عيـآلنـآ تعقـــدو والـسـبب الشيـبـان ..!!

[كـلـي غـلا]

السـلام عليـكم ورحمـة الله ..

أقرا المـوضوع عـدل والقـصص إللي فيه وجـآوبني على الأسئـله .. ونـآقشنـي ..!! ولا راح تنـدم ..!!

بعصـر التطـور ..

ألا تلآحظـون ان بعض وليس كلـهـآ .. بعض العـآدات والتقـآليد زادت فوق طـآقة الإنســـان ..؟!!

موضـوعي مو عن العـآدات والتقـآليد .. لكن العـآدآت سـآهمت في بعـض من العقـد في عيـآلنـآ ..

بقـولكم قصـه .. حدثت لإحـدى زميـلاتي .. وأيضـا حـدثت مـرتين في عـآئلتنا السنـه اللي طــآفت .. :")

وحده من الصـآحبـآت .. تقـولي ..
ذاك اليوم مريـت صوب غـرفة امي .. وسمعـت أخوي الكبيـر يصـآرخ ..
تقول أنا تسمـرت في مكـآني وقعدت أسمع أطراف الحـديث ..!!
واللي دار بين الأم وولـدها ..
الأم : لا مـآتاخذها .. مستحيـل ..
الولد : يمكن تكفيـــن والله إني أحبهــاا .. وانا عارف البنت عــدل ..
وظلـت الأيـام تمشـي .
وسألت أمهـــاا ..
قـالت لها أخوي شفيه ذاك اليوم يصـآرخ وشوي ويبكــي ..
قالت الأم .. أخوج يا بنيتي يحـب وحـده .. ويبي يتـزوجهـآ ..
ظهرت الصـدمه على وجه البنت .. اللي حاطه في بـآلها ان اخوها مو راعي هالسـوالف ..
وهي تسـرد لي القصـه .. قـآطعتها انا وقلت لها اصلا مبين أنه مو راعي سـوالف والدليـل يبي يتزوجها وحبه صـآدق ..
قالت بس يـآ " ... " اللي هي أنا ^_^ .. حنـآ فالكـويت تدرين يعني شنـو .. وحنـآ عيـآل فلان الفـلآني .. أبوي لو يدري
أن اخـوي يحب وحـده وكذا ويبي يتزوجها .. ماتدرين شراح يسوي بيقلـب البيت فوق تحــت ..!!
قلت أجل يالليـل مطـوّلك ..
عـاد تصـدقون هالسـآلفه صـآرلها مـدة كبيـرة ..
ليـه أقول بعنـوآني إن الشيبـآن عقـدو العيـآل ..
الحيـن الـولد أضـرب عن الـزواج .. يقـول غيرهـآ مـآ آخذ ..!!

وتكررت السـآلفه ..
قبـل سنتين وآحد من الجمـآآعه نفس القصـه .. يدرس بـرآ وحب لـه وحـده .. ويوم رجع الكـويت .. قالت لـه أمه ها تبي أدور لك .. قال لا يمه ريحي نفســك .. انا أخترتها .. والأم قعدت تحلــف على ولدها .. ولحد الحين الولد ما تــزوج ..؟!

وتكررت وتكررت ..!!

ماتشـوف يا جمـآعه ان ظلـم اذا الولـد حـب من قلبـه .. وعرف اللي يحبـه وعرف أخـلاقه ..
ويجون الأم والأب اللي متـأثرين بالعادات والتقـآليد .. ومتـأثرين بكـلام النـاس .. يخربون كل هالمسـأله ..؟!!

لا ومـآ يضحكنــي إلا اللي يتـزوج على راي أبوه .. طيب انت اللي بتتزوج ولا أبوك .. انا من خلال هذا الموضوع
لا ادعو النـآس للتمرد على الوالدين .. لكن طاعتهم واجبه بحـدود .. تصـوّروا .. يزوجون الولـد بنت ما يشوفهـآ
الا ليلـة العـــرس ..!!؟

طيب رسـولنا صلى الله عليه وسـلم .. حـلل ان الـرجال لا جـى يتزوج لازم انه يشوف البنـت ..؟!!

ياما حـريم تزوجو ماشافو ريـآجيلهم وتوفقو ..
ويـآما رياجيل ماشافو الحريم .. وطلقوهم من أول ليـله ..؟!!

المـوضوع يشمـل جـآنبين ..؟؟

1- هل تـؤيد ان الـولد يحب البنت ويعرف أخلاقها ويـآخذها ؟؟

2- هل تـؤيد ان الأب والأم يرفضون هذا الزواج ولماذا ؟؟

3- هل يهمـك كلام النـآس ؟؟ ولا تسوي اللي مقتنع فيـه ..

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")

5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟

6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!

..

وأرحب بنقــآآشكم ..

<< تعبت :p

تمت بقـــلم : الآنسـه ذووق ..!!

مـلاحظـه : إعذروني أذا فيه أي كلمه راحت مني ولا منـآآك .. لاني تعـآطفت مع المـوضوع حيـل .. بعد مـآ مرت أكثر من تجربـه على مسـآمعي ..

أطيب التحـآيـآ ..

:")

[HoNeY RoSe]

تدرييييين

انا ما ايد هالشي الي يفرضونه الاهل على اعيالهم

يعني الولد اهو الي بيتزوج .. اهو الي بيعيش مع البنت .. مفروض يختار البنت الي يرتاح معاها ..
واكيد اهل ادرى بمصلحة عيالهم
بس مو بزواج لانه مو اهم الي بيعاشرونها ..


مشكوره حبوبه ع الموضوع
..

[كـلـي غـلا]

هــووني ..

يا قلبي والله ..

رايــج أثـلج صــدري ..

تسـلمين ..

نورتي ^_^

:")

[HITLER]

السلام عليكم

يعطيج العافيه اختي

اما بخصوص الي اتقولينه

انا ما اعترض على اختيار الاب او الام زوجة المستقبل لابنها بشرط موافقة الابن على رؤيتها

وانا اكييد معاج بأن اصرار الاب او الام على بنت معينه وحب الابن لبنت اخره ويبيها والابو او الام امعين وبالاخير الابن

ينحاش من شي اسمه زواج . وفي اسباب وايد اتنحش الواحد من الزواج اسأليني :p

وصراحه صراحه بعض المرات عدم موافقة الاب او الام تزويج ابنهم من من تحب شي زين

ادري بتقولين لي ليش .. ؟ صح :d صايدها

انا اقولج ليش . للاسف بالوقت الحالي وللاسف مره اخره وايد من الشباب خرفان بمعنه الكلمه

يعني تلقيه يحب وحده رايحه فيها .. ومثل هذه الامور وصارت وايد وقرينه عنها وايد بالجرايد وايد

وبعد الزواج ياكل ذيج القرصه المحترمه . انزين يالخروف على طول اموت فيها احبها . خره فيك انت وحبك اذا هذا حب

واستغرب من واحد شغال رضاع كل يوم مع وحده وحبني واحبك وشنو لابسه حبيبتي وما ادري شنو

وكلام الحب لساعه 5 الفير . ويبي يتزوجها .. صج صج خروف ملعون خير .. روح صل احسن لك

وهذول اكثر شي تلقين ابوه عارف انه ولج هذا امسبه فلتلقينه يدور له مره اتخليه ريال لوول

اما واحد شاف وحده مثلاً بنت الجيران بالغلط شافها من بعيد .. واول ما شافها ارتاح لها قلبه

شافها محترمه مستوره مو يعني امحجبه وامطلع الخصر كله مثل ملعونات الخير الي عنده بالمعهد

تلقينها تلبس لبس علبة فازلين كامله ما اتوفي عشان تلبسه واحجاب .. ليش الاحجاب ..؟ ما يندره

نرجع لموضوع حديثنا مثل ما كنت اقول شافها وعجبته ودشت قلبه .. وقال ابيها ما اعتقد انه في هذا الشي غلط

وما اعتقد انه من حق الابو او الام يمنعونه اذا كانو يدرون انه البنت بنت محترم من اهل محترمين يعرفون يربون


1- هل تـؤيد ان الـولد يحب البنت ويعرف أخلاقها ويـآخذها ؟؟

اشلون يعني بحبها .. قصدج يرقمها .. الي اتخون مره اتخون الف مره .. ارجو انج اتوضيحين السؤال اكثر عشان افهمه واجاوبج عليه :d


2- هل تـؤيد ان الأب والأم يرفضون هذا الزواج ولماذا ؟؟

لا ما اأييد هذا الشي اذا كانت البنت متربيه

3- هل يهمـك كلام النـآس ؟؟ ولا تسوي اللي مقتنع فيـه ..

الي يلحق كلام الناس ما ييعيش

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")

يعني عجبت ابوي وقال ابيها لك .. بعد بليلة الدخله خل يدش بدالي خوش حجي وين صارت

اذا قالي مثلاً ودي ازوجك من بنت صاحبي اقوله مو مشكله اشوفها اذا عجبتني اخذها ويمكن اهي بعد ما تنعجب

مني . مع اني متأكد اني راح اينن قلبها لوول:p


5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟

واجبه وشي ضروري .. ومالها حدود .. واذا اصرت امي اني اخذ وحده وانا ما ابيها وعايفها اقل شي اعلن حالة

الاعزوبيه .. :p وانطر لان يحن قلبها واتخليني اخذ الي تعجبني :)

6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!

ما اشوفها إلأا ليلة العرس .. مع انها بعض المرات اتصيب وتطلع شي .. بس ما ائيد هذا الشي

واعتقد انه من حقه ومن حقها انه يشوفون بعض وقت الخطوبه بحضو اهل الطرفين


سلاااام

[كـلـي غـلا]

هلا وغــلا أخوي هتلــر ..

بالنسبه للسـؤال الأول ..

انت تقول إللي يخون مره يخون ألف مره ..

انت تجمـع ان كل وحده تكلم واحد تكون خـآنته ومن هالكـلام .. في بعضهم .. على نياتهم ..

وعلى نياتهم يرزقون ..

وبالنسبه للطريقه ترقيم << أمحق معرفه .. ^_^ ..

أقصـد يعني تعرف عليها بـأي مكـآآن .. :")

يعني أي وسيـله :")

وربي تستر علينـآ وعلى بنات المسـلمين أجمعين

[HITLER]

السلام عليكم

انت تقول إللي يخون مره يخون ألف مره ..

انت تجمـع ان كل وحده تكلم واحد تكون خـآنته ومن هالكـلام .. في بعضهم .. على نياتهم ..

اختي الخيانه معرفوه ما يحتاي نشرح وانقص على نفسنه لو شنو اتكون الطريقه

اي علاقه غير شرعيه اسمها خيانه والي يخون مره يخون الف مره

وانا ما اقصد انها خانته لا خانت اهلها وخانت ثقة اخوانها فيها وخانت ثقة ابوها قبل ما اتخونه اهوه

اما تعرف عليها هذه شحرناها بدال المره 100 ما اذكر جم موضوع بهذا المنتدي قلت هذه الكلمه وعدتها

بس متأكد وايد والي اهي روحو طق الباب .. ما صارت باب اذا ما يعرف يطقه ايبله مطرقة بناي عشان يطقه عدل لوول
ودمتي بود يا اختي العزيزه

سلااام

[كـلـي غـلا]

لــــوووول ..

لاهنت على ردك ورايـــــــك ..

منــّور يا خــووي

:")

[حلاووووه]

كل الذوق


رجلاً بــلا قرار

كــ
السفينـه بلا قبطان

[Aroma]

شكرا لج كل الذوق على الموضوع :)
بس اعتقد انج طبيتي بالاهل وااايد وخليتي الشباب عى كيفهم
انا ما أييد انه الام والابو يتدخلون بزواج الولد الا تاخذ هذي ومادري شنو بس افضل انه يكون خطبة اهل يعني يروح بيت بيت يشوف الي تناسبه وهذا بالشرع ومو عيب ومثل ماقال في شباب يحب لي بنت اي كلام وخلاص يبي يتزوجها ؟
والي يدرس برة يحبلي غريبه ولا اجبنيه مايعرفون عنها الشي ترى الام والابوو عشاوا وشافوا من الدنيا ماشافوا يعني اهمه ادرى بالي يسوونه....
والي مايبي يتزوج خل يقعد مرده بيتزوج صدقيني :)
شكرا لج اختي عالموضوع وتقبلي مروري

[كويتي قديم]

1- هل تـؤيد ان الـولد يحب البنت ويعرف أخلاقها ويـآخذها ؟؟
موافق

2- هل تـؤيد ان الأب والأم يرفضون هذا الزواج ولماذا ؟؟
القرار الاول والاخير بيد الولد ثم البنت...هذا ما رضاه لنا الشرع
3- هل يهمـك كلام النـآس ؟؟ ولا تسوي اللي مقتنع فيـه ..
لست اقول ان كلام الناس غير مهم..ولكن افعل ما انا مقتنع به والناس كلامهم يذهب هباء وهدر كما هو مرواحد جدي "فهيد"

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")
اخذ بنظرة الوالد..ولكن لا يعني ان تكون نظرته كلام الاهي يجب ان يطبق ولا يعني ان نظرتة صحيحة 100%
5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟
اكيد...فصحابة الاولون السابقون خير مثال على هذا ...
6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!
الراي للشرع ...!!

يسلم قلم الذوق

[ŋαŋ]

1- هل تـؤيد ان الـولد يحب البنت ويعرف أخلاقها ويـآخذها ؟؟
موافق

2- هل تـؤيد ان الأب والأم يرفضون هذا الزواج ولماذا ؟؟
القرار الاول والاخير بيد الولد ثم البنت...هذا ما رضاه لنا الشرع
3- هل يهمـك كلام النـآس ؟؟ ولا تسوي اللي مقتنع فيـه ..
لست اقول ان كلام الناس غير مهم..ولكن افعل ما انا مقتنع به والناس كلامهم يذهب هباء وهدر كما هو مرواحد جدي "فهيد"

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")
اخذ بنظرة الوالد..ولكن لا يعني ان تكون نظرته كلام الاهي يجب ان يطبق ولا يعني ان نظرتة صحيحة 100%
5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟
اكيد...فصحابة الاولون السابقون خير مثال على هذا ...
6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!
الراي للشرع ...!!

يسلم قلم الذوق

رأي من رأي أخـووي كويتي
ولا أزيـد عليه شي

تسلمين ذووق
الله يعطيك العافيه

[عنوسه ^_~ ماتهاب]

ارحب فيج بموضوعج

صادق وواقعي جدا



- هل تـؤيد ان الـولد يحب البنت ويعرف أخلاقها ويـآخذها ؟؟

اكيد دامه ما يلعب ونيته حسنه اوكي ماكو مانع



2- هل تـؤيد ان الأب والأم يرفضون هذا الزواج ولماذا ؟؟


ممكن بشرط يكون في سبب مقنع

والي يتزوج دون رضا امه وابوه مستحيل يتوفق


3- هل يهمـك كلام النـآس ؟؟ ولا تسوي اللي مقتنع فيـه ..


اخر همي
كلام العالم دامني صح ما اهتم لاحد



4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")


مو شغلي سؤال صبياني :$

5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟


ما ادري والله بس عمري ما رفضت لامي وابوي طلب نهائي
حتي علي حساب نفسي


6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!




وحبيت اشكرج ع الموضوع

واقول لج لو الابو والاهم هم شوي سهلو الامر وخلو الولد او بنتهم ياخذ الي يبيه جان زين
ع الاقل

هذا اجمل هديه منهم للعيالهم

[العميل السري07]

سلام عليكم ورحمه الله وبركاته
تحيه طيبه وبعد...
كل الذوق انتي لحقتي تكتبين موضوع وانتي على كرسي الاعتراف لووووولز
اولا اشكرك على الموضوع الرائع اللي فيه انحيازيه واضحه
.
.
.
احب ان ابدا في الموضوع واقوووووول (احذر من ان تكون حاملا للخرج وبالخرج حيه)
يا اخواني ويا اخواتي ولست من يقول اخواتي اخواني :)
الحياه الزوجيه مهم ان تقوم على اسس صحيحه
فالرجل عندما يريد الزواجد يجب عليه ان يتبع ما قاله الرسول صلى الله عليه وسلم
(تنكح المرءه ..لمالها ولجمالها ونسبها ولدينها فاظفر بذات الدين تربت يداك)
فالاسلام والشرع امرك باختيار ذات الدين لانها اصلح لزواج.
.
اما قولكم بان الولد يجب ان يتزوج من يحب ومن تهواها نفسه
فاقول لكم نعم انا اايد الرجل ان يتزوج من يحب ولكن الحب العذري وليس الحب(الزلْوَطي) اللي فيه هيصه وانحلال اخلاقي
.
.البنت على نياتها يمكن تعرف عليها في اي مكان ومادري شنو (( وعلى نياتكم ترزقون)) يا سلام سلم يا حظره المعلم لو السالفه كذا كان قلت لكم واعلنتها جهارا نهارا ان لاحب بعد اليوم
ياماما وش ذا الحكي على نياتها استر عليها من نيات
وش النيات هل هي نيات سليمه ام نيات خبيثه ادري انها على نياتها ولكن اي نيه بتقولين نيه صافيه ومادري ويش تعرفت عليه من اجل يكون اخ لها او يكون زوج المستقبل ومن هسوالف البطاليه اقولك
النيه عفنه لاي بنت تعرفت على شاب ما تعرفه ومن ورا اهلها
لو قلتلها دامك على نياتك
((قولي لابوك يا بابا ترا انا تعرفت على واحد وتراني على نيالتي ))
هل تقدر تقول ولا راح تكتم الامر وتستر عليه فاين راحت النيات ومادري ويش؟؟؟؟
فقات لكم مليون مره والف مره قلتها لاحب حقيقي جاء عن تعارف في الشارع او مكان عام وكان فيه سريه على الاهل
حب جا بعد ترقيم كذب حب جا بعد مغازل كذب حب جا بعد مكالمات وسهرات على التلفون كذب حب صديق في العمل او في الدراسه اقول كذب
اصحوا يا عالم ويش ذا الانحلال الاخلاقي اللي دش علينا باسم الناس على نياتها وعلى نياتها يرزقون!!!!!!!!!!!!!!!!
.
.
واما الشاب اللي يبي يتزوج وحده لانه حبها ... اقوله حبيبي عط بريك ولا اقول عط سايد بريك وزيد عليها عط بارك وسفط على يمين
.
همسه اهمسها في اذنك يا اللي تحب ... البنت وين عرفتها ؟؟ كيف تعرفت عليها ؟؟ هل اهلها يدرون فيك ؟؟ ولا الدنيا كلها سر وخشاشه ؟؟
.
ان اجابني اني شفتها في مكان واعجبتني بحشمتها وحبيتها دون ان يتعرض لها فانا اقول بارك الله فيك وحب كما تشاء وتدل الباب ورح والله يوفقك.
اما ان قال والله عرفتها في السوق ولا في الدراسه ولا في العمل ولا قاط عليها الرقم ولامن هسوالف البطاليه وانها تكلمه من ورى اهلها فاقول كما قال اخوي (( هتلر)) من خانت مره تبي تخون الف مره (( وهذي مقولتي لكم ((من خانت اهلها رضى فيك تاكد انها سوف تخونك رضى بغيرك)) .
.
والله يمهل ولا يهمل- واعرف انك كما تدين تدان
.
.
بنت غشت اهلها وخانتم الف بالميه راح تغشك وتخونك تقول احبها وتحبني وتموت فيني اقولك يا بابا هذي نزوه شيطانيه الحين تحبك ولما توصلك وتعتاد عليك خلاص راح تمل منك وراح تدور لغيرك وتجدد لان النفس ميوله لتجديد.
.
.
منت سشامع كلامي اقولك خشمك معك والدرب قدامك ورح والليالي راح تثبت لك
.
.
.............................
- هل تـؤيد ان الـولد يحب البنت ويعرف أخلاقها ويـآخذها ؟؟
اي انا معك احب البنت واعرف اخلاقها ولكن دون ان اقترب منها ودون ان يكون بيني وبينها اي علاقه

2- هل تـؤيد ان الأب والأم يرفضون هذا الزواج ولماذا ؟؟
شوفي اذا زواج ان الولد حبها وحبه له عذري لا ما اايد ولكن ان كان حبه لها اهو خروف واهي امممممم فانا اول مايد واايدهم بقوه .. وانا اايد انهم يرفضون زواجه ان كان متعرف عليها في الخارج او في الداخل بصوره غير شرعيه وله علاقه مسبقه معها.

3- هل يهمـك كلام النـآس ؟؟ ولا تسوي اللي مقتنع فيـه ..
كلام الناس ماهو يهمني ولكن لايمكن تجاهله لانك فرد من مجتمع
فلو ان المجتمع نظر اليك نظره سيئه وقالوا عنك كلام سيئ فانت سوف تكون انسان منبوذ .. فانا لا اهتم لكلام المجتمع واعمل ما اريد ولكن لا اهمل كلام المجتمع لانني فرد منه.

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")
اي انا اايد واعارض في نفس الوقت اايد ان كان الاب مختار له وحده يعرفها الاب ويعرف اخلاقها ويعرف اصلها وطيبها وزينها فهني اايد واعارض اذا كان في السالفه مصالح يعني تزوج بنت فلان لانه شريكي في العمل او لانه صديقي او من هذي السوالف.
وين رايي انا اقولك وين رايي رايي من راي ابوي طال عمرج وانا خريج مدرسه ابوي
وابوي ماهو رايح يزوجني وحده حولا ولا عرجا ابوي اكيد بيختار لي نقوه حتى في بنات عمي ماراح يزوجني امحقهن اكيد بيختار لي احسنهن من حيث الاخلاق والجمال ومن كل ناحيه. اي طال عمرج :)

5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟
انا اطيع والديني في مابغوا الا في معصيه الرحمن ((فلا طاعه لمخلوق في معصيه الخالق)) وكذلك في الامور التي فيها مفاسد.

6- هل تـؤيد يالرجـال انك تـآخذ بنت ماتشوفها الا ليلة العـرس .. ولو فيها علـة مـآراح تـدري ..؟!
شوفي مافيه احد يتزوج ما شاف زوجته اقلها لو يشوفها في بطاقتها المدنيه
لانه راح يحتاج اثباتاتها معه في مراجعاته اللي تسبق الزواج ويكفي الرجل من المرءه وجهها
اما سوالف فيها عله اقولج استحاله يتزوج واحد وحده فيها عله ومايدري لان امه او ابوه ماراح يخشون عليه شي اذا في البنت مثلا مرض خلقي من الله يعني لو حولا ماراح يجحدون عليه اهله راح يقولون له وعاد هو عادي يقبلها ولا ما يقبلها
اما انه يتزوج وما يدري عن هذي العله الا ليله العرس اقول هذا محاااااااااااااال محاااااال محاااااااال
واما سالفه النظر وما النظر في وقتنا الحالي انا اكتفي برايه الوالدين والخوات لها وراضي باختيارهم... لان زمنا هذا للاسف قلت فيه الرجوله الواحد يروح يخطب بنت الناس ويجي يشوفها مره ومرتين وثلاث وفي النهايه يقول ما ابيها وياليته يستر على البنت لا يروح يثرثر ويتكلم فيها وهذي بحد ذاتها مشكله ... وادهى وامر لو كان يعرف اخوانها او عيال عما وصار بينهم غشمره ومضاغط يقوم يجيب سيرتها ويضغط اخوانها وعيال عمها فيها وهذا بحد ذاته يجيب مشاكل ما بعدها مشاكل... فمن وجهت نظري اليوم ما عاد يحتاج الحريم يكفون في النظر.
.
.
فاما بالنسبه لي انا شايفها مختارها من زمان السبعتين :p
والسلام ختااااااااام
كان معكم المفكر والكاتب العميل السري 07
.
.
.

:)

[Kenichi]

بسم الله الرحمن الرحيم


الموضوع واقعي جدا ...وانا بدوري اشكر الأخت " المتضاده" على طرحه


...........انا ودي اتكم في هذا الموضوع في كذا شغله...........

فالبدايه احب اذكر ان 99.9% من اللي يعانون من هالمشكله " بدو"

و 0.1% "حضر" ( و ان وجدوا) وهذا من الواقع ايضاً

اختي التضاده الصغيره

"البدو " لو شتسوين فيهم..لو غيرتي كل اطباعهم هالطبع ما يخلونه....

اللي اهو "التدخل" بالزواج... او "حصر" الزواج على بنات من نفس القبيله فقط

....تدرين ليش ما يغيرونها ....

انا بقولج ليش

حتى لو واحد من عيال "البدو" حبله

وحده حب (مثال الحب اللي انت تتكلمين عنه) وتزوجها ..

اسأليه اذا جاته بنت وقوليه بتخليها تتزوج واحد اهي حابته......؟

شراح يقول (لاااااااااااااااااااااااااااااااااااااااااااااااا اااا) واهو مبقق عيونه بعد.!!!

ليش ردة الفعل هذي ...؟؟؟؟

انا اقولج ليش.... " البدوي الحديث " من طبعه انه "يحب يدق الشرف فجأه"

بتقولينلي من وين جبت هالكلام ...؟

هذا من صميم الواقع يا اختي المتضاده....

السبب ان "البدو" هالزمن هذا (واقصد ابنا هذا الجيل بالذات)

عباره عن شخصيات مهزوزه ...."متخبطين" بين دينهم وعاداته و واقعهم

انا اشوف بعد ان السبب يرجع وراء عدم قرأه "البدو" لتاريخهم كله ...انما قامو بقتباس

ما (يوارون به عوراتهم) او بمعنى ثاني خذو اللي يبونه وتلاعبو بالمسميات...

كل اللي قاعدين يسونه انهم يطبقون عادت البدو للي منتهيه صلاحيتها

ونتها معها عمرها الافتراضي بعد.....متناسين ان هناك دين موجود (لحل)

جميع مشاكلهم... واخص هنا... المشاكل المتعلقه بالزواج....

طيب هناك اسئله تطرح نفسها مع هذا الكلام...

لماذا لا يطبق البدو جميع عاداتهم وتقاليدهم بحذفيرها (مره وحده ويفكونا)..؟

لماذا ..يمارسون لعبة الاقتباس (سواء في امور الدين او العادات والتقاليد)...؟

.......ركزي معاي يا اختي المتضاده.......

(انا لا اسبح في سطح الموضوع... انما اغوص في اعماقه )

انا بكوني (ابن هذا البلد) اعاني من هذيه المشكله (الاقتباس) وأرها في كل يوم

....فهل السبب في مشكلة الاقتباس يعود إلى تعلم ابناء البدو

كيفية استخدام برنامج " الوورد"..... ام يعود إلى ان المعلومات المتوفره في كتب

الاجتماعبات والتربيه الاسلاميه "غير كافيه"

ولا شنو السبب بالضبط.....؟



.....وفي الختام............................................ .إليكم الموجز



...قلمي لا يحتوي الحبر في داخله ...انما سائل الصبل.....

فإلى كل من يقرأ درودي (واخص هذا الرد) يجب تصليط "الضوء الاصفر" عند

القراءه كي يتمكن من رؤية ان هناك محتوى اصلاً ..........

ملاحظات إلى الاطفال العابثين والمتضادين

ملاحظه0 : تخصيص البدو في الموضوع قد يفهم عند البعض وعند البعض الاخر فلا

ملاحظه 1: انا لا اخص جميع البدو في هذا الموضوع .

ملاحظه 2: انا لا اقصد الاسأه انتبهو جيداً...واسلوبي لإعطاء الرد حقه فالتأثير

ملاحظه 3: كلمة استخدام برنامج الوورد المقصود فيها

( اندماجهم بالحياه الحديث وسلبياتها)

اما ( المعلومات المتوفره في كتب الاجتماعبات والتربيه الاسلاميه "غير كافيه")

المقصود بها مصادر الثقافه

ملاحظه 4: عند القراه البعض للرد قد يظن اني ابتعدت عن الموضوع كثير

ولاكن البعض قد يرا اني كتبت الموضوع نفسه لاكن بصيغه اخرى....

(ديرو بالكم من ماي البصل ...ترى يحرق العيون)

ملاحظه 5: انا لست مجبرو بكاتبة كل هذه الملاحظات لكن اجبرتني عليه بعض

العقول ها هنا.....


انا آسف الاسف الشديد على الإطاله.......



تقبلي مني يا اخــــتــــي المتضاده الصغيره انت والاخوان (البدو منهم والحضر)

....Kenichi....

[شــمــآلــي]

طيب رسـولنا صلى الله عليه وسـلم .. حـلل ان الـرجال لا جـى يتزوج لازم انه يشوف البنـت ..؟!!

انا على طاري السالفه هاذي بقولج سالفه طريفه حصلت مع واحد من الشماجه (( شمري ))

السالفه: (( صارت هوشه بينه وبين جيرانه وراحو للمخفر والقاضي قال للشمري الرسول وصى بسابع جار .. الشمري : الرسول جيرانه عمر بس الخطاب وعلي والصحابه , انا جاري ردي ))

هههههههههههههههههههههه

عاد أقولج الحين الشباب الله يهداهم تلقينه اذا شاف البنت ما عجبته قال يمه يع هاذي فيها وفيها ويمكن انه يروح يسولف ربعه .. وهذا ما يخافون منه أهل البنت ..

وأبي أذكرلج سالفه في واحد قال لأهل البنت بشوفها وخلوه يشوفها والله وفقهم وملج عليها ..((للحين ما صار العسر )) وقال لأهل البنت أبي أروح انا وياها نختار أغراض البيت وطلعت البنت وياه وهي (( زوجته على سنة الله ورسوله )) وطلع معاها وراحو تمشو و((مسك ايدها )) ولقا البنت ما ترجف ومو مرتبكه (( راح على طول قط البنت على بيت أبوها )) وراح لأهله وقال البنت طاالق..

ما هو ذنب البنت المسكينه ..!!؟

وسوالف كثييره حصلت ...



- هل تـؤيد ان الـولد يحب البنت ويعرف أخلاقها ويـآخذها ؟؟

لا .. لان في شباب ما يحبون حتى يتعرفون على بنات ..
اما اللي يعرف زميله له و يحبها الله يوفقهم

2- هل تـؤيد ان الأب والأم يرفضون هذا الزواج ولماذا ؟؟
نعم .. خوفاً على بنتهم من الكلام والعاداة والتعاليد لا تسمح (( مع ان الشرع والدين يسمح ))

3- هل يهمـك كلام النـآس ؟؟ ولا تسوي اللي مقتنع فيـه ..
نعم .. كثيراً ليس ضعف مني وليس نقص فيني ..
لان من ضمن الناس هذولا أهلك وأقاربك ..
وربما ينقطعون عنك .. و(( يزعلون عليك ))

4- هل تـؤيد يالـرجـآل انك تتزوج على نظـر أبوك .. طيب وين رآآيك أنت ؟؟!! ترا هذي عشـرة عمـر :")

لا .. على قولتج انا اللي باخذ مو أبوي .. بعدين إختيار البنت أهلي اللي بيختارون ..
الحلا والزين تشوفه بصوره للبنت شخصيه ... (( طبعا بدون مكياج )) :)

5- هل تـؤدي هذه المقـوله " طـآعة الـوالدين وآجبه لكن بحـدود المستصـآغ " ..؟

أكيد .. لان مسأله مثل هاذي عشرة عمر مو خرابيط ...


وأشكرج على الموضوع القيم