-|[ أنت مع أو ضد ]|-

[شوفو شموخي]

انا مع وبقوه قالو المراه نصف المجتمع انا اقول هي اساس المجتمع


نفسه

[ŋαŋ]

مع لأن ماهو حرام ولا عيب البنت تروح تدرس بره
وتشوف حياتها
ويكون أفضل لو معها محرم بعد :)

أنت مع ولا ضد .. وجود أكثر من خدامة وحدة بالبيت ..؟!

[شوفو شموخي]

مع اذا كانت الحاجه تدعو لذلك بشرط القدره الماديه


نفسه

[nawal]

ضد وجود الخدم في المنازل نهائياا

وعلى المرأه ان تخدم زوجها وابنائها بنفسهاااا




سؤالي::: انت ضد او مع غلاء الاسعار ؟

[شوفو شموخي]

اكيد ضد لانه الوضع زاد عن حده والتلاعب عيني عينك برميل النفط وصل 100 دولار واحنا نعاني من غلاء المعيشه

الله يرحم ايام الطفره!!!


نفسه

[HoNeY RoSe]

ضد

احس الزيادات الي اعطوهم الناس .. طلعوها من عيونا لووول

انت مع او ضد
الزواج من خارج بلادكم
؟؟

[شوفو شموخي]

انا ضد لانه حلاة الثوب رقعته منه وفيه الا اذا كان من الخليج احس العادات ماتفرق كثير


نفسه

[HoNeY RoSe]

اي انا مثلج اذا من الخليج اوكي عشان عادتنا ماتختلف ..

انت مع او ضد
القنوات الفضائية الي طالعه هالايام مشعوذين ؟؟

[شوفو شموخي]

اكيد ضد وعلى حد علمي انه بجهود مشايخنا الافاضل تم اغلاق هذه القنوات!!!!



نفسه

[دنووش]

اكيييييييييييييد ضد ..

لانه شي حرام اولا : مجاهره بالمعصيه
ثانيا:فيه اطفال ممكن يتأثرون بمثل هالامور .

وصراحه ..تخووف ..

طيب شرايكم بوجود او انتو مع او ضد ظهور قنوات زي الساحه وغيرها ..اللي غالبا ماتهتم بامور القبائل ؟؟؟

[طموحة مملوحة]

ممممم مع بس كثرتها شوي تسوي ملاقة وكل قناة بتعرض عمل قبيلة معينة ... وتهمل البقية :)


مع أو ضد

أن تكون المرأة مأذون شرعي؟؟ :p لا تزفوني بس قريت فتوى ضحكتني :)

[شوفو شموخي]

ايه ليه لأ ماظن فيها مانع شرعي!!!


نفسه

[nawal]

المرآه لاتصلح ولذلك عدة اساب اهمها انها عاطفيه جدا ولاتستخدم عقلها الا نادراا



انت ضد او مع مشاركة زوجك _ اخوك _ ابنك معك بالنت ؟

[دنووش]

ايه ليش لا ..وين المشكله ..لان فيه اشياء بالنت تهم الزوج والاخ والابن ..

بالنسبة للمرأه انها تكون مأذون انا ماشوف فيها مانع شرعي ..وانا استغرب نظرة المرأة للمرأة نفسها ..ليش دايما مستقله بنفسها ..وتعتبر نفسها عاطفية..اوكي هي عاطفية ..وعمر العاطفة ماكانت مانع او عيب ..
واذا كانت عاطفيه ..ترى بمقدرتها تكون العكس 100% وتقدر تكون مأذون ..غير كذا وش دخل العاطفه بأمور الأذون ..اللي عمله دايم يكون من اجل عقد قران ..

المرأه نصف المجتع ..وكفايه تهميش يامعشر النساء ..

انا مراح احط سؤال ..ابي اللي بعدي يعلق ع كلامي ..وهل هو معاه او ضده ..
بشكل اخر ..اشوف هجوم على المرأه من المرأه عطونا اراءكم .

[طموحة مملوحة]

صح الحياة العاطفية مالها دخل بسوالف المأذون الشرعي ..... مادري أنا أشوف ان الموضوع يضحك يعني شمعنى توهم يقولون ؟؟؟ وزينهم من زمان عن هالأمور ؟.؟؟؟



ومشاركة الرجل لزوجته النت ..... عادي شفيها ... اذا واثقة من نفسها تعطيه الباس وورد مال ايميلها بعد :)

على حسب يعني ...



مع أو ضد .... البيروقراطية ؟؟؟