابط الاسره مع بعضها لبعض .........


فهل أنت تنصح بالزواج من الأقارب؟؟


أم أنت ممن يفضلون الزواج من خارج العائلة تحت شعار ( الأقارب عقارب )؟؟
وابعد اللحم عن اللحم لا يخيس

وما هي إجابيات وسلبيات كلاً منهما؟؟



أتمنى أن لا تبخلوا علي بأرائكم وتجاربكم


دمتم بكل خير

[حلاووووه]

لي عودة للتعليق ,,

[حلاووووه]

فهل أنت تنصح بالزواج من الأقارب؟؟

انصح بالزواج عامه _

أم أنت ممن يفضلون الزواج من خارج العائلة تحت شعار ( الأقارب عقارب )؟؟
وابعد اللحم عن اللحم لا يخيس

لا ,, لان الزواج في النهاية قسمة ونصيب _ واحيانا يصبح البعيد اردئ من القريب

وما هي إجابيات وسلبيات كلاً منهما؟؟

الزواج من قريب له يجابيات كثيرة
تقارب العوائــل وزيادة صله الرحم وتماسك الاهل مع بعض أكثر
كذلك راحة للمراه وحنينيــه اكثر لزوجها
سلبيات كثيره المشاكل بين الزوجه واهل الزوج واحيان بين الزوج أهل زوجته
فا احيان لو نشب خلاف بين العوائل من الممكن ان تكبر وتصبح حالات طلاق بينهم
ويكون المتضرر الاول الزوجين

الزواج من بعيد اعتقد فيه انعزال المراه عن المجتمع الذي تربيت فيه
و اقبالها على بيئع تختلف ربما عن طبيعه حياتها الاجتماعيه

عدم تقبل الناس للزواج ابنهم من فتاه بعيده (سوالف بنات العم )

[كويتي قديم]

شكرا نبغي رضاك

فهل أنت تنصح بالزواج من الأقارب؟؟
والله يوم ان انصح بالزواج انصح بزواج فس سن مبكرة ما تفرق ان كان من الاقارب او غير الاقارب

أم أنت ممن يفضلون الزواج من خارج العائلة تحت شعار ( الأقارب عقارب )؟؟
وابعد اللحم عن اللحم لا يخيس
لالا...
وما هي إجابيات وسلبيات كلاً منهما؟؟
ما اظن ان بينهم فروقات كبيرة فالمسالة بين الزوج والزوج ان كانا متفاهمين ومتحابين نجح الزوج والعكس صحيح سواء كانوا اقارب او غير اقارب او حتى لو كانت بين عوائل وقبائلهم عدوات سابقه.

[عنوسه ^_~ ماتهاب]

فهل أنت تنصح بالزواج من الأقارب؟؟

والله شوف الاقارب شي حلو وحلات الثوب رقعته منه وفيه
وبالعكس انا احب هالشي
ان اخواني وخواتي ياخذون من جماعتنا

بس مب غصب
ان حصل توافق

يعني شي حلو وجميل
اما سالفه الاقار ب عقاب

مدري في مثل يقولون كلا عنده الي يكفيه او شي جذي

يعني

كل مكان في الزين والشين
وكل القارب فيهم الحلو والردي
بس وقت المصايب لا سمح الله والمشاكل
الانسان ماله الا اهله مهما كان رداهم
يظلون اهله





وما هي إجابيات وسلبيات كلاً منهما؟؟

الاجابيه الاوله ان يظلون مع بعض
ووخيرهم وشرهم لبعض
والسلبيه خوفك من الهواش وعدم الاتفاق وان حصل طلاق لا سمح الله او شي
مو 2 يخسرون بعض الا كل العايلين ما يحاجون بعض
وهذا الغلط
والف شكر لك

[دنووش]

السلام عليكم ..

انا من وجهه نظري ضد زواج الاقارب ..يعني لو بفكر يوم من الايام اتزوج ..ماتمنى يكون احد يقرب لنا ..
لان مشاكله اكثر من ايجابياته ..وكثير من العوائل يفترقون بسبب هالشي ..او اخت واختها ..يعني اتزوج من برا افضل ..
ايجابيات الزواج من برا انو يكون فيه تعارف بين العوائل ..وانفتاح ع المجتمعات ..يعني ماتكون الدائره ضيقه الاهل والاخوان وبس ..لا احتكاك باكثر من عائله ..

بالعكس اشوف الفوائد اكبر مما يكون زواج اقارب ..

هذي وجهه نظري وياليت تتقبلونها بصدر رحب

اختكم :دنووش

[HoNeY RoSe]

فهل أنت تنصح بالزواج من الأقارب؟؟
كل شي قسمة ونصيب
يعني اذا كان فيه نصيب من اهل وتوافق الله بيسر مافي بس بيتوقف كل شي
ونفس الشي بره الاهل ..
بس اسمع يدتي اتقول الاهل احن من الي بره ^_^
بس انا اشوف العكس :)

وما هي إجابيات وسلبيات كلاً منهما؟؟
والله ما ادري ..
احس الاثنين يحملون نفس الايجابيات ونفس اللبيات

لانه مايعتمد على شنو كان الزواج
يعتمد غلى الزوجين :)


..

مشكوره خيتوو يعطيج الله العافيه

[فيلق]

موضوع حلو وتساؤلات جميله ...

وبما ان هذا هو اول موضوع ارد عليه في المنتدى واول ماركه فانا اتشرف وان شاء الله تتقبلوني ردي بصدر رحب

اما عن الموضوع فزواج الاقارب او الزواج من غير الاقارب فهو قسمه ونصيب اولا وثانيا لا فرق بينهما بوجهة نظري

لكن هناك فرق من الناحيه الطبيه في تكون الجينات ...

فكثيرا من الزيجات التي تتم بين الاقارب يكون نتاج الاولاد غير صحي فالغالب يظهر عليهم مرض المغوليه ..

هذا ان لم نحصي الامراض الاخرى

هذا في راي الطب

ام في رايي انا فا لا فرق بينهما :)

فيلق

[العميل السري07]

سلاااااااام عليكم ورحمه الله وبركاته
تحيه طيبه وبعد..
موضوع حلو وجميل
وارجو ان تتقبلوا وجهت نظري
>>الرجال حيل متعصب للعايله :)
....
فهل أنت تنصح بالزواج من الأقارب؟؟
اولا الزواج قسمه ونصيب صحيح
ثانيا انا من انصار زواج الاقارب
بتقولون ليش اوكي اقولكم ليش :)
لان اول شي تقوي اواصر العلاقه بين العايله
ثانيا فيه مثل يقول (( وجه تعرفه ولا وجه تنكره)) يعني بنت عمي واعرفها وتعرفني
فمافيه شي يعني رايح يكون سر او عيب ومخشوش او من هذا القبيل يعني اذا وافقت عليك راح تكون موافقه من قناعه وعارفه كل مادونك وراك
ويعني لو حدته الدنيا الرجال راح تصبر بنت عمه لو صابه مرض او شي ولد عمها ولا هي متخليه عنه وفوق هذا زوجها او مثلا طلع عقيم !!! مستحيل تطلب الطلاق منه واهي ماخذته واهي عارفه كل شي عنه واهي ماوافقت عليه الا لانها اكيد تبيهفماراح تفرط فيه
اما البعيد
فاسمحولي البنت قد تاخذه على جماله او على نسبه او على منصبه او من هذا القبيل وراح تكون تجهل عنه كثير واهو نفس الشي راح يكون يجهل عنها الكثير فلو وجد الرجال مثلا المرءه عاقر على طول من دون تردد راح يتزوج ثانيه هذا ان ما طلقها وهم البنت لو اكتشفت ان زوجها عقيم هم اهي راح تتضايق ولو صبرت عليه فتره ماراح تصبر عليه الدهر كله لانها اكيد تبي حالها حال غيرها تبي يكون لها اولاد ومن هذا القبيل

فوجهت نظري ان زواج الاقارب اقوى من زواج من بعيد لان زواج الاقارب يتحملون بعضهم بعض اكثر
هذا اذا كان الزواج قائم على اسس صحيحه يعني ما تكون البنت مجبوره على الولد او الولد مجبور على البنت



اسمحولي ما مشيت على الاسئله اجبت اجابه كامله مره واحده

ومشكورين على الموضوع الجميل

اخوكم/ العميل