تخيلي خطيبج يدزلج هالمسج

[Aroma]

وإنتي بالليل الساعه 3 الفير قام تفكرين فيه يعني بخطيبج..




فارس احلامج


يوصلجِ مسج منه


وكاتب فيه







7777



777


77


7




مريومتي اسمحيلي ما أقدر أكلمج الحين لأني تعبان وأبي أنام





أكلمج باجر تصبحين على خير


وإنتي لا مريوم ولا أي حرف من الأســم يخصج ..!!





شنو راح يكون موقفج بصراحه ؟؟




.......



او إذا صار العكس




يوصلك مسج من خطيبتك بليل وكاتبه




حموودي ماقدر اكلمك الحين .. بنام وانشالله باجر ادق عليك




وانت لا اسمك محمد ولا شي !!




شنو بتكون ردة فعلكم

[عبث]

اقوم بإرسال ردٍ لها عن طريق الرسائل ..

قائلاً بها ..

حبيبتي ومهجت حياتي ..

انني في انتظار اتصالكِ في الصباح الباكر ..

كم وعدتني .. بل لن انام حتى اسمع صوتكِ

الشجي .. مع قبلاتي لكِ ..

حبيبكِ محمد ...







ع ــــبث .,.,.,

[حلاووووه]

يتم حفظ الرساله

واثناء مواجهته قومي بقرائتها عليه ....... وطلب توضيح ...... وانتهى

((تعدد الاسماء يعني تعدد الاشخاص))........ انتبهي ايتها الفتاة

[Aroma]

شكرا على ردووودكم وان شاء الله محد تحوشه هالمصيبه :)



تحياااتي.....Aroma

[MiSs-GuCci]

.+aroma +.


إلا كارثهـ مو بس مصيبه !

أتوقــع راح يـوصل عدادي مليونـ . .

غــيرتـي جنونيــه . . .

وأكيد راح اقول حقـ أهلــي

والي يشوفونهـ بسويهـ

يـعطيكـ العافيهـ !

[عنوسه ^_~ ماتهاب]

اول شي انا ما اكلم خطيبي تلفون بكلم زوجي بس لوووولي لان يمكن ما يصير نصيب
ثانيا بقول لك اوكي يا خالد او يا ناصر اسم غير اسمه لوووولي
عشان يحس بنفس احساسي :>

وبس


بس الصراحه افك الخطوبه لانه انسان هذا اوله ينعاف تاليه

[لنا عمر ٍ بلياك]

انا أقول بعد ما اكلم خطيبتي تيلفون ..


هذا اولا ً وان حدث هذا بتكون صدمه .. والي شبكنا يخلصنا .. اشكرج اروما

[لنا عمر ٍ بلياك]

بصراحه مثل ما قالت عنوسة ..


ما أعتقد اني بكلم خطيبتي ... وان حدث هذا فراح يكون خيره .. والي شبكنا يخلصنا ..


ويعطيج العافية اروما ..

[عزتي في شموخي]

باختصــــار

أكــــتب طبق رسالــــته... وابدل...أسمــــــه...

واذا واجهنــــي و عصب وعــــاتب...

اوريه المسج اللي دزه... أقوله حبيت تغيــــر اسمي او تدلعنــــي

هذا طيـــب منك ... وانا بعـــد لازم أرد الجميـــــل...

أقلهــــا أحرجــــه أمـــا مسألــــة الانفصــــال...

فهـــي أصغـــر من المســـج نفســه... ولكــل انسان سوابـــق...

وخـــاصه الشاب كونـــه شاب...

وجهة نظر...واحترامي لباقي وجهات النظر...

لكِ شكري عزيزتي وتقبلي أجل التحايا
موضوع مميــــــــــ.ز..وبإمكانه الحدوث

[شــمــآلــي]

أدزلها رساله أقولها يا خبله (( عميتي على نفسج )) ...

ههههههههههههههههههههههههه بس والله ساعتها يمكن أقتلها << شفيه المجرم

[ع ـناديهـ]

يمكن حزتها مو زين احد يكلمني بس برد علي وبقوله

حبيبي مضيع هذا مو رقم مريووم تبي رقمها الحين ادزه لك ..

وبيباااي يا حبيب مريوووم

وع قولت خواني الي شبكنا يخلصنا : ))

بس طبعا احنا ماعندنا خطبه عندنا ملجه ...

[قـمـر]

اسوي اعادة ارسال للمسج

واحط علامة !!!!!!!!!!!!!!!!!!!!!!!!!!!!!!!!!


واخواني يتفاهمون معاه مو انا


لان المواضيع هذي ما يبيلها روح وتعال



يعطيك العافيه عالسؤال



اختك

قمرررررررررر

[العميل السري07]

اشفيكم هدي هدي
انتوا شبيتوا بالدنيا حرقتوا السالفه كلها
يمكن يتغشمر الرجال او يبي يشوف غيره خطيبته عليه
وهل هي تحبه ولا لا
.
.شفيكم اللي يبي يذبح واللي مايبي احد يكلمه ترا المسئله بسيطه
بعد ليله الدخله امسك زوجتك وقولها ماما خلاص الماضي ومافيه
ننساه من زين وشين ونبدا صفحه جديده ورقم تلفونها اغيره
واعطيها رقم جديد علشان الماضي ينفصل عن الحاضر والمستقبل الا اذا اهي اصرت على استمرار الماضي فعاد هذي وقتها (( تحتاج لعبتك انت يا الريال))
..
..
واللي يقول باخلي اخواني ومادري شنو واللي شربك يفك ومادري شنو
ليه كذا ليه كل هذا ترا السالفه سهله
ما تحتاج كل هذا العنا والغضب
.
.
فاتح صاحبك بالموضوع وشوف ان كان صحيح مخطئ وراعي سوالف عاد وقتها خيره يا انت يا سوالفه القديمه
.
.وخل الزمن يثبت لك الباجي اهو اكيد بختارك ولكن لازم من متابعه واثبات
.
.
والختام يا اخوان ويا خوات اللي باله كبير ويمكن يتحمل غلاسه هسوالف قبل الزواج وهو متاكد ان صاحبه راح يتعدل فلا يهده
واما ان كان على يقين ان صاحبه ماراح يتعدل واهو ضيق صدره لا والله لا يقرب
السعه لا بارك الله في الضيق.
.
.
والختاااااااااااام
التمسوا لاخوانكم العذر
ولا تحكم وتفسر على كيفك واجهه وخله يعطيك تفسيره
.
.
والسلام ختام كان معكم جبل الجليد العميل السري07 :p

[DeMoCRa6y]

أكيــد .. لازم أسمع .. العذر ..
وأعطيها الفرصه الكـامله .. يمكن تقدر تبرر ..
ولو إني ما أتوقع ..

وبعدهـا .. بتكون صفحة في حياتي .. وإنتهت
وأعيش صفحـة جديدة ..

[Na3ooma]

الأخ عبث وصل الكلام الي كنت حابه اوصله ..

نفس ما قال ..

يعني اقووله اني ناطره اتصالك و بالأخير احط الأسم الي مضيع فيه !!
بس

و احطله ويه يغمز .. عشان يفهم و التصرف الباجي عاد كله بيكون واضح ..


و يا اخوي العميل تقوول انه يتغشمر و يمكن يمزح !! وكت غشمرة و مزاح هالحزة و بفترة الخطوبة !! والله ما اعتقد !!


و مشكوورين :)