أكيد مجنون

[شوفو شموخي]

للأسف هذي اول كلمه تبادر للذهن لما نعرف انه شخص راح لدكتور نفسي طبعا هالفكره راسخه ومتوارثه مع ان الانسان وكل شخص قد يحتاج في يوم انه يلجا للطب النفسي وهذا لاعيب ولاحرام لانه في مرحله يكون الانسان عاجز عن فهم مشاعره احيانا تكون مشتته ويحتاج لاحد يدله للطريق الصحيح هذا اذا لحق نفسه قبل ماتدهور حالته وتوصل للادويه وجلسات الكهرباء وللي يعتبرون التقصير في الدين سبب رايهم على راسي بس ياما فيه ناس صالحين وبعد تعبانين يعني هذه كيميائيه في المخ تتأثر بامور الحياه وتقبل الناس لمصايب الدنيا تختلف وقدرتهم على الصبر بعد تختلف وهذا يرجع للشخصيه والتربيه اكيد القرب من الله يبعد الضيقه هذا شي مفروغ منه بس الله حث على العلم والاطباء ربي حطهم سبب عشان يحلون مشاكل البشر يعني الخوف من الادمان ع الادويه النفسيه هذه فكره مغلوطه والحرج انه الواحد يروح او يعترف انه قد راح للعياده النفسيه هذا هو الجهل بعينه يعني مو كل ماصار شي قلنا سحر وعين نعم موجوده بس الامراض النفسيه بعد موجوده بعضها تكون بسبب معروف مثل فقد انسان غالي وهذه تبرى مع الزمن ونعمة النسيان بس اللي مايستهان فيه فقد الاحساس بمتعة الحياه مع توفر كل الظروف ا للي تخلي الواحد على الاقل مرتاح مولازم يكون مبسوط انا ابدى بنفسي واعترف انا رحت لدكتور نفسي وانا مراهقه وبعد ولادة بنتي تحسن وضعي كثير والحين افكر اني اروح مره ثانيه لاني تجيني احاسيس متكرره بالاحباط والبكاء بدون سبب مع انه زوجي رائع واولادي الحمدلله قدام عيني الله يجعلهم قرة عين لي ولي صديقه اغلا من الغلا كله ورغم كل هذا اتعب اسفه طولت عليكم بس والله يهمني اي احد يحس مثلي لايهمل نفسه

[*TanTosHa*]

السلام عليكم ورحمه الله وبركاته ..

عدل كلامج أختي ..

الانسان دايما يمر بحالات احباط ..حزن ..ألم ..وساعات ما يقدر يسيطر على هذي المشاعر ..وممكن تزيد حالته الى الأسوأ اذا ما راجع طبيب نفسي ..

ومثل ما قلتي شي عادي انه نروح لطبيب نفسي ..لانه البعض يظن انه الانسان الى يلجأ الى طبيب النفسي هو مجنـــــــــون ..
وهذي وجهت نظر خاطئه ومتخلفه ...!

لانه الانسان نفسه يحتاج بعض الاحيان الى علاج نفسي ..
خاصه اذا كان مار بظروف صعبه ..الي خلته يفقد السيطرة والتحكم بانفعالاته ومشاعره ..

نصيحتي لجــ ..
انج تزورين طبيب نفسي عشان يساعدج والله يشفيج ان شاء الله ..
..

ويعطيج العافيه وما قصرتي ..

^_^

[فـــااارس]

انشاءالله تتغير النظره الغلط عند النااااس


يسلموووووووو

[شــمــآلــي]

محتاجك الليله , من أول موضوع لكي أعجبت فيه لانك فعلا تكتيب مشاكل قله من القلائل اللي يكتبون عنها ...

وانا يا أختي محتاجك أمي تعاني من (( ضيقه )) ودائما تبكي وتقول انا خائفه من كل شي ...

و إزدادت عليها بعد خروجها من عمليه بسيطه ...

ودائماً توسوس وتفكر في كل شي ...

ودائماً تقول انا قصرت في حقكم وانا وانا وتبكي ...

ولا أعرف ما هو مشكلتها بالضبط ...

أما عن الطبيب النفساني ,,,

فالله سبحانه وتعالى خلق الجهاز العصبي كما خلق الجهاز الهضمي والجهاز التنفسي , والجهاز العصبي يمرض كباقي ألأجهزه ويتعالج في الطبيب , ولكن الناس ما عليهم الا الظاهر ,,,

تقبلي إعجابي ....

تحياتي لج ...

[بوقلبين]

بصراحه انا اايد فكرة زيارت الطبيب النفسي بس يكون خاص وعياده
بس مستشفى المجانين مال الحكومه لا والله انا اذا مريت من عنده تصيبني رعشه
...يعني انسى ادشه احس اذا دشيت ما اطلع
والله ترا هذا احساس مو ضحك
بس عياده خاصه اي اروح ماعندي اي مشكله ولا اهتم بكلام الناس

محتاجك الليله كل الشكر على الطرح الراقي والصريح

[نـ ألعشره ـأكر]

الكل يعتقد انه الى يرووح للدكتوور نفسانى

يكوون ميوون ولا فيه شى هذا النقطه الى تنحط عليها خطين

يعنى لا هى عيب ولا حرام الى يروح لدكتوور نفسانى مافيها شى

وتسلمين على الموضوع الحسااس

[DaNa :)]

تسلم ايدج حبيبتي على هالموضوع :)

وآنه عن نفسي أأيد كلامج 100% :)

بالعكس شي حلو أن الواحد يراجع طبيب نفسي بين فتره وفتره ..

بس مثل ما قلتي أن بمجتمعنا ننظر حق هالواحد إنه مينون :/

ولو صار هالشي طبيعي والمجتمع تقبل هالفكره آنه متأكده أن 99% ن الناس راح يرتاحون :)

وشكرا :)