هـل تتزوج أيها الرجـل فتاة تكتب في الشات..؟!!

[كـلـي غـلا]

السـلام عليـّكم ورحمـة الله ..

مووضوع أعجبني ووضعت عليه بعض الإضافات من قبـلي ..!!

نحن الآن في عصر التكنولوجيا

الحديثة ولاشك أن الأنترنت

يعد وسيلة من أهم وسائل الإتصال وتبادل المعلومات والأفكار

وهو سلاح ذو حدين فمن خلاله نجني الفائدة ومن خلاله أيضاً قد ندمر أنفسنا

كثيرا من الشباب والبنات استهواهم الانترنت البعض منهم للفائدة والأغلبية

منهم لتضيع الوقت على سبيل

التسليه ومنهم من يتعرف على فتاه أو هي تتعرف على شاب وبعد فتره

تتطور العلاقه لإعجاب ثم حب ...

الخلاصه من هالكـلام كله ..؟!

الشات = ؟؟!!

بالنسبه لـي أنا الشات " مرض " ..!!؟
يتكلمون يتكلمون طيب لي متى ..!!

والمنتديات ..!!
المنتـديات وسيـلة أفضل للتعبيـر بمواضيع تعود بالنفـع عليـّناا ..

هذه هي نظـرتي ..

أرجوأن يعبر كل واحد عن رأيه بصدق وبوضوح وبدون مجاملات ..!!

وبالنسبه للتسـآؤلات اللي بطرحها للجميع بنات / شباب ..!!

هل تتزوج بفتاة تكتب بالمنتديات ؟؟؟

وهل تتزوج بمن تحادث بالشات ؟؟؟


وعبـّرو على راحتــكم ..!!

آنسـه ذوق

[بوقلبين]

يعطيج العافية
كل الذوق على الموضوع
بالفعل يحتاج نقاش

بقول رايي والله بستر من عواقبها ...

انا رأيي الشخصي الشخصي ارفض الزواج من وحده اتكلم او تكتب بالشات وتغسل ايدها مره
ومن وجهة نظري ايضا ان البنت اللي تكتب بالشات حالها حال البنت اللي تقعد مع شباب قعده بريئه بدون لمس طبعا
يعني تخيل انك بتزوج وحده كانت تقعد مع ربعك بالدوانية يوميا ...اتزوجها !!
مستحيل طبعا

كل الشكر الذوق
هذا رأي شخصي غير مقصود فيه لا عضو ولا عضوه من منتدى كويت 777 :)

[كـلـي غـلا]

شكرا على رايك اخوي ..

بالنسبه لي

لكن هناك فرق بين فتاة تكتب بالشات ..!!؟ الذي لا يوجد به احترام ..

اما المنتديات مفروض فيها الاحترام وواجب ..!!


..

يعني انت دمجت الي تكتب بالمنتديات وبالشات ؟!!

ولا شلون ..؟

[بوقلبين]

عدنا

انا مادمجت ولا ذكرت المنتديات نهائيا انا ذكرت الشات
واذا في منتديات غير محترمه ينطبق عليها نفس اللي ينطبق على الشات
أي حوار غير اخلاقي بين البنت ورجل غريب او محرم عليها يجعل الشاب يبتعد عنها ولا يتقدم لخطبتها

واكبر دليل وجود اسماء مستعاره كنوع من الساتر وحماية البنت او الشاب من الوقوع في خطأ يلازمه ومن الممكن ان يعيق الزواج ويصبح كالشرخ في الجدار

لذلك انا احترم البنت اللي تحاول قدر المستطاع ان تكون هويتها مجهوله في تعاملها مع اصدقاء النت بشكل عام
مع البنات او مع الشباب
لكن للأسف الشديد حاليا الحوارات والعلاقات تتطور بسرعه وبنفس السرعه
البنت تكشف عن نفسها واهلها وتصبح معروفه
وهذا من اسباب رفض الزواج

[عنوسه ^_~ ماتهاب]

يعطيج الف عافيه انسه ذوق وكل الشكر لج

علي الطرح
واترك الراي للشباب
لان السؤال الموجهه لهم

وكنت افضل سؤال باخر الموضوع

هم شنو راي البنت بالولد الي يكتب بالشات
او هل تقبل فيه زوج ؟


او او لان هم اهو بعد يدخل الشاش ليش كل العبئ ع الفتاه

مو علي الولد بعد

لازم ناخذ راي الطرفين


::



وانا من وجهت نظري

وبصدد التدهور قصدي التطور الحاصل الحين


صار الشات شي بسيط
لما نقيسه للبلاوي الي بره يمرون فيها البنات او الشباب


ولكن انا عنيد قناعه


ان الزين زين بكل مكان

وهالشي مقتنعه فيه منذ مبطي
ولا احب اغيره
فـ الانسان او الانسانه الزينه

لو قعد ببركه وحل

بيظل زين

والشين لو قفلت عليه سب ابواب بيظل جوهره شين


فـ انا لا احكم علي لا رجل ولا مره من خلال
دخوله الشات او النت او المنتدي او الماسنجر

انا احكم علي الانسان من مدي تفكيره وعقله


واهو شنو من داخل

وشنو يتحويه

لان هذا اهو المقياس الحقيقي للشخض


وكل الشكر لج

فديتج

[HITLER]

السلام عليكم

يعطيج العافيه اختي كل الذوق

واما بخصوص اسالتج عليها


دخول البنت الشات بشكل عام خطأ

بس في بنات على نياتهم ( اثواله ازياده عن اللزوم )

ومو قصدهم وصخ


بس الاغلبيه قصدهم شين .. والشين يجر الزين


ما اقول بنات الشات او البنات الي يدشون الشات مو زينين .. واقول بعدين الي يدشون المنتديات خوش بنات


منتدانا ومنتديات اخره .. فيها بنات طاقين الشرف .. وفي بنات يدشون الشات اشرف منهم بألف مره

يعني الظليمه شينه ... اما اتزوج او لا

ببساطه اقولج .. ما ادري .. ما عندي خبر .. لان الزواج قسمه ونصيب والي بالجدر يطلعه الملاس



سلاااام

[Q8_N]

هل تتزوج بفتاة تكتب بالمنتديات ؟؟؟
مستحيل اتزوج من وحده ما شفتها .... يعني بالمنتدى العلاقة اللي بيني وبينهم بس واقفه علـى تـبادل وجهات النظر والاستفادة من بعض اما الزواج شي ثاني... والزواج لازم المعرفة بين الاثنين اتكون موجوده مو بس بالنت ..


وهل تتزوج بمن تحادث بالشات ؟؟؟
ما اعتقد ان بيكون في زواج بالشات ,,, لان الشات اساسا يعتبر اضاعه للوقت والبنت والولد يروحون للشات لسبب واحد واهو اضاعة الوقت مثل ما قلت ..يعني الزواج شغلة كبيرة ومو لعبة


وشــاكـرلـج علــى هالموضـوع ...

[قـمـر]

اعتقد اللي بيتزوج

عنده اهل يختارون له يكون احسن


والنصيب هو اللي بتشوفه العين


ومو كل البنات مو محترمات


لو خليت خربت !


يعطيك العافيه عالسؤؤؤؤؤؤال الحلو مثلك

اختك

قمرررررر

[كـلـي غـلا]

بـوقلبين ..

شكرا اخوي على رايك وردك ..

:")

[كـلـي غـلا]

عنوسه

فديتج وفديت رايج ..

صادقه حبيبتي ..

نورتي

[كـلـي غـلا]

هتلر

فعلا

اللي بالجدر يطلعه الملاس ..

شكرا اخوي على رايك وردك

[كـلـي غـلا]

q8_n

تسـلم أخوي على رايك وردك

[كـلـي غـلا]

قمــرر

تسـلمين على رايك وردك ياعسـل

[*TanTosHa*]

ممكن يكون دخولها للشات محرد فضول وبس ,,

ومثل ما قالو مو كل البنات مو محترمات ..

والزين يبين من اهله ..

يعــطيج العافيه

وما قصــرتي ..

^_^

[فـــااارس]

يسلمووووووو الذوووق كله

أنااا رأى بأختصااار النت عامه وسيلة اتصال + ترفيه والمحترمه تفرض احترامها غصب على الكل بأسلوبها وطريقتهاا

ان كان بالنت أو العمل أو التسوق الخ ...

والزواج لايرتبط فقط ان كانت شغلة نت ( اقصد كل شئ بالنت من منتديات وشات الخ... )

الحسب والنسب والسمعه شغلات مهمه بعد

كثير ممن يتزوجون مغرمون بالنت حاليا من الجنسين وأنا شخصيااا أشوف انها شغله عااديه جدااا


ودمتم سااااااالمين