الزواج .... أبي رايكم

[Love-Me]

الزواج ...

هالايام صار عندنا نوعين من الزواج

الزواج عن طريق الأم
الأم تخطب حق ولدها وحده عمره ماشافها و لا يعرفها
و بيوم الخطوبه يشوفها و اذا عجبته تم الزواج

و النوع الثاني اهو الزواج عن طريق الحب

الولد يحب البنت و تكون بينهم علاقه لمده معينه
و الولد يروح حق امه و يقولها يما انا عاجبتني البنت الفلانيه
و أبي اتزوجها


ابي رايكم اي الزواجين احسن بالنسبه لكم و ليش :)

[لنا عمر ٍ بلياك]

الزواج التقليدي أحسن ..وانا متأكد من هل شي لأنه شفت تجارب ..

ولأسباب عديدة ..


اشكرج لسببين يا الحب .. لأنج كاتبه الموضوع .. ولموضوعج الحلو ..

[Love-Me]

انا رايي بين الاثنين

انثنيهن لهم سلبيات و ايجابيات

انا بصراحه موقادره اقرر اي واحد فيهم افضل

تسلم لنا عمر بلياك على مرورك الحلو

[لنا عمر ٍ بلياك]

صح كلامج فيه سلبيات وايجابيات ..


لكن الواقع يثبت لنا انه التقليدي أفضل بكثير .. وأطول زمنا ً :d


هلا ومرحبا فيج ..

[العميل السري07]

سلام عليكم
اشكرج كل الشكر لان الموضوع مو منقول <<اثروا فيني الشباب اللي ضد المواضيع المنقوله :)
انا احب صراحه الموضوع يكون مكتوب باسلوب صاحب الموضوع
لانه يكون يوصل رساله اللي يبيها صاحب الموضوع بالضبط
.
.
اما عن موضوعج
فانا اقول الزواج التلقيدي احسن
من الزواج اللي عن حب
.
.
.
والاسباب انا اقولج
الحب اللي يسبق الزواج
يكون مندفع على الاخر
فلذلك عندما يتزوج الزوجين اللي كانوا يحبون بعض قبل الزواج
تلقينهم يملون من بعضهم بسرعه
والشواهد على ما اقول كثير حل وانا شخصيا وقفت على اكثر من حاله
ومنها ما انتهى بالطلاق
اما الزواج اللي تقليدي على ما سميتموه
فاهو انفع واصلح لان الولد ما يعرف البنت والبنت كذلك
فعندما يتزوجون راح كل منهم يبدا يطلع محاسنه لثاني
ومنها تبدا الالفه بينهم
ومع الوقت والعشره الطيبه يحبون بعض
بل وتكون حياتهم احسن من حياه اللي تزوجوا عن حب
وراح يكون خبهم اقوى من اي حب
والسبب ان الحب اللي بينهم يستمد قوته من العشره اللي بينهم
اما هذاك فلاااا صدقيني سرعان ما يزول مع الوقت وينتهي
.
.
وصحيح كما قلتم لكلا الزواجين محاسن ومضار ولكن محاسن التلقيدي اكثر من مضاره
وفي الختام.
.
.
الله هو الموفق والميسر في الزواج
.
.
والسلام ختام

[Love-Me]

تسلم ياالعميل السري على ردك

انا معاك بلي قلتله

بس المشكله بهالنوع من الزواج ان بدايته صعبه وايد

يعني اثنين مايعرفون شي عن بعض ينحطون في بيت واحد و يتسكر عليهم الباب

مادري احسها صعبه وايد

انا ماقول ان الزواج عن حب احسن بس كل شي له محاسن و مضار


---------------------------

و بعيد عن هالموضوع

انا اشوف النقل مامنه فايده

و مثل ماقلت حلات الموضوع باسلوب صاحبه

و يعطيك الف عافيه على مرورك

[العميل السري07]

الله يسلمج.
.
.
.
لا مو صعبه
شنو وجه الصعوبه
لانهم ما يعرفون بعض بس ؟؟
انتوا بني ادم وناس كبار مو يهال
حتى اليهال لو جلسوا مع بعض واهم ما يعرفون بعض شوي ولا تلقينهم يلعبون مع بعض
اما انتوا الزوجين كبار وراح يكون التعامل بينهم خاصه واهم في بدايه مشوارهم
راح كل يعامل الاخر بالحسنا
اما اذا المره تبي تقول انا ابي افرض كلمتي عليه ومادري شنو وابيه خاتم بصبعي
انا اقولج هذا معصي والف معصي بسرعه ينتهي لامر
اما اذا احترمت المره زوجها وكانت مطيعه له
لا هذي تنحط فوق الراس
وكما قال الشاعر ::
ان اكرمت الكريم ملكته // وان اكرمت اللئيم تمردا
فما فيه صعوبه يعني راح تواجههم
بل صدقيني راح تكون حياتهم وتوافقهم اكثر من اي شي ثاني
لان كل منهم يبي يرضى الطرف الثاني ويبي ياخذ باللي بخاطره
فالحياه الزوجيه
للي ما يعرفون بعض احسن واجد
ويكفيك ان اقلها
ان الرجل راح يبحث ويستكشف محاسن زوجته واهي نفس الشي
فراح تكون علاقتهم ببعض قوه ومتصله دايم
.
.
وهناك حالات شاذه ونحن لسنا في مجال لمثل هذه الحالات الشاذه
.
.
ولكن يجب على كل من يريد الزواج ان يبحث عن شخص صالح
وليس شخص جميل او لديه ماده ومن هذا القبيل
فالجمال زائل والمال فاني
والباقي حسن الخلق .
.
.
والسلام ختام

[عزتي في شموخي]

"بشكــــل عــــام"

الزواج...وبحالاتـــه الكليـــــه...

لا ينجـــح إذا كـــان التفاهـــم بين الطرفين معدوم...

على كــل أن يلتزم بدوره... كون الرجل رجـــل والمرأه مرأه...

وانـــا استغرب من نقطه تحدث هذه الايــــام...

الزواج عن طريـــق النظر دون معرفة الشخص...وانا اقصد الفتيات...

تراهـــا في حفلــه أو تجمع أو أي مكـــان أعجبتهــــا... من ناحيـــة المظر

انتهـــى... البنـــت مطلوبه للزواج...؟

لما تجاهـــل السؤال عنهـــا وعن أخلاقهــــا ومن تكــــون ومن أيــــن...

بالنهـــايــه يتم الارتبـــاط ... و يتم الحــل بعد فتره...

لأن الخطئ الاســــاسي هو كيفية الاختيــــار...

يعجبنــــي زواج او اختيار الفتـــاه المعروفــه... قدراً وعلماً عند النـــاس...

وجمـــالاً بالتـــااكيد... كون هذا الطلب مطلوب لدى الجميع وبالاصح الاغلبيـــه...

ولا يحتـــاج لذكر حتــــى...

امـــا النـــوع الآخـــر...

جميــــل .. ولكـــن هذا لا يمنع فشل العلاقــــه...

وتحسباً للظروف المستقبليـــه...يجب على من يتبع هذه الخطوه التأكيد

على ثقته بمـــن يريد الارتباط بهـــا...

وبالنسبـــه ... للزواج...

فهـــو مبني على الحـــب والاحترام... واهم عامـــل التفاهـــــم...

والعذر لبعضهـــم البعض... وفي شتى الظروف والحالات...

فأحيـاناً... المرأه تثور.. لسبب من الاسباب ... ذلك يتطلب صبر من الزوج...!
وغالبأً ما يثور الرجــل كونه رجــل وهذه الصفه تأخذ الكثير من ذاته...
كونه والـــد و زوج... يجب ان يكون صارم وحازم في بعض الامـــور...
وإذا ثار... يجب على المرأه تحملـــه...
هذا أقـــل مثــال على الحياة الزوجيـــــه...

"عسى الله يرزقـــج النصيب الصــالح..وفي أي طريقــه"

لكِ شكري عزيزتي..
وتحيــــاتي على موضوع كهذا...

[zytoooona]

صرااحه في هالوقت ماقاام يفرق
يعني ناس تقول التقليدي وناس تقول الحب
اهم شي ان الزواج يكون مبني على الموافقه من قبل اهل المعرس والعرووس

[حلاووووه]

من وجهه نظري أرى ان الزواج المتعارف عليه التقليدي .. افضل نوعا ما

[Love-Me]

وجهات نظركم عى العين و الراس

و بشكل عام الزواج لازم يكون مبني على التفاهم

و مثل ماقلتوا اهم شي حسن الاخلاق و المعامله الزينه

تسلمون على اهتمامكم

و يعطيكم الف عافيه

[كويتي قديم]

الله يذكرك بالخير يا فيلق.....

والله مكانك فاضي...

صحيح كنت عدو لي بمواطن وصديق لي بمواطن..وصحيح انك نتعتني "بالهياط" بس كما قالت العرب"عدو عاقل خير من صديق جاهل"........!!!!


اما عن موضوعك...فزواج هو الزواج

[HoNeY RoSe]

الزواج واحد ( تقلييدي _ وحب)

واثنيهم لهم سلبياتهم .. ولهم ايجابياتهم ..

وبالنهاية كل شي قسمه ونصيب
يعنيي فيي ناس تزوجو زواج تقليدي ونجحوا وفيهم فشلوا
وهم زواج الحب منهم من نجح ومنهم من فشل

وهذا كله يعتمد على الزوجين

^_^

مشكور اخوي ع الموضوع

[صمت الخواطر]

فيلق يسلم عليكم ويقولكم نبي كيس خبز اذا ممكن ....:)

كويتي فيلق يقولك ما عليك راجع بقوه .... سوف يكسر غضبان السجن لياتي مزمجرا على البعض ,...

على العموم موضوع الزواج هذا .... موضوع طويل عريض واعتقد ان يبيله ناس تفتهم تناقشه ليس بعض الثله الذين ينتمون الى ازقة المارينا وربعهم ...:)

[دنووش]

مساء الخير ع الجميع ..

موضوع معقد ..بس اعتقد ان الشخص يختلف تفكيره من مرحله لمرحله من عمره ..
اولا شي معروف وطبيعي ان الزواج قسمه ونصيب ..

ثانيا انا كنت اعتبر بيوم من الايام انو الزواج عن طريق الحب افضل ..يمكن لاني كنت احب وقتها وكنت اتمنى هالانسان يكمل معاي طريق حياتي ونعيش ع الحلوه والمره ..ولان الزواج بعد الحب يكون جدا مفرح ..يعني احساس غير ,,
بس لما كبرت تغيرت عندي الامور ..صرت استصعب استمرار علاقه زواج بعد الحب ..نظرا للارقام اللي نشوفها في حالات الفشل ..غير كذا الزواج التقليدي افضل من ناحيه انو شخص ماتعرفينه ..وتعرفينه خلاص كزوج ..ومع الوقت راح يجي الحب ..

في الحاله افضل تطول فتره الملكه عشان الشخصين يعرفون بعض اذا يستمرون او لا ..

يعني التقليدي افضل ..غير كذا نظره الشاب الشرقي للبنت انها تعرفه من قبل فراح تعرف غيري وانا معاها ..هذي نظرة الشباب السعودي ..مادري عندكم زينا ام لا !!

وبس ..



تح تح ..<<اختصار تحيااتي ..احفظوها
(؛